Urang Ekari
| Bunani Mee Ekari | |
|---|---|
 Nak gadih asli Urang Ekari manggunoan pakaian adaik | |
| Total populasi | |
| 172.000[1] | |
| Kawasan jo populasi nan signifikan | |
| Papua Tengah | |
| Bahaso | |
| Mee Indonesia Melayu Papua (lingua franca) | |
| Agamo | |
| Kristen, Agama tradisional, Islam[1] | |
| Kalompok etnis takaik | |
| Amungme•Dani•Lani•Moni•Yali |
Urang Ekari atau tanamo juo sabagai Bunani Mee atau Ekari adolah sabuah suku nan mandiami kawasan pagunuangan di Provinsi Papua Tengah, Indonesia. Mayoritas mandiami daerah Kabupaten Nabire bagian gunuang, Kabupaten Dogiyai, Kabupaten Deiyai, Paniai dan Kabupaten Mimika Barat bagian gunuang nan tamasuak ka dalam daerah adaik Ekari Pago..[2] Urang Ekari kabanyakan agamo Kristen, dan sabagian agamo Islam di pasisia Kabupaten Nabire.[3]
Signifikansi epidemiologis[suntiang | suntiang sumber]
Pas tahun 1970-an, investigasi dikarajoan dek dokter Indonesia nan paralu jo tingginyo jumlah urang Ekari nan dirawat di rumah sakik dek luko baka.[3] Studi ko mangungkap banyak urang Ekari maraso sistiserkosis nan disababkan dek caciang pita babi, Taenia solium, nan sabalunnyo indak nampak di Pulau Papua. Hasilnyo, banyak nan langsuang kejang pas sadang dakek api, manujuikan diri surang dalam prosesnyo. kondit nan terinfeksi cacing pita alah diperkenalkan ka pulau itu sabalunnyo dek urang Indonesia tanpa urang tu tahu.[4]
Hubungan sosial[suntiang | suntiang sumber]
Urang Ekari hiduik badampiangan jo Urang Urang Moni di Paniai. Kabupaten Paniai marupokan salah ciek kabupaten tatua nan talatak di wilayah Meepago nan alah dimekaran manjadi tigo daerah, yaitu Kabupaten Intan Jaya, Kabupaten Deiyai, dan Kabupaten Dogiyai. Di Kabupaten Paniai ado duo suku gadang jo budaya nan babeda. Kaduo suku tu adolah Urang Moni dan Urang Ekari . Walaupun babeda, kaduo suku ko punyo karabatan nan sangaik erat dalam kabudayaan.[5]
Urang Moni punyo budaya dan tradisi nan babeda jo Suke Ekari. Urang Moni tadiri dari ampek marga nan batampuah di Kabupaten Paniai. Kaampek marga tu adolah Zonggonau, Kobogau, Yatipai, dan Dimbau. Urang Moni barasa dari Kabupaten Intan Jaya.[5]
Di zaman dulu, marga ko mangarajoan pajalanan jauah karano peperangan antarmarga. Untuak malinduangan marga, mako sabagian urang dari suku Moni lari dari kampuang asal dan manotap di Paniai. Inyo tu jadi bagian dari Urang Ekari. Tapi, inyo tatap manjaga marga asli di wilayah nan inyo tingga.
Dulunyo Urang Moni dan Urang Ekari mangarajoan parang suku untuak malinduangi wilayah dan masyarakaik adaiknyo. Dari parang suku, banyak korban nan jatuah dari kaduo pihak. Dampaknyo sangaik marugikan.[6]
Manuruik carito urang tuo nan dipasan turun-temurun, kaduo suku lalu mangadaangan parundingan untuak maakhiri konflik nan tajadi. Inyo sipakek untuak manyalasaikan konflik sacaro adaik.[6] Ado pambagian bateh wilayah, gunuang, dan sungai. Gunuang jo sungai nan alah dilalui Urang Moni ka manjadi hak Urang Moni langkok. Samantaro itu, Urang Ekari indak buliah ma ambiak atau buek hal nan marugikan.[6]
Dalam kehidupan bamasyarakaik, kaduo suku ko punyo pamimpin nan disabuik kapalo suku. Kapalo suku nan tapiliah harus punyo jiwa nan mambangun. Harus ado jiwa kapamimpinan dalam dirinyo. Kapalo suku harus punyo harto nan banyak mode kondit dan tanah nan luweh. Kapalo suku harus mampu juo manyalasaikan masalah nan bisa mamicu konflik.[6]
Kehidupan masayrakaik dari kaduo suku ko babeda dari sisi budaya, bahaso, dan adaik istiadaik. Tapi urang-urang tu punyo karabatan nan ancak, karano inyo saling menghormati. Inyo juo saling menghargai dalam maambil kaputusan dalam masalah tatantu nan maitauan kepentingan urang banyak.
Urang Moni punyo keunikan dalam manyalasai masalah. Pas ado perselisihan dalam sabuah pamicayoan dan indak ado jalan kaluarnyo, mako padusi bamain peran penting. Padusi ka manyalasai perselisihan tu. Inyo harus bisa mandapekan jalan kaluar dari parcakapan itu. Tradisi ko alah berlangsuang lamo, bahkan sampai kini.[7]
Urang Ekari punyo juo keunikan dalam gaya bahaso karano suku ko punyo banyak marga. Salain itu, wilayahnyo pun babeda. Gaya bahaso nan dipakai dek marga-marga ko pun babeda lo. Bahasa bagian timur disabuik koha, sadangkan bagian barat manggunoan bahaso Koya. Walaupun babeda, tapi dialek bahaso tu tatap dapek dipahami dek Urang Moni.[6]
Rumah tradisional[suntiang | suntiang sumber]
Rumah dalam bahaso Paniai (Urang Ekari ) disabuik Owaa.[7] Samantaro di daerah Meepago ado duo jenis rumah asli, yaitu rumah adaik untuak laki-laki nan disabuik Jame Owaa dan rumah adaik untuak padusi nan disabuik Yogamo Owaa. Kaduo rumah adaik ko marupokan tampek tingga masayrakaik Meepago sajak dulu dulu, namun sairing jalannyo waktu, rumah adaik mulai bakurang.[7]
Representasi di media[suntiang | suntiang sumber]
- National Geographic menanankan film Tribal Odyssey: The Chief Who Talks to God: The Mee, Papua pada tahun 2005 sebagai bagian dari seri Tribal Odyssey.[8]
Rujuakan[suntiang | suntiang sumber]
- ↑ a b "Mee in Indonesia". Joshua Project. Diakses tanggal 2014-09-18.
- ↑ Carmel Budiardjo & Soei Liong Liem (1988). West Papua: The Obliteration Of A People. TAPOL. ISBN 0-9506-7515-6.
- ↑ a b Zonggonau, Isaiyas (2021) (dalam bahaso id). Mengenal sejarah dan kebudayaan suku Moni di Papua. Lontar Mediatama bekerjasama Jakorkat Kiwamopa Moni Papua. ISBN 978-623-349-035-1. https://books.google.com/books?id=nKn3zgEACAAJ&newbks=0&hl=id.
- ↑ "How the West (Papua) Was Won." Cultural Survival. N.p., Dec. 1987. Web. 12 Apr. 2017.
- ↑ a b Alfiyah, Nur (2022-03-23). "Cerita Suku Moni dan Suku Mee, Dulunya Berperang, Sekarang Hidup Berdampingan". EcoNusa (dalam bahasa Indonesia). Diakses tanggal 2023-01-26.
- ↑ a b c d e Hidayah, Dr Zulyani (2015) (dalam bahaso id). Ensiklopedi Suku Bangsa di Indonesia. Yayasan Pustaka Obor Indonesia. ISBN 978-979-461-929-2. https://books.google.com/books?id=w_FCDAAAQBAJ&newbks=0&printsec=frontcover&pg=PA157&dq=Suku+Ekari&hl=id.
- ↑ a b c Media, Kompas Cyber (2022-03-07). "Membangun Rumah Adat Suku Mee di Paniai supaya Layak Huni Halaman all". KOMPAS.com (dalam bahasa Indonesia). Diakses tanggal 2023-01-26.
- ↑ "Tribal Odyssey". Diarsipkan dari versi asli tanggal 2013-12-03. Diakses tanggal 2023-01-26.
