Taman Nasional Gunung Leuser

Taman Nasional Gunung Leuser
IUCN Kategori II (Taman Nasional)
Hutan hujan di zona inti TN Gunung Leuser
Peta manunjuakan latak Taman Nasional Gunung Leuser Lokasi TN Gunung Leuser di Pulau Sumatra
Latak	Aceh dan Sumatera Utara, Indonesia
Koordinat	3°46′21.6″N 97°14′43.5″E
Luweh	830.268,95 hektare (8.302,36 km²)
Didirian	1980
Pihak pangalola	Kementerian Lingkungan Hidup dan Kehutanan
Situs web	gunungleuser.or.id
Situs Warisan Dunia UNESCO
Bagian dari	Warisan Hutan Hujan Tropis Sumatra
Kriteria	Alam: vii, ix, x
Referensi	1167
Pangukuahan	2004 (Sesi 28th)
Tarancam	2011—sekarang

Kawasan TNGL

Kawasan Taman Nasional Gunung Leuser

Taman Nasional Gunung Leuser disingkek jo TNGL adolah salah ciek Kawasan Pelestarian Alam di Indonesia nan lawehnyo 1.094.692 hektare yang sacaro administrasi pamarintahan talatak di Provinsi Aceh dan Sumatra Utara. Provinsi Aceh nan tamasuak kadalam TNGL yaitunyo Kabupaten Subulussalam, Aceh Selatan, Aceh Singkil, Aceh Tengah, Aceh Tenggara, Gayo Lues, Bener Meriah, Aceh Tamiang, sadangkan Provinsi Sumatra Utara nan tamasuak ka dalam TNGL yaitunyo Kabupaten Dairi, Karo, dan Langkat.

Taman nasional iko manambiak namo dari Gunung Leuser nan manjulang tinggi saketinggi 3404 meter di ateh pamukaan lauik di Aceh. Taman nasional iko maliputi ekosistem asli dari pantai sampai pagunuangan tinggi nan punyo hutan labek khas hujan tropis, dikelola jo sistem zonasi yang dimanfaaikan untuak tujuan panilitian ilmu pengetahuan, pendidikan, manunjang budidaya, pariwisata, jo rekreasi.

Taman Nasional Gunung Leuser punyo 3 (tigo) fungsi yaitunyo:

1. palinduang sistem penyangga kahidupan;
2. pangawetan keanekaragaman jenis tumbuhan jo satwa beserta ekosistemnya;
3. pemanfaaikan sacaro lestari sumber daya alam hayati jo ekosistemnyo.

Sacaro yuridis formal kabaradoan Taman Nasional Gunung Leuser untuak partamo kali dituangkan dalam Pangumuman Menteri Pertanian Nomor: 811/Kpts/Um/II/1980 tanggal 6 Maret 1980 tentang peresmian 5 (lima) Taman Nasional di Indonesia, yaitu; TN.Gunung Leuser, TN. Ujung Kulon, TN. Gede Pangrango, TN. Baluran, dan TN. Komodo. Manuruik Pangumuman Menteri Pertanian tasabuik, ditunjuak lueh TN. Gunung Leuser adolah 792.675 ha. Pangumuman Menteri Pertanian tasabuik ditindaklanjuti jo Surat Direktorat Jenderal Kehutanan Nomor: 719/Dj/VII/1/80, tanggal 7 Maret 1980 nan ditujukan kapado Sub Balai KPA Gunung Leuser. Dalam surek tasabuik disabuikan bahwasanyo diagianyo status kawenangan pangalolaan TN. Gunung Leuser kapado Sub Balai KPA Gunung Leuser.

Ditarimanyo Warisan Hutan Hujan Tropis Sumatra ka daftar Situs Warisan Dunia pado tahun 2004, mambuek Taman Nasional Gunung Leuser masuak ka dalam daftar Situs Warisan Dunia dek UNESCO, basamo jo Taman Nasional Kerinci Seblat jo Taman Nasional Bukit Barisan Selatan.

Sisi lain, taman nasional iko mandapek paratian kareno maraknyo kasus panabangan pohon sacaro illegal di babarapo lokasi nan manyalahi reservasi lingkuangan.

Sabagian gadang kawasan TNGL punyo topografi nan curam dan tekstur tanah nan rentan katiko longsor. Hal iko tabukti katiko banjir bandang nan manghancuaan kawasan wisata alam Bukit Lawang babarapo taun ka balakang. Untuak labiah manjago TNGL dari karusakan nan labiah parah mako dibantuaklah suatu kawasan nan disabuik Kawasan Ekosistem Leuser. Kawasan nan punyo lueh 2,6 juta hektare iko maliputi area nan labiah data di sakaliliang TNGL dan bafungsi sabagai panyangga (buffer).

Sijarah

Sijarah tabantuaknyo TNGL diawali pado tahun 1920-an atau zaman Pamarintah Kolonial Balando, malalui sarangkaian proses panalitian jo eksplorasi saurang ahli geologi Balando banamo F.C. Van Heurn di Aceh.[1] Archived 2022-07-17 di Wayback Machine. Dalam pakambangannyo muncua inisiasi positif nan didukuang dek para tokoh masyarakaik untuak mandasak Pamarintah Kolonial Balando bia dapek maagai status kawasan konservasi (Wildlife Sanctuary) jo status palinduangan tahadok kawasan nan tabantang dari Singkil (pado hulu Sungai Simpang Kiri) di bagian salatan, sapanjang Bukit Barisan, ka arah lembah Sungai Tripa jo Rawa Pantai Meulaboh, di bagian utara.

Pada tanggal 6 Februari 1934, dilaksanaan Deklarasi Tapak Tuan nan marupoan tekad dari pawakilan masyarakaik lokal di sakitar kawasan leuser untuak malakukan palindungan lingkungan nan sakaligus mangatur sanksi pidana. Deklarasi iko ditandotangani dek Gubernur Hindia Balando.[2] Badasarkan hal tasabuik, pado tanggal 3 Juli 1934 ditatapkan Suaka Margasatwa Gunung Leuser dengan luweh 142.800 Ha badasarkan Zelfbestuur Besluit (ZB) Nomor 317/35. Tahun 1936 ditetapkan kawasan Suaka Margasatwa Kluet di Provinsi Aceh dengan luweh 20.000 Ha. Tahun 1938 ditatapkan kawasan Suaka Margasatwa Langkat di Provinsi Sumut dengan luweh 51.000 Ha. Tahun 1976 ditatapkan kawasan Suaka Margasatwa Kappi di Provinsi Aceh dengan luweh 142.000 Ha.

Pado tanggal 6 Maret 1980 Menteri Pertanian mangumumkan kaampek suaka margasatwa tasabuik dan babarapo hutan wisat di sakitarnyo sabagai kawasan taman nasional. Pado tahun 1984, wilayah karajo TNGL ditatapkan mencakuik 5 kawasan Suaka Margasatwa jo 2 Hutan Wisata, saluweh 862.975 Ha. Tanggal 23 Mei 1997 dilakuan panunjuakan Taman Nasional Gunung Leuser dengan luweh 1.094.692 hektar.

Sacaro yuridis formal, kabaradoan Taman Nasional Gunung Leuser untuak partamo kali dituangkan dalam Pengumuman Menteri Pertanian Nomor: 811/Kpts/Um/II/1980 tanggal 6 Maret 1980 tentang peresmian 5 (lima) Taman Nasional di Indonesia, yaitu; Taman Nasional Gunung Leuser, Taman Nasional Ujung Kulon, Taman Nasional Gede Pangrango, Taman Nasional Baluran, jo Taman Nasional Komodo. Badasarkan Pangumuman Menteri Pertanian tasabuik, ditatapkan luweh Taman Nasional Gunuang Leuser adolah 792.675 ha. Pangumuman Menteri Pertanian tasabuik ditindaklanjuti dengan Surat Direktorat Jenderal Kehutanan Nomor: 719/Dj/VII/1/80, tanggal 7 Maret 1980 nan ditujuan kapado Sub Balai KPA Gunung Leuser. Dalam surek tasabuik disabuikan bahwasanyo diagianyo status kawenangan pangalolaan Taman Nasional Gunung Leuser kapado Sub. Balai KPA Gunung Leuser.[3] Archived 2022-07-17 di Wayback Machine.

Kaunikan

Taman Nasional Gunung Leuser (TNGL) marupoan salah satu kawasan dengan kaanekaragaman hayati tinggi di Pulau Sumatera. Tipe ekosistemnyo baragam dari ekosistem pantai hinggo ekosistem pagunuangan sub alpine, dengan puncak tatinggi pado katinggian 3.404 mdpl. TNGL marupoan satu-satunyo area di dunia nan manjadi tampek hiduik dari 4 spesies tanamo. Spesies tasabuik yaitunyo, Harimau Sumatera (Panthera tigris sumatrae), Orangutan Sumatera (Pongo abelii), Badak Sumatera (Dicerorhinus sumatrensis) jo Gajah Sumatera (Elephas maximus sumatranus).

Tadapek 350 spesies buruang di kawasan TNGL. Hampia 65% atau 129 spesies mamalia dari 205 spesies mamalia gadang jo ketek di Sumatera tacatat manampati kawasan TNGL. Badasarkan kaanekaragaman hayati nan sangaik tinggi dan unik tasabuik, kawasan TNGL ditatapkan sabagai Natural World Heritage Site (situs warisan alam dunia), cagar biosfer, sarato ASEAN Heritage Park (Taman Warisan ASEAN).

Nilai konservasi

Taman Nasional Gunung Leuser manyandang 2 status nan baskala global yaitunyo sabagai Cagar Biosfer pado tahun 1981 dan juo sabagai Warisan Dunia pado tahun 2004. Kaduo status tasabuik ditatapkan dek UNESCO dan World Heritage Committee (WHC) ateh usulan dari Pamarintah Indonesia sasudah malalui rangkaian proses seleksi nan cukuik ketat. Di sampiang itu tadapek nilai eksistensi lain nan manjadi potensi dari TNGL nan dapek diuraian sabagai barikuik:

Cagar biosfer

Cagar Biosfer didefinisikan sabagai kawasan ekosistem daratan atau pasisia nan diakui dek Program Man and the Biosphere UNESCO (MAB-UNESCO) untuak mampromosikan kasaimbangan hubungan antaro manusia jo alam. Cagar Biosfer malayani papaduan tigo fungsi yaitunyo, (1) kontribusi konservasi lansekap, ekosistem, spesies, jo plasma nutfah, (2) manyuburkan pambangunan ekonomi nan bakalanjutan baiak sacaro ekologi maupun budaya, sarato (3) mandukuang logistik untuak panalitian, pamantauan, pendidikan, jo palatihan nan takaiik dengan masalah konservasi jo pambangunan bakalanjutan di tingkek lokal,regional, nasional, maupun global. Sabagai hasil KTT Bumi 1992, babagai fungsi Cagar Biosfer sarato Jaringan Cagar Biosfer Dunia alah didefinisikan jo diuraian dalam “Strategi Seville dan Kerangka Hukum Jaringan Dunia” (LIPI, 2004).[4] Archived 2022-07-18 di Wayback Machine.

Warisan Dunia (World Heritage)

Konvensi Warisan Dunia (World Heritage Convention) tantang Palinduangan Warisan Budaya dan Alam diadopsi pado sidang ke-17 Konferensi Umum UNESCO di Paris tanggal 16 November 1972, dan balaku efektif sajak 17 Desember 1975. Sampai ka bulan Maret 2005, Konvensi Warisan Dunia alah diratifikasi dek labiah dari 180 negara, tamasuak Indonesia malalui Kaputusan Presiden No. 29 tahun 1989. Warisan Dunia adolah warisan nan: (1) Tadiri dari Warisan Alam dan Warisan Budaya, (2) Malestarikan warisan yang inddak dapek digantikan dan warisan nan punyo “Nilai Universal Istimewa”, (3) Paralu malinduangi warisan nan indak dapek dipindahkan, dan (4) Manjadi tanggungjawab kasadaran dan karajosamo kolektif international (UNESCO, 2004). Hinggo tahun 2006, tadapek 830 situs di 138 negara nan alah tacantum di dalam Daftar Warisan Dunia, tadiri dari 644 situs budaya, 162 situs alami jo 24 situs campuran.[5] Archived 2022-07-18 di Wayback Machine.

Laboratorium Alam

Taman Nasional Gunung Leuser marupoan laboratorium alam nan kayo kaanekaragaman hayati sakaligus marupoan ekosistem nan rentan. MacKinnon and MacKinnon (1986) manyatoan, Leuser mandapekan skor tatinggi untuak kontribusi konservasi tahadok kawasan konservasi di saluruah kawasan Indo Malaya. Leuser marupoan habitat sabagian gadang dari fauna, mulai dari mamalia, buruang, reptil, amfibia, ikan, jo invertebrata. Leuser manjadi kawasan dengan daftar buruang tabanyak di dunia dengan 380 spesies, di mano 350 diantaranyo marupoan spesies nan iduik di Leuser.

Leuser manjadi rumah dek 36 dari 50 spesies buruang “Sundaland”. Hampia 65% atau 129 spesies mamalia dari 205 spesies mamalia gadang jo ketek di Sumatera tacatat ado di tampek iko. Ekosistem Leuser marupoan habitat orangutan Sumatera (Pongo abelii), harimau Sumatera (Panthera tigris), badak Sumatera (Dicerorhinus sumatrensis), tapir (Tapirus indicus), gajah Sumatera (Elephas maximus sumatranus), owa (Hylobathes lar), kedih (Presbytis thomasii), dan masih banyak yang lainnya.[6] Archived 2022-07-18 di Wayback Machine.

Di sampiang rumah dek babagai fauna kunci, di Taman Nasional Gunung Leuser tadapek labiah dari 4.000 spesies flora. Ditemukan pulo 3 jinih dari 15 jinih tumbuahan parasit Rafflessia. Damikian pulo, Leuser marupoan tampek pasinggahan dari banyak jinih tumbuahan ubek.[7]

Pado wilayah Bukit Lawang di Sumatera Utara, tadapek tampek rehabilitasi orang utan. Bukit Lawang marupoan salah satu destinasi pariwisata nan manyimpan alam sarato lingkungan nan tajago. Alam nan masih tajago manjadi habitat asli orang utan sajak 1973. Salain orang utan, tadapek satwa lain sarupo musang, burung kaua raja, monyet ekor panjang, beruk, jo satwa lain dari habitat asli Bukit Lawang. Wilayah iko talatak di Kecamatan Bohorok, Kabupaten Langkat.[8]Bukit Lawang juga memiliki area khusus habitat kelelawar. Goa Kelelawar menyimpan stalaktit berukuran besar yang telah terbentuk sejak ratusan tahun lalu.[9]

Salain Bukit Lawang, tadapek wilayah Tangkahan nan talatak di Kecamatan Batang Serangan, Kabupaten Langkat, Sumatera Utara. Di wilayah Tangkahan, daya tarik pariwisatanyo ado pado konservasi gajah Sumatera.

Topografi

Sabagian gadang kawasan TNGL barado di wilayah pagunuangan nan babukik jo bagalombang, dengan 33 bukik atau gunung, dan 80% wilayahnyo mampunyoi kamiriangan di ateh 40%. Sabagian ketek sajo areal nan barupo dataran randah dan indak baitu luweh yaitunyo di wilayah Sekundur jo Langkat. Sadangkan katinggian kawasan 3404 mdpl.

Tanah jo Geologi

Sacaro umum, pado kawasan TNGL tadapek minimal 11 jinih tanah. Tigo jinih mandominasi kawasan iko yaitu komplek podsolik jo litosol, komplek podsolik merah kuning latosol jo litosol dan andosol. Jinih-jinih tanah tasabuik mancakuik organosol jo gleihumus, regosol, podsolik merah kuning (batuan endapan), podsolik merah kuning (batuan aluvial), regosol, andosol, litosol, podsolik merah kuning (bahan endapan dan batuan beku), kompleks podsolik merah kuning latosol dan litosol, kompleks podsolik coklat, podsolik dan litosol, kompleks resina sarato litosol.

Kawasan TNGL di wilayah Aceh mampunyi tanah nan tadiri dari jinih: podsolik merah kuning, latosol dan litosol, podsolik cokelat, podosol dan litosol, andosol, regosol, podsolik merah kuning, rensing dan litosol, sarato jinih organosol dang le humus. Adopun di wilayah Sumatera Utara, tanahnyo tadiri ateh jinih podsolik merah kuniang, komplek podsolit cokelat, podosol dan litosol, tanah gambut, tanah vulkanik, adosol, komplek podsolit merah kuning, latosol dan litosol, dan tanah sedimentasi.

Bagian Utara Kawasan TNGL adolah pagunuangan Leuser Simpoli nan tabantuak dari formasi Munkap mata-sedimen jo Glanelei dan baru mangalami saketek palapukan. Bagian Barat tadapat sabuk batu kapur nan mambantauk rintangan.

Derah aliran sungai

DAS : Bakongan, Batang Serangan, Batee, Belawan, Belumai, Besitang, Deli, Kluet, Lembang, Lepan, Manyak Payed/ Tamiang, Pawoh Baroh, Percut, Singkil, Susoh, Tripa, Ular, Wampu.

Tipe Iklim

Manuruik klasifikasi iklim Schmidt dan Ferguson, kawasan Taman Nasional Gunung Leuser tamasuak ka dalam A (Sangat Basah) dengan rato-rato curah hujan sakitar 2468 mm/tahun sarato punyo kalembaban sekitar 65 - 75% dan Temperatur bulanan kawasan suhu sakitar 25 °C.

Fauna

Di taman nasional iko tadapek 130 jinih mamalia, di antaronyo orangutan sumatera (Pongo pygmaeus abelii), sarudung (Hylobates lar), siamang (Hylobates syndactilus), monyet ekor panjang (Macaca fascicularis), beruk (Macaca nemestriana) dan kedih (Presbytis thomasi). Satwa karnivora di antaranya: macan dahan (Neofelis nebulosa), beruang madu (Helarctos malayanus), harimau sumatera (Phantera tigris Sumatraensis). Satwa herbivora nan ado di taman nasional iko adolah gajah sumatera (Elephas maximus), badak sumatera (Dicerorhinus sumatraensis), jo rusa sambar (Cervus unicolor).

Dipakiroan ado sakitar 89 spesies langka dan dilinduangi barado di Taman Nasional Gunung Leuser, di antaronyo:

• Orangutan sumatera (Pongo pygmaeus abelii)
• Badak sumatera (Dicerorhinus sumatrensis)
• Harimau sumatera (Panthera tigris sumatrae)
• Gajah sumatera (Elephas maximus)
• Beruang madu (Helarctos malayanus)
• Rangkong papan (Buceros bicornis)
• Ajag (Cuon Alpinus)
• Siamang (Hylobates syndactylus).

Dipakiroan ado sakitar 325 jinih buruang di Taman Nasional Gunung Leuser, di antaronyo: rangkong badak (Buceros rhinoceros). Fauna reptilia jo amphibia didominasi ula babiso dan buaya (Crocodillus sp). Di siko tadapek ikan jurung (Tor sp), ikan endemik Sungai Alas nan panjangnyo dapek mancapai 1 meter. Di siko tadapek juo kupu-kupu.

Flora

Vegetasi di kawasan TNGL tamasuak flora Sumatera dan araik hubungannyo dengan flora di Semenanjung Malaysia, Pulau Kalimantan, Pulau Jawa dan bahkan jo Philipina. Formasi vegetasi alami di TNGL ditatapkan badasarkan 5 kriteria, yaitunyo bioklimat (zona klimatik ketinggian dengan berbagai formasi floristiknya). Ampaek kriteria lainnyo adolah hubungan antaro komposisi floristik dengan biogeografi, hidrologi, tipe batuan dasar dan tanah. Van Steenis nan malakukan panalitian pado tahun 1937 (de Wilde W.J.J.O dan B.E.E. Duyfjes, 1996), mambagi wilayah tumbuh-tumbuhan di TNGL dalam babarapo zona, yaitu:

• Zona Tropika (tamasuk Zona Colline, terletak 500 – 1000 mdpl). Zona Tropika marupoan daerah bahutan labek ditumbuahi babagai jinih tagakan kayu nan badiameter gadang jo tinggi sampai mancapai 40 meter. Pohon atau tagakan kayu tasabuik digunoan sabagai pohon tumpangan dari babagai tumbuhan jinih liana jo epifit nan menarik, sarupo anggrek, dan lainnyo.
• Zona Peralihan dari Zona Tropica ka Zona Colline dan Zona Sub-Montane ditandai jo samakin banyaknyo jinih tanaman babunga rancak dan babeda jinih karano pabedaan katinggian. Samakin tinggi suatu tampek mako pohon samakin bakurang, jinih liana mulai manghilang dan makin banyak dijumpai jinih rotan baduri.
• Zona Montane (tamasuak zona sub montane,talatak 1000 – 1500 mdpl). Zona montane marupoan hutan montane. Tagakan kayu indak lai talalu tinggi hanyo bakisar antaro 10 – 20 meter. Indak tadapek lai jinih tumbuhan liana. Lumuik banyak manutupi tagakan kayu atau pohon. Kalembaban udaro sangaik tinggi dan hampia satiok saat tatutuik kabuik.
• Zona Sub Alphine (2900 – 4200 mdpl), marupoan zona hutan Ercacoid dan indak bapohon lai. Hutan iko marupoan lapisan taba campuran dari pohon-pohon ketek jo samak-samak dengan babarapo pohon babantuak payuang (familia Ericacae) yang menjulang tersendiri serta beberapa jenis tundra, anggrek dan lumut.[10] Archived 2022-07-18 di Wayback Machine.

Caliak pulo

• Daftar taman nasional di Indonesia