Gunuang Singgalang

Gunung Singgalang
Gunung Singgalang dan Ngarai Sianok
Katinggian	2,877 m (9,439 ft)
Daftar	Ribu
Lokasi
Gunung Singgalang Gunung Singgalang Kabupaten Agam, Sumatra Barat, Indonesia
Jajaran	Bukit Barisan
Koordinat	0°23′24″S 100°19′51″E
Geologi
Jinih	stratovolcano
Busur/Sabuk vulkanik	Busur Sunda
Latuih taakia	Tidak Diketahui
Pandakian
Rute mudah	Pandai Sikek

Gunuang Singgalang marupokan sabuah gunuang nan talatak di provinsi Sumatra Barat, Indonesia jo katinggian 2,877 meter.

Dari bantuaknyo, gunuang ko amaik mirip jo Gunuang Merbabu di Jawa Tengah. Gunuang ko alah indak aktif lai dan mampunyoi talago di puncaknyo nan marupokan bakeh kawah. Talago ko banamo Talago Dewi. Gunuang Singgalang mampunyoi kawasan hutan gunuang nan amaik lambok sarato mampunyoi kanduangan aia nan banyak.

Jalua Pandakian

Jalua pandakian utamo gunuang singgalang adolah via Pandai Sikek. Para pandaki biasonyo baranti di Pasa Koto baru (10 Km dari Padang Panjang arah ka Bukiktinggi). Dari siko pandaki dapek bajalan atau naiak kandaraan umum sajauah 2 Km inggo ka posko pandakian, nan talatak di Jorong Tanjuang, Kanagarian pandai Sikek.

Dari posko pandakian, pandaki masih dapek manggunokan kandaraan (motor/oto) inggo ka pos pambarantian barikuiknyo. Panduduak satampek manyabuiknyo lokasi/ pamanca/ stasiun RCTI/TVRI, nan bajarak kurang labiah 4 Km dari posko pandakian.

Disiko tasadio tampek parkir kandaraan. Dari siko baru dimulai pandakian sabananyo. Trek jalanan nan cukuik curam jo licin. Di paruah awa, trek pandakian barupo hutan riang riang jo pimping. Kudian baru masuak hutan rimbo jo jalan satapak malalui aka-aka kayu. Pandakian normal biasonyo mambutuahan wakatu 4 inggo 5 jam. Sadang katiko hujan turun atau trek dalam kaadaan basah, wakatu tampuah dapek mancapai duo kali lipeknyo.

Pautan lua

• (Inggirih)Panduan mandaki Gunuang Singgalang