Komodo

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Komodo nan sadang bajamua

Komodo atau juo disabuik biawak komodo (Varanus komodoensis), adolah spesies biawak gadang nan ado di Pulau Komodo, Rinca, Flores, Gili Motang, jo Gili Dasami di Nusa Tenggara Timur, Indonesia.[1][2] Biawak iko dek panduduak asli pulau Komodo juo disabuik ora.[3]

Komodo marupoan spesies paliang gadang dari familia Varanidae sakaligus kadal paliang gadang di dunia, dengan rato-rato panjang 2-3 meter dan bareknyo bisa mancapai 100 kg. Komodo marupoan pamangsa puncak di habitatnyo dek sajauh iko indak dikatahui adonya hewan karnivora gadang lain salain biawak iko di subarang geografisnyo.[4][5][6]

Anatomi jo morfologi[suntiang | suntiang sumber]

Kulik komodo
Kaki jo ikua komodo

Komodo lia dewasa biasonyo punyo barek sakitar 70 kg,[7] tapi komodo nan dipaliharo di panangkaran acok bana punyo bobot nan labiah barek. Spesimen lia paliang gadang nan pernah basobok panjangnyo mancapai 3.13 meter jo barek sakitar 166 kg, tamasuak barek makanan nan alun dicerna di dalam paruiknyo.[8]

Komodo punyo ikua nan samo panjang jo tubuhnyo. Meskipun komodo tacataik sabagai kadal paliang gadang di dunia, tapi inyo bukan spesies nan paliang panjang. Reputasi panjang tubuh (indak tamasuak barek badan) dipacik dek biawak Papua (Varanus salvadorii).[9]

Komodo jantan labiah gadang daripado komodo betino, dengan rono kulik dari abu-abu galok sampai sirah batu bata, samentaro komodo betino biasonyo barono hijau kacokelatan jo punyo bercak ketek kuniang pado tanggorokannyo. Komodo mudo labiah bavariasi rononyo, mulai dari rono kuning, hijau, jo putih dengan latar balakang hitam.[10]

Di dalam muluik komodo dewasa, terdapat sakitar 60 buah gigi nan bagerigi tajam sapanjang sakitar 2.5 cm, nan acok talapeh atau ditanggaan.[10][11] Komodo punyo lidah nan panjang, barono kuniang kacokelatan jo bacabang.[8] Aia liur komodo marupoan salah coel hal nan acok dibicaroan banyak urang dek kabanyakan urang manganggapnyo beracun takah bisa ular atau kadal baracun, bahkan dianggap indak ado ubeknyo, apokah untuak mancagah maupun manetralkan racun tersebut. Walau baitu, hal iko manjadi sangketo panjang di antaro para ahli hewan di dunia.[12]

Rujuakan[suntiang | suntiang sumber]

  1. "Varanus komodoensis". Integrated Taxonomic Information System. 19 Juni. 
  2. Trooper Walsh; Murphy, James Jerome; Claudio Ciofi; Colomba De LA Panouse (2002). Komodo Dragons: Biology and Conservation (Zoo and Aquarium Biology and Conservation Series). Washington, D.C: Smithsonian Books. ISBN 1-58834-073-2. https://archive.org/details/komododragonsbio0000unse. 
  3. Endangered! Ora URL diakses pada 15 Januari 2007.
  4. Chris Mattison, (1989 & 1992). Lizards of the World (Of the World). New York: Facts on File. pp. pp. 16, 57, 99, 175. ISBN 0-8160-5716-8. 
  5. Burness G, Diamond J, Flannery T (2001). "Dinosaurs, dragons, and dwarfs: the evolution of maximal body size". Proc Natl Acad Sci U S A. 98 (25): 14518–23. PMID 11724953. 
  6. Tim Halliday (Editor), Kraig Adler (Editor) (2002). Firefly Encyclopedia of Reptiles and Amphibians. Hove: Firefly Books Ltd. pp. 112, 113, 144, 147, 168, 169. ISBN 1-55297-613-0. https://archive.org/details/fireflyencyclope0000unse_p6l7. 
  7. Burnie, David (2001). Animal. New York, New York: DK Publishing, Inc.. pp. 417, 420. ISBN 0-7894-7764-5. 
  8. a b Ciofi, Claudia. The Komodo Dragon. Scientific American, Maret 1999. URL diakses pada 21 Desember 2006
  9. "Komodo Dragon - An Information Resource - Fact Sheet". Diakses tanggal 2008-03-13. 
  10. a b Tara Darling (Illustrator). Komodo Dragon: On Location (Darling, Kathy. on Location.). Lothrop, Lee and Shepard Books. ISBN 0-688-13777-6. 
  11. Whozoo Komodo Dragon. Diakses pado 21 Desember 2006.
  12. Komodo Dragon. Diakses pado 21 Desember 2006.