Irak

Wikipedia Minangkabau - Lubuak aka tapian ilimu
Republik Irak

جمهورية العـراق
Jumhūriyyat al-‘Irāq (Arab)
كۆماری عێراق
Komar-i ‘Êraq (Kurdi)
Bandera Irak
Bandera
{{{coat_alt}}}
Lambang
Semboyanالله أكبر
Allahu Akbar
(Arab: "Allah Maha Basa")
Lokasi Irak
Lokasi Irak
Ibu kota
Bagdad
Bahaso resmiArab jo Kurdi
PamarintahanRepublik parlementer
• Presiden
Fuad Masum
Ayad Allawi, Nouri al-Maliki, jo Usama al-Nujayfi
Haider al-Abadi
Legislatifمجلس النواب
Majlis an-Nuwwāb
Kamerdekaan 
• Aia (%)
1,1
Populasi
 - Pakiroan 2014
36.004.552[1][2] (36)
PDB (KKB)2015
 - Total
$522.700 miliar[3] (37)
$14.571[3] (85)
PDB (nominal)2015
 - Total
$240.006 miliar[3] (47)
$6.491[3] (88)
Gini (2007)30,9 (sadang)[4]
Error: Invalid Gini value
IPM (2013)Steady 0,642[5]
Error: Invalid HDI value · 120
Mato uangDinar Irak (د.ع)
(IQD)
Zona wakatuWakatu Standar Arab
(UTC+3)
Lajua kamudisuok
Kode telepon+964
Kode ISO 3166IQ
Ranah Internet.iq dan عراق.

Republik Irak (namo lokal: Al Jumhuriyah al Iraqiyah - namo lokal singkek: Al Iraq [6] (Arab: About this sound العراق , Turki: Irak, Kurdi: عيَراق), adolah sabuah nagara di Timur Tengah atau Asia Baraik Daya, nan maliputi sabagian tagadang daerah Mesopotamia sarato ujuang barat lauik dari Pagununagan Zagros jo bagian timur dari Gurun Suriah. Nagaro iko babatasan jo Kuwait jo Arab Saudi di selatan, Yordania di barat, Suriah di barat lauik, Turki di utara, dan Iran di timur. Irak mampunyoi bagian nan sangaik sampik dari garih pantai di Umm Qashr di Taluak Persia.

Irak mampunyoi sajarah nan kayo. Kini Irak tamasuak nagara bakambang di tangah-tangah parang sudaro.

Namo[suntiang | suntiang sumber]

Ado babarapo pandapek tantang asa usua namo Irak; - satu di antaronyo barasa dari kota Uruk (atau Erech) dari maso Karajaan Sumer. Pandapek lainnyo mengatoan baso Irak[7] barasa dari bahaso Aram, nan baarti "tanah sapanjang tapian sungai." Pendapek lainnyo mangatoan baso Irak adolah sabuah rujuakan kapado aka pohon palma, karano jumlahnyo banyak bana di nagara itu.

Di bawah Dinasti Sassanid Persia, ado wilayah nan dinamoi "Erak Arabi" nan marujuak ka bagian dari wilayah barat daya Kakaisaran Persia, nan kini marupoan bagian dari Irak selatan. Al-Iraq adolah namo nan digunoan dek urang-urang Arab surang untuak daerah iko sajak abaik ka-6.

Sajarah[suntiang | suntiang sumber]

Sajarah kuno[suntiang | suntiang sumber]

Bagian ateh dari stela aturan hukum Hammurabi.

Sacaro historis Irak dikenal sabagai Mesopotamia, nan sacaro harafiah baarti "di antaro duo sungai " dalam bahaso Yunani. Tanah iko manjadi tampek kalahiran paradaban partamo dunia nan dikenal, budayo Sumeria, diikuiki jo budayo Akkadia, Babilonia jo Asyur nan pangaruahnyo maluas ka daerah-daerah tatangganyo sajak sakitar 5000 SM. Paradaban-paradaban iko manghasiaan tulisan tatuo jo sabagian dari ilmu pengetahuan, matematika, hukum jo filsafat nan partamo di dunia, hinggo manjadian wilayah iko pusek dari apo nan umumnyo dikenal sabagai "Buaian Paradaban". Paradaban Mesopotamia kuno mandominasi paradaban-peradaban lainnyo pado zamannyo.

Pado abad ka-6 SM, wilayah iko manjadi bagian dari Kakaisaran Persia di bawah Koresy Agung salamo hampia 4 abad, sebalun ditakluakan dek Alexander Agung jo tatap barado di bawah kakuasaan Kerajaan Makedonia salamo hampia duo abad. Sabuah suku bangsa Iran dari Asia Tangah nan banamo Parthia kamudian marabuik wilayah iko, diikuiki jo Dinasti Sassanid Persia salamo 9 abad, hinggo abad ka-7.

Di awal abad ke-7, Islam manyebar ka daerah nan kini banamo Irak. Sapupu sakaligus minantu Nabi Muhammad, iyolah Ali bin Abi Thalib mamindahan ibukota di Kufah "fi al-Iraq" di mano inyo manjadi Khulafaur Rasyidin nan ka-4. Bani Umayyah nan bakuaso dari Damaskus pado abaik ka-7 manguasai Provinsi Irak.

Baghdad, ibukota Khilafah Abbasiyah, adolah kota utamo bagi dunia Arab jo Islam salamo 5 abad.

Kasultanan Utsmaniyah[suntiang | suntiang sumber]

Pado taun 1258, Baghdad dihancuaan dek bangso Mongol. Kasultanan Utsmaniyah maambiak aliah Baghdad dari Persia pado taun 1535. Utsmaniyah kahilangan Baghdad ka Dinasti Safavid Persia pado taun 1509, dan maambiaknyo baliak pado taun 1632. Kakuasaan Utsmani ateh Irak balangsuang hinggo Parang Dunia I saaik Kesultanan Utsmaniyah barado basamo Kakaisaran Jerman jo Blok Sentral.

Geografi[suntiang | suntiang sumber]

Irak talatak di antaro garih lintang 29 ° jo 38 ° N, jo garih bujur 39 ° dan 49 ° E. Wilayahnya mamiliki laweh 437.072 km2 (168.754 sq mi), manjadiannyo sabagai nagara ka-58 tagadang di dunia. Lawehnyo sabandiang jo ukuran nagara bagian AS California, jo agak labiah gadang dari Paraguay.

Wilayah Irak sabagian gadang tadiri dari padang pasia, namun di sakitar Sungai Eufrat jo Tigris tadapek daratan aluvial nan subua. Bagian utara nagara tasabuik sabagian gadang tadiri dari pagunuangan; titik tatinggi nagara iko barado di Chekha Dar jo katinggian 3.611 m (11.847 ft). Irak mamiliki garih pantai kaciak baukuran 58 km (36 mil) di sapanjang Taluak Persia. Dakek jo pantai jo sapanjang Shatt al-Arab (dikenal sabagai arvandrūd: اروندرود antaro Iran) dahulu pernah ado rawa, tapi banyak nan dikariangan pado 1990-an.

Iklim[suntiang | suntiang sumber]

Sabagian gadang wilayah Irak mamiliki iklim nan earing jo pangaruah subtropis. Suhu musim paneh rato-rato di ateh 40 °C (104 °F) di sabagian gadang wilayah jo acok malabiahi 48 °C (118,4 °F). Suhu musim dingin jarang malabiahi 21 °C (69,8 °F) jo suhu maksimal sakitar 15 sampai 19 °C (59,0-66,2 °F) jo pado wakatu malam suhu antaro 2 sampai 5 °C (35,6-41,0 °F). Biasonyo curah hujan randah; sabagian gadang tampek mamiliki curah hujan 250 mm (9,8 in) per taun, jo curah hujan maksimum tajadi salamo bulan-bulan musim dingin. Hujan salamo musim paneh sangaik jarang, kacuali di ujuang utara nagara itu. Daerah pagununagan utara mamiliki musim dingin jo salju dalam jumlah gadang nan kadang-kadang manyababan banjir gadang.

Pamarintahan[suntiang | suntiang sumber]

Politik[suntiang | suntiang sumber]

Peta Irak

Kabijakan minoritas[suntiang | suntiang sumber]

Pambagian administrasi[suntiang | suntiang sumber]

Caliak pulo: Distrik di Irak

Irak dibagi ka dalam 18 governorat (atau provinsi) (bahaso Arab: muhafadhat, tunggal - muhafadhah, bahaso Kurdi: پاریزگه Pârizgah). Governorat dibagi baliak ka dalam sajumlah qadhas (atau distrik).

  1. Baghdad
  2. Salah ad Din
  3. Diyala
  4. Wasit
  5. Maysan
  6. Al Basrah
  7. Dhi Qar
  8. Al Muthanna
  9. Al-Qādisiyyah
  1. Babil
  2. Karbala
  3. An Najaf
  4. Al Anbar
  5. Ninawa
  6. Dahuk
  7. Arbil
  8. At Ta'mim (Kirkuk)
  9. As Sulaymaniyah
Peta jo angko-angko nan manunjuakan Governorat di Irak
Peta jo angko-angko nan manunjuakan Governorat di Irak

Konstitusi Irak nan baru mampasiapan pambantuakan sajumlah region jo manggabuangan 1 governorat atau labiah. Kini baru ado 1 region - Kurdistan Irak - jo ado usulan supayo labiah banyak lai region nan dibantuak di salatan.


Demografi[suntiang | suntiang sumber]

Sejarah populasi dalam jutaan
Taun Jumlah
Pend.
  
±% p.a.  
1878 20—    
1947 48+1.28%
1957 63+2.76%
1977 120+3.27%
1987 163+3.11%
1997 220+3.04%
2009 316+3.06%
2015 37−30.06%
Sumber: [8][9][10]

Pakiroan 2016 dari total panduduak Irak adolah 37.202.527. Populasi Irak dipakiroan 2 juta pado taun 1878. Pado 2013, populasi Irak mancapai 35 juta jiwa di tangah ladakan populasi pasca parang.[11]

75-80% panduduak Irak adolah bangso Arab; kalompok etnis utamo lainnyo adolah Kurdi (15-20%), Asiria, Turkmen Irak dll (5%), nan kabanyakan tingga di utara jo timur lauik nagari. Kalompok lainnyo adolah urang Persia jo Armenia (kamungkinan katurunan budayo Mesopotamia kuno). ±25.000–60.000 urang Arab Marsh tingga di selatan Irak.

Bahaso[suntiang | suntiang sumber]

Bahaso Arab jo Kurdi adolah bahaso resmi. Bahaso Asiria jo Turkmen adolah bahaso rasmi di daerah-daerah nan baturuik-turuik didiami dek urang Asiria jo Turkmen. Bahaso Armenia jo Persia ditutuakan juo namun jarang. Bahaso Inggirih adolah bahaso Barat nan umum ditutuakan.

Kalompok Etnis jo Agamo[suntiang | suntiang sumber]

Dipakiroan 75-80% panduduak Irak adolah bangso Arab; kalompok etnis utamo lainnyo adolah Kurdi (15-20%), Asiria, Turkmen Irak dll (5%), nan kabanyakan tingga di utara jo timur lauik nagari. Kalompok lainnyo adolah urang Persia jo Armenia (kamungkinan katurunan budayo Mesopotamia kuno). ±25.000–60.000 urang Arab Marsh tingga di selatan Irak. Komposisi etnis:

  • Kalompok etnis: Arab, 75–80%; suku Kurdi, 15-20%; Turkoman, Assyria atau lainnyo 5%.
  • Agamo: Islam, 97%; Kristen atau lainnyo, 3%.

Proporsi: Indak ado angko rasmi nan tasadio, tautamo karano sipeknyo nan sangaik politis. Sumber: Britannica: Syi'ah 60%, Sunni 40% Sumber: CIA World Fact Book: Syi'ah 60%-65%, Sunni 32%-37%

Manuruik kabanyakan sumber-sumber barat, mayoritas bangso Irak adolah urang Arab Muslim Syi'ah (sekitar 60%), dan Sunni nan mawakili sakitar 40% dari saluruah populasi nan tadiri dari suku Arab, Kurdi jo Turkmen. Urang-urang Sunni menyangkal kareh angko-angko ini, tamasuak saurang bakeh duta basa Irak [12], nan mangacu ka sumber-sumber Amerika [13]. Mereka mengklaim baso banyak laporan atau sumber hanyo mancantumkan Sunni Arab hanyo sabagai 'Sunni', jo indak mamparetongan orang-urang Sunni Kurdi jo Sunni Turkmen. Sabagian bapandapek bahso Sensus Irak 2003 mancaliakan baso urang-urang Sunni labiah banyak (mandominasi Irak)[14]. Etnis Assyria (kabanyakan daripadonyo adolah pamaluak Gereja Katolik Khaldea jo Gereja Assyria di Timur) mawakili sabagian tagadang panduduak Kristen Irak nan cukuik gadang, basamo-samo jo urang Armenia. Pameluqk Bahá'í, Mandeanisme, Shabak, jo Yezidi ado juo. Kabanyakan urang Kurdi adolah pamaluak Muslim Sunni, walaupun kaum Kurdi Faili (Feyli) umumnyo adolah Syi'ah.

Budayo[suntiang | suntiang sumber]

Saurang gadih Irak nan tingga dakek Panyuliangan Minyak Al Daura.

Dalam milenium nan paliang mutakhir, Irak alah dibagi manjadi limo daerah budayo: Kurdi di utara nan bapusek di Arbil, Arab Islam Sunni di tangah sakitar Baghdad, Arab Islam Syi'ah di selatan nan bapusek di Basra, Assyria, sakalompok urang Kristen, nan tingga di babagai kota di utara, jo Arab Rawa, sakalompok urang nan bapindah-pindah, nan tingga di daerah barawa-rawa di sungai tangah. Pasa jo barter adolah bantuak padagangan nan lazim mareka karajoan.

Musik[suntiang | suntiang sumber]

Irak dikenal tautamo karano alat musik nan disabuik oud (mirip jo lute) jo rabab; bintang-bintangnyo tamasuak Ahmed Mukhtar jo Munir Bashir, saurang Assyria. Hinggo kajatuahan Saddam Hussein, satasiun radio nan paliang populer adolah Suaro Pemuda. Satasiun iko mamainkan campuran musik rock barat, hip hop jo musik pop, nan kasadonyo harus diimpor lewaik Yordania karano adonyo sanksi ekonomi internasional. Irak juo mamproduksi saurang bintang pop pan-Arab pantiang nan hiduik di pangasiangan iyolah Kazem al Saher, nan lagu-lagunyo mancakup Ladghat E-Hayya, nan dilarang karano kato-katanyo nan talampau kareh.

Galeri[suntiang | suntiang sumber]

Caliak pulo[suntiang | suntiang sumber]

Referensi[suntiang | suntiang sumber]

  1. Embassies overseas of Republic of İraq Archived 2014-02-08 di Wayback Machine.: جريدة الصباح تنشر احصائية وزارة التخطيط لعدد نفوس سكان العراق لسنة Archived 2014-02-08 di Wayback Machine.
  2. "Iraq". CIA Factbook. Diarsipkan dari versi asli tanggal 2018-12-24. Diakses tanggal 2018-11-04. 
  3. a b c d "Iraq". International Monetary Fund. Oktober 2014. Diakses tanggal 2015-02-15. 
  4. "World Bank GINI index". Data.worldbank.org. 
  5. "Human Development Index and its components. Human Development Report 2011" (PDF). UNDP. 
  6. "CIA World Factbook". Diarsipkan dari versi asli tanggal 2007-03-14. Diakses tanggal 2018-11-04. 
  7. divertal. "Republik Ceko Ikut Misi ke Irak Untuk Perangi ISIS | News | Arah.Com". arah.com. Diarsipkan dari versi asli tanggal 2016-10-21. Diakses tanggal 2016-10-21. 
  8. Charles Philip Issawi (1988). The Fertile Crescent, 1800–1914: A Documentary Economic History. Oxford University Press. p. 17. ISBN 978-0-19-504951-0. https://books.google.com/books?id=F2TGkO7G43oC&pg=PA17. Diakses pado 17 Agustus 2016. 
  9. "Population Census". Central Organization for Statistics. Diakses tanggal 30 Oktober 2017. 
  10. "Population Of Iraq For The Years 1977 – 2011 (000)". Central Organization for Statistics. Diakses tanggal 2016-08-17. 
  11. "Iraqi population reaches about 35 million". Aswat Al Iraq. 2013-04-27. Diarsipkan dari versi asli tanggal January 14, 2015. Diakses tanggal 2013-07-01. 
  12. ""Iraqis By the Numbers" oleh FARUQ ZIADA". Diarsipkan dari versi asli tanggal 2011-08-06. Diakses tanggal 2018-11-04. 
  13. Peta tentang distribusi kelompok-kelompok agama, dari laporan Komisi Baker-Hamilton, hlm. 102
  14. "Iraq 2003 Census: Sunnis 59%, Shiites 40%" dek Mohammed Alomari (faair.org) [1]

Bacaan labiah lanjuik[suntiang | suntiang sumber]

Pranala lua[suntiang | suntiang sumber]

Pamarintah[suntiang | suntiang sumber]

Caliak pulo[suntiang | suntiang sumber]

Tinjauan[suntiang | suntiang sumber]

Barito[suntiang | suntiang sumber]

Lainnyo[suntiang | suntiang sumber]