Dara Jingga

Dari Wikipedia baso Minang, ensiklopedia bebas
Loncat ke navigasi Loncat ke pencarian

Dara Jingga adolah salah surang puti Malayu Dharmasraya, nan dibao ka Jawa basamo rombongan Ekspedisi Pamalayu, nan diutuih ka Sumatera pado 1275 dek Rajo Kertanagara dari Singhasari.[1][2]

Serat Pararaton jo Kidung Panji Wijayakrama manyabuik baso Dara Jingga jo adiaknyo Dara Petak turuik sato basamo rombongan Singhasari nan tibo di Jawa pado 1293,[2] yaitu sapuluah ari satalah pasukan Mojopaik barasia mausia pasukan Mongol.[1][3] Dijalehan pulo baso Dara Jingga kudian manjadi bini surang bangsawan (sira alaki Dewa),[2][3] sarato punyo anak nan satalah gadang jadi rajo di Tanah Malayu, banamo Tuhan Janaka bagala Sri Marmadewa dan Aji Mantrolot.[1][2]

Babarapo ahli sijarah bakasimpulan baso Dara Jingga taubuang darah jo Rajo Tribhuwanaraja, nan mandapek kiriman adiah arca Amoghapasa dari Rajo Kertanagara pado taun 1286.[1] Badasar kapado batu basurek Padang Roco jo batu basurek Bukik Gombak, didugo pulo baso Tuhan Janaka indak lain adolah Rajo Adityawarman nan bagala Maulimaniwarmadewa,[2] sadang suami Dara Jingga adolah Adwayawarman nan urang gadang istano Singhasari-Mojopaik.[1] Sungguahpun baitu indak sadonyo ahli sijarah sapakaik jo kasimpulan tu.[2][3]

Caliak pulo[suntiang | suntiang sumber]

Rujuakan[suntiang | suntiang sumber]