Urang Rongga
| Urang Rongga |
|---|
| Jumlah populasi |
|
20.000 jiwa.[1] |
| Kawasan bapopulasi cukuik banyak |
| Nusa Tenggara Timur (Kabupaten Flores Timur, dan Kabupaten Manggarai Timur) |
| Bahaso |
| Bahasa Rongga dan bahasa Indonesia |
| Agamo |
|
Katolik, Islam sebagian kecil Kristen Protestan[1] |
| Kalompok etnik takaik |
| Suku Alor, Suku Timor, Suku Rote, Suku Manggarai |
Urang Rongga adolah urang asli Indonesia nan barasa dari provinsi Nusa Tenggara Timur. Konsentrasi permukiman urang Rongga, umumnyo tingga di Kabupaten Flores Timur dan Kabupaten Manggarai Timur. Salah ciek budaya nan cukuik tanamo dari urang ko adolah Tari Vera, sabuah tarian khas urang Rongga nan bahkan alah takenal masyarakaik International.[2]
Budaya Urang Rongga[suntiang | suntiang sumber]
Walaupun urang Rongga indak begitu akrab untuak masyarakaik umum di Indonesia salain urang Timor, urang Alor dan urang Manggarai, nyatonyo ado budaya dan situs budaya urang Rongga nan cukuik tanamo.
Tarian Vera[suntiang | suntiang sumber]
Salah ciek budaya urang Rongga adolah Tarian Vera. Tari Vera adolah sabuah tarian nan umumnyo dijoklan dalam acara khusus yaitu musim bakcocok tanam, dan taruih ditampilkan di rumah adaik urang Rongga. Tari Vera muncul dek ado carito di antaro urang Rongga, di mano di masa lalu ado lahir anak kembar siam bajenis kelamin padusi, di mano kapalon mereka basamo badempet dan indak bisa dipisah.[3] Siring bajalan wakatu, dek kondisi kalahiran fisik nan indak normal, salah ciek bayi kembar tu pun meninggal dunia dek sakik. Sasudah salah cieknyo mati, hal ko manjadi kesulitan untuak anak nan masih iduik karano bagian badan nan mati indak bisa di ambiak. Akhianyo atas pamintaan anak tu, inyo di kubuik iduik-iduik.[3] Sehinggo, tarian iko manggambakan sabuah kasadiahan
Tarian Vera juo ka dijadian kalau ado kalahiran bayi kembar beda jenis, dan juo sabagai bagian dari ritual pamakaman urang-urang gadang di urang Rongga, mode ketua urang, pamuka agamo, dan lain-lain. Tapi dalam pangambangannyo, tarian ko ka diadahan juo untuak maambiak tamu-tamu kahormatan nan tibo ka kawasan permukan urang Rongga, khususnyo di Flores dan Manggarai Timur.[4]
Tari ko biasonyo dibawokan dek sakalompok urang dewasa ado laki-laki jo padusi juo. Panari padusi disabuik daghe dan panari laki disabuik woghu.[5]Tarian dibuek dalam duo barisan, di mano panari padusi ado digarih di muko dan laki-laki digaris di balakang. Ado surang pamimpin mulai mananyanyian lagu, dan di ikuikan dek daghe. Para panari ka saliang bagandeangan tangan jo sambia bakaliling sampai bait-bait lagu salasai dinyanyian. Kato Vera dalam bahaso Rongga diyakini datang dari kato "Pera" nan artinyo wasiat leluhua. Pasan-pasan nenek moyang disampaikan dalam tari Vera ko, dan diharokannyo bisa dijago dari generasi ka generasi urang Rongga.[5]
Pado tahun 2018 lalu, tari Vera ko juo tatokkan sebagai Warisan Budaya Takbenda Indonesia 2018.[4] Pamarintah pusat jo pemerintah daerah Nusa Tengga Timur, mangarajoan pelestarian budaya khas Nusa Tenggara Timur tamasuak tari-tarian, siap namo Pulau Komodo dan destinasi wisata Komodo manjadi primadona di mata pelancong International. Dan tari Vera sabagai tarian panyambutan tamu jo turis, juo manjadi daya tarik untuak wisatawan.[2]
Watu Susu Rongga[suntiang | suntiang sumber]
Watu Susu Rongga marupokan salah ciek situs peninggalan atau warisan budaya dan baistarah untuak urang Rongga di Manggarai Timur. Watu Susu adolah duo batu baukuran cukuik gadang jo tinggi sakitar 15 meter dan luehnyo sakitar 11 meter, berdiri tapisah ciek samo nan lain. karano bantuaknyo nan tinggi dan gadangnyo hampia samo sahinggo bantuaknyo sarupo "Buah Dada Perempuan", dalam bahaso Rongga disabuik Watu Susu.[6]
Dalam carito adaik lokal, tasimpan sabuah carito ado batu Watu Susu. Manuruik tradisi urang Rongga, batu gadang ko dicok dari sabuah kampung banamo Kampung Watu Lajar. Pangambangan batu ko dilakukan untuak dipakai sabagai pintu panutuik masuak ka Bukik Komba sabagai usaho manantisipasi serangan dari Karajaan Todo.[6] Urangnyo masyarakaik urang Rongga tingga di puncak Gunuang Komba. Wilayah Rongga wakatu itu dipimpin dek duo bersaudara yaitu Nai Pati dan Jawa Tu. Inyo manguruah sabanyak 8 (delapan) urang dari urang Rongga untuak maambiak batu tu ka kampuang Watu Lajar. Masing-masing batu dipikul dek ampek urang dan batu harus alah sampai di puncak gunuang sabalun matahari tatubit, serta indak buliah mananyohan parhatian kalau mereka basobok sesuatu nan mahalangi inyo salamo dalam pajalanan.[6]
Tapi kironyo ciek urang nan ikuik dalam rombongan itu yaitu "Jou" mangaluah ketentuan itu. Jou manangkok ciek anjiang di jalan, sakitar jarak 50 meter sabalah timur gunuang Komba. Dek maulah wakatu, merkeka alun tibo juo di perkampungan urang Rongga. Ahirnyo anjiang tu maota baaso dan matoari pun tabitar. Inyo secara tiba-tiba mancaliak batu tu manjelma jadi sangaik gadang dan sangaik payah bagi inyo untuak maninggaknyo baliak.[6]
Karano batu ko indak sampai ka puncak Gunuang Komba, mako dek mudah Karajaan Todo mangakuikannyo Karajaan Rongga nan barmukim di puncak Gunuang Komba. Parang antaro urang Rongga jo urang Todo ko takenal jo namo Perang Komba.[6] Jadi, batu Watu Susu marupokan batu paringatan untuak urang Rongga dalam malawan Karajaan Todo dimaso lalu.
Ritual Kepok[suntiang | suntiang sumber]
Salain Tari Vera nan dipakai sabagai tarian sambia tamu, ado ciek lo tarian dalam sambia tamu khas urang Rongga tarutamo nan tingga Kabupaten Manggarai Timur dan Flores, namonyo adolah "Ritual Kepok" Ritual Kepok ko adolah sabuah tradisi urang Rongga dalam maambiak tamu istimewa nan datang ka kawasan urang Rongga.[7] Kepok artinyo "sapaan" dalam bahaso satampek. Panamputan tamu ko biasonyo dibawokan dek para tetua adaik laki-laki, tapi indak ado aturan harus laki-laki. Di masa-masa tatantu, kaum padusi juo kadang kaliangaik untuak malakuan ritual Kepok. Dan panyambutan ko dikarajoan di parbatasan wilayah ka kawasan nan didiami urang Rongga atau bisa juo di bandara untuak mabaliah kapalo negara.
Dalam ritual ko, tetua adaik urang Rongga ka manyadioan Tawu (tamo atau wadah arak nan dibuek dek para tetua adaik) dan ciek ayam jantan putiah.[8] Manyebabkan Tawu sabagai tando bahwa awak sangaik ramah dan manarimoan satiok tamu nan tibo dari tampek jauah jo manyadioan minuman karano tamu pasti maraso haus dalam pajalanan. Sadangkan ayam sabagai simbol untuak memangku tamu nan ado, makasuiknyo adalah tamu nan ado saharusnyo dipampahan wak katiko datang bakunjuang, tapi karano nan ado adolah urang-urang dewasa, mako digantilah jo ayam sabagai simbol hanyo. Sasudah tu, para tamu ka barisan, jumlah barisan disasuai jo banyaknyo tamu. Tetua adaik ka dipimpin surang pamimpin ritual, dan di luanyo ka diisi dek babarapo tetua adaik lainnyo. Dibaiaran dek para tetua adaik kadang mangunjuang kudo dalam maambiak para tamu, tapi indak suatu kaharusan mamakai kudo.[7]
Katiko barisan alah tasusun, mako surang pamimpin ritual Kepok ka mangaluangi sabuah kain songket ka tamu padusi dan topi Rongga ka tamu laki-laki serta ka mangucapkan kato-kato panyambutan jo manggunoan bahaso Rongga, dan ka dijawek oleh wakil salah ciek tamu nan disambuik.[7] Salain tu, tau isi arak ka dibari ka tamu dan harus diminum bagiliran. Sasudah tu ayam jantan ka dibari ka tamu dan dipangan jo dipangku bagiliran. Sasudah itu dikarajoan, ka dikarajoan konvoi basamo rombongan tamu ka lokasi atau tampek pasinggahan para tamu.[7] Ritual Kepok ko alah samakin ditingkekan di Manggarai Timur, sabagai warisan budaya khas urang Rongga.[7]
Kayakinan[suntiang | suntiang sumber]
Berdasarkan data BPS Kabupaten Manggarai Timur, sabagai kawasan konsentrasi urang Rongga umumnyo inyo baagamo Katolik, dan babarapo maadoan agamo Islam dan sebagian ketek Kristen Protestan.[9] Walaupun babeda kayakinan, masyarakaik urang Rongga iduik basamo-samo dan indak pernah ado perselisihan antaro sasamo-samo urang Rongga. Kabaragam ko mambuek domisili urang Rongga di Kabupaten Manggarai Timur sabagai kawasan nan manjaga toleransi baagamo.[2]
Karajo[suntiang | suntiang sumber]
Banyak di antaro urang Rongga maaluti karajo bataranak jo patani. Hal ko bisa dicaliak dari banyaknyo warga urang Rongga di Manggarai Timur tarutamo di kacamatan Kota Komba nan baternak kudo.[7] Di babarapo daerah juo batani jadi karajo utamo warga, tarutamo tani jaguang dan padi. [9]
Rujuakan[suntiang | suntiang sumber]
- ↑ a b "Rongga People in Indonesia". www.joshuaproject.net. Diakses tanggal 3 April 2019.
- ↑ a b c Makur, Markus. "Ketenaran Tarian Vera Rongga Flores Melambung sampai Perancis". Kompas.com.
- ↑ a b "Tarian Vera dari Manggarai". www.wisata.nttprov.go.id. Diarsipkan dari versi asli tanggal 2019-04-06. Diakses tanggal 19 Januari 2023.
- ↑ a b "Tarian Asal Suku Rongga Ini Ditetapkan Jadi Warisan Budaya Nasional". www.floreseditorial.com. Diarsipkan dari versi asli tanggal 2019-04-06. Diakses tanggal 19 Januari 2023.
- ↑ a b "Buku Penetapan WBTb 2018" (PDF). www.warisanbudaya.kemdikbud.go.id. Diakses tanggal 19 Januari 2023.
- ↑ a b c d e "Watu Susu Rongga - NTT". www.situsbudaya.id. Diarsipkan dari versi asli tanggal 2023-01-19. Diakses tanggal 19 Januari 2023.
- ↑ a b c d e f "Menjemput Tamu Dengan Pasukan Berkuda Ala Flores". www.nationalgeographic.grid.id. Diakses tanggal 19 Januari 2023.
- ↑ "Pesona Indonesia, Ritual Kepok". www.m.rri.co.id. Diakses tanggal 19 Januari 2023.[pranala nonaktif permanen]
- ↑ a b "Kabupaten Manggarai Timur Dalam Angka 2018". www.manggaraitimurkab.bps.go.id. Diakses tanggal 19 Januari 2023.
