Bahaso Pasisi

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Bahaso Pasisi Siboga atau disingkek Baso Pasisi adolah salah satu bahaso dalam rumpun Malayu nan ditutuakan dek Urang Pasisi nan marupokan panduduak Tapanuli Tangah jo Sibolga, Sumatra Utara.[1] Bahaso ko taseba di sapanjang pasisia barat Pulau Sumatra sajak dari Mandailing Natal, Sibolga, inggo Barus.[2]

Baso ko dianggap sabagai salah satu dialek dalam bahaso Minangkabau,[3] karano sijarah bahaso ko bamulo sajak parantau Minang dari daerah Pariaman nan pai manggaleh di sapanjang pasisia barat Pulau Sumatra bagian utara.[4] Parantau-parantau ko kudian bakomunikasi jo suku bangso lain sarupo Malayu jo Batak, sainggo tajadilah akulturasi jo kaduo bahaso tu. Bahaso ko mampunyoi kamiripan jo dialek Pariaman.[2]

Ungkapan dasa[suntiang | suntiang sumber]

Kato Ganti[suntiang | suntiang sumber]

Minangakabu (Standar) Pasisi
Ambo/Awak/Den/Denai Ambo
Awak/waang/ang/kau Awak-ang/ang/kau
Awak/Kito Kito
Inyo (jamak) Sidak
Inyo Awaknyo
Kalian Munak

Patunjuak Tampek/Arah[suntiang | suntiang sumber]

Minangkabau (Standar) Pasisi
Itu Inun (nun)
Iko Iko
Ateh Ateh
Bawah Bawah
Suduik Suduk
Mudiak Mudik
Ilia Ili

Kato Bilangan[suntiang | suntiang sumber]

Minangkabau (Standar) Pasisi
Ciek/Satu/Aso Satu
Duo Duo
Tigo Tigo
Ampek Ampek
Limo Limo
Anam Anam
Tujuah Tuju
Salapan Salapan
Sambilan Sambilan
Sapuluah Sapulu
Saratuih Saratui
Duo ratuih Duo ratui
Sabaleh Sabale
Duo baleh Duo bale
Ampek baleh Ampek bale
Duo puluah Duo pulu

Contoh kalimaik[suntiang | suntiang sumber]

Pasisi: Barisuk ambo nandak pai ka Siboga mampasuoi adiak ambo sekalian manjanguk pamili anak ruma ambo nang ala mandaului kito
Minangkabau (Standar): Bisuak ambo nak pai ka Sibolga basuo jo adiak ambo jo sakalian malayaik famili urang rumah ambo nan alah mandahului awak.
Pasisi: Pabilo wa'ang pai ka Medan?
Minangkabau (Standar): Bilo ang pai ka Medan?
Pasisi: Jangan munak lakeh tasundek!
Minangkabau (Standar): Jan kau capek marabo!
Pasisi: Ambo hampokkan wa'ang beiko da?!
Minangkabau (Standar): Den ampok ang beko yo?!
Pasisi: Umak, nikahkanlah ambo ka anak gadih nan rancak tu!
Minangkabau (Standar): Amak, nikahanlah ambo jo anak gadih nan rancak tu!
Pasisi: Bulek Ai Karano Pambuluh, Bulek Kato karano Mufakat (paribahaso)
Minangkabau (Standar): Bulek aia dek pambuluah, bulek kato dek mufakaik

Rujuakan[suntiang | suntiang sumber]

  1. "Mengenal Bahasa Pesisir Sibolga ".
  2. a b Setiana., Simorangkir, (1986). Struktur bahasa Pesisir Sibolga. Pusat Pembinaan dan Pengembangan Bahasa, Departemen Pendidikan dan Kebudayaan. OCLC 572293127. http://worldcat.org/oclc/572293127. 
  3. "Minangkabau - Peta Bahasa". http://118.98.223.79/petabahasa/infobahasa2.php?idb=11&idp=Sumatra%20Utara. Diakses pado 16 Agustus 2018. 
  4. Cortesao A., The Suma Oriental of Tome Pires, London, 1944