Kota Surakarta

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Kota Surakarta (Hanacaraka: ꦑꦸꦛꦯꦸꦫꦏꦂꦠ , Jawa: Kutha Surakarta), disabuik juo Solo (ꦱꦭ ), adolah wilayah otonom jo statuih Kota di bawah Provinsi Jawa Tangah, Indonesia, jo panduduak 503.421 jiwo (2010) dan kapadatan 13.636/km2. Kota jo lueh 44 km2, iko babatehan jo Kabupaten Karanganyar jo Kabupaten Boyolali di sabelah utara, Kabupaten Karanganyar jo Kabupaten Sukoharjo di sabelah timuar dan barat, jo Kabupaten Sukoharjo di sabelah selatan. Kota iko juo marupakan kota tagadang katigo di pulau Jawa bagian selatan satalah Banduang dan Malang manuruik jumlah panduduak. Sisi timur kota iko dilewaikti sungai nan taabadikan dalam salah satu lagu karoncong, Bangawan Solo. Basamo jo Yogyakarta, Surakarta marupakan pawarih Kasultanan Mataram nan dipacah malalui Parjanjian Giyanti, pado taun 1755.

Namo[suntiang | suntiang sumber]

"Sala" adolah satu dari tigo dusun nan dipiliah dek Sunan Pakubuwana II ateh saran dari Tumenggung Hanggawangsa, Tumenggung Mangkuyudha, sarato komandan pasukan Belando, J.A.B. van Hohendorff, katiko akan mandirikan istano baru, satalah parang suksesi Mataram tajadi di Kartasura.[rujuakan?]

Pado maso kini, namo Surakarta digunoan dalam situasi formal-pamerintahan, sadangkan namo Sala/Solo labiah marujuak kepado panyambuikan umum nan dilatarbalakangi dek aspek kultural. Kata sura dalam Bahaso Jawa bararti "kabaranian" dan karta bararti "makmur", sabagai sabuah haropan kapado Yang Maha Kuaso. Dapek pulo dikatokan bahwa namo Surakarta marupakan pamainan kato dari Kartasura. Kata sala, namo nan dipakai untuak deso tampek istano baru dibangun, adolah namo pohon suci asal India, iyolah pohon sala Shorea robusta).[rujuakan?]

Katiko Indonesia masih manganuik Ejaan van Ophuysen, namo kota iko dieja Soerakarta. Dalam aksara Jawa modern, ditulih ꦱꦸꦫꦏꦂꦠ atau ꦯꦸꦫꦑꦂꦡ . Namo "Surakarta" dibarikan sabagai namo "wisuda" bagi pusek pamerintahan baru Mataram. Namun, sajumlah tulisan lamo manyabuikan, bantuak antaro "Salakarta".

Sajarah[suntiang | suntiang sumber]

Maso pra-kamardekaan[suntiang | suntiang sumber]

Eksistansi kota iko dimulai katiko Sunan Pakubuwana II, rajo Kesultanan Mataram, mamindahkan kadudukan rajo dari Kartasura ka Deso Sala, sabuah deso nan indak jauah dari tapi Bengawan Solo, karano istano Kartasura hancua akibek sarbuan pambarontak. Sunan Pakubuwana II mambali tanah dari lurah Deso Sala, iyolah Kyai Sala, sajumlah 10.000 ringgit (gulden Belanda) untuak mambangun istano Mataram nan baru. Sacaro resmi, istano Mataram nan baru dinamokan Karaton Surakarta Hadiningrat dan mulai di tampeki tanggal 17 Februari 1745. Tanggal iko kamudian ditatapkan sbaagai hari jadi Kota Surakarta. Parjanjian Giyanti nan ditando-tangani dek Sunan Pakubuwana III, Belanda, dan Pangeran Mangkubumi pado 13 Februari 1755 mambagi wilayoh Mataram manjadi duo iolah Kasunanan Surakarta jo Kesultanan Yogyakarta. Salanjuiknyo wilayoh Kasunanan Surakarta samakin bakurang, karano Perjanjian Salatiga nan diadokan pado 17 Maret 1757 manyababkan Raden Mas Said diakui sabagai saurang pangeran mardeka jo wilayah kakuasaan bastatus kadipaten, nan disabuik jo namo Praja Mangkunegaran. Sabagai penguaso Mangkunegaran, Raden Mas Said bagala Adipati Mangkunegara I.

Daerah Istimewa Surakarta[suntiang | suntiang sumber]

Kakuasaan politik kaduo karajaan iko dilikuidasi satelah badirinyo Republik Indonesia pado tanggal 17 Agustus 1945. Salama 10 bulan, Surakarta bastatus sabagai daerah istimewa satingkat provinsi, nan dikana sabagai Daerah Istimewa Surakarta.

Karasidenan Surakarta[suntiang | suntiang sumber]

Selanjuiknyo, karano bakambang garakan antimonarki di Surakarta sarta karusuhan, panculikan, dan pambunuhan pajabat-pajabat DIS, pado tanggal 16 Juni 1946 pamerintah mambubarkan DIS dan mahilangan kakuasaan rajo-rajo Kasunanan dan Mangkunegaran. Status Susuhunan Surakarta dan Adipati Mangkunegaran manjadi rakyaik biaso di masyarakaik dan keraton diubah manjadi pusek pangambangan seni dan budayo Jawa. Kamudian Surakarta ditatapkan manjadi tampek kadudukan dari residen, nan mamimpin Karesidenan Surakarta (Residentie Soerakarta) jo lueh daerah 5.677 km². Karesidenan Surakarta tadiri dari daerah-daerah Kota Praja Surakarta, Kabupaten Karanganyar, Kabupaten Sragen, Kabupaten Wonogiri, Kabupaten Sukoharjo, Kabupaten Klaten, Kabupaten Boyolali. Tanggal 16 Juni 1946 diparingati sabagai hari jadi Pamerintah Kota Surakarta era modern.

Kota Surakarta[suntiang | suntiang sumber]

Satalah Karesidenan Surakarta dihapuihkan pado tanggal 4 Juli 1950, Surakarta manjadi kota di bawah administrasi Provinsi Jawa Tengah. Samanjak barlakunyo UU Pamerintahan Daerah nan mambarikan banyak hak otonomi bagi pamerintahan daerah, Surakarta manjadi daerah bastatus kota otonom.

Surakarta talatak di dataran randah di katinggian 105 m dpl dan di pusek kota 95 m dpl, jo lueh 44,1 km2 (0,14 % lueh Jawa Tangah). Surakarta talatak sakitar 65 km timur lauik Yogyakarta, 100 km tanggaro Samarang dan 260 km barat daya Surabayao sarta dikalilingi jo Gunuang Merbabu (tinggi 3145 m) dan Merapi (tinggi 2930 m) di bagian barat, dan Gunuang Lawu (tinggi 3265 m) di bagian timur. Agak jauah di selatan tabantang Pagunuangan Sewu. Tanah di sakitar kota iko subua karano dikalilingi jo Bangawan Solo, sungai tapanjang di Jawa, sarta dilewaikan jo Kali Anyar, Kali Pepe, dan Kali Jenes. Mato aia basumber dari lereang gunuang Merapi, nan kasalurhannyo bajumlah 19 tampek, jo kapasitas 3.404 l/detik. Katinggian rato-rato mato aia adolah 800-1.200 m dpl. Pado taun 1890 – 1827 hanyo ado 12 sumua di Surakarta. Kini pangambilan aia bawah tanah bakisar sakitar 45 l/detik nan batampek di 23 titiak. Pangambilan aia tanah dilakuan jo industri dan masyarakat, umumnyo ilegal dan indak takandali.[1]

Sampai jo Maret 2006, PDAM Surakarta mamiliki kapasitas produksi sagadang 865,02 liter/detik. Air baku berasal dari sumber mato aia Cokrotulung, Klaten (387 liter/detik) nan talatak 27 km dari kota Solo jo elevasi 210,5 di ateh permukaan lauik dan nan berasal dari 26 buah sumur dalam, antaro lain di Banjarsari, jo total kapasitas 478,02 liter/detik. Selain itu total kapasitas resevoir adolah sagadang 9.140 m3.Dengan kapasitas nan ada, PDAM Surakarta mampu melayani 55,22% masyarakaik Surakarta tamasuak kawasan hinterland jo pemakaian rato-rato 22,42 m3/bulan.

Tanah di Solo basifek pasiran jo komposisi mineral mudo nan tinggi sabagai akibek aktivitas vulkanik Merapi dan Lawu. Komposisi iko, ditambah jo katasadiaan aia nan cukuik malimpah, manyababkan dataran randah iko sangek baiak untuak budidayo tanoman pangan, sayuran, dan industri, mode tembakau dan tebu. Namun, sajak 20 taun tarakhir industri manufaktur jo pariwisata bakambang pesek sahinggo banyak tajadi parubahan paruntuakan lahan untuak kagiatan industri jo parumahan penduduka.

Iklim dan topografi[suntiang | suntiang sumber]

Manuruik klasifikasi iklim Koppen, Surakarta mamiliki iklim muson tropis. Samo saperti kota-kota lain di Indonesia, musim hujan di Solo dimulai bulan Oktober hinggo Maret, dan musim kamarau bulan April hinggo September. Rato-rato curah hujan di Solo adolah 2.200 mm, dan bulan paliang tinggi curah hujannyo adolah Desember, Januari, dan Februari. Suhu udaro relatif konsisten sapanjang tahun, jo suhu rato-rato 30 derajat Celsius. Suhu udaro tatinggi adolah 32,5 darajaik Celsius, sadangkan terandah adolah 21,0 darajaik Celsius. Rato-rato takanan udaro adolah 1010,9 MBS jo kalambaban udaro 75%. Kacapatan angin 4 Knot jo arah angin 240 derajaik.

Rujuakan[suntiang | suntiang sumber]

Templat:Col-css3-begin

  • Miksic, John (general ed.), et al. (2006) Karaton Surakarta. A look into the court of Surakarta Hadiningrat, central Java (First published: 'By the will of His Serene Highness Paku Buwono XII'. Surakarta: Yayasan Pawiyatan Kabudayan Karaton Surakarta, 2004) Marshall Cavendish Editions Singapore ISBN 981-261-226-2
  • Soeharto, G. Dwipayana dan Ramadhan K.H. "Ucapan, Pikiran dan Tindakan Saya". 1988. PT Citra Lamtoro Gung.
  • Paku Buwono XII (Sunan of Surakarta), A. Mutholi'in, "Kraton Surakarta", Yayasan Pawiyatan Kabudayan Karaton Surakarta, 2004
  • Nancy K. Florida, Javanese literature in Surakarta manuscripts / Vol. 1 Introduction and manuscripts of the Karaton Surakarta, Cornell University, Ithaca, N.Y. Southeast Asia Program (SEAP), 1993.
  • Nancy K. Florida, Javanese literature in Surakarta manuscripts / Vol. 2 Manuscripts of the Mangkunagaran Palace, Cornell University Ithaca, NY : Southeast Asia Program (SEAP), 2000.
  • Nancy K. Florida, "Writing the past, inscribing the future: history as prophesy in colonial Java", Duke University Press, 1995
  • Richard Anderson Sutton, "Traditions of gamelan music in Java: musical pluralism and regional identity", CUP Archive, 1991
  • Clara Brakel-Papenhuijzen, "Classical Javanese dance: the Surakarta tradition and its terminology", KITLV Press, 1995
  • The domestication of desire: Women, wealth, and modernity in Java (1998) Brenner, Suzanne April. Princeton, N.J.: Princeton University Press.
  • Kraton and Kumpeni: Surakarta and Yogyakarta, 1830-1870 (1994) Houben, V. J. H.. Leiden: KITLV Press.
  • Prelude to revolution: Palaces and politics in Surakarta, 1912-1942 (1987) Larson, George D.. Dordrecht, Holland and Providence, R.I., U.S.A.: Foris Publications.
  • Solo in the new order: Language and hierarchy in an Indonesian city (1986) Siegel, James T.. Princeton, N.J.: Princeton University Press.
  • Pakubuwono's kraton of Surakarta: Short guide to Surakarta's grandeur : the palace of the Susuhunans Pakubuwono (1980) No contributors listed. Jakarta: Proyek Pengembangan Sarana Wisata Budaya Jakarta.
  • Miftah Sanaji, "Wisata Kuliner Makanan Daerah Khas Solo", Gramedia 2009, ISBN 978-979-22-5209-5
  • "Ekspedisi Bengawan Solo", Laporan Jurnalistik Kompas, Kompas 2009, ISBN 978-979-709-390-7
  • Linda Carolina Brotodjojo, "Jajanan Kaki Lima Khas Solo", Gramedia 2008, ISBN 978-979-22-4143-3
  • Izharry Agusjaya Moenzir, "Gesang", Gramedia 2010, ISBN 978-979-22-5911-7

Templat:Col-css3-end