Kabupaten Mandailing Natal

Dari Wikipedia baso Minang, ensiklopedia bebas
Lompek ka: navigasi, cari
Kabupaten Mandailing Natal
Madina
Lambang Kabupaten Mandailing Natal
Lambang Kabupaten Mandailing Natal
Madina

Motto: Madina yang Madani


Peta Kabupaten Mandailing Natal
Peta lokasi Kabupaten Mandailing Natal
Madina

Koordinat: 0°10' - 1°50' Lintang Utara dan 98°10' - 100°10' Bujur Timur
Provinsi Sumatera Utara
Dasa hukum Undang-Undang Nomor 12 tahun 1998[1]
Tanggal 12 Maret 1999[1]
Ibu kota Panyabungan
Pamarintahan
 - Bupati Drs. H. Dahlan Hasan Nasution (Plt Bupati), (2013- sekarang)
 - DAU Rp. 625.543.432.000.-(2013)[2]
Laweh 6.620,70 km2
Populasi
 - Panduduak 403.894 jiwa [3]
 - Kapadatan 61 jiwa/km2
Demografi
 - Agamo Islam (95,51%), Kristen (3,07%), Katolik (0,11%), Tidak Ditanyakan (1,29%)[4]
 - Kode area telepon 0636
Pambagian administratif
 - Kecamatan 23
 - Kelurahan 386
 - Laman web http://www.madina.go.id

Kabupaten Mandailing Natal nan acok disabuik Madina adolah sabuah kabupaten di Sumatera Utara, Indonesia. Kabupaten Mandailing Natal babatehan jo provinsi Sumatera Barat.

Sijarah[suntiang | suntiang sumber]

Sabalun Mandailing Natal manjadi sabuah kabupaten, wilayah iko masih bagian dari Kabupaten Tapanuli Selatan. Salapeh pamekaran wlayah, dibantuaklah Kabupaten Mandailing Natal manuruik Undang-undang Nomor 12 tahun 1998, sacaro formal dirasmian dek Mantari Dalam Nagari pado tangga 9 Maret 1999.

Demografi[suntiang | suntiang sumber]

Panduduak wilayah Kabupaten Mandailing Natal didominasi jo etnis Mandailing nan sacaro bahaso jo budayo dakek jo etnis Batak. Masyarakat etnis Mandailing di kabupaten iko banyak nan bamarga Nasution, Lubis, Pulungan, Harahap, Siregar, Rangkuti, jo Daulay. Kudian diikuti jo urang Minangkabau yang banyak bamukim di daerah-daerah pasisia sajak maso lalu dan ado juo urang Nias.

Urang Minangkabau banyak nan tingga di sakitaran wilayah pasisia sarupo di Natal, Kotanopan, Panyabungan, sarato wilayah lain nan babatehan jo Sumatera Barat. Urang Minang di Madina nampak dari indak adonyo namo marga sarupo urang Mandailing jo Nias. Walau baitu, sabagiannyo masih mangatahui namo suku asanyo nan mirip jo nan ado di Sumatera Barat. Salain berdagang, urang Minang banyak juo nan punyo pakabunan jo patambangan. Di Mandailing Julu banyak ditamukan bakeh panambangan ameh nan ditinggakan dek urang Minang nan dari Agam, sarupo di Huta Godang ado suatu tampek nan dinamokan garabak ni Agom.[5]

Dari daerah Mandailing Natal iko banyak pulo tokoh-tokoh nan manghiasi sijarah Indonesia modern sarupo Abdul Haris Nasution, Sutan Takdir Alisjahbana, Darmin Nasution, dsb.

Salain itu ado juo etnis lainnyo sarupo Jawa, Sunda, dsb nan tibo kudian.

Geografi[suntiang | suntiang sumber]

Kabupaten Mandailing Natal talatak pado 0°10'-1°50' Lintang Utara dan 98°10'-100°10' Bujur Timur jo rentang katinggian 0-2.145 m di ateh pamukoan lauik. Lueh wilayah Kabupaten Mandailing Natal ±6.620,70 km2 atau 9,23 persen dari wilayah Sumatera Utara jo bateh-bateh wilayah sabagai barikuik:

Hutan Linduang jo Taman Nasional Batang Gadis
Kecamatan Puncak Sorikmarapi jo Taman Nasional Batang Gadis
Kecamatan Puncak Sorikmarapi tanpa Taman Nasional Batang Gadis

Iklim[suntiang | suntiang sumber]

Suhu udara bakisar antaro 23 °C - 32 °C jo kalambaban antaro 80–85%.

Infrastruktur[suntiang | suntiang sumber]

Parekonomian Kabupaten Mandailing Natal, ditopang sarana prasarana ekonomi barupo:

  • Tasadionyo tanago listrik jo kapasitas tapasang sagadang 60 MVA jo dayo produksi 49.507.816 MWH
  • Tasadionyo sarana telekomunikasi barupo telepon kabel jo kapasitas tapasang 4.872 SST, jo telepon selular dari babagai operator sarupo Telkomsel, Indosat, XL, AXIS, jo Flexi
  • Sarana jalan sapanjang 2.110 km tadiri dari jalan negara 297,70 km, jalan provinsi 161,65 km jo jalan kabupaten 1.423,18 km
  • Tasadionyo palabuahan lauik 1 (satu) buah yakni palabuhan Sikara-Kara nan dapek dilabuahi kapa dalam nagari
  • Tasadionyo 9 buah bank, tadiri dari 4 buah bank Pamarintah jo 5 buah bank swasta, sarato 1 buah kantor Pagadaian
  • Tasadionyo 30 pasa, tadiri dari 1 unit pasa kelas I di Panyabungan 1 unit pasa kelas II di Kotanopan dan 28 unit pasa kelas III tasebar pado 22 kecamatan. Dan sadang dibangun 1 unit pasa modern (Madina Square) di kota Panyabungan

Tampek Wisata[suntiang | suntiang sumber]

  • Pamandian Aia Angek Balerang, Sibanggor Tonga, Puncak Sorik Marapi
  • Pamandian Aia Angek Purba Julu, Puncak Sorik Marapi
  • Pamandian Aia Angek Hutaraja, Panyabungan Selatan
  • Pamandian Aia Angek Siabu
  • Panorama Alam Sopotinjak, Batang Natal
  • Pantai Batu Rusa, Maura Batang Gadis
  • Pantai Sikara-kara
  • Pantai Galon, Natal
  • Sarasah Hutanagodang, Kotanopan
  • Sarasah Tanobato, Panyabungan Selatan
  • Pamandian Sungai Aek Pohon, Tebingtinggi, Panyabungan Timur
  • Bagas Godang Ulu Pungkut
  • Bagas Godang Panyabungan Tonga, Panyabungan Kota
  • Bagas Godang Pidoli Dolok, Panyabungan Kota
  • Bagas Godang Singengu, Kotanopan
  • Danau Marambe, Sirambas, Panyabungan Barat
  • Sampuraga, Sirambas, Panyabungan Barat
  • Danau Siombun, Dalan Lidang Panyabungan Kota
  • Banduangan Sungai Batang Gadis Aek Godang, Dalan Lidang, Panyabungan Kota
  • Jambatan Haji Abdul Hakim Ritonga, jambatan terpanjang di Mandailing Natal
  • Gunuang Sorik Marapi

Ekonomi[suntiang | suntiang sumber]

Pendapatan Domestik Regional Bruto (PDRB) tahun 2007 sebesar Rp. 2.260.838.780.000 dengan pendapatan perkapita Rp. 5.464.263 jo tingkek pertumbuhan ekonomi 6,12 % per tahun.

Struktur perekonomian Kabupaten Mandailing Natal adolah (PDRB Harago Konstan 2000) tahun 2007:

  • Patanian: 45,42 %
  • Patambangan jo panggalian: 1,54 %
  • Industri pangolahan: 3,53 %
  • Listrik, gas, jo aia barasiah: 0,32 %
  • Bangunan: 10,05 %
  • Padagangan hotel jo restoran: 17,79%
  • Transportasi jo komunikasi: 4,63 %
  • Kauangan, pasewaan, jo jaso parusahoan: 2,01 %
  • Jaso-jaso: 14,67 %

Pamarintahan[suntiang | suntiang sumber]

Kecamatan[suntiang | suntiang sumber]

Kabupaten Mandailing Natal tadiri dari 23 kecamatan yaitu:

Catatan kaki[suntiang | suntiang sumber]