Bahaso Tansi

Wikipedia Minangkabau - Lubuak aka tapian ilimu

Bahaso Tansi (disabuik juo bahaso Tangsi atau bahaso Slunto) adolah sabantuak bahaso kreol nan barasa dari buruah-buruah tambang batu bara pado zaman kolonial Balando di Sawahlunto. Pacampuan bahaso Tansi ko barasa dari bahaso Jawa, Sunda, Madura, Bali, Bugis, Batak, Cino, Balando, Malayu, jo Minangkabau.[1]

Indak banyak dokumentasi tantang bahaso Tansi ko dalam kajian modern. Sajak tambang batu bara di Sawahlunto manurun kapasitasnyo sainggo ditutuik, bahaso Tansi alah mulai mailang dari pacakapan sahari-hari warga kota Sawahlunto. Kabanyakan dari katurunan buruah tambang nan bakecek bahaso Tansi alah indak manjago bahasonyo, dan biasonyo mangecek dalam bahaso Minang atau Indonesia nan standar. Dek sebab sipaik bahaso Tansi ko subagai satu bahaso kreol/anak dagang nan muncua pado satu lingkungan dalam satu jangka wakatu nan kusuih pulo, indak ado dokumentasi tatulih manganai tata bahaso atau aturan-aturan babahaso nan pakek.[2]

Pado bulan Oktober 2018, bahaso Tansi ditatapkan dek Kamantarian Pandidiakan dan Kabudayaan Republik Indonesia subagai salah satu dari Warisan Budaya Tak Benda Indonesia.[3]

Rujuakan[suntiang | suntiang sumber]

  1. Dipna Videlia Putsanra (8 November 2018), "Mengenal Bahasa Tansi Sawahlunto nan Jadi Warisan Budaya Tak Benda", Tirto.id, diakses 28 April 2019.
  2. ______ (2 November 2010), "Bahasa Tansi Sawahlunto sebagai Bahasa Kreol" Archived 2019-04-28 di Wayback Machine., radiobuku.com, diakses 28 April 2019.
  3. Priyo Setyawan (8 November 2018), "Bahasa Tansi Sawahlunto Jadi Warisan Budaya Tak Benda Dunia", daerah.sindonews.com, diakses 28 April 2019.