Urang Sahu
| Total populasi | |
|---|---|
| 12.000 jiwa.[1] | |
| Kawasan jo populasi nan signifikan | |
| Maluku Utara (Kabupaten Halmahera Barat) | |
| Bahaso | |
| Bahasa Sahu dan bahasa Indonesia | |
| Agamo | |
| Kristen 65%, Islam 35% | |
| Kalompok etnis takaik | |
| Suku Tobelo, Suku Tidore |
Urang Sahu adolah urang asli Pulau Halmahera Indonesia yang kabanyakan bamukim di wilayah Kota Jailolo, Kacamatan Sahu samo Kacamatan Sahu Timur, Kabupaten Halmahera Barat, Provinsi Maluku Utara. Wilayah sahu awal nyo banamo Ji'o japung malamo(daerah cekungan besar). Urang Sahu punyo struktur masyarakaik yang tadiri dari struktur masyarakaik pado maso kasulutanan samo pado maso kini. Struktur masyarakaik pado maso kasultanan Ternate yoitu Walasae: Marga pimpinan; hanyo dari rumpun Walasae yang manjadi pimpinan dalam masyarakaik urang Sahu. Kapita: Sabagai panglima parang. Walangatom: Marga prajurit. Jou/Olan ma bala: Pagawai kasultanan; tugasnyo mangumpuan upeti. Jou guru / Gomater: Batugas dalam bidang kaagamoan (pemimpin ritual). Khalifa: Pandamping Gomater; tugasnyo manyiapkan babagai palengkapan dalam satiok upacara di bidang kaagamoan. Ngoarepe: Masyarakaik. Sadangkan struktur masyarakaik urang Sahu saat kini ko yoitu Fomanyira: Pemimpin Gam (desa) atau pamimpin masyarakaik. Gam Makale: Marupoan institusi masyarakaik yang anggotanyo tadiri dari Walasae samo Walangatom; tugasnyo adoalah maatur jo managakan hukum-hukum adaik. Babamasohi: Tuo-tuo kampuang; Mereka mandampingi jo maagiah legitimasi kapado Gam Makale dalam maatur jo managakan hukum adaik. Ngoarepe: Masyarakaik.
Konon manuruik carito warga Sahu, namo Sahu diagiah dek Kasultanan Ternate. Namo tu diagiah karano pado saat tu saurang utusan dari sahu sangaji, urang yang mamimpin daerah sahu dalam bidang pamarintahan kasultanan saat tu/kapalo camaik untuak saat kini manamui sang Sultan tapek diwaktu Sahur,sultan pun bakato dalam bahaso ternate "hara kane si jou sahur, jadi kane suku ngana si golo ngana jiko sahu" sahinggo sultan mamangia mereka sabagai urang Sahu.
Kabudayaan[suntiang | suntiang sumber]
Rumah Adaik Sasadu[suntiang | suntiang sumber]
Rumah adaik manjadi bangunan utamo dalam sabuah suku. Rumah adaik urang Sahu disabuik Sasadu. Rumah adaik yang cukuik sadarhana ko manjadi simbol kabarsamoan anta sasamo urang Sahu.
Pembuatannyo ndak manggunian paku, di dalamnyo takanduang makna dimano urang Sahu sangaik maharagoi kaum padusi.[2] Di dalam ruangan rumah Sasadu tadapek duo buah meja, ciek untuak kaum padusi di posisi paliang muko sadakan ciek lai untuak kaum laki-laki di posisi paliang balakang.
Posisi meja kaum padusi paliang muko sabagai makna bahwa kaum padusi labiah diutamoan samo kaum laki-laki siap untuaj salalu malindungi dari balakang.[2]
Di dalam rumah Sasadu ko diadoan babagai kagiatan adaik. Salah satunyo acara orom Toma Sasadu sabuah acara ucapan syukur ateh panen. Salain itu acara pamasangan bumbungan Sasadu (atap sasadu) jugo manjadi acara penting di rumah Sasadu.[2]
Pamasangan Bumbungan Sasadu[suntiang | suntiang sumber]
Banyak budaya di Indonesia yang manjadikan Indonesia salah satunyo negara yang kayo akan kabaragaman adaik budayo yang ndak dimiliki dek negara lainnyo.
Salah satu diantaranyo iolah Pamasangan Bumbungan Sasadu dalam urang Sahu. Kagiatan ko sasuatu yang sakral karano sangaik jarang dilakukan sahinggo dalam palaksanaannyo sangaik diharagoi dek urang Sahu. Iko marupoan pamasangan bumbungan di atok rumah adaik urang Sahu yoitu di Sasadu, dalam bahaso Sahu disabuik Sibere Wanat Sasadu.[3] Bumbungan atok rumah atau Wanat Sasadu ko dibuwek dari daun batang sagu, dilapisi batang bambu lalu diikek manggunoan tali gumutu. Tali gumutu sabuah tali yang diolah dari sarabuik batang enau.[3]
Sadangkan panyangga rumah Sasadu tabuwek dari kayu Gofasa. Kayu ko cukuik kuek jo tahan lamo, samo diambiak dari padalaman Pulau Halmahera sahingga rumah Sasadu yang nampak sangaik sadarhano namun haragonyo bisa mancapai Rp 150 juta. Rumah Sasadu ndak punyo pintu samo jendela tatapi atok dibangun tinggi sahinggo ado sirkulasi udaro di dalamnyo. [4]
Pado kasampatan langka tahun 1 Mei 2018 lalu, dilakukan paresmian rumah adaik Sasadu di desa Akelamo, kecamatan Jailolo, Kabupaten Halmahera Barat batepekan diadoannyo Festival Teluk Jailolo 2018. Peresmian ko mamikek urang Sahu samo warga sakitar.[4]
Untuak mamulai acara ko, salah surang tokoh adaik akan mamimpin dalam doa, supayo acara dapek bajalan dengan baik. [3] Salanjutnyo, bumbungan atok Sasadu siap untuak dinaikan samo di ateh babarapi urang laki-laki tapiliah basiap untuak manarik jo manaikan bumbungan atau wat tasabuik.[3]
Petugas panarik wanat manggunoan tali jo manarik wanat samo mangikuti rel buatan yang tadiri dari duo batang pohon bambu supayp wanat mudah ditarik. Salamo prosesi pangangkatan hinggo tapasangnyo wanat akan diiringi jo lantunan gong samo musik Tifa yang balangsuang sakitar 30 minik. Momen sakral acara ko ditandoi samo tapasangnyo Wanat di ateh Sasadu.[3]
Kaparcayaan[suntiang | suntiang sumber]
Kabupaten Halmahera Barat dikenal akan kabaragamannyo, tamasuak di dalamnyo akan kayakinan atau agamo di anatar urang Sahu. Mayoritas di antaro mereka alah mamaluak agamo Kristen Protestan sakitar 65% dan salabiahnyo mamaluak agamo Islam 35%.[1] Meskipun damikian, tingkek kaharmonisan antaro pamaluak agamo di antara urang Sahu dapek tajago dengan elok.
Makanan jo minuman khas Urang Sahu[suntiang | suntiang sumber]
Salah satu makanan khas dari urang Sahu adolah Nasi Jala atau disabuik juo Nasi Kembar. Proses pambuatan nasi Jalan ko samo jo mambuwek lamang. Bareh dibaluik jo daun pisang lalu dimasuakan ka dalam bambu saukuran 1 meter kamudian dibaka menggunoan arang atau patok kapalo samo api yang ndak taralu gadang, sahinggo matangnyo labiah sampurna.[4] Satalah matang, nasi Jala siap disajikan. Biasanyo urang Sahu mamakan nasi Jalan basamo jo ikan rica-rica.
Sadangkan salah satu minuman khas urang Sahu adolah Saguer. Saguer adolah arak pado umumnyo. Minuman ko acok disajikan pado upacara syukur ateh panen panduduak satampek yang diadoan di "Sasadu" rumah adaik urang Sahu. Tantunyo minuman ko dikhususkan untuak warga yang alah dewasa.
Karajo Urang Sahu[suntiang | suntiang sumber]
Kabanyakan urang Sahu bakarajo sabagai petani, khusunyo batani sawah. Hal ko dibuktian adonyo acara adaik urang Sahu yoitu "orom Toma Sasadu" (orom artinyo "makan", toma artinyo "di", dan Sasadu adolah "rumah adat urang Sahu") yang dapek diartikan "makan di Sasadu". Acara ko marupoan acara adaik sabagai ucapan syukur kapado Tuhan ateh panen sawah yangnyo dapek. Acara ko bisa dilakukan duo kali dalam satahun. Maso lalu acara ko bisa dilakukan babarapo hari, tatapi kini cukuik hanyo sahari sajo. Salain makan, urang Sahu akan banyanyi basamo, manari samo minum Saguer.
Referensi[suntiang | suntiang sumber]
- ↑ a b "Sahu, Sau People in Indonesia". www.joshuaproject.net. Diakses tanggal 31 Januari 2023.
- ↑ a b c "Rumah Adat Sasadu Maluku Utara". www.situsbudaya.id. Diarsipkan dari versi asli tanggal 2023-01-23. Diakses tanggal 23 Januari 2023.
- ↑ a b c d e Aprilia, Annisa. "Sakralnya Prosesi Pemasangan Bumbungan Atap Rumah Adat Suku Sahu". Okezone.com. Diakses tanggal 23 Januari 2023.
- ↑ a b c Mustafa, Ardita. "Dansa dan Makan, Keseruan dalam Peresmian Rumah Adat Jailolo". CNN Indonesia.
