Danau Laut Tawar

Wikipedia Minangkabau - Lubuak aka tapian ilimu
Lokasi Aceh, Indonesia
Koordinat 4°36′43″N 96°55′25″E / 4.61194°N 96.92361°E / 4.61194; 96.92361Koordinat: 4°36′43″N 96°55′25″E / 4.61194°N 96.92361°E / 4.61194; 96.92361
Jinih danau Tektonik
Aliran kalua utamo Sungai Peusangan
Talatak di nagara Indonesia
Laweh pamukoan 70 km2 (27 sq mi)
Kadalaman maks. 80 m (260 ft)
Katinggian pamukoan 1,100 m (3,600 ft)
Pamukiman Kabupaten Aceh Tengah
Danau Laut Tawar

Danau Laut Tawar marupoan danau yang balokasi di Kota Takengon, Kabupaten Aceh Tengah, Provinsi Aceh.[1][2] Danau ko mamiliko laweh 5.472 hektare dengan panjang 17 kilometer sarato leba mancapai 3.219 kilometer.[1] Danau ko marupoan danau talaweh di Aceh.[3] Danau ko barado di dataran tinggi Aceh atau 1.500 kilometer di ateh pamukaan lauik.[4]

Infomasinyo, Danau Laut Tawar ko marupoan danau tektono-vulkanik nan tabantuak basamaan Sesar Semangko.[1]

Danau ko dikenal pulo jo namo Danau Lut Tawar. Penamaan danau ko dapek diliek dari babagai sisi yaitu secara historisnya, danau ko tajadi dek gunuang malatuih. Dari segi bahaso, Laut atau Lut bararti lauik, sadangkan Tawar bararti indak asin. Sehinggo Danau Laut Tawar atau Danau Lut Tawar bararti lauik nan indak asin.[5]

Danau ko adolah tampek wisata nan terkenal jo hamparan danaunyo nan dikalilingi dek lanskap pagunungan dan pabukitan indah.[2][6] Danau ko dibukak untuak umum salamo 24 jam. Jadi, pangunjunag dapek manikmati pamandangannyo mulai pagi sampai malam.[3]

Jiko kito bakaliliang, paralu wakatu agak duo jam. Waktu bakaliliang akan labiah lamo jiko pangunjuang singgah ka babarapo goa nan ado di sakita danau ko saperti Loyang Peteri Pukes, Loyang Koro, Loyang Peteri Ijo, Loyang Perupi, atau Goa Ular, Loyang Ujung Karang, dan Loyang Mandale.[6]

Lawehnyo danau ko manjadikan inyo dipanuhi babagai spot nan manawaran aktivitas saparti manyusuri kawasan danau, baburu spot selfie, piknik di tapi danau, olahraga, bamalam, sampai kulineran.[2]

Jiko lelah bakaliliang, pangunjuang dapek pulo maliek danau ko dari tampek tinggi saperti dari Bur Gayo. Dari situ, akan tampak Kota Takengon jo Danau Laut Tawar nan laweh. Di sakita danau, ado pulo kadai kopi Arabica Gayo nan marupoan salah satu kopi tabaiak di dunio. Kopi-kopi ko barasa dari kabun di Kabupaten Aceh Tengah nan batatangga jo Kabupaten Bener Meriah.[6]

Sabagai infomasi, di danau ko, tacataik. ado 37 jinih ikan, 49 jinih saranggo, sarato satwa ketek lainnyo.[7] Di siko bahkan ado pulo ikan endemik saperti ikan depik (Rasbora tawarensis) jo ikan kawan (Poropuntius tawarensis).[8][1] Salain tu, ado pulo 20 spesies mamalia nan hiduik di danau jo di sakitanyo.[7]

Namun sayang, di baliak kaindahannyo, Danau Laut Tawar tanyato didera banyak masalah. Kamenterian Lingkungan Hiduik bahkan parnah mamasuak an danau ko dalam prioritas kaduao panyalamatan nasional.[9]

Ancaman tabarek danau ko adolah manyusuiknyo aia danau sabagai dampak mangariangnyo sungai-sungai. Pado 1969, tadapek 40 sungai nan bahulu ka Danau Laut Tawar, tapi pado tahun 2000, jumlahnyo bakurang manjadi 25 sungai. bahkan pado 2013, sungai-sungai nan bahulu ka situ hanyo tasiso 17 sungai.[7]

Masalah lainnyo yang dihadapi danau ko adolah manurunnyo kualitas aia disebab an adonyo pancemaran. Ado duo areal sumber bahan pancemar tu yaitu di parairan danau jo daerah tangkapan aia. Sejumlah kagiatan nan bapotensi manyumbang bahan pancemar dari daerah tangkapa aia adolah aktivitas partanian, pamukiman, industri atau jaso, jo pariwisata. Samantaro di parairan danau, barupo kagiatan karamba jariang apuang jo dekomposisi bahan organik sarato kegiatan pariwisata.[1]

Salain tu, satu spesies endemik Danau Laut Tawar yaitu ikan depik kini ko kondisinyo alah tarancam punah pulo. Iko akibaik manurunnyo jumlah populasinyo dalam babarapo tahun tarakhir ko. Hal iko patuik diduga karano tajadinyo parubahan signifikan pado ekosistem danau sahinggo mambuek ikan depik ndak mampu baadaptasi lai.[1]

Rujuakan[suntiang | suntiang sumber]

  1. a b c d e f "Ikan Depik yang Tidak Lagi Bahagia di Danau Lut Tawar". Mongabay.co.id (dalam bahasa Inggris). 2021-12-14. Diakses tanggal 2022-05-29. 
  2. a b c https://travel.tribunnews.com/2022/05/22/6-tempat-wsiata-di-takengon-untuk-libur-akhir-pekan-kunjungi-danau-laut-tawar-yang-eksotis
  3. a b Times, I. D. N.; Herlina, Ratna. "5 Danau di Aceh yang Wajib Dikunjungi, Bikin Liburanmu Istimewa!". IDN Times (dalam bahasa Indonesia). Diakses tanggal 2022-05-29. 
  4. "Ikan Depik yang Tidak Lagi Bahagia di Danau Lut Tawar". Mongabay.co.id (dalam bahasa Inggris). 2021-12-14. Diakses tanggal 2022-05-29. 
  5. https://dapobas.kemdikbud.go.id/home?show=isidata&id=904
  6. a b c "Mongabay Travel: Lut Tawar, Danau Sejuk di Dataran Tinggi Aceh Tengah". Mongabay.co.id (dalam bahasa Inggris). 2017-04-01. Diakses tanggal 2022-05-29. 
  7. a b c "Lut Tawar, Danau Indah yang Didera Masalah". Mongabay.co.id (dalam bahasa Inggris). 2019-12-01. Diakses tanggal 2022-05-29. 
  8. "Aceh Perlu Maksimalkan Potensi Perikanan Danau Laut Tawar". Republika Online (dalam bahasa Indonesia). 2022-03-01. Diakses tanggal 2022-05-29. 
  9. Agency, ANTARA News. "Danau Lut Tawar jadi prioritas kedua nasional, ini tiga poin utama penyelamatannya - ANTARA News Aceh". Antara News. Diakses tanggal 2022-05-29.