Istano Basa

Dari Wikipedia baso Minang, ensiklopedia bebas
Loncat ke navigasi Loncat ke pencarian
Istano Basa Pagaruyuang
Istano Basa nan dibangun kambali satalah kabakaran taun 2007
Istano Basa nan dibangun kambali satalah kabakaran taun 2007
Latak: Batusangkar, Sumatra Barat, Indonesia
Koordinat: 0°26′20″LU 100°40′9″BT / 0,43889°LS 100,66917°BT / -0.43889; 100.66917Koordinat: 0°26′20″LU 100°40′9″BT / 0,43889°LS 100,66917°BT / -0.43889; 100.66917
Dibangun: kr. abad ke-17
Dibangun untuak: Kadiaman kaluargo Karajaan Pagaruyuang
Diruntuahkan: 1837 (akibat perang)
1966 (terbakar)
2007 (terbakar)
Dibangun kambali: 1930, 1968, 2007
Arsitek: Indak dikatahui
Gayo arsitektur: Rumah adaik Minangkabau
Istano Basa terletak di Sumatra
Letak Istano Basa Pagaruyuang di Indonesia Sumatra South
Bagian interior Istano Basa

Istano Basa nan labiah di kana dangan namo Istana Pagaruyung, adolah sabuah istano nan talatak di kacamatan Tanjung Emas, koto Batusangkar, kabupaten Tanah Datar, Sumatera Barat. Istano ko marupokan tampek wisata budayo nan gadang di Sumatera Barat.

Istano Basa nan badiri kini sabananyo adolah replika dari nan asli. Istano Basa asli talatak di ateh bukik Batu Patah dan tabaka habih pado sabuah karusuhan badarah pado tahun 1804. Istano tasabuik kamudian didirikan baliak namun kambali tabakaa tahun 1966.

Proses pambangunan kambali Istano Basa dilakukan dangan palatakan tunggak tuo (tiang utama) pado 27 Desember 1976 oleh Gubernur Sumatera Barat wakatu itu, Harun Zain. Bangunan baru ko indak didirikan di tapak istano lamo, tapi di lokasi baru di sabalah salatannyo.[1]. Pado akhie 1970-an, istano iko alah bisa dikunjuangi oleh umum.

Kabakaran 2007[suntiang | suntiang sumber]

Pado tangga 27 Februari 2007, Istano Basa mangalami kabakaran hebaik akibaik patuih nan manyamba di puncak istano[2]. Akibaiknyo, bangunan tigo tingkaik iko hanguih tabaka. Ikuik tabaka pulo sabagian dokumen, sarato kain-kain hiasan.[3]. Dipakirokan hanyo sakita 15 persen barang-barang bahargo nan salamaik. Barang-barang nan lolos dari kabakaran tasabuik kini disimpan di Balai Bando Purbakala Kabupaten Tanah Datar. Harato pusako Karajaan Pagaruyuang sandiri disimpan di Istano Silinduang Bulan, 2 kilometer dari Istano Basa.[4]

Samantaro itu, biayo pandirian kambali istano iko dipakirokan labiah dari Rp 20 miliar [5].

Caliek Juo[suntiang | suntiang sumber]

Catatan[suntiang | suntiang sumber]