Bahaso Jamee

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Panutua bahaso Jamee ditandoi jo kode bahaso min (rono oranye) nan taseba di sapanjang pasisia barat Aceh.

Bahaso Jamee, kadang disabuik juo bahaso Aneuk Jamee adolah salah satu dialek Bahaso Minangkabau nan umumnyo dipatutuakan dek sabagian masyarakaik di pasisia barat jo selatan Aceh.[1][2] Urang Aceh satampek ado nan manyabuiknyo jo Basa Aneuk Jamee atau Basa Baiko. Urang Aneuk Jamee surang labiah suko manyabuiknyo jo Baso Jamu, Basa Jamee, atau Basa Aneuk Jamee.

Bahaso Aneuk Jamee mampunyoi pabedaan jo bahaso induaknyo, bahaso Minangkabau, sangaik mungkin tapangaruah dek faktor asimilasi jo bahaso Aceh nan dominan dipakai sabagai lingua franca di Aceh pasisia. Ado sajumlah kato nan dalam bahaso Minangkabau umum akan tadanga kasa, tapi manjadi kato-kato nan biaso dalam bahaso ko, cando kato "Wa ang" nan marujuak pado kato ganti urang kaduo laki-laki.[3][4]

Wilayah tutua[suntiang | suntiang sumber]

Bahaso Jamee utamonyo di pakai di kabupaten Aceh Selatan (labiah kurang 30% - 35% dari jumlah populasi adolah urang Aneuk Jamee) jo 12% di kabupaten Aceh Barat Daya, 1% - 5% di Aceh Barat, Aceh Singkil, sarato Simeulue.[2] Barikuik kawasan nan rami panutua bahaso Jamee:

Kabupaten Kawasan
Aceh Selatan Kecamatan: Kemukiman Kandang (Kecamatan Kluet Selatan), Labuhan Haji, Labuhan Haji Timur, Sama Dua, Tapak Tuan
Aceh Barat Daya Kecamatan: Susoh
Aceh Barat Rami dipakai di kampuang-kampuang dalam Kecamatan Meureubo (bacampua jo urang Aceh) yaitu desa Gunong Kleng, Peunaga, Meureubo, Ranto Panyang dan sakitarnyo. Salain itu, sabagian kaciak juo mauni Desa Padang Seurahet nan tamasuak dalam Kecamatan Johan Pahlawan. Umumnyo di tampek nan disabuik tarakhia ko marupokan katurunan pandatang nan tibo dari Kabupaten Aceh Selatan dan alah lamo manatok di Aceh Barat sacaro turun tamurun.
Simeulue Sinabang dan sakitarnyo
Aceh Singkil Kota Singkil, Kecamatan Pulau Banyak

Contoh kalimaik[suntiang | suntiang sumber]

  • Macut alah ka kadai. (Jamee)
    • Etek alah ka kadai. (Padang)
  • lsuek adiek sandiri ka sakolah. (Jamee)
    • Bisuak adiak surang nan (pai) ka sikolah.
  • Abang tangah mambaco. (Jamee)
    • Uda sadang mambaco. (Padang)
  • Pacut mambuek lasueng. (Jamee)
    • Mamak mambuek lasuang. (Padang)[3]

Rujuakan[suntiang | suntiang sumber]

  1. "Minangkabau - Peta Bahasa". http://118.98.223.79/petabahasa/infobahasa2.php?idb=6&idp=Aceh. Diakses pado 17 Agustus 2018. 
  2. a b "View of A survey on the status of the local languages of Pulau Simeulue and Pulau Banyak and their use within the community" (dalam bahaso en-US). http://capeu.unsyiah.ac.id/proceedings/index.php/eeic/article/view/95/94. Diakses pado 17 Agustus 2018. 
  3. a b Isas, Budiono (ed.) (1990). MORFOLOGI DAN SINTAKSIS BAHASA JAMEE. Jakarta: Pusat Pembinaan dan Pengembangan Bahasa Departemen Pendldikan dan Kebudayaan. ISBN 979-459-078-9. 
  4. Novia Erwandi (2018). ANALISIS KOMPARATIF ANTARA BAHASA JAMEE PERANTAUAN DI BANDA ACEH DAN BAHASA MINANGKABAU BUKITTINGGI PERANTAUAN DI TAKENGON. Program Studi Magister Pendidikan Bahasa dan Sastra Indonesia Universitas Syiah Kuala. OCLC 1090033513. http://worldcat.org/oclc/1090033513.