Suku Betawi

Dari Wikipedia baso Minang, ensiklopedia bebas
Lompek ka: navigasi, cari
Betawi
Silek Betawi
Jumlah populasi

3 juta (sensus 2000)

Kawasan jo populasi nan signifikan
Jakarta: 2.3 juta
Bahaso
Betawi, Indonesia
Agamo
Islam
Kalompok etnik tadakek
Banten, Jawa, Sunda, Malayu

Suku Betawi adolah sabuah suku banso di Indonesia nan panduduaknyo umumnyo batampek tingga di Jakarta jo sakitarnyo.

Sajumlah pihak bapandapek baso Suku Betawi barasa dari hasia kawin-mawin antaretnis jo banso di maso lalu. Sacaro biologis, mareka nan mangaku sabagai urang Betawi adolah katurunan kaum badarah campuran aneka suku jo banso nan didatangkan dek Bulando ka Batavia. Apo nan disabuik jo urang atau suku Betawi sabananyo taetong pandatang baru di Jakarta. Kalompok etnis ko lahia dari papaduan babagai kalompok etnis lain nan alah labiah dulu iduik di Jakarta, sarupo urang Sunda, Jawa, Arab, Bali, Bugis, Makassar, Ambon, Melayu dan Tionghoa.

Namun pihak lain bapandapek baso Suku Betawi barasa dari hasia kawin-mawin antaretnis jo banso pado maso lalu tanyato indak sapanuahnyo bana karano eksistensi suku Betawi manuruik sajarawan Sagiman MD alah ado sarato mauni Jakarta jo sakitarnyo sajak zaman batu baru atau pado zaman Neoliticum, panduduak asali Betawi adolah panduduak Nusa Jawa sabagaimano urang Sunda, Jawa, jo Madura.[1] Pandapek Sagiman MD tasabuik sanada jo Uka Tjandarasasmita nan mangaluakan monografinyo "Jakarta Raya dan Sekitarnya Dari Zaman Prasejarah Hingga Kerajaan Pajajaran (1977)" mangungkapkan baso Panduduak Asali Jakarta alah ado pado sakitar tahun 3500 - 3000 sabalun masehi.

Namun manuruik sabagian Peneliti nan sapaham jo Lance Castles nan panah manaliti tantang Panduduak Jakarta dimano Jurnal Panalitiannyo ditabikkan tahun 1967 dek Cornell University dikatokan baso sacaro biologis, mareka nan mangaku sabagai urang Betawi adolah katurunan kaum badarah campuran aneka suku jo banso nan didatangkan dek Balando ka Batavia. Kalompok etnis ko lahia dari papaduan babagai kelompok etnis lain nan alah labiah dulu hiduik di Jakarta, sarupo urang Sunda, Jawa, Bali, Bugis, Makassar, Ambon, jo Melayu sarato suku-suku pandatang, sarupo Arab, India, Tionghoa, jo Eropa.

Pado panalitiannyo Lance Castles manitiak barek pado ampat sketsa sajarah yaitu :

  1. Daghregister, yaitu catatan harian tahun 1673 nan dibuek Balando nan badiam di dalam kota benteang Batavia.
  2. Catatan Thomas Stanford Raffles dalam History of Java pada tahun 1815.
  3. Catatan panduduak pado Encyclopaedia van Nederlandsch Indie tahun 1893
  4. Sensus panduduak nan dibuek pamarintah Hindia Belanda pado tahun 1930.

Dimano sado sketsa sajarahnyo dimuloi pado tahun 1673 (Pado Akhia Abaik ka 17), sketsa ikolah nan dek sabagian ahli lainnyo dirasokan kurang langkok untuak manjalehan asa mulo Suku Betawi dikaranokan dalam Babad Tanah Jawa nan ado pado abaik ka 15 (tahun 1400-an Masehi) alah ditamukan kato "Negeri Betawi" [2]

Tokoh Betawi[suntiang | suntiang sumber]

Makanan Khas Betawi[suntiang | suntiang sumber]

Masakan[suntiang | suntiang sumber]

Masakan khas Betawi: gabus pucung, sayur babanci, sayur godog, soto betawi, ayam sampyok, asinan betawi dll

Kue-Kue[suntiang | suntiang sumber]

Kue-kue khas Betawi: kue cucur, kue rangi, kue talam, kue kelen, kue kembang goyang, kerak telor, sengkulun, putu mayang, andepite, kue ape, kue cente manis, kue pepe, kue dongkal, kue geplak, dodol betawi, roti buaya dll

Minuman[suntiang | suntiang sumber]

Minuman Khas Betawi: es selendang mayang, es goyang, bir pletok dll

Rujuakan[suntiang | suntiang sumber]

Daftar pustaka[suntiang | suntiang sumber]

  1. Castles, Lance The Ethnic Profile of Jakarta, Indonesia vol.I, Ithaca: Cornell University April 1967
  2. Guinness, Patrick The attitudes and values of Betawi Fringe Dwellers in Djakarta, Berita Antropologi 8 (September), 1972, pp. 78–159
  3. Knoerr, Jacqueline Im Spannungsfeld von Traditionalität und Modernität: Die Orang Betawi und Betawi-ness in Jakarta, Zeitschrift für Ethnologie 128 (2), 2002, pp. 203–221
  4. Knoerr, Jacqueline Kreolität und postkoloniale Gesellschaft. Integration und Differenzierung in Jakarta, Frankfurt & New York: Campus Verlag, 2007
  5. Saidi, Ridwan. Profil Orang Betawi: Asal Muasal, Kebudayaan, dan Adat Istiadatnya
  6. Shahab, Yasmine (ed.), Betawi dalam Perspektif Kontemporer: Perkembangan, Potensi, dan Tantangannya, Jakarta: LKB, 1997
  7. Wijaya, Hussein (ed.), Seni Budaya Betawi. Pralokarya Penggalian Dan Pengem¬bangannya, Jakarta: PT Dunia Pustaka Jaya, 1976