Indonesia

Dari Wikipedia baso Minang, ensiklopedia bebas
Lompek ka: navigasi, cari
Republik Indonesia
Lambang
MottoBhinneka Tunggal Ika
(Bahaso Jawa Kuno: "Babedo-bedo tetapi tetap Satu")
Ideologi nasional: Pancasila
Lagu kabangsaan

Indonesia Rayo
Ibu koto
(dan koto tagadang)
Jakarta
6.00°10.5′S 106°49.7′E / 6.175°S 106.8283°E / -6.175; 106.8283
Bahaso rasmi Bahasa Indonesia
Pamarintahan Republik presidensial
 -  Presiden Joko Widodo
 -  Wakil Presiden Jusuf Kalla
 -  Ketua MPR Zulkifli Hasan
 -  Ketua DPR Setya Novanto
 -  Ketua DPD Irman Gusman
Legislatif Majelis Permusyawaratan Rakyat
 -  Majelih Tinggi Dewan Perwakilan Daerah
 -  Majelih Randah Dewan Perwakilan Rakyat
Kemerdekaan dari Belanda 
 -  Diproklamasikan 17 Agustus 1945 
 -  Diakui (sebagai RIS) 27 Desember 1949 
 -  Kembali ke RI 17 Agustus 1950 
Laweh
 -  Total 1,904,569 km2 (15)
 -  Aia (%) 4,85%
Panduduak
 -  Pakiroan 19 Juni 2009 230.472.833[1] (4)
 -  Sensus 2010 237.556.363[2] 
 -  Kapadekan 124/km2 (84)
PDB (KKB) Pakiroan 2013
 -  Total AS$ 1.285 miliar[3] 
 -  Per kapita AS$ $5,182[3] 
PDB (nominal) Perkiraan 2013
 -  Total AS$ 867.468 miliar[3] (16)
 -  Per kapita AS$ 3,499[3] (115)
IPM (2012) 0.629[4] (menengah) (121)
Mato uang Rupiah (Rp) (IDR)
Zona wakatu WIB (+7), WITA (+8), WIT (+9)
Lajua kamudi Kiri
Ranah Internet .id
Kode telepon +62


Republik Indonesia nan disinkek manjadi RI atau Indonesia adolah nagara kasatuan di Asia Tenggara nan dilintehan garih khatulistiwa, barado di antaro banua Asia jo Australia sarato di antaro Samudra Pasifik jo Samudra Hindia. Indonesia marupoan nagara kapulauan paliang gadang di dunia nan tadiri dari 13.466 pulau, dek itulah inyo disabuik juo jo Nusantaro. Salain itu, Indonesia marupoan nagara nan jumlah panduduaknyo paliang banyak kaampek di dunia jo nagara nan jumlah panduduak Muslim paliang banyak di dunia, meskipun sacaro rasmi bukanlah nagara Islam. Bantuak pamarintahan Indonesia adolah republik, jo Dewan Pawakilan Rakyat, Dewan Pawakilan Daerah, sarato Presiden nan dipiliah lansuang. Ibu kota nagaranyo adolah Jakarta. Indonesia babatehan jo Malaysia di Pulau Kalimantan, jo Papua Nugini di Pulau Papua sudah itu jo Timor Leste di Pulau Timor. Nagara tatangga lainnyo adolah Singapura, Filipina, Australia, jo wilayah pasatuan Kapulauan Andaman jo Nikobar di India.

Dari Sabang sampai Merauke, Indonesia tadiri dari babagai suku, bahaso jo agamo nan babeda-beda. Suku Jawa adolah kalompok etnis paliang gadang. Samboyan atau motto Indonesia adolah "Bhinneka Tunggal Ika" (Babeda-beda tapi tetap ciek) nan bararti kabaragaman nan mambantuak nagara. Salain populasi padek jo wilayah nan lueh, Indonesia punyo wilayah alam nan mandukuang tingkek kaanekaragaman hayati nan paliang gadang kaduo di dunia.

Etimologi[suntiang | suntiang sumber]

Kato "Indonesia" barasa dari kato dalam bahaso Latin yaitu Indus nan bararti "Hindia" jo kato dalam bahaso Yunani nesos nan bararti "pulau".[5] Jadi, kato Indonesia bararti wilayah Hindia kapulauan, atau kapulauan nan barado di Hindia, nan manunjuakkan baso namo iko tabantuak jauah sabalun Indonesia manjadi nagara badaulek.[6] Pado tahun 1850, George Earl, saurang etnolog bakabangsoan Inggirih, awalnyo mangusuakan istilah Indunesia jo Malayunesia untuak panduduak "Kapulauan Hindia atau Kapulauan Malayu".[7] Murid dari Earl, James Richardson Logan, manggunokan kato Indonesia sabagai sinonim dari Kapulauan India.[8] Namun, panulihan akademik Balando di media Hindia-Balando indak manggunokan kato Indonesia, tetapi istilah Kapulauan Malayu (Maleische Archipel); Hindia Timua Balando (Nederlandsch Oost Indië), atau Hindia (Indië); Timua (de Oost); jo bahkan Insulinde (istilah iko dipakanalkan tahun 1860 dalam novel Max Havelaar (1859), ditulih dek Multatuli, manganai kritik tahadok kolonialisme Balando).[9]

Sajak tahun 1900, namo Indonesia manjadi labiah umum pado lingkuangan akademik di lua Balando, jo golongan nasionalis Indonesia manggunokannyo untuak ekspresi politik.[9] Adolf Bastian dari Universitas Berlin mamasyarakaikkan namo iko malalui buku Indonesien oder die Inseln des Malayischen Archipels, 1884–1894. Pelajar Indonesia partamo nan manggunokannyo iolah Suwardi Suryaningrat (Ki Hajar Dewantara), yaitu katiko baliau mandirikan kantua barito di Balando nan banamo Indonesisch Pers Bureau pado tahun 1913.[6]

Sijarah[suntiang | suntiang sumber]

Nagara ko mamproklamasikan kamardekaannyo pado tariah 17 Agustus 1945.

Politik jo Pamarintahan[suntiang | suntiang sumber]

Rapek di Gedung MPR-DPR

Indonesia manjalankan pamarintahan republik presidensial multipartai nan demokratis. Sarupo jo di nagara-nagara demokrasi lainnyo, sistem politik di Indonesia didasakan pado Trias Politika yaitu kakuasaan legislatif, eksekutif jo yudikatif. Kakuasaan legislatif dipaciak dek sabuah limbago barnamo Majelis Permusyawaratan Rakyat (MPR).

MPR pernah manjadi limbago tatinggi nagara unikameral, namun satalah amandemen ka-4 MPR bukanlah limbago tatinggi sarato komposisi kaanggotaannyo lai juo baubah. MPR satalah amandemen UUD 1945, yaitu sajak 2004 alah manjadi limbago bikameral nan tadiri dari 560 anggota Dewan Perwakilan Rakyat (DPR) nan marupoan wakil rakyat malalui Partai Politik, ditambuah jo 132 anggota Dewan Perwakilan Daerah (DPD) nan marupoan wakil provinsi dari jalur independen.[10] Anggota DPR jo DPD dipiliah malalui pemilu sarato dilewa untuak maso jabatan limo tahun. Sabalunnyo, anggota MPR adolah sadoalah anggota DPR ditambuah utusan golongan jo TNI/Polri. MPR kini diketuai dek Taufiq Kiemas. DPR kini diketuai dek Marzuki Alie, sadangkan DPD kini diketuai dek Irman Gusman.

Limbago eksekutif bapusek pado presiden, wakil presiden, jo kabinet. Kabinet di Indonesia adolah Kabinet Presidensial sahinggo para Mantari batangguang jawab bakeh presiden jo indak mawakili partai politik nan ado di parlemen. Meskipun demikian, Presiden kini yakni Susilo Bambang Yudhoyono nan diusuang dek Partai Demokrat manunjuak pulo sajumlah pamimpin Partai Politik untuak duduak di kabinetnyo. Tujuannyo untuak manjago stabilitas pamarintahan mangingek kueknyo posisi limbago legislatif di Indonesia. Namun pos-pos penting jo strategis umumnyo diisi dek Mantari tanpa portofolio partai (barasa dari sasaurang nan dianggok ahli dalam bidangnyo).

Limbago Yudikatif sajak maso reformasi jo adonyo amandemen UUD 1945 dijalankan dek Mahkamah Agung, Komisi Yudisial, jo Mahkamah Konstitusi, tamasuak pangaturan administrasi para hakim. Meskipun damikian kabaradoan Mantari Hukum jo Hak Asasi Manusia tetap dipertahankan.

Administratif[suntiang | suntiang sumber]

Indonesia kini tadiri dari 34 provinsi, limo di antaronyo mamiliak'i statuih nan babedo. Provinsi dibagi manjadi 403 kabupaten jo 98 kota nan dibagi lai manjadi kecamatan nan dibagi lai menjadi kelurahan, desa, gampong, kampung, nagari, pekon, atau istilah lain nan diakomodasi dek Undang-Undang Republik Indonesia Nomor 32 Tahun 2004 tentang Pamarintahan Daerah. Tiok provinsi mamiliak'i DPRD Provinsi jo gubernur; samantaro kabupaten mampunyoi DPRD Kabupaten jo bupati; kamudian kota mampunyoi DPRD Kota jo wali kota; sadonyo dipiliah langsuang dek rakyat malalui Pemilu jo Pilkada. Bagaimanopun di Jakarta indak tadapek DPR Kabupaten atau Kota, karano Kabupaten Administrasi jo Kota Administrasi di Jakarta bukanlah daerah otonom.

Provinsi Aceh, Daerah Istimewa Yogyakarta, Papua Barat, jo Papua mamiliak'i hak istimewa legislatur nan labiah gadang jo tingkek otonomi nan labiah tinggi dibandingkan provinsi lainnyo. Contohnyo, Aceh bahak mambantuak sistem legal surang; pado tahun 2003, Aceh muloi manetapkan hukum Syariah.[11] Yogyakarta mandapek statuih Daerah Istimewa sabagai pangakuan tahadok peran penting Yogyakarta dalam mandukuang Indonesia salamo Revolusi.[12] Provinsi Papua, sabalunnya disabuik Irian Jaya, mandapek statuih otonomi khusus tahun 2001.[13] DKI Jakarta, adolah daerah khusus ibukota nagara. Timor Portugis digabuangkan ka dalam wilayah Indonesia jo manjadi provinsi Timor Timur pado 1979–1999, nan kamudian mamisahkan diri malalui referendum manjadi Nagara Timor Leste.[14]

Provinsi di Indonesia jo ibukotanyo

Sumatera

Jawa

Kepulauan Nusa Tenggara

Kalimantan

Sulawesi

Kepulauan Maluku

Papua

Geografi[suntiang | suntiang sumber]

Lihat pula: Peta Asia dan Jumlah pulau di Indonesia

Indonesia adolah nagara kapulauan di Asia Tenggara[15] nan mamiliaki 13.487 pulau gadang jo ketek, sekitar 6.000 di antaronyo indak bapauni[16], nan manyebar disekitar khatulistiwa, nan maagiah cuaco tropis. Posisi Indonesia talatak pado koordinat 6°LU - 11°08'LS jo dari 95°'BT - 141°45'BT sarato talatak di antaro duo banua yaitu banua Asia jo banua Australia/Oseania.

Wilayah Indonesia tabantang sapanjang 3.977 mil di antaro Samudra Hindia jo Samudra Pasifik. Laweh daratan Indonesia adolah 1.922.570 km² dan laweh parairannyo 3.257.483 km². Pulau tapadek panduduaknyo adolah pulau Jawa, dimano satangah populasi Indonesia bamukim. Indonesia tadiri dari 5 pulau gadang, yaitu: Jawa nan lawehnyo 132.107 km², Sumatera nan lawehnyo 473.606 km², Kalimantan nan lawehnyo 539.460 km², Sulawesi nan lawehyo 189.216 km², jo Papua nan lawehnyo 421.981 km². Bateh wilayah Indonesia diukua dari kapulauan manggunokan territorial lauik: 12 mil laut sarato zona ekonomi eksklusif: 200 mil laut,[17] saarah panjuru mato angin, yaitu:

Utara Nagara Malaysia nan babatehan sapanjang 1.782 km[16], Singapura, Filipina, jo Laut Cina Selatan
Selatan Nagara Australia, Timor Leste, jo Samudra Indonesia
Barat Samudra Indonesia
Timur Nagara Papua Nugini jo pabatehan sapanjang 820 km[16], Timor Leste, jo Samudra Pasifik


Sumber daya alam[suntiang | suntiang sumber]

Sumber daya alam Indonesia barupo minyak bumi, timah, gas alam, nikel, kayu, bauksit, tanah subur, batu bara, ameh, jo perak jo pambagian lahan tadiri dari tanah patanian sagadang 10%, pakabunan sagadang 7%, padang rumpuik sagadang 7%, hutan jo daerah bahutan sagadang 62%, jo lainnyo sagadang 14% jo lahan irigasi salaweh 45.970 km[18]

Demografi[suntiang | suntiang sumber]

Manuruik sensus panduduak 2000, Indonesia mamiliak'i populasi sakita 206 juto,[19] jo dipakirokan pado tahun 2006 bapanduduak 222 juto.[20] 130 juto (labiah dari 50%) tingga di Pulau Jawa nan marupoan pulau bapanduduak tabanyak sakaligus pulau dimano ibukoto Jakarta barado.[21] Sabagian basa (95%) panduduak Indonesia adolah Bangso Austronesia, jo tadapek juo kalompok-kalompok suku Melanesia, Polinesia, jo Mikronesia tarutamo di Indonesia bagian Timua. Banyak panduduak Indonesia nan manyatokan dirinyo sabagai bagian dari kalompok suku nan labiah spesifik, nan dibagi manuruik bahaso jo asa daerah, misalnyo Jawa, Sunda, Madura, Batak, jo Minangkabau.

Salain itu ado juo panduduak pandatang nan jumlahnyo minoritas di antaronyo adolah etnis Tionghoa, India, jo Arab. Mareka alah lamo datang ka Nusantara malalui padagangan sajak abaik ka 8 M jo manatap manjadi bagian dari Nusantara. Di Indonesia tadapek sakita 4 juto populasi etnis Tionghoa.[22] Angko iko babedo-bedo karano hanyo pado tahun 1930 jo 2000 pamarintah malakukan sensus jo manggolong-golongkan masyarakaik Indonesia ka dalam suku bangso jo katurunannyo.

Islam adolah agamo mayoritas nan dianuik dek sakita 85,2% panduduak Indonesia, nan manjadikan Indonesia nagara jo panduduak muslim tabanyak di dunia.[23] Sisonyo baagamo Protestan (8,9%), Katolik (3%), Hindu (1,8%), Buddha (0,8%), jo lain-lain (0,3%). Salain agamo-agamo tasabuik, pamarintah Indonesia juo sacaro rasmi mangakui Konghucu.[24]

Kabanyakan panduduak Indonesia batutua dalam bahaso daerah sabagai bahaso ibu, namun bahaso rasmi nagara, yaitu bahaso Indonesia, diajakan di saluruah sakolah-sakolah di nagara iko jo dikuasoi dek ampia saluruah panduduak Indonesia.

Kabudayoan[suntiang | suntiang sumber]

Pertunjukan[suntiang | suntiang sumber]

Wayang kulit warisan budayo Jawa.

Indonesia mamiliaki sekitar 300 kalompok etnis, tiok etnis punyo warisan budayo nan bakambang salamo baabaik-abaik, dipangaruahi dek budayo India, Arab, Cina, Eropa, jo tamasuak budayo surang yaitu Melayu. Contohnyo tarian Jawa jo Bali tradisional nan punyo aspek budayo jo mitologi Hindu, sarupo wayang kulit nan manampilkan kisah-kisah tantang kajadian mitologis Hindu Ramayana jo Baratayuda. Banyak juo seni tari nan barisikan nilai-nilai Islam. Babarapo di antaronyo dapek ditamukan di daerah Sumatera sarupo tari Ratéb Meuseukat jo tari Seudati dari Aceh.

Seni pantun, gurindam, jo sabagainyo dari bamacam daerah sarupo pantun Melayu, jo pantun-pantun lainnyo acapkali dipagunokan dalam acara-acara tatantu yaitu perhelatan, pentas seni, jo lain-lain.

Pakaian[suntiang | suntiang sumber]

Saurang gadih Palembang sadang mamakai Songket, salah satu pakaian tradisional Indonesia.

Di bidang pakaian warisan budayo nan tanamo di saluruah dunia adolah karajinan batik. Babarapo daerah nan tanamo jo industri batik malipuiki Yogyakarta, Surakarta, Cirebon, Pandeglang, Garut, Tasikmalaya dan juo Pekalongan. Karajinan batik iko pun diklaim dek nagara lain jo industri batiknyo.[25] Pakaian asli Indonesia dari Sabang sampai Merauke lainnyo dapek dikataui dari ciri-cirinyo nan dipakaikan di satiok daerah antaro lain baju kurung jo songketnyo dari Sumatera Barat (Minangkabau) jo Sumatera Selatan (Palembang), kain ulos dari Sumatera Utara (Batak), pakaian kebaya, pakaian khas Dayak di Kalimantan, baju bodo dari Sulawesi Selatan, pakaian bakoteka dari Papua jo sabagainyo.

Arsitektur[suntiang | suntiang sumber]

Lukisan Candi Prambanan nan barasa dari maso pamarintahan Raffles.

Arsitektur Indonesia mancaminkan kanekaragaman budayo, sijarah, jo geografi nan mambantuak Indonesia sautuahnyo. Kaum panyarang, panjajah, panyebar agamo, padagang, jo saudagar mambaok parubahan budayo jo maagiah akibaik pado gaya jo teknik bangunan. Tradisionalnyo, pangaruah arsitektur asiang nan paliang kuek adolah dari India. Tapi, Cina, Arab, jo sajak abaik ka-19 pangaruah Eropa manjadi cukuik dominan.

Ciri khas arsitektur Indonesia kuno masih dapek dicaliak malalui rumah-rumah adaik jo/atau istano-istano karajaan dari tiok-tiok provinsi. Taman Mini Indonesia Indah, salah satu objek wisata di Jakarta nan manjadi miniatur Indonesia, manampilkan kaanekaragaman arsitektur Indonesia itu. Babarapo bangunan khas Indonesia misalnyo Rumah Gadang, Monumen Nasional, jo Bangunan Fakultas Teknik Sipil jo Perencanaan di Institut Teknologi Bandung.

Ulahrago[suntiang | suntiang sumber]

Ulahrago nan paliang populer di Indonesia adolah bulu tangkis jo sepak bola; Liga Super Indonesia adolah liga klub sepak bola utamo di Indonesia. Ulahrago tradisional tamasuak sipak rago jo karapan sapi di Madura. Di wilayah jo sijarah parang antar suku, kontes pataruangan diadokan, sarupo caci di Flores, jo pasola di Sumba. Pancak silek adolah seni bela diri nan unik nan barasa dari wilayah Indonesia. Seni bela diri iko kadang-kadang ditampilkan pado acaro-acaro patunjuakan nan biasonyo diiriangi jo musik tradisional Indonesia barupo gamelan jo seni musik tradisional lainnyo sasuai jo daerah asanyo. Ulahrago di Indonesia biasonyo baorientasi pado laki-laki jo ulahrago spektator acok bahubuangan jo judi nan ilegal di Indonesia.[26]

Di ajang kompetisi multi cabang, prestasi atlet-atlet Indonesia indak talalu mangasankan. Di Olimpiade, prestasi tabaik Indonesia diraiah pado Olimpiade 1992, dimano Indonesia manduduaki paringkek 24 jo maraiah 2 amek 2 perak jo 1 parunggu. Pado era 1960 hinggo 2000, Indonesia marajoi bulu tangkis. Atlet-atlet putra Indonesia sarupo Rudi Hartono, Liem Swie King, Icuk Sugiarto, Alan Budikusuma, Ricky Subagja, jo Rexy Mainaky marajoi kajuaroan-kajuaroan dunia. Rudi Hartono nan dianggok sabagai maestro bulu tangkis dunia, manjadi juaro All England tabanyak sapanjang sijarah. Salain bulu tangkis, atlet-atlet tinju Indonesia juo talok maraih gala juaro dunia, sarupo Elyas Pical, Nico Thomas[27], jo Chris John.[28]

Seni musik[suntiang | suntiang sumber]

Seni musik di Indonesia, baiak tradisional maupun modern sangaik banyak tabantang dari Sabang hinggo Merauke. Satiok provinsi di Indonesia mamiliaki musik tradisional jo ciri khasnyo nan balainan. Musik tradisional tamasuk juo keroncong nan barasa dari katurunan Portugis di daerah Tugu, Jakarta,[29] nan dikana dek sado rakyat Indonesia malah hinggo ka mancanegara. Ado juo musik nan marakyat di Indonesia nan dikana jo namo dangdut yaitu musik baaliran Melayu modern nan dipangaruahi dek musik India sainggo musik dangdut iko babedo bana jo musik tradisional Melayu nan sabananyo, sarupo musik Melayu Deli, Melayu Riau, jo sabagainyo.

Alek musik tradisional nan marupoan alek musik khas Indonesia mamiliaki banyak ragam dari babagai daerah di Indonesia, namun banyak pulo dari alek musik tradisional Indonesia 'dimaliang' dek nagara lain[30] untuak kapantiangan panambahan budayo jo seni musiknyo surang jo mamatenkan hak cipto seni budayo dari Indonesia. Alat musik tradisional Indonesia antaro lain malipuiki:

  • Gondang Batak
  • Gong Kemada
  • Gong Lambus
  • Jidor
  • Kecapi Suling
  • Kulcapi Batak
  • Kendang Jawa
  • Serunai
  • Seurune Kale
  • Suling Lembang
  • Sulim Batak
  • Suling Sunda
  • Talempong
  • Tanggetong
  • Tifa, dan sebagainya

Boga[suntiang | suntiang sumber]

Babarapo makanan Indonesia: soto ayam, sate kerang, telor pindang, perkedel jo es teh manih.

Masakan Indonesia bavariasi bagantuang pado wilayahnyo.[31] Nasi adolah makanan pokok jo dihidangkan jo lauk daging jo sayur. Bumbu (tarutamo cabai), santan, ikan, jo ayam adolah bahan nan pantiang.[32]

Sapanjang sijarah, Indonesia alah manjadi tampek padagangan antaro duo banua. Iko manyababkan tabaoknyo banyak bumbu, bahan makanan jo teknik mamasak dari bangso Melayu, India, Timur tangah, Tionghoa, jo Eropa. Sadonyo iko bacampua jo ciri khas makanan Indonesia tradisional, mahasiakan banyak kaanekaragaman nan indak ditamukan di daerah lain. Malah bangso Spanyol jo Portugis, alah mandahului bangso Balando jo mambaok banyak produk dari dunia baru ka Indonesia.

Sambal, sate, bakso, soto, jo nasi goreng marupoan babarapo contoh makanan nan biaso dimakan masyarakat Indonesia satiok hari.[33] Salain disajikan di waruang atau restoran, tadapek pulo aneka makanan khas Indonesia nan dijua dek para padagang kaliliang manggunokan garobak atau pikulan. Padagang iko manyajikan bubur ayam, mie ayam, mi bakso, mi goreng, nasi goreng, aneka macam soto, siomay, sate, nasi uduk, jo lain-lain.

Rumah makan Padang nan manyajikan nasi Padang, yaitu nasi disajikan basamo aneka lauk-pauk Masakan Padang, mudah ditamui di babagai kota di Indonesia. Salain itu Warung Tegal nan manyajikan masakan Jawa khas Tegal jo harago nan tajangkau juo tasebar laweh. Nasi rames atau nasi campur nan baisi nasi sarato lauk atau sayur pilihan dijua di waruang nasi di tampek-tampek umum, sarupo stasiun kareto api, pasa, jo terminal bus. Di Daerah Istimewa Yogyakarta jo salingkanyo dikana pulo nasi kucing sabagai nasi rames nan baukuran ketek jo harago murah, nasi kucing acok dijua di ateh angkringan, sajinih waruang kaki limo. Panganan ketek samisal kue-kue banyak dijua di pasa tradisional. Kue-kue tasabuik biasonyo babahan dasa bareh, katan, ubi kayu, ubi jalar, terigu, atau sagu.

Bahasa[suntiang | suntiang sumber]

Indonesia hanyo mamiliaki satu bahaso nasional atau bahaso nagara, yakni Bahaso Indonesia.[34] Campua tangan nagara taadok bahaso nasional disalanggarokan malalui Badan Pengembangan dan Pembinaan Bahasa di bawah KeMantarian Pendidikan dan Kebudayaan.[35]

Indonesia mamiliaki labiah dari 721 bahaso daerah[36]. Di antaro ratuihan bahaso daerah tasabuik, nan paliang banyak sebarannyo adolah di Papua jo Kalimantan, sadangkan nan paliang saketek adolah di pulau Jawa. Manuruik jumlah panutuanyo, bahaso daerah nan paliang banyak digunokan di Indonesia baturuik-turuik adolah: Jawa (80 juto panutua), Melayu-Indonesia, Sunda, Madura, Batak, Minangkabau, Bugis, Aceh, Bali, Banjar.

Bahaso Inggirih sabagai bahaso internasional alah dipakanakan dek pamarintah Indonesia kapado para pelajar muloi janjang pandidiakan dasa.[37] Meski demikian, jo babagai alasan tadapek upayo untuak mahapuih palajaran bahaso Inggirih di tingkek sikolah dasa.[38][39]

Bagi panganuik agamo Islam nan manjadi kaum mayoritas di Indonesia,[40] bahaso Arab adolah bahaso asiang nan mandapek kaduduakan khusus, karano haruih dipraktikkan dalam ibadah harian tatantu, misalnyo salat[41]. Meskipun demikian, bahaso Arab indak manjadi bahaso pagaulan umum sajak periode awal kabaradoannyo di Indonesia.[42]

Lingkuangan hiduik[suntiang | suntiang sumber]

Rafflesia arnoldii bungo tagadang di dunia, diameternyo mancapai 1,3 meter.
Komodo, hewan reptil sarik khas dari Nusa Tenggara.

Wilayah Indonesia mamiliaki kaanekaragaman makhluk hiduik nan tinggi sahinggo dek babarapo pihak wilayah ekologi Indonesia disabuik jo istilah "Mega biodiversity" atau "kaanekaragaman mahluk hiduik nan tinggi"[43][44] umumnyo dikana juo sabagai Indomalaya atau Malesia manuruik panalitian baso 10 persen tumbuhan, 12 persen mamalia, 16 persen reptil, 17 persen buruang, 25 persen ikan nan ado di dunia hiduik di Indonesia, padohal laweh Indonesia hanyo 1,3 % dari laweh Bumi. Kakayoan makhluk hiduik Indonesia manduduaki paringkek katigo salapeh Brasil jo Republik Demokratik Kongo.[45]

Meskipun damikian, Guinness World Records pado 2008 pernah mancatek rekor Indonesia sabagai nagara nan paliang kancang laju karusakan hutannyo di dunia. Satiok tahun Indonesia kahilangan hutan salaweh 1,8 juto hektar. Karusakan nan tajadi di daerah hulu (hutan) juo turuik marusak kawasan di daerah hilir (pasisia).[46] Manuruik catatan Down The Earth, proyek Asian Development Bank (ADB) di sektor kalauikan Indonesia alah mamicu tajadinyo aliah fungsi sacaro gadang-gadangan hutan bakau manjadi kawasan patambakan. Padohal hutan bakau, salain bafungsi malinduangi pantai dari abrasi, marupoan habitat nan elok bagi babagai jinih ikan. Kahancuaan hutan bakau tasabuik maakibaikkan nalayan harus mancari ikan jo jarak samakin jaauh jo manambah biayo operasional mareka dalam mancari ikan. Salain itu, hancuanyo hutan bakau juo maakibaikkan samakin rentannyo kawasan pasisia Indonesia tahadok terjangan aia pasang lauik jo banjir, talabiah di musim hujan.[47]

Rujukan[suntiang | suntiang sumber]

  1. ^ Jam penduduk Indonesia
  2. ^ "Hasil Sensus Penduduk 2010 Data Agregrat per Provinsi" (PDF). Badan Pusat Statistik. 23 Nopember 2010. http://www.bps.go.id/download_file/SP2010_agregat_data_perProvinsi.pdf. Diakses pado 21 Agustus 2010. 
  3. ^ a b c d International Monetary Fund (November 2011). World Economic Outlook Database. Siaran pers. Diakses pado 30 November.
  4. ^ HDR Stats
  5. ^ Tomascik, T (1996). The Ecology of the Indonesian Seas - Part One. Hong Kong: Periplus Editions Ltd.. ISBN 962-593-078-7. 
  6. ^ a b Anshory, Irfan, "Asal Usul Nama Indonesia ", (Pikiran Rakyat), 16 Agustus 2004. Diakses pado 5 Oktober 2006.
  7. ^ Earl, George S. W. (1850). "On The Leading Characteristics of the Papuan, Australian and Malay-Polynesian Nations". Journal of the Indian Archipelago and Eastern Asia (JIAEA): 119. 
  8. ^ Logan, James Richardson (1850). "The Ethnology of the Indian Archipelago: Embracing Enquiries into the Continental Relations of the Indo-Pacific Islanders". Journal of the Indian Archipelago and Eastern Asia (JIAEA): 4, 252–347. ; Earl, George S. W. (1850). "On The Leading Characteristics of the Papuan, Australian and Malay-Polynesian Nations". Journal of the Indian Archipelago and Eastern Asia (JIAEA): 254, 277–278. 
  9. ^ a b Justus M. van der Kroef (1951). "The Term Indonesia: Its Origin and Usage". Journal of the American Oriental Society 71 (3): 166–171. doi:10.2307/595186. http://links.jstor.org/sici?sici=0003-0279%28195107%2F09%2971%3A3%3C166%3ATTIIOA%3E2.0.CO%3B2-5. 
  10. ^ "Perubahan Ketiga Undang-Undang Dasar Negara Republik Indonesia Tahun 1945" (dalam bahaso Indonesia) (pdf) http://www.bappenas.go.id/get-file-server/node/88/. Diakses pado 24 Mai 2011 
  11. ^ Michelle Ann Miller (2004). "The Nanggroe Aceh Darussalam law: a serious response to Acehnese separatism?". Asian Ethnicity 5 (3): 333–351. doi:10.1080/1463136042000259789. http://www.ingentaconnect.com/content/routledg/caet/2004/00000005/00000003/art00005. 
  12. ^ Dewan Perwakilan Rakyat (1999). Bab XIV Other Provisions, Pasal 122; Undang-Undang Republik Indonesia Nomor 5 Tahun 1974 tentang Pokok-Pokok Pemerintahan di Daerah PDF (146 ). Presiden Indonesia (1974). Bab VII Aturan Peralihan, Pasal 91
  13. ^ Dursin, Richel; Kafil Yamin, "Another Fine Mess in Papua ", Editorial, (The Jakarta Post), 18 November 2004. Diakses pado 5 Oktober 2006.; "Papua Chronology Confusing Signals from Jakarta ", (The Jakarta Post), 18 November 2004. Diakses pado 5 Oktober 2006.
  14. ^ Burr, W. (2001-12-06). "Ford and Kissinger Gave Green Light to Indonesia's Invasion of East Timor, 1975: New Documents Detail Conversations with Suharto". National Security Archive Electronic Briefing Book No. 62. National Security Archieve, Universitas George Washington, Washington, D.C.. http://www.gwu.edu/~nsarchiv/NSAEBB/NSAEBB62/. Diakses pado 17 September 2006. 
  15. ^ Dotinga, Harm (2000). International organizations and the law of the sea: documentary yearbook, Vol 14. Martinus Nijhoff Publishers. pp. 960. ISBN 9041113452, 9789041113450. 
  16. ^ a b c International Monetary Fund. Estimate World Economic Outlook Database. Siaran pers. Diakses pado 5 Oktober 2006.; "Indonesia Regions". Indonesia Business Directory. http://www.indonext.com/Regions/. Diakses pado 24 April 2007. 
  17. ^ Article 55, 1982 UN Convention on the Law of The Sea.
  18. ^ World Bank (1994). A World Bank country study Country Studies: Indonesia: environment and development. World Bank Publications. ISBN 0821329502, 9780821329504. 
  19. ^ Indonesian Central Statistics Bureau (30 Juni 2000). 2000 Population Statistics. Siaran pers. Diakses pado 5 Oktober 2006.
  20. ^ Indonesian Central Statistics Bureau (1 September 2006). Tingkat Kemiskinan di Indonesia Tahun 2005–2006 (PDF) (dalam Bahasa Indonesia). Siaran pers. Diakses pado 26 September 2006.
  21. ^ Calder, Joshua (2006-05-03). "Most Populous Islands". World Island Information. http://www.worldislandinfo.com/POPULATV2.htm. Diakses pado 26 September 2006. 
  22. ^ (16 Mei 2008). "Country Profile 2008: Indonesia" (pdf). Economist Intelligence Unit. Diakses pada 31 Juli 2008.
  23. ^ "Indonesia - The World Factbook". https://www.cia.gov/library/publications/the-world-factbook/geos/id.html. 
  24. ^ Yang, Heriyanto (August 2005). "The History and Legal Position of Confucianism in Post Independence Indonesia" (PDF). Religion 10 (1): 8. http://web.uni-marburg.de/religionswissenschaft/journal/mjr/pdf/2005/yang2005.pdf. Diakses pado 2 Oktober 2006. 
  25. ^ "PENGERAJIN BATIK TAK PERLU RESAH ", Majalah Hukum & HAM Online, 30 September 2007. Diakses pado 14 Agustus 2008.
  26. ^ Witton, Patrick (2003). Indonesia. Melbourne: Lonely Planet. pp. hal.103. ISBN 1-74059-154-2. 
  27. ^ Elyas Pical Dapat Penghargaan. Surya, 27 Maret 2009. Diakses pada 10 September 2010.
  28. ^ Afriatni, Ami. Petinju Chris John Sukses Pertahankan Gelar Juara Dunia. Tempo, 19 Agustus 2007. Diakses pada 10 September 2010.
  29. ^ "Kampung Tugu, Menyimpan Kenangan Sejarah ", Kompas, Rabu, 28 April 2004. Diakses pado 14 Agustus 2008.
  30. ^ Radhar Panca Dahana. "Perspektif: Mencuri Klaim, Itu Biasa ", Gatra.Com, Kamis, 6 Desember 2007. Diakses pado 14 Agustus 2008.
  31. ^ Witton, Patrick (2002). World Food: Indonesia. Melbourne: Lonely Planet. ISBN 1-74059-009-0. 
  32. ^ Brissendon, Rosemary (2003). South East Asian Food. Melbourne: Hardie Grant Books. ISBN 1-74066-013-7. 
  33. ^ http://www.cnngo.com/explorations/eat/40-foods-indonesians-cant-live-without-327106 40 of Indonesia's best dishes. Diakses pada 5 Desember 2011.
  34. ^ UUD 1945, Bab XV, Pasal 36: "Bahasa Negara ialah Bahasa Indonesia."
  35. ^ Laman Badan Pengembangan dan Pembinaan Bahasa
  36. ^ ASIAN LINGUISTIC MAPS : Indonesia & Brunei
  37. ^ Pendidikan bahasa Inggirih bagi pelajar SD. Pascasarjana Pendidikan Bahasa Inggirih Universitas Ahmad Dahlan. Terbit pada 20 September 2012. Diakses pada 2 Januari 2013.
  38. ^ Rencana penghapusan pelajaran bahasa Inggirih bagi pelajar SD belum final. POSKOTANEWS.com. Terbit pada 11 Oktober 2012. Diakses pada 2 Januari 2013.
  39. ^ DPR minta tunda penerapan kurikulum baru. SINDONEWS.com. Terbit pada 15 Desember 2012. Diakses pada 2 Januari 2013.
  40. ^ 2010 World Muslim Population. Hal. 3-5. Houssain Kettani. Department of Electrical and Computer Engineering and Computer Science, Polytechnic University of Puerto Rico. Terbit pada Januari 2010. Diakses pada 2 Januari 2013.
  41. ^ Salat harus menggunakan bahasa Arab. Islampedia.info. Terbit pada 2006. Diakses pada 2 Januari 2013.
  42. ^ Pembelajaran Bahasa Arab Sepanjang Sejarah. stainsalatiga.ac.id. Terbit pada 1 Juni 2012. Diakses pada 2 Januari 2013.
  43. ^ http://www.detiknews.com/read/2009/03/08/144934/1096302/10/pemerintah-siap-dukung-dana-pengembangan-obat-herbal-aids-kanker http://www.detiknews.com/read/2009/03/08/144934/1096302/10/pemerintah-siap-dukung-dana-pengembangan-obat-herbal-aids-kanker
  44. ^ http://www.presidensby.info/index.php/fokus/2009/03/08/4070.html Dunia Sebut Indonesia Mega Biodiversity
  45. ^ http://www.cites.org/eng/prog/economics/report_mega_2001.pdf Report on the CITES workshop on mega-biodiversity exporters (with the assistance of the European Commission)
  46. ^ http://www.sinarharapan.co.id/berita/0712/29/kesra01.html Sulung Prasetyo. Ekologi Indonesia Masuki Masa Genting, Paragraf 1. Sinar Harapan Online. Diakses pada 13 November 2009
  47. ^ http://www.satudunia.net/?q=content/utang-ekologis-adb-di-indonesia Firdaus Cahyadi Utang Ekologis ADB di Indonesia, Tulisan pernah dimuat di Koran Tempo, 2 Mei 2009

Pautan lua[suntiang | suntiang sumber]