Urang Kaur
| Urang Kaur |
|---|
| Pria Kaur.jpg |
| Suku Kaur tempo dulu dalam buku Sejarah Sumatra Karya Wilham Marsden |
| Jumlah populasi |
|
40.000 jiwa (2000) |
| Kawasan bapopulasi cukuik banyak |
| Kabupaten Kaur |
| Bahaso |
|
Kaur Indonesia Melayu Bengkulu |
| Agamo |
| Islam |
| Kalompok etnik takaik |
|
Lampung Serawai Basemah Minangkabau |
Urang Kaur[1] adolah salah surang urang bangso yang tingga di daerah sakitar sungai Kaur, Kabupaten Kaur, Provinsi Bengkulu. Pamukiman urang Kaur badakekan jo pamukiman urang Serawai samo Besemah. Beda samo duo urang bangsa tu yang manggunoan bahaso Melayu Tengah, urang Kaur manggunoan bahaso Kaur.[2]
Badasar dari catatan Balando, urang Kaur marupoan campuran dari etnis Minangkabau yang datang malalui Indrapura dengan suku Basemah. Pado abaik ka-18, daerah pesisir pantai muara Sungai Sambat alah bakambang hinggo ka Muara Nasal yang talabiah dahulu didiami dek suku Buai Harung. Kamudian kawasan ko didatangi dek urang dari Pagaruyung yang kamudian mambuwek urang Kaur.[3]
Karajo[suntiang | suntiang sumber]
Mato pancarian urang Kaur adoalah batani yang mangandalkan hasil dari sawah, Salain itu, daerah ko terkenal sabagai penghasil cengkeh samo lado.
Usaho tambahan urang Kaur ado yang bataranak, kabun sawit, kabun karet, manangkok ikan jo badagang.
Laki-laki urang Kaur karajo di ladang, yang padusi mauruih rumah tanggo. Satalah panen padi biasonyo urang Kaur mamanen buah-buahan saparti durian dan mangga.
Kini ko, urang Kaur mambutuahan teknologi untuak maningkekan hasil partanian, sahinggo produksi urang Kaur bisa untuak dikonsumsu surang atau untuak dipardagangkan. Pambudidayaan buah-buahan sarupo mangga jo durian sangaik diharokan sahinggo bisa meningkekan panghasilan urang Kaur.[4]
Tradisi[suntiang | suntiang sumber]
Kaum padusi urang Kaur di desa Gedung Sako Senahak, masih manyusui bayinyo di tampek umum.
Pado dasarnyo, urang Kaur adolah urang yang manjago kabarasiahan dan bapakaian dengan layak.
Urang Kaur tingga di rumah batu baatok seng jo cat sadoalahnyo warna biru samo putiah.
Gotong royong samo palayanan masyarakaiak diadoan di desa ko. Jiko manolong panen urang, mako pado kasampatan lainnyo akan ditolong lo katiko panen.
Di Kaur ado 28 adaik istiadaik yang babeda-beda diantaronyo ado Basuh Dusun, Cenculung, Manjau Lambaian, Belarak/berarak, Beghusik, Adat Tepung Maye, Ngubuk, Ngunjung, Ngusul Rasan, Becampur, Pembacaan Jambar Uang, Pembagian Jambar Uang, Angkan-angkanan, Patamuan Bujang Gadis (Begadis), Syukuran Cuci Darah, Te’iak, Tibean/Setulungan, dan lain sabagainyo[5].
Parnikahan[suntiang | suntiang sumber]
Urang Kaur ndak buliah manikah samo urang dari marga/kaum karabat/klan yang samo karano ado palaksanaan marga jadi ndak buliah manikah semerge, tapi bisa manikah samo urang Kaur dari desa lain.
Parnikahan hanyo bisa tajadi sasudah parayoan panen padi. Usia parnikahan umumnyo 20 tahun untuak laki-laki dan 15-16 tahun untuak padusi.
Jiko mampelai laki-laki nio mampelai padusi tingga basamo kaluarga mampelai laki-laki. Si laki-laki harus mambayia kaluarga padusi. Jiko mampelai laki-laki tingga di rumah mampelai padusi, urang gaek mampelai padusi hanyo diwajibkan maagiah kenang-kenangan ka pihak laki-laki.
Kaluarga[suntiang | suntiang sumber]
Generasi tua urang Kaur biasonyo punyo 13 anak dalam tiok kaluarga. Satalah program Kaluarga Berencana, urang Kaur hanyo punyo 3 anak.
Kaparcayaan[suntiang | suntiang sumber]
Urang Kaur 100 % baragamo Islam. Di satiok desa tadapek ciek atau duo masajik.
Seni Musik[suntiang | suntiang sumber]
Kasenian dari urang Kaur diantaronyo Andai-andai Guritan, Beringit/Berejung, Elang Menari, Mainangan, tari Dundang, tari Andun, Tari Dewa Sembilan, Tari Hadrah, Tari Kuntau dan Tari Nigal[6].
Parmainan rakyaik urang Kaur adoalah Ciek Siti dan Sengkue.
Urang Kaur punyo olahraga tradisional yoitu Mamanah, Jengki, Selacik, samo Sehadang.
Cira khas budayo Kaur adolah Tari Kuntau, Kuntau seni beladiri murni diadopsi manjadi sabuah tarian kasanian yang manjunjuang tinggi aspek artistik. Salain itu ado tarian Dewa Sambilang jo tari Dundang yang manjadikan karya kabudayaan masyarakaik Kaur, kasadoalah tarian ko acok ditampilkan pado acara adaik, manyambuik tamo samo hiburan.
Kuliner[suntiang | suntiang sumber]
Urang Kaur punyo masakan khas yang lamak yaitu Rabuang Asam marupoan kuliner khas tanah Kaur yang tabuwek dari tuneh pohon bambu yang mudo. Salain rasonyo yang guriah, makan rabuang asam ancak untuak kasehatan karano kayo protein jo randah lamak[7]. Biasonyo urang Kaur mancampua rabuang asam samo kapalo ikan atau undak liling, yoitu sarupo siput sungai yang punyo badan panjang jo cangkang bawarna hitam.
Gulai ikan mungkuih, bumbunyo samo jo gulai lainnyo pakai santan samo rampah-rampah untuak mampakayo raso. Proses mambuwek gulai ikan mungkuih ko cukui mudah. Partamo buang cirik yang ado di paruik ikan mungkuih satalah tu baru dimasak samo bumbu rampah-rampah sampai matang.
Kelicuk kuliner khas Kaur yang tabuwek dari bareh katan, masyarakaik satampek manyabuik siwuk yang dibungkuih manggunoan daun pisang tu dimasak sampai matang.
Kelicuk paliang nikmat dimakan samo tapai siwuk yoitu bareh katan yang alah difermentasikan jo ragi.
Tempoyak yang dikenal jo namo tempuyak marupoan olahan dari buah durian yang alah malalui proses fermentasi salamo kurang labiah sahari sampai duo hari. Biasonyo disajikan basamo ikan, udang, dan tempe. Tapi, jiko nio mamakan tempoyak hanyo dengan nasi putiah pun ndak masalah karano cito rasonyo masih tatap lezat jo nikmat.
Bagar hiu tabuwek dari dagiang ikan hiu, kunyit, laos, kapulaga, kemiri, ketumbar, serai, jahe, kayu manis, asam jawa, cengkeh, pala, bawang merah, jo bawang putih. Bumbu rampah-rampah tu salain manambah kelezatan raso bisa juo untuak mahilangan baun amis ikan hiu.
Rujuakan[suntiang | suntiang sumber]
- ↑ "Kaur". kbbi.kemdikbud.go.id. Badan Pengembangan dan Pembinaan Bahasa, Kementerian Pendidikan dan Kebudayaan Republik Indonesia. Diakses tanggal 17 Juni 2021.
Kaur merupakan suku bangsa yang mendiami daerah sekitar sungai Kaur, Kabupaten Kaur, Provinsi Bengkulu.
- ↑ Ethnologue
- ↑ Zusneli Zubir, Peninggalan Sejarah dan Potensi Wisata Kabupaten Kaur Provinsi Bengkulu, 2011
- ↑ "Suku Kaur (Bengkulu) | e-MISI". misi.sabda.org. Diakses tanggal 2023-01-23.
- ↑ redaksi (2021-03-26). "Intip Kebudayaan Kaur". Nuansa Bengkulu (dalam bahasa Indonesia). Diakses tanggal 2023-01-23.
- ↑ redaksi (2021-03-26). "Intip Kebudayaan Kaur". Nuansa Bengkulu (dalam bahasa Indonesia). Diakses tanggal 2023-01-23.
- ↑ Times, I. D. N.; Listiyana, Sinta. "5 Kuliner Khas Kaur yang Unik dan Lezat, Bikin Cepat Lapar!". IDN Times (dalam bahasa Indonesia). Diakses tanggal 2023-01-23.
Pranala luar[suntiang | suntiang sumber]
- (Indonesia) Doa bagi suku Kaur di situs web e-MISI
