Timbakau

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Timbakau adolah kalompok tumbuhan dari genus Nicotiana nan daunnyo biaso digunoan sabagai bahan baku dalam kagiatan marokok. Baso Indonesia timbakau marpoan serapan dari kata "tabaco" dari Baso Spanyol nan dianggap sabagai asa katonyo. Produksi timbakau paliang gadang barasa dari spesies Nicotiana tabacum, walaupun Nicotiana rustica digunoan pulo di sajumlah tampek. Bernardino de Sahagún marupoan urang patamo nan berhasil mambedaan kaduo spesies tu dalam Kodeks Firenze nan ditulih antaro taun 1540 jo 1585.

Timbakau adolah produk pertanian samusim nan indak tamasuak komoditas pangan, malainkan komoditas perkebunan. Produk ko dikonsumsi bukan untuak makanan tapi sabagai pangisi wakatu luang atau "hiburan", yaitu sabagai bahan baku rokok jo cerutu. Timbakau dapek pulo dikunyah. Kandungan metabolit sekunder nan tadapek dalam timbakau baguno sabagai pestisida jo bahan baku ubek.[1]

Jinih[suntiang | suntiang sumber]

Dua orang pegawai perusahaan perkebunan tembakau "Deli-Maatschappij" di awal abad ke-20 di Deli.

Timbakau adolah produk nan sangaik sensitif tahadok caro budidaya, lokasi tanam, musim/cuaca, jo caro pangolahan. Produk timbakau punyo ciri khas babeda di tiok daerah, dak karano tu tadapek bamacam-macam produk timbakau nan biasonyo dinamoi sasuai lokasi tanam.

Indonesia[suntiang | suntiang sumber]

Di Indonesia, macam-macam timbakau komersial nan kualitasnyo rancak hanyo dihasilan dari sajumlah daerah. Manuruik caro pangolahan pascapanen, tadapek timbakau kariang-angin (air-cured), kariang-asok (fire-cured), kariang-angek (flue-cured), jo kariang-jamua (sun-cured).

Macam-macam timbakau kualitas tinggi di Indonesia
Macam/tipe Daerah Kagunaon
Deli Deli wrapper cerutu
Srintil Temanggung Temanggung, Parakan, Ngadirejo rokok (rajangan), kunyah
Virginia-Vorstenlanden Klaten, Sleman, Boyolali, Sukoharjo sigaret
Vorstenlanden Klaten, Sleman filler, binder, dan wrapper cerutu
Madura Madura rajangan rokok
Besuki Voor-Oogst

(VO, "sebelum panen padi")

Jember, ditanam musim hujan,

panen awal kemarau

rajangan rokok
Besuki Na-Oogst

(NO, "setelah panen padi")

Jember, ditanam akhir musim hujan,

panen akhir kemarau

filler, binder, dan wrapper cerutu
Virginia-Lombok Timur Lombok Timur rajangan sigaret

Salain itu, tadapek sajumlah daerah panghasil timbakau kualitas manengah ka bawah, biasonyo ditanam untuak pasar domestik atau rokok kualitas randah, tingwe ("linting dhewe"), atau timbakau kunyah, sarupo timbakau Kaponan dari Ponorogo.[1]

Syaraik tumbuah[suntiang | suntiang sumber]

Ado sajumlah kriteria nan manjadi syaraik tumbuahnyo tanaman timbakau, yakni suhu, curah hujan, jo kondisi tanah. Suhu nan pas, rancak untuak patumbuhan timbakau nan barado pado rentang suhu 200C sampai 300 C dari mulai transplantasi hinggo panen. Namun kondisi nan ideal untuak produksi daun timbakau bakualitas rancak biasonyo barado pado suhu 260 C jo kalembapannyo 70-80%. Salain itu, timbakau mambutuhan distribusi curah hujan tahunan antaro 500 hinggo 1.250 mm. Namun, kalau aianyo talampau banyak, mambuek timbakau jadi tipih jo basisiak. Untuak kondisi tanah, timbakau umumnyo dapek tumbuah pado banyak jinih tanah. Tapi tanah nan rancak untuak patumbuahan timbakau adolah tanah liek nan dalam jo badrainase elok sarato bebas banjir. Walaupun timbakau toleran tahadok kakaringan, timbakau tumbuh optimum pado tanah nan suhinyo 20 hinggo 30 derajat jo kapasitas pasokan aia nan tinggi.[2]

Kajian Metabolomik[suntiang | suntiang sumber]

Kajian metabolomik takaik timbakau alah pernah dilakuan. Penelitian timbakau tu malalui pandekatan metabolomik yaitu manantuan senyawa aktif nan takanduang dalam daun tembakau. Uji Kabaradoan komponen senyawa tu baguno untuak panantuan kualitas daun tembakau nan rancak sarato kondisi geografis nan rancak pulo untuak patumbuahan timbakau. Pado penelitian tu, daun timbakau nan barasa dari Cina jo Zimbabwe digiliang jo diekstraksi samo duo pelarut, untuak malapehan komponen hidrofilik jo hidrofobik. Dalam kondisi ekstraksi nan dioptimalkan, labiah dari 79 jo 84% dari metabolit hidrofilik dan hidrofobik, masiang-masiang (tahituang 96,3 jo 92,2% dari kuisioner) punyo CV labiah randah dari 20%, nan dianggok reproduktifitas timbakau tu punyo kualitas nan rancak. [3]

Rujuakan[suntiang | suntiang sumber]

  1. a b "tobacco :: Major Uses --  Britannica Student Encyclopaedia". web.archive.org. 2009-04-15. Diakses tanggal 2022-02-27. 
  2. Official, Kawan GNFI. "Awal Mula Kehadiran Tembakau, Si 'Emas Hijau' Indonesia". www.goodnewsfromindonesia.id (dalam bahasa Indonesia). Diakses tanggal 2022-02-27. 
  3. SeparationsNow.2019.Tobacco Metabolomics by LC/MS: Geographical variations in leafy components.[Online]. https://www.separationsnow.com/details/ezine/sepspec24698ezine/Tobacco-metabolomics-by-LCMS-Geographical-variations-in-leafy-components.html?tzcheck=1,1,1,1,1&&tzcheck=1 diakses pada 5/4/2019