Bagagarsyah
| Tunggal Alam Bagagar | |||||
|---|---|---|---|---|---|
| Regent Tanah Datar | |||||
| Berkas:Cap bagagarsyah repro.jpg Cap Mohor Sultan Tunggal Alam Bagagar | |||||
| Bakuaso | 1821 – 1833 | ||||
| |||||
Sultan Tunggal Alam Bagagar atau Sultan Alam Bagagar Syah (lahia di Pagaruyung, Luhak Tanah Datar pado tahun 1789;[1] maningga di Batavia 12 Pebruari 1849)[2] adolah kamanakan dari rajo Pagaruyuang tarakia Sultan Arifin Muningsyah,[3] versi lain mangatokan bahsonyo Sultan Tunggal Alam Bagagar Syah adolah cucu patrilineal dari Sultan Arifin Muningsyah.[4][5]
Biografi[suntiang | suntiang sumber]
Pado tahun 1815, kaum Paderi dibawah pimpinan Tuanku Pasaman manyarang karajaan Pagaruyuang, manyababkan Sultan Arifin Muningsyah tapaso manyingkia jo malarikan diri dari ibu kota karajaan ka Lubukjambi.[6] Sultan Tunggal Alam Bagagar, wakatu itu alah baumua 26 tahun jo barado di Padang.[2]
Pado tanggal 10 Februari 1821 basamo jo 19 urang pamako adaik lainnyo ikuik manandatangani pajanjian jo Balando untuak bakarajo samo dalam malawan kaum Paderi.[7] Babarapo sijarawan manganggap bahsonyo Sultan Tunggal Alam Bagagar sabatuanyo indak berhak malakukan pajanjian nan mangatehnamokan karajaan Pagaruyuang,[8] nan kamudian akibaik dari pajanjian iko, dijadikan dek Balando sabagai tando panyarahan kadaulatan Pagaruyuang.[9] Kamudian sasudah Balando bahasia marabuik Pagaruyuang dari kaum Paderi, Sultan Tunggal Alam Bagagar diangkek dek pamarintah Hindia Balando hanyo sabagai Regent Tanah Datar, walaupun pado sisi lain inyo manganggap dirinyo sabagai Rajo Alam, namun pamarintah Hindia Balando dari awal alah mambatasi kawenangannya ateh wilayah karajaan Pagaruyuang itu surang.[3]
Pado tanggal 2 Mei 1833, Sultan Tunggal Alam Bagagar ditangkok dek pasukan Kolonel Elout di Batusangka dek tuduahan pangkhianatan. Salanjuiknyo dibuang ka Batavia (Jakarta kini) sampai akia hayatnyo.[8] Inyo dimakamkan di pakuburan Mangga Duo, kamudian pado tahun 1975 dek izin pamarintah Indonesia kuburannyo dipindahkan ka Taman Makam Pahlawan.[2]
Cap mohor[suntiang | suntiang sumber]
"Sultan Tunggal Alam Bagagar ibnu Sultan Khalīfatullāh nan mampunyoi tahta karajaan dalam nagari Pagaruyuang Dārul Qarār Johan Berdaulat Zillullāh fīl 'Ālam".
— Alih bahaso cap mohor Sultan Tunggal Alam Bagagar.
Cap mohor Sultan Tunggal Alam Bagagar dibahas dalam disertasi Annabel Teh Gallop,[10] sabagai ciek dari ratusan cap mohor nan alah ditelitinyo. Babarapo ahli babeda bapandapek tantang legitimasi cap mohor tu, apokah sabagai bukti pangukuahan atau bukan marupokan bukti dari legitimasi kakuasaan atau hanyo marupokan "barang pahiasan" sajo,[11] sarato cap mohor tu pado hakikaiknyo hanyo marupokan representasi dari diri nan basangkutan.[12] Kroeskamp dalam De Westkust en Minangkabau (1931) manyabuikkan bahwa laporan sumber Hindia Balando hanyo mancantumkan Sultan Tunggal Alam Bagagar sabagai Regent Tanah Datar.[13][14][15] Walau sabalumnyo dalam laporan de Stuers[Note 1][16][17] alah manyabuikkan bahsonyo inyo mancaliak Sultan Tunggal Alam Bagagar indak layak manjadi panguaso[Note 2] Minangkabau sarato mangusuakan ciek dari banyak karabaik rajo lainnyo nan bagala Tuan Gadang.[13]
Lihat pula[suntiang | suntiang sumber]
Rujukan[suntiang | suntiang sumber]
- ↑ Mhd. Nur, et al. (2016) "Perjuangan Sultan Alam Bagagar Syah Dalam Melawan Penjajah Belanda di Minangkabau pada Abad ke 19" Agam : Kementerian Pendidikan dan Kebudayaan
- ↑ a b c Safwan, M., (1975), Sultan Alam Bagagar Syah (1789-1849), Panitia Pelaksana Pemindahan Makam Sultan Alam Bagagar Syah.
- ↑ a b Dobbin, C.E., (1992), Kebangkitan Islam dalam ekonomi petani yang sedang berubah: Sumatra Tengah, 1784-1847, INIS, ISBN 979811612.
- ↑ http://raunsabalik.ucoz.com/news/istana_pagaruyung_124_sejarah_linduang_bulan/2013-03-13-57
- ↑ http://wisranhadi.wordpress.com/2008/09/22/generasi-ketujuh-bagian-keenam/
- ↑ Nain, S.A., (2004), Memorie Tuanku Imam Bonjol (MTIB), transl., Padang: PPIM.
- ↑ Stuers, Hubert Joseph Jean Lambert (1850). De vestiging en uitbreiding der Nederlanders ter westkust van Sumatra. 2. P.N. van Kampen.
- ↑ a b Amran, R. (1981). Sumatra Barat hingga Plakat Panjang. Penerbit Sinar Harapan.
- ↑ Kepper, G., (1900), Wapenfeiten van het Nederlands Indische Leger; 1816-1900, M.M. Cuvee, Den Haag.
- ↑ Gallop, Annabel Teh (2002). Malay seal inscriptions: a study in Islamic epigraphy from Southeast Asia. Volume II. School of Oriental and African Studes, University of London. p. 137. British Library, ILS catalogue number: 12454119.
- ↑ Bosch, FDK (1931). De rijkssieraden van Pagar Roejoeng Overdr.. uit het Oudheidkundig Verslag 1930, Batavia. p. 49-108.
- ↑ Drakard, Jane (1999). A kingdom of words: language and power in Sumatra. Oxford University Press. p. 137. ISBN 9789835600357.
- ↑ a b Laporan kepada Gubernur Jendral, 30 Agustus 1825, Exhibitum, 24 Agustus 1826, No. 41.
- ↑ Kroeskamp, H., (1931) De Westkust en Minangkabau Terbitan State University of Leiden, halaman 110
- ↑ Penders, Christian Lambert Maria (1977). Indonesia: selected documents on colonialism and nationalism, 1830-1942. University of Queensland Press. ISBN 0702213241. https://archive.org/details/indonesiaselecte0000unse.
- ↑ Colombijn, Freek (1994). Patches of Padang: the history of an indonesian town in the twentieth century and the use of urban space. Research School CNWS, University of Michigan. p. 44. ISBN 9073782236.
- ↑ Koninklijk Instituut voor Taal-, Land- en Volkenkunde (Netherlands) (1976). Bijdragen tot de taal-, land- en volkenkunde, Volume. 132. M. Nijhoff.
Catatan kaki[suntiang | suntiang sumber]
- ↑ Penders jo Colombijn manyabuikkan dalam laporan de Stuers mangatokan babarapo karabaik karajaan Pagaruyuang nan bahasia malarikan diri dari pambantaian pado parang Paderi, jo indak parnah manyabuikkan adonyo namo Sultan Tunggal Alam Bagagar sabagai saurang nan mampunyoi kadaulatan ateh sabuah wilayah
- ↑ Regent Tanah Datar