Babako

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Arak bako

Babako marupuoan tahapan dalam acara baralek dalam masyarakaik Minangkabau. Acara babako ko diadoan dek pihak kaluarga ayah anak daro. Babako marupoan bantuak gotong royong dalam managak an alek. Dek musabab kaluarga ayah (bako) mambalian barang antaran untuak anak pisangnyo (calon anak daro). Barang antaran ko umumnyo adolah barang nan dibutuahan dek anak daro. Barang ko disusun diateh talam-talam, barang tu sarupo ameh, pakaian, lauak pauak untuak alek baiak nan masi mantah atau nan alah di masak, kue gadang, jo sabagainyo. Babako manunjuak an bantuak kasih sayang bako ka anak pisangnyo.[1][2]

Sadangkan Bako adolah tali kakerabatan induak bako jo anak pisang maupoan hubungan antaro sauang anak jo saudara padusi abaknyo atau hubungan anak saudara laki-laki jo saudara laki-laki lainnyo.[3]

Indak hanyo kutiko baralek, babako juo disabuik jo mancaliak anak atau anak dicaliak bakonyo. Iko ko diadoan kutiko anak baru lahia atau labiah kurang baumua sakitar 40 ari, pado tu anak dijampuik dek bakonyo sambia dibaok an bareh, pisang, taranak, jo batang karambia yang ka ka ditanam. Manuruik asa mulo katonyo, kato bako atau baki yang dibaok dek pihak bako, manjadi lambang ekonomi jo tacukuiknyo kabutuhan iduik.[4][5]

Rangkaian acara babako[suntiang | suntiang sumber]

Persiapan[suntiang | suntiang sumber]

Nan paliang utamo dalam malaksanoan acara babako yaitu ditahap parsiapan. Induak bako mulai mangumpuan sado sanak untuak mampasiapan apo-apo nan ka dibaok untuak mancaliak anak pisang nan ka baralek. Biasonyo yang paliang utamo disiapan adolah makanan nan akan dibaok ka rumah anak pisang nan baralek.[6]

Arak-arak an[suntiang | suntiang sumber]

Arak-arak an mambaok jamba

Satalah sudah bakumpua sadonyo rombongan ajan pai ka rumah pangantin jo bajalan basamo. Tapo apobilo rumahnyo bajarak lumayan jauah dari anak daro mako dipakai kandaraan umum, arak-arak dilakukan kutiko ampia dakek di rumah anak daro. satalah sampai di rumah marapulai rombingan induak bako dari anak daro akan disambuik dek pihak kaluarga maapulai untuak manyarahan baban. Baban nan dimakasuik adolah jamba.[6]

Makan basamo[suntiang | suntiang sumber]

Sasudah panyaahan baban atau pambaok an dari kaluarga bako, diadoan makan basamo. Selanjutnya setelah penyerahan baban adalah makan basamo, saat baban diserahkan semua rombongan beserta anak daro akan 10 disilakan duduk oleh ibu marapulai di ruangan yang telah disediakan pula makanan kepada rombongan induak bako dari anak daro. Rombongan yang mengantarnya akan makan basamo.[6] Kini ko arak-arak bako jo dilakuan jo manggunoan bendi.[7]

Batuka baban[suntiang | suntiang sumber]

Rangkaian acara salanjuiknyo adolah pambaleh baban atau patukaaan. Pambaleh baban iko dilakuan dek pihak kaluarga marapulai jo maagiah balasan ateh baban nan dibaok an kapado mereka sebagai bantuak balasan sari isi dulang makanan alah dibaok. Salaph malakuan pambalehan baban mako rombongan induak bako dari anak daro akan bapamitan pulang sabalun pulang salah sorang yang dituoan dari rombongan induak bako dari anak daro akan berpamitan kepada ibu marapulai. Acara babako ditujuan untuak mancaliak an kasih sayang taadok anak pisang jo mamboaok macam makanan juo manjago silaturahmi.[6][8]

Mambakoi anak[suntiang | suntiang sumber]

Baralek mambakoi atau alek mambakoi anak adolah maadoan samacam alek nan mariah ado pulo nan sampai mamotong jawi untuak panyatoan rasmi pado masyarakaik banyak jikok nan dibakoan tu alah punyo bako. Sacaro sosialnyo, mulai dari alek babako tu ado tajalin ikek an lahia bathin antaro anak jo pihak kaluarga bakonyo. Alek iko biasonyo nan disabuik jo turun mandi atau ado pulo nan mangecek mambadak an anak.[9]

Indah hanyo itu, acara babako dilaksanaan pulo dalam acara sunaik rasu. Dalam acara turun bako, anak dibaok ka rumah bakonyo talabiah dahulu. Di rumah bako, si anak akan disambuik dek sanak saudara ayahnyo, lalu dilakek an pakaian marapulai. Salapeh mamakai pakaian, si anak nan ka basunaik dibaok ka rumah induaknyo jo diarak-arak jo hadiah nan manjadi paragiahan bakonyo. Hadiah ko barupo sapeda, ameh, jo jinih kue-kue. Satibo di rumah induaknyo, mako tanggung jawek bako bisa dikatoan salasai.[10]

Baban nan dibaok induak bako[suntiang | suntiang sumber]

Paragede dalam acara babako malambangan kaidupan rumah tangga

Paragiah atau hadiah yang diabok dek pihak bako dinamoan baban. Baban yang dibaok yaitu Makanan nan dibaok dalam acara babako masiang-masiang daerah babeda jo daerah lainnyp. Salah satu di Kacamatan Pakan Rabaa nan mambaok macam jenis makanan adat yaitu nasi 11 kuning, randang dagiang, singgang ayam, sumur ayam, pangek kacang panjang, paragede kentang, pangek pisang, kue kering, kue hias, limpiang dan pinyaram. Sado makanan nan dibaok jo jumlah nan alah ditantuan.

Samantaro itu alaik nan digunoan dalam mambok makanan yaitu dulang. Nasi kuniang disusun di ateh dulang. Samba disusun di ateh cambuang sabanyak 17 ditata di baki yang sudah dialasi jo kain rendo. Nasi kuning ditata di dulang jo ditutuik manggunoan daun pisang kudian baru dibungkuih jo kain panjang. Salapeh makanan salasia di tata, maka makanan dibaok ka rumah marapilai jo dijujuang jo kapalo.

Salain makanan, barang nan manjadi pambaok an bako pado acara babako adolah siriah langkok dalam carano, pakaian bisa barupo bahan pakaian atau baju nan alah dijaik, salimuik, ameh, jo bahan mantah nan dipakai di dapua. Bahan dapua ko bisa bareh, karambia, binatang ternak sarupo ayam, kambiang atau kabau.[8]

Makna yang terkandung dalam makanan[suntiang | suntiang sumber]

Makna nan takanduang dari makanan adaik nan dibaok saat acara babako antaro lain nasi kuniang malambangkan kasucian anak daro jo marapulai. Sadangkan singgang ayam malambangan anak daro alah disarahan sautuahnyo kapado pasangan iduik nan alah dipilianyo. Randang dagiang malambangan niniak mamak nan dituoan dalam adaik nagari, paragede kantang malambangan sabuah harapan untuak manamuan kato mufakaik dalam sabuah kaluarga, kue hias malambangan kaidupan nan barasai istiadaik, limpiang malambangkan anak daro jo pinyaram malambangan marapulai.[8]

Kato pasambahan babako[suntiang | suntiang sumber]

Dalam acara babako ado pulo pasambahan yang disampaian dek bako pada kamanakannyo. Barikuik ko contoh kalimaik pasambahan:[11]

"Karano lah dapek kato ciek bana sabuah ateh namo bapak dengan mandeh, kok manyilau anak, sabalunnyo kami carian aie agak sagaluang, api sapuntuang, lalu bakumpua-kumpua kami, dikumpuan pitih agak sagadang sakepeang, kok balabiah dibalian ka nan gadang kok ndak sampai, dibalian ka nan ketek kok balabiah, dibalian ka anak bilalang, anak jawi dinamokan, kok balabiah pitih dari pambalian jawi, dibalikan baju nan sahalai kok kain nan sacabiak, barang agak sagilie, kok baagiah ka anak pitolong ka nan pangka, untuang manjadi safaat dek anak".

Makna dari sabagian isi pasambahan itu manjalehan apo sako nan dibaok dek induak bako ka tampek anak pisang. Dalam pasambahan ko pihak bako maagiah anak jawi sabagai hadiah untuak anaj pisangnyo. Jawi ko diagiahan dalam pasambahan disabui anak bilalang sabagai kato kieh dalam pasambahan tasabuik. Panggunoan bahaso di dalam pasambahan nan tinggi maknyanyo disampaian jo caro manyusun hari jo maangkek tangan.[11]

Rujuakan[suntiang | suntiang sumber]

  1. "Babako Babaki". 
  2. "Gubernur "Baralek Gadang" Trotoar Jalan Sudirman Penuh dengan Papan Bunga Ucapan Selamat". Semangat News (dalam bahasa Indonesia). 2020-01-05. Diakses tanggal 2020-12-26. 
  3. AA, Navis (1984). Alam Takambang Jadi Guru, Adat dan Kebudayaan Minangkabau. Jakarta: PT. Mutiara Sumber Widya. 
  4. "Merawat Budaya dari Usia Dini". www.harianhaluan.com. Diakses tanggal 2020-08-22. 
  5. Agency, ANTARA News. "TRADISI BABAKO". Antara News Sumbar. Diakses tanggal 2020-12-26. 
  6. a b c d Rini Erlina. "TINJAUAN TENTANG MAKANAN ADAT YANG DIBAWA PADA ACARA BABAKO DI NAGARI PAKAN RABAA". unp.ac.id. UNP. Diakses tanggal 26 Desember 2020. 
  7. Zahri, Imam Sholihat (2020-11-07). "Arak-arakan BABAKO Menggunakan Bendi Meriahkan Baralek Ibrahim Irwan". Semangat News (dalam bahasa Indonesia). Diakses tanggal 2020-12-26. 
  8. a b c dan Kasim, Basir (1997). Tata Cara PerkawinanAdatIstiadatMinangkabau. Padang: EllyKasim Collection. 
  9. Upacara Turun Mandi Anak Secara Tradisional Minangkabau di Daerah Sumatera Barat. Jakarta: Departemen Pendidikan dan Kebudayaan Dirjen Kebudayaan. 1 Juni 1987. pp. 49. 
  10. "Adat Minangkabau: Hubungan Anak dengan Keluarga Ayah "Babako"". Cendana News (dalam bahasa Indonesia). 2017-02-21. Diakses tanggal 2020-12-26. 
  11. a b Al Hafid (21 April 2020). "Sejarah Pemberian Anak Jawi kepada Anak Bako dalam Upacara Perkawinan di Padang Pariaman". Diakses tanggal 21 Desember 2020.