Bungo lawang

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
?Bunga Lawang / Pekak
Illicium verum 2006-10-17.jpg
Klasifikasi ilmiah
Karajaan: Plantae
Divisi: Magnoliophyta
Kalas: Magnoliopsida
Ordo: Austrobaileyales
Famili: Illiciaceae
Genus: Illicium
Spesies: I. verum
Namo binomial
Illicium verum
Hook.f.

Bungo lawang atau pekak adolah rempah nan mamiliki raso nan mirip samo Adas manih. Rempah iko banyak digunoan di dalam masakan nagaro-nagaro Asia. Bungo lawang adolah salah satu bumbu tradisional masakan Cino iyolah ngo hiong nan tadiri dari limo jenis rempah. Namo Bungo Lawang dalam Bahaso Tionghoa adolah ba jiao atau bat gok nan punyo arti "lapan tanduak", sasuai jo bantuaknyo nan mamiliki lapan kalopak. Bungo Lawang punyo baun nan kuek dan khas. Dari asalnyo di Tiongkok, rempah iko mulai diperkenalkan di Eropa pado awal abaik ka-17 dan sajak saaik itu mulai meraih popularitas. Minyak nan dihasilkan dijadikan bahan perisa dalam minuman. Bungo Lawang subananyo bukanlah bungo, tapi adolah buah nan dihasilkan dek sajenis pohon ketek. Tinggi pohonnyo dapek mancapai 8 meter. Inyo punyo bungo nan rancak bawarna kuniang. Bungo lawang bakambang biak malalui biji. Buahnyo dipatiak sabalun ranum dan dikariangkan jo bantuan cahayo matohari.

Kagunoan[suntiang | suntiang sumber]

Bungo lawang dijadian rempah untuak manjadi penyedap raso untuak makanan, samo kayak kulik kayu manih jo bungo cengkeh. Bungo lawang banyak juo dipakai dalam masakan India nan kayo rempah misalnyo untuak kari. Bangsa Thailand, Vietnam, jo Indonesia banyak juo mamakai bungo lawang untuak penyedap masakan. Di Indonesia, bumbu iko digunoan di babarapo daerah nan punyo ciri khas masakan babumbu tajam. Misalnyo gulai Aceh, Randang Minang, masakan Jawa, dan Bali.

Salain menyedapkan masakan, bungo lawang punyo khasiat kesehatan juo. Bumbu iko elok untuak mengatasi gangguan pencernaan dan mamiliki fungsi diuretik atau melancarkan saluran kencing. Salain itu digunoan juo untuak pengobatan tradisional di Asia, contohnyo untuak sakik sendi. Bungo lawang banyak juo dimanfaatkan untuak minuman tradisional kayak jamu jo campuran minum teh, diantaranyo adolah minuman teh khas Thailand nan marupoan campuran teh hitam jo bubuak bungo lawang dan Wedang Pekak, minuman traditional khas Kabupaten Demak. Teh dari bungo lawang dapek juo dijadian ubek batuak. Minyaknyo dapek juo mangurangi gejala mual-mual bagi ibu nan sadang mangandung. Kandungan asam shikimat (shikimic acid) dalam bungo lawang mambuek rempah iko dimanfaatkan sabagai bahan utamo pambuek ubek anti flu buruang, tamiflu. Hal iko manyebabkan stoknya sempat mailang dari pasaran dan harganyo malambuang.