Pulau Papua
| Geografi | |
|---|---|
| Lokasi | Pulau utara Benua Australian |
| Koordinat | Templat:Coor at dm |
| Area | 786,000 km²(303,500 mil²) |
| Elevasi tatinggi | 4,884 m (16,502 kaki) |
| Titiak tatinggi | Puncak Jaya |
| Nagara | |
Indonesia | |
| Provinsi | Papua Papua Barat |
Papua Nugini | |
| Provinsi | Tengah Simbu |
| Demografi | |
| Populasi | 6.4 juta (per 2000) |
| Kapadatan | 8/km² |
Pulau Papua atau Guinea Baru (Bahaso Inggirih: New Guinea) atau nan dulu disabuik jo Pulau Irian adolah pulau tagadang kaduo (salapeh Tanah Hijau) di dunia nan talatak di subalah utara Australia. Pulau iko dibagi manjadi duo wilayah nan bagian baratnyo dikuasoi dek Indonesia dan bagian timurnyo marupokan nagara Papua Nugini. Di pulau nan bantuaknyo manyarupoi buruang rajawali iko talatak gunuang tatinggi di Indonesia, iyolah Puncak Jaya (4.884 m).
Namo Irian digunokan dalam bahaso Indonesia untuak mangacu tahadok pulau iko jo tahadok provinsi, sabagaimano "Provinsi Irian Jaya". Namo iko diusuakan pado taun 1945 dek Marcus Kaisiepo,[1] saudaro dari Gubernur nan akan datang Frans Kaisiepo. Namo iko diambiak dari Bahaso Biak nan baarati bauok, atau samangek untuak bangkik. Namo iko juo digunokan dalam bahaso pribumi lain sarupo Bahaso Serui, Bahaso Merauke, jo Bahaso Waropen.[2] Namo iko digunokan sampai taun 2001 dimano pulau basarato provinsinyo baliak lai dinamokan Papua. Namo Irian nan pado mulonyo disukoi dek panduduak asali Papua, kini dianggap sabagai namo nan dibarikan dek Jakarta.[1]
Istilah "Papua" digunokan untuak marujuak kapado pulau iko sacaro kasaluruahan. Nugini baasa dari kato New Guinea, namo nan diagiah dek urang Barat, nan di-Indonesiakan. Mareka dahulu bapandapaik baso tanah Papua sarupo jo Guinea, sabuah wilayah di Afrika. Jadi mareka sabuik Guinea baru.
Istilah "Papua" kini digunokan pulo untuak marujuak kapado duo provinsi di Papua bagian barat nan dikuasoi dek Indonesia, iyolah Papua jo Papua Barat.
Rujuakan
[suntiang | suntiang sumber]- ↑ a b Pickell, David (2002). Between the tides: a fascinating journey among the Kamoro of New Guinea. Tuttle Publishing. pp. 153. ISBN 0794600727, 9780794600723. http://books.google.com/books?id=WUtz2hjvPvMC&pg=PA153.
- ↑ Kutipan rusak: Tag
<ref>indak sah; indak ado teks untuak ref banamogeop
