Konfederasi

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Konfederasi marupokan pangalompokan nagara nan babeda untuak mambuek kasepakatan basamo. Iko nyo nan mambangunkan hubuangan hukum antaro konfederasi jo nagara-nagara nan mambantuaknyo tanpo ado hubuangan hukum antaro konfederasi jo warga negara, tapi antaro nagara-nagara anggota jo konfederasi.

Bisa wak katokan baso konfederasi adolah asosiasi sukarela dari nagara-nagara independen untuak manjamin tujuan basamo, basipakaik tantang bateh bateh tatantu soal kabebasan batindak dan mambantuak tim nasihaik atau rundiang. Katerbatasan nio batindak nagara-nagara anggota sacaro sederhana bisa diliek samisal pengakuan tugasnyo untuak bamufakaik satu samo lain sabalun maambiak tindakan independen atau samo pantiangnyo jo kawajiban untuak mamatuahi mufakaik mayoritas nagara anggota.

Komponen[suntiang | suntiang sumber]

Sabuah konfederasi tadiri dari persatuan nagara untuak mampatahanan kadaulatan inyo. Iko bisa diatur dek hukum umum tatantu. Awalnyo istilah ko digunoan untuak marujuak kapado aliansi dan itulah sababnyo inyo digunoan dalam limbago masyarakaik non-nagara dan juo untuak manggambaran organisasi, sarupo konfederasi olahraga dll. Namun, istilah ko labiah pantiang dipakai marujuak pado aliansi negara atau asosiasi.

Dalam politik moderen, persatuan permanen nagara nan badaulatlah nan mampunyoi sajumlah tujuan tinfakan basamo. Sacaro umum, konfederasi dilahiakan lewat perjanjian tatulih, untuak kudian dapek manatap'an sarangkaian adaik atau hukum tatantu nan sifaiknyo mangatur. Konfederasi umumnyo dibantuak untuak maadoki'i situasi nan labiah gadang, samisal pertahanan, kebijakan migrasi, panciptaan mato uang basamo, pangentasan kemiskinan, integrasi sosial, dll.

Sijarah[suntiang | suntiang sumber]

Sijarah konfederasi barawal dari pamisahan diri, katiko kaum republikan yang dipimpin dek Abraham Lincoln ingin mambatehi dan mailangan perbudakan, namun, ado banyak bateh kakuasaan di pihak Union mangenai kapemilikan budak dan pengambilan kaputusan nan sasuai. Ikolah duo musabab utamo yang mandorong nagara-nagara selatan untuak bapisah dari Union. Pado 20 Desember 1860, Carolina Selatan adolah nagara bagian partamo nan manyatokan pamisahan diri. Sasudah tu, Jefferson Davies tapiliah sabagai Presiden nan marupokan salah satu promotor utamo bantuak baru nagara. Pado 11 Maret 1861, konstitusi Konfederasi partamo nan balaku hinggo 1865 disatujui.

Ciri Konfederasi[suntiang | suntiang sumber]

Ciri karakteristik utamo konfederasi adolah sabagai barikuik:

  1. Konfederasi timbua dari perjanjian dan bukan dari konstitusi.
  2. Anggota nan babeda badaulat dan mardeka.
  3. Badan konferensi indak punyo kuaso langsuang ateh panduduak suatu nagara.
  4. Nagara-nagara nan jadi anggota konfederasi musti tunduak jo hukum internasional.
  5. Anggota punyo hak untuak mamisahan diri.
  6. Nagara-nagara nan mambantuaknyo bisa juo manolak untuak manerap'an sabagian mufakaik dari badan pangukuahan.
  7. Indak ado parintah hukum nan balaku untuak sado nagara Konfederasi sacaro manyaluruah. Sarikat konfederasi hanyo bisa diformalan malalui perjanjian internasional se.

Kalabiahan[suntiang | suntiang sumber]

Keuntuangan dari konfederasi diantaronyo:

  1. Nagara-nagara nan ikuik sato dalam konfederasi punyo linduangan labiah gadang dari pamarentah taradok konflik.
  2. Ado duo legitimasi kabijakan.
  3. Ado sistem tata kalola sacaro ganda.
  4. Kabijakan teritorial dibedakan sacaro baiak.

Kakurangan[suntiang | suntiang sumber]

Di antaro kalamahan yang dimiliki konfederasi, dapek wak sabuik'an sabagai barikuik:

  1. Inyo bukan sabuah nagara.
  2. Inyo indak bisa manatap'an kawajiban hukum kapado warga nagara.
  3. Nyo ndak punyo aturan hukum
  4. Inyo ndak bisa manjalanan kuaso langsuang kapado suatu bangso atau panduduaknya.

Contoh Konfederasi[suntiang | suntiang sumber]

Babarapo contoh konfederasi antaranyo:

  1. Konfederasi Swiss: Kato Helvetica bararti Swiss. Swiss adolah konfederasi Swiss nan tadri dari 23 nagara, yang disabuik kanton, tigo di antaronyo dibagi liak jadi semi-kanton dek karano alasan administrasi murni, kasadonyo bisa manikmati otonomi yang gadang. Konfederasi Swiss ko mulonyo di akhir abad ke-13 katika kanton Swiss paliang awal manandotangani kasepakatan untuak saliang mambantu jo malindungi satu samo lain.
  2. Konfederasi Argentina: Marupokan konfederasi provinsi padi tahun 1835 jo 1852, nan muncua dalam organisasi Republik Argentina katiko ko diperintah dek Juan Manuel de Rosas. Provinsi nan mambantuaknyo konfederasi ko marupokan nagara badaulat. Namo Konfederasi Argentina ko manjadi salah satu namo rasmi Republik Argentina jikok marujuak pasal 35 Konstitusi, disampiang namo Republik Argentina dan Provinsi-provinsi Río de la Plata Basatu