Urang Kutai
| Suku Kutai Dayak-Kutai |
|---|
| Jumlah populasi |
|
275.696 Jiwa |
| Kawasan bapopulasi cukuik banyak |
| Indonesia: |
| Bahaso |
| bahasa Kutai terbagi 4 dialek Tenggarong, Kota Bangun, Muara Ancalong, Sengata |
| Agamo |
| Mayoritas Islam dan Nasrani yang di bawa pendatang. |
| Kalompok etnik takaik |
| Suku Dayak, Suku Ot Danum, Suku Maayan, Suku Iban. |
Urang Kutai atau Suku Dayak-Kutai adolah satu etnik dayak yang ado di Kalimantan Timur, dan dikatahui banyak yang hiduik di tapian batang aia.[1] Maingek suku iko juo mandiami wilayah Kalimantan, mako saketek banyaknyo tajadi patukaran budaya jo babarapo suku di sakitarnyo sarupo suku Dayak, suku Melayu, hinggo suku Banjar. Suku Kutai yang tamasuak kadalam rumpun malayu iko yang karano pangaruah sosiologis jo antropologis yang mirip jo suku malayu iko mampunyo populasi panduduak sabanyak 280.000 Jiwa.[2]
Bahaso[suntiang | suntiang sumber]
Masyarakaik Kutai yang tadiri dari banyak sub suku mamiliki bahasaoyang baragam. Babarapo bahasa sub suku yang alah indak dipagunokan lai jo kamungkinan alah punah adolah bahaso Umaa Wak, Umaa Palaa, Umaa Luhaat, Umaa Palog, Baang Kelo jo Umaa Sam. Bahaso-bahaso iko dulunyo lazim digunokan oleh masyarakaik Kutai di hulu maupun hilir mahakam.[3]
Saat iko bahaso Kutai tabagi ka dalam 4 dialek yang lataknyo indak saliang dakek:
- Kutai Tenggarong (vkt)
- Kutai Kota Bangun (mqg)
- Kutai Muara Ancalong (vkt)
- Kutai Sengata/Sangatta (alun ado kode bahasonyo)
Disampiang mamiliki babarapo pasamoan kosakato jo bahaso Banjar, Bahaso Kutai juo mamiliki pasamoan kosakato dengan bahaso Dayak lainnyo, misalnyo:[3]
- nade (Bahaso Kutai Kota Bangun); nadai (Bahaso Kantu'), artinyo Indak
- celap (Bahso Kutai Tenggarong; celap (Bahaso Dayak Iban, Bahaso Dayak Tunjung), jelap (Bahaso Dayak Benuaq) artinyo dingin
- balu (Bahaso Kutai Tenggarong), balu (Bahasa Dayak Iban, balu' Bahaso Dayak Benuaq), artinyo jando
- hek (Bahaso Kutai Tenggarong), he' (Bahaso Dayak Tunjung), artinya Indak.
Kelompok etnis Kutai di Kalimantan[suntiang | suntiang sumber]
Sabagaimano nan alah di jalehan sabalumnyo, suku kutai ko yang hiduik dan tasebar di daerah Kalimantan alah bacampua jo etnik suku-suku nan lain sarato juo pacampuran budaya jo. Provinsi Kalimantan sandiri juo tinggali babagai suku, tamasuak ado babarapo suku-suku yang bamigrasi sarato masyarakaik umum yang pindah dan manatap di Kalimantan, barikuik adolah daftar 10 (sapuluah) etnik suku tagadang yang ado di kalimantan:[2]
| Urutan | Suku Bangsa | Kalimantan Barat | Kalimantan Tengah | Kalimantan Selatan | Kalimantan Timur dan Kalimantan Utara | Jumlah | Keterangan |
|---|---|---|---|---|---|---|---|
| 1 | Suku Banjar | 14.430 (0,33%) |
464.260 (21,03%) |
2.686.627 (74,34%) |
440.453 (12,45%) |
3.605.770 (26,24%) |
Manampati Kalimantan Selatan jo manyebar hinggo Kalimantan Tengah, Kalimantan Timur, Kalimantan Utara jo saketek di Kalimantan Barat. |
| 2 | Suku Dayak | 1.531.989 (34,93%) |
1.029.182 (46,62%) |
80.708 (2,23%) |
351.437 (9,94%) |
2.993.316 (21,78%) |
Manampati daerah padalaman Kalimantan, tarutamo Kalimantan Barat, Kalimantan Tengah, Kalimantan Timur, Kalimantan Utara jo saketek di Kalimantan Selatan. |
| 3 | Suku Jawa | 427.238 (9,74%) |
478.393 (21,67%) |
523.276 (14,51%) |
1.069.605 (30,24%) |
2.498.512 (18,18%) |
Urang Jawa transmigran umumnyo Manampati kampuang-kampung kawasan transmigrasi di sagalo daerah Kalimatan. tadapek pulo urang Jawa parantauan yang juo manyebar di kawasan pakotaan di Kalimantan. |
| 4 | Suku Melayu | 1.484.085 (33,84%) |
87.348 (3,96%) |
3.681 (0,10%) |
6.053 (0,17%) |
1.581.167 (11,51%) |
Manampati pasisia Kalimantan Barat jo pasisia barat Kalimantan Tengah. |
| 5 | Suku Bugis | 137.282 (3,13%) |
17.104 (0,77%) |
101.727 (2,81%) |
735.819 (20,81%) |
991.932 (7,22%) |
Manampati kawasan pasisia pantai dan perkotaan tarutamo di Kalimantan Timur, Kalimantan Utara, Kalimantan Selatan jo Kalimantan Barat. |
| 6 | Suku Madura | 274.869 (6,27%) |
42.668 (1,93%) |
53.002 (1,47%) |
46.823 (1,32%) |
417.362 (3,04%) |
Terutama tasebar di Kalimantan Barat namun juo cukuik banyak jumlahnyo di daerah Kalimantan lainnyo, elok di pakotaan maupun kawasan trasnmigrasi. |
| 7 | Suku Tionghoa | 358.451 (8,17%) |
5.130 (0,23%) |
13.000 (0,36%) |
32.757 (0,93%) |
409.338 (2,98%) |
Banyak bamukim di kawasan pakotaan tarutamo di Kalimantan Barat, sarupo kota Singkawang jo Pontianak. |
| 8 | Suku Kutai | Indak ado data | indak ado data | indak ado data | 275.696 (7,80%) |
275.696 (2,01%) |
Manampati wilayah Kabupaten Kutai Kartanegara, Kutai Timur dan Kutai Barat di Kalimantan Timur. |
| 9 | Suku Sunda | 49.530 (1,13%) |
28.580 (1,29%) |
24.592 (0,68%) |
55.659 (1,57%) |
158.361 (1,15%) |
juo Manampati sabagian daerah transmigrasi dan juo tadapek di pakotaan namun jumlahnyo indak sabanyak etnis Jawa. |
| 10 | Suku Batak | 26.486 (0,60%) |
12.324 (0,56%) |
12.408 (0,34%) |
37.145 (1,05%) |
88.363 (0,64%) |
Manampati kawasan perkotaan dan biasonyo mangisi jabatan birokrasi jo saketek tadapek di padalaman biasonyo bakarajo sabagai pekerja tambang atau sawit. |
| Lainnya | 80.996 (1,85%) |
42.378 (1,92%) |
114.971 (3,18%) |
485.056 (13,72%) |
723.401 (5,26%) |
Suku-suku lainnyo yang indak masuak 10 besar sarupo Toraja, Buton, Mandar, Makassar, Minahasa, Bali, Sasak, Bima, Flores, Palembang, Minangkabau jo lain-lain | |
| Total | 4.385.356 (100%) |
2.207.367 (100%) |
3.613.992 (100%) |
3.536.503 (100%) |
13.743.218 (100%) |
Etimologi[suntiang | suntiang sumber]
Pado awalnyo Kutai indaklah namo suku, tapi namo tampek atau wilayah jo namo karajaan tampek ditamukannyo prasasti Yupa oleh panaliti Balando. Sagalo masyarakaik asli kalimantan sandiri iko sabananyo sarumpun, antaro Ngaju, Maayan, Iban, Kenyah, Kayant, Kutai, (Lawangan-Tonyoi-Beneuq), Banjar (Ngaju Iban, Mayaan, Dll), Tidung, Paser, jo nan lain. Hanyo sajo pamasalahan politik jo agamo pun manjadi sabab pamisah antaro kaluargo gadang iko. urang yang maninggakan kapicayoan lamo akhirnyo maninggakan adatnyo karano labiah manarimo kapicayoan baru jo barevolusi manjadi masyarakaik malayu mudo. Khususnyo dalam Islam maupun Nasrani, hal - hal adat yang batolak balakang jo ajaran akan ditinggakan, sadangkan yang tatap taguah jo kapicayoan lamo disabuik urang basuku Dayak.[1]
Kutai manjadi namo suku akibaik dari politik kapentingan panguaso sangkek itu yang barambisi manyatukan duo karajaan yaitu Maharaja Aji Batara Agung Dewa Sakti Kertanegara dari jahitan layar yang barassa dari kutai lamo jo karajaan Kutai Martadipura yang barasa dari muaro Kaman tujuan untuak mampagadang wilayah Kutai jo untuak manahan paluasan kakuasaan Kubilai Lhan dari dinasti Mongol. Maso itu salamo kakuasaan sabagian masyarakaik asli Borneo yang biaso disabuik masyarakaik Dayak akhirnyo batransformasi manjadi masyarakaik Kutai saat badiam di wilayah kakuasaan Karajaan Kartanegara jo diharuskan mamatuahi aturan panguaso, dan apo bilo ado yang manolak jo mampunyoi kasempatan malarikan diri akhianyo masuak ka padalaman dan tatap manjadi masyarakaik Dayak. Versi lain manyabuik bahwa istilah dayak juo bukan marupokan namo suku dulunyo karano istilah dayak marupokan namo pambarian dari balando yang digunokan oleh kolonial Balando untuak manghina masyarakaik.[1]
Manuruik informasi lain, Kutai barasa dari namo karajaan Kutai Martadipura di Muaro Kanam, sabananyo namo Karajaan iko awalnyo di sabuik Queitaire (Kutai) oleh pandatang dan padagang di awal abad masehi yang datang dari India Salatan yanng artinyo Belantara dan ibu kota karajaan banamo Maradavure (Martapura) barado di pulau Naladwipa ( istilah Kalimantan di kitab Jawa )dan lataknyo ditapi sungai Mahakam di subarang pasimpangan Sungai Kanan Mudik Mahakam yakni Sungai Kedang Rantau asal namo Kota Muara Kaman Kini. Dalam barito Champa atau Cino disabuik Kho-Thay artinyo Kota Gadang atau Bandar Kerajaan gadang. Ado pandapek lain, dari suduik pandang masyarakaik Jawa, bahwa Sumpah Palapa Patih Gajah Mada di Majapahit sempat manyabuik Tunjung Kuta, ado pulo yang mangatokan tulisan yang batua adolah Tunjung Kutai, akan tatapi iko pado maso Kerajaan Kartanegara.[4]
Manuruik Legenda Karajaan Sendawar dengan Raja Tulur Aji Jangkat basamo permaisuri Mok Manor Bulan dan urang ko mampunyoi 5 urang anak: Sualas Gunaaqn (Manjadi Katurunan Dayak Tunjung), Jelivan Benaaq (Manjadi Katurunan Dayak Bahau), Nara Gunaa (Manjadi Katurunan Dayak Benuaq), dan Puncan Karnaaq (Manjadi Katurunan Dayak Kutai ).[4]
Adopun tradisi lisan di tiok Kaluargo masyarakaik kutai yang mangatokan kalaui niniak moyang urang ko barasa dari nagari cino, mirip jo tradisi lisan masyarakaik Dayak Kenyah. Sahinggo ado anggapan kalau Kutai iko adolah pasatuan dari banyak subsuku masyarakat Dayak dalam rangka mancari identitas baru.[5]
Dari pamaparan di ateh dikatahui kalau Kutai pado maso itu adolah namo Kerajaan/kota/wilayah tampek panamuan prasasti bukan namo suku (etnis) dan hubuangan kakarabatan Suku Kutai jo Suku Dayak sangat kuat. Hanyo sajo pangaruah agamo Islam jo akulturasi pandatang yang manyebarkan agamo Islam ( Sumatra, Cina, Banjar, Jawa ) sarato parang antar karajaan ( Dinasti Kartanegara dari kutai lamo yang mamanangkan paparangan malawan karajaan Kutai Martadipura ) pado saat itu mangakibatkan budaya Suku Kutai manjadi agak babeda dengan Suku Dayak kini ko. Oleh karano itulah Suku Kutai asli akan manyabuik Suku Dayak dengan istilah Densanak Tuha yang artinyo Saudara Tua karano masih satu leluhur.[2]
Kalompok suku di Indonesia[suntiang | suntiang sumber]
Referensi[suntiang | suntiang sumber]
- ↑ a b c "Mengenal Suku Kutai Secara Lengkap". Tambah Pinter (dalam bahasa Inggris). 2021-09-24. Diakses tanggal 2023-01-30.
- ↑ a b c Mawardi, Rafi Aufa. "Suku-Suku di Pulau Kalimantan, Tak Hanya Dayak dan Banjar". detikedu (dalam bahasa Indonesia). Diakses tanggal 2023-01-30.
- ↑ a b "Bahasa dan Dialek Asia: Bahasa Kutai". Bahasa dan Dialek Asia. Diakses tanggal 2023-03-01.
- ↑ a b Kurniawan, Muhammad Budi. "Sejarah Suku Kutai dan Asal Usulnya di Pulau Kalimantan". detiksulsel (dalam bahasa Indonesia). Diakses tanggal 2023-03-01.
- ↑ "Mengenal Suku Kutai di Kalimantan Timur - Bobo". bobo.grid.id (dalam bahasa Indonesia). Diakses tanggal 2023-03-01.