Gurun Suriah

Wikipedia Minangkabau - Lubuak aka tapian ilimu
Gurun di Suriah
Pamandangan gurun Suriah

Gurun Suriah (bahaso Arab: بادية الشام, bādiyat ash-shām‎) disabuik juo sabagai Hamad,[1] adolah kombinasi stepa jo gurun pasia sejati nan mancakup 500,000 kilometer persegis (200,000 mil persegis) Timur Tangah, maliputi bagian tenggara Suriah, timur laut Yordania, utara Arab Saudi, jo bagian barat Irak. Di subalah selatan babatehan sarato manyatu jo Gurun Arab.[2] Mampunyoi tanah nan tabantang laweh, pamukaan gurun ko panuah batuan baukuran ketek jo gadang, sasekali diselingi dek tumbuahan wadi.[3][4]

Panamoan jo latak[suntiang | suntiang sumber]

Namo Shamiyah digunoan pulo untuak panamoan Gurun Suriah ko.[5] Gurun ko dibatehi dek Lembah Orontes jo lapangan vulkanik Harrat al-Shamah di subalah barat, jo dek Efrat di subalah timur. Di utara, gurun pasir digantian dek daerah rumpuik nan labiah subur, jo di selatan batamu jo gurun pasia Samananjuang Arab selatan.[3]

Kahidupan[suntiang | suntiang sumber]

Gurun Suriah adolah tampek habitat asli dek binantang hamster Suriah.[6] Bangau, kuntul, bangau crane, buruang-buruang ketek, unggeh aia, sarato pulo buruang pamangsa mengunjungi danau musiman nan tadapek di gurunko katiko tibo musim hujan. Mancik ketek adolah binantang nan banyak tadapek disiko, baitu pilo jo predatornyo sarupo ula, kalajengking, jo laba-laba unto; sabalumnyo nan banyak tadapek disiko adolah ruso, serigala, serigala jackal, rubah, kuciang, jo karakal, salain itu ado pulo buruang unto, cheetah, hartebeest (antelop afrika), jo onager (keledai lia asia). Mamalia-mamalian nan gadang ko kiniko indak dapek lai ditamuan, karano paburuan nan dilakuan dek manusia.[3][5]

Kagiatan parekonomian[suntiang | suntiang sumber]

Kadaan daerah gurun nan kurang curah hujan sarato kondisi kasuburan tanah nan buruak, kawasan gurun suriah ko dipagunoan dek masyarakaik satempek untuak mangambalo taranak sarupo unto jo domba. Para pangambalo taranak ko mangambalo sacaro bapindah-pindah dari sisi gurun nan ciek ka sisi gurun lainnyo. Pado tahun 1995, pamarintah suriah mamulai marevitalisasi sajuta hektar lahan nan kamudian mambatehi urang untuak mangambalo taranak. Di sekitar tahun 2000-an tadapek proyek pamarintah untuak mananam tumbuahan nan diparuntuakan untuak makan binatang taranak. Babarapo bagian dari gurun tasabuik ditanami tumbuahan. Hasilnyo sukses gadang, para pangambalo taranak tadi malaporan bahwasanyo produktivitas dari hewan taranaknyo maningkek.[7]

Caliak pulo[suntiang | suntiang sumber]

Rujuakan[suntiang | suntiang sumber]

  1. Encyclopædia Britannica: A New Survey of Universal Knowledge, Volume 2. 8 Maret 1941. p. 173. https://books.google.co.uk/books?id=JixQAQAAMAAJ&q=Nafud+hamad+deserts. Diakses pado 27 Nopember 2020. 
  2. Harris, Nathaniel (2003). "Syrian+desert" Atlas of the world's deserts. New York: Fitzroy Dearborn. pp. 49, 51. ISBN 9781579583101. https://books.google.co.uk/books?id=CNCWeuxKR2gC&pg=PA49&dq="Syrian+desert". Diakses pado 27 Nopember 2020. 
  3. a b c Betts, Alison (1996). The Harra and the Hamad : excavations and surveys in Eastern Jordan, vol. 1.. England: Collis Publication. p. 1. ISBN 9781850756149. https://books.google.co.uk/books?id=VvKfQAST33YC. Diakses pado 27 Nopember 2020. 
  4. "Syrian Desert". Diarsipkan dari versi asli tanggal January 13, 2008. Diakses tanggal November 27, 2020. , New International Encyclopedia, Edition 2, Published by Dodd, Mead, 1914, Arabia, page 795 and Syrian Desert, Encarta
  5. a b McIntosh, Jane (2005) (dalam bahaso en). "Shamiyah+desert" Ancient Mesopotamia: New Perspectives. Santa Barbara: ABC-CLIO. p. 11. ISBN 9781576079652. https://books.google.co.uk/books?id=9veK7E2JwkUC&pg=PA11&dq="Shamiyah+desert". Diakses pado 3 Pebruari 2017. 
  6. McPherson, Charles W. (1987). Laboratory hamsters. Orlando: Academic Press. p. 216. ISBN 9780127141657. https://books.google.co.uk/books?id=PKxPVW25SUYC. Diakses pado 27 Nopember 2020. 
  7. "The grass is greener: rehabilitating the Syrian Badia". Rural Poverty Portal. IFAD. Diakses tanggal 27 November 2020.