Langkok-langkok

Dari Wikipedia baso Minang, ensiklopedia bebas
Loncat ke navigasi Loncat ke pencarian
Foto Langkok-Langkok Cukuik

Langkok-langkok adolah bumbu pancukuik nan digunoan untuak malamakan jo manambah harum baun samba gulai, kalio, jo randang. Isian untuak langkok-langkok barupo sipadeh, kunik, langkueh, sarai, daun kunik, daun ruku-ruku, daun limau puruik, sarato jo daun salam. Takhusus untuak kalio jo randang indak mamakai daun ruku-ruku. Langkok-langkok nan samacam iko murah disobokan di pasa-pasa nan adoh di kota Padang, Sumatra Barat pado umumnyo jo harago murah. Langkok-langkok hanyo diparaluan saketek untuak samba, tatapi bapangaruah gadang untuk raso jo baun samba. Untuak saporsi samba hanyo mambutuahan sakarek ketek sipadeh, kunik, langkueh, sabatang sarai, saalai daun kunik, daun ruku-ruku, daun limau puruik jo daun salam.[1] Sacaro umum, langkok-langkok nan bisa disobokan biasonyo adoh duo macam, babantuak utuah jo nan alah bagiliang. Nan mambedaannyo hanyo panyajiannyo, nan utuah batungkuih jo karateh sadangkan nan bagiliang batungkuih jo palastik. Bahan-bahan nan digunoan tapap samo untuak kadua jenisnyo.[2]

Rujuakan[suntiang | suntiang sumber]

  1. "Langkok-Langkok, Tanpamu Aku Galau". https://min.wikipedia.org/w/index.php?title=Langkok-langkok&action=edit&redlink=1. 
  2. "Bumbu Masakan Khas Tradisional Minangkabau (Langkok)". http://anaknagaripariangan.blogspot.com/2016/10/bumbu-masakan-khas-tradisional.html. 
    1. https://www.kompasiana.com/k1n4l1/5510259aa33311cd39ba8010/langkok-langkok-tanpamu-aku-galau
    2. http://anaknagaripariangan.blogspot.com/2016/10/bumbu-masakan-khas-tradisional.html