Lompat ke isi

Irwan Prayitno

Wikipedia Minangkabau - Lubuak aka tapian ilimu
Infobox orangIrwan Prayitno
Lua error in mw.lua at line 656: invalid value (nil) at index 1 in table for 'concat'.
Biografi
urang Suntingan nilai di Wikidata
Lahia20 Desember 1963 Suntingan nilai di Wikidata (62 tahun (id) terjemahkan)
Yogyakarta Suntingan nilai di Wikidata
  Gubernur Sumatera Barat (id) Terjemahkan 

12 Pebruari 2016 – 12 Pebruari 2021
Terpilih dalam (id) Terjemahkan: Pemilihan umum Gubernur Sumatra Barat 2015 (id) Terjemahkan

  Gubernur Sumatera Barat (id) Terjemahkan 

15 Agustus 2010 – 15 Agustus 2015
Terpilih dalam (id) Terjemahkan: Pemilihan umum Gubernur Sumatra Barat 2010 (id) Terjemahkan

  Anggota DPR-RI (id) Terjemahkan 

1r Oktober 2009 – 15 Agustus 2010
Daerah pemilihan (id) Terjemahkan: Sumatera Barat I (daerah pamilihan)

Terpilih dalam (id) Terjemahkan: Pemilihan umum legislatif Indonesia 2009 (id) Terjemahkan

  Anggota DPR-RI (id) Terjemahkan 

1r Oktober 2004 – 30 September 2009
Daerah pemilihan (id) Terjemahkan: Sumatera Barat I (daerah pamilihan)

Terpilih dalam (id) Terjemahkan: Pemilihan umum legislatif Indonesia 2004 (id) Terjemahkan

  Anggota DPR-RI (id) Terjemahkan 

1r Oktober 1999 – 30 September 2004
Daerah pemilihan (id) Terjemahkan: Sumatera Barat I (daerah pamilihan)

Terpilih dalam (id) Terjemahkan: Pemilihan umum legislatif Indonesia 1999 (id) Terjemahkan Suntingan nilai di Wikidata
Data pribadi
Kalompok etnisUrang Minangkabau Suntingan nilai di Wikidata
AgamoIslam Suntingan nilai di Wikidata
AlmamaterUniversitas Putra Malaysia (id) Terjemahkan . Doktor (id) Terjemahkan (1996–2000)
Universitas Putra Malaysia (id) Terjemahkan . Magister (id) Terjemahkan (1995–1996)
Universitas Indonesia . sarjana (id) Terjemahkan (1982–1988)
SMA Negeri 3 Padang (1979–1982)
SMP Negeri 1 Padang (1976–1979) Suntingan nilai di Wikidata
Kagiatan
Tesis akademis (id) Terjemahkan[Lua error in mw.lua at line 656: invalid value (nil) at index 1 in table for 'concat'. Lua error in mw.lua at line 656: invalid value (nil) at index 1 in table for 'concat'.] (Lua error in mw.lua at line 656: invalid value (nil) at index 1 in table for 'concat'.)
Penasihat doktoral (id) TerjemahkanLua error in mw.lua at line 656: invalid value (nil) at index 1 in table for 'concat'.
KarajoPolitikus, dai (id) Terjemahkan, psikolog (id) Terjemahkan jo dosen paguruan tinggi Suntingan nilai di Wikidata
PagawaiUniversitas Adzkia (id) Terjemahkan (2021–)
Universitas Muhammadiyah Jakarta (id) Terjemahkan (1999–)
Universitas Andalas (1991–1995) Suntingan nilai di Wikidata
Partai politikPartai Keadilan Sejahtera Suntingan nilai di Wikidata
Kaluarga
Pasangan hiduikNevi Zuairina (1985–) Suntingan nilai di Wikidata
AnakIbrahim Irwan Prayitno Suntingan nilai di Wikidata
AbakDjamrul Djamal (id) Terjemahkan Suntingan nilai di Wikidata, Sudarni Sayuti (id) Terjemahkan Suntingan nilai di Wikidata
Sanak saibu/sabapakAdib Alfikri jo Khairul Ikhwan (id) Terjemahkan Suntingan nilai di Wikidata
Kerabat (id) TerjemahkanIrfan Aulia Syaiful (id) Terjemahkan (menantu (id) Terjemahkan) Suntingan nilai di Wikidata
Laman webSuntingan nilai di Wikidata Laman resmi (id) Terjemahkan
Twitter: irwanprayitno Suntingan nilai di Wikidata Instagram: irwanprayitno Suntingan nilai di Wikidata

Irwan Prayitno (lahia di Kota Yogyakarta, Indonesia, 20 Desember 1963; umua 62 taun) bagala Datuak Rajo Bandaro Basa atau nan biaso dipanggia jo inisial IP adolah surang psikolog, akademisi, sarato politikus Indonesia. Inyo manjabaik sabagai Gubernur Sumatera Barat duo pariode hasil pamiliahan Gubernur 2010 jo 2015. Sabalunnyo, inyo duduak di Dewan Perwakilan Rakyat tigo pariode sajak 1999 dari Partai Keadilan Sejahtera (PKS). Inyo dikana sabagai pandiri Yayasan Adzkia, sarato tatap maaja jo manunaikan dakwah sapanjang kariernyo.

Irwan manyalasaikan pandidikan manangah di Padang. Inyo tajun sabagai aktivis dakwah katiko bakuliah di Fakultas Psikologi Universitas Indonesia pado 1982. Tamaik pado 1988, inyo baliak ka Padang mandirikan Yayasan Pendidikan Adzkia sambia bakarajo sabagai konsultan pangambangan SDM paruah wakatu di babagai parusahaan jo manjadi dosen psikologi industri. Sairiang jo pangukuahan Partai Keadilan (PK) pado 1998, Irwan mambantuak sarato mangatuai pawakilan PK di Malaysia sambari malanjuikkan S-3 di Universitas Putra Malaysia. Malalui PK nan kini manjadi PKS, Irwan tapiliah sabagai anggota DPR mawakili Sumatera Barat salamo tigo pariode dari hasil pamiliahan umum 1999, 2004, jo 2009.

Salamo duduak di parlemen, Irwan mancurahkan pandangannyo dalam panyusunan sajumlah RUU, tamasuak panggunoan sumber energi alternatif paneh bumi. Sabagai politikus, inyo dicataik karano kamampuannyo malobi dan parnah manulak pamintaan untuak manjadi mantari. Di lua parlemen, Irwan marupokan guru gadang Universitas Muhammadiyah Jakarta di bidang manajemen SDM, aktif manulih, sarato tatap badakwah. Inyo juo guru gadang lua biaso bidang psikologi Universitas Negeri Padang (UNP).[1][2]

Sajak 15 Agustus 2010, inyo mulai manjabaik sabagai Gubernur Sumatera Barat, dihadapkan pado kancuaan sarana jo prasarana publik pasca-gampo bumi 2009 nan badampak pado patumbuahan ekonomi. Upayo rehabilitasi maupun rekonstruksi di bawah kapamimpinannyo mandapek apresiasi dari pamarintah pusaik.[3][4][5][6][7]

Sajak Agustus 2021, salasai manjabaik Gubernur Sumbar, Irwan manjadi Rektor Universitas Adzkia pado 30 September 2021. Kini ko Irwan manjadi guru gadang di Universitas Islam Internasional Indonesia (UIII), di Fakultas Ekonomi jo Bisnis sajak Agustus 2024. Irwan juo manjadi Ketua Dewan Pakar DPP PKS pariode 2020-2025. Salain itu Irwan juo ado di kapangurusan PB Inkanas sarato sabagai Anggota Dewan Guru Inkanas, karateka pamacik sabuak itam Dan VII.[8]

Latar balakang

[suntiang | suntiang sumber]

Lahia di Kota Yogyakarta pado 20 Desember 1963, Irwan Prayitno adolah anak partamo dari ampek badunsanak pasangan kaluarga asa Minangkabau, Djamrul Djamal (apak) jo Sudarni Sayuti (amak).[9] Apaknyo barasa dari Nagari Simabur, Tanah Datar, samantaro amaknyo asa Nagari Pauh IX—nan kini sacaro administratif masuak wilayah Kecamatan Kuranji, Padang.[10] Walaupun badarah Minangkabau, rang tuo Irwan maagiahnyo namo Jao daripado namo Minangkabau sabagai dampak dari paristiwa Pamarintahan Revolusioner Republik Indonesia (PRRI).[11][12] Walaupun indak disabuikkan dek rang tuonyo, Irwan mandugo inyo diagiah namo Jao supayo "capek mandapek pakarajoan" dan mampunyoi arati nan baiak.[13][14]

Apak jo amak Irwan baparofesi sabagai dosen. Inyo baduo samo-samo lulusan PTAIN Yogyakarta (kini Universitas Islam Negeri Sunan Kalijaga Yogyakarta). Salapeh malahiaan anak partamo, pasangan iko sampaik manatap di Semarang sampai Irwan baumua tigo tahun, dan pindah ka Cirebon katiko Irwan masuak umua sakolah dasar. Salapeh Irwan tamaik SD di Cirebon pado 1976, inyo pindah ka Padang karano tugas maaja di IAIN Imam Bonjol. [15]

Kudian hari, Irwan dinobaikan sabagai pangulu Suku Tanjuang jo gala Datuak Rajo Bandaro Basa di kampuang amaknyo, Kuranji.[16] Gala tasabuik sabalunnyo disandang dek niniak mamak Irwan dari pihak amak, Saumar.[17][18] Acara pangukuahan gala balangsuang pado 13 Februari 2005 nan sato dihadiri dek Wakia Presiden Jusuf Kalla, Ketua MPR Hidayat Nur Wahid, sarato sajumlah mantari Kabinet Indonesia Bersatu.[19]

Pandidikan

[suntiang | suntiang sumber]
SMP Negeri 1 Padang (ateh) jo SMA Negeri 3 Padang, almamater Irwan Prayitno

Irwan manampuah pandidikan manangah di SMP Negeri 1 Padang (1976–1979) jo SMA Negeri 3 Padang (1979–1982). Samaso SMA, inyo mulai sato baorganisasi, bagabuang dalam kapangurusan OSIS pado tahun kaduo jo katigo. Salamo di SMA, inyo salalu dipacayokan sabagai ketua kelas sarato maraiah juara kelas dan juara umum.[20] Irwan sampaik bakainginan malanjuikkan kuliah ka Institut Teknologi Bandung (ITB) basamo kawan-kawannyo. Tapi, karano mampunyoi masalah mato, inyo maaliahkan piliahan ka Universitas Indonesia (UI) dan ditarimo di Fakultas Psikologi.[21]

Di paguruan tinggi, Irwan aktif maikuik-i diskusi kaislaman sarato himpunan mahasiswa. Inyo bagabuang jo Himpunan Mahasiswa Islam (HMI) Jakarta. Di sinan, inyo marasokan gaya represif pamarintahan Soeharto kapado pagerakan Islam. Pado 1984, inyo didapuk sabagai Ketua HMI Komisariat Fakultas Psikologi UI. Pado 1986, sairiang intervensi pamarintah nan mamaksokan panarapan Pancasila sabagai asas tungga, HMI mangganti asasnyo manjadi Pancasila; basamoan jo itu Irwan kalua dari kaanggotaan HMI.[22] Salapeh itu, inyo maikuik-i pagerakan Islam dalam skala nan labiah ketek, baraliah ka musajik di kampus-kampus malalui kalompok-kalompok tarbiah nan baorientasi pado pambinaan aqidah jo akhlaq.[23]

Basamo kawan-kawannyo, Irwan bolak-baliak sato dalam kagiatan halaqah/liqo.[rujuakan?] Salapeh duo kali partamuan Forum Silaturahmi Lembaga Dakwah Kampus pado 1984, inyo talibaik dalam sosialisasi patunjuak pajuangan LDK atau khittah, bakaliliang ka kota-kota di Sumatera Barat. Inyo bakenalan dan basobok sarato mubaligh mudo cando Mahyeldi Ansharullah, Marfendi, jo Rafdinal nan kudiannyo talibaik dalam kapangurusan Partai Keadilan Sejahtera (PKS).[24]

Salamo kuliah, salain manyibuakkan diri jo babagai kagiatan kamahasiswaan, inyo banyak manghabihkan wakatu di lua kampus untuak badakwah, manjadi konselor di SMA Islam PB Sudirman Jakarta,[25] SMP Muhammadiyah 39, sarato bimbiangan baraja Nurul Fikri.[26] Di bidang akademik, inyo manjadi asisten panaliti. Pado 1985, dalam umua 22 tahun, Irwan manikah jo Nevi Zuairina, mahasiswi kimia UI nan ditamuinyo katiko manjalani kuliah semester tigo.[27] Basamo bininyo, Irwan taruih manunaikan dakwah sarato aktif dalam kagiatan sosial kamasyarakatan. Kasibuakan Irwan mambuek kuliahnyo indak lanca. Manuruiknyo, hal nan inyo cari dalam pandidikan bukanlah nilai samato, tapi pangambangan diri.[27] Inyo manyalasaikan kuliahnyo salapeh anam tahun jo IPK randah 2,02 karano haruih mambagi wakatunyo untuak mancari nafkah.[28] Walaupun baitu, inyo tamasuak lulusan nan tacapek di angkatannyo. Satamaik kuliah, aktivitas dakwah Irwan jo bini balanjuik jo mangambangkan kagiatan dakwah di kampus Universitas Andalas sarato IKIP Padang (kini Universitas Negeri Padang).[29]

Mandirikan Adzkia

[suntiang | suntiang sumber]
Taman basamo amfiteater di kompleks paguruan Adzkia di Kuranji, Padang

Tamaik dari UI, Irwan mamutuihan pulang ka Padang untuak badakwah, maaja kursus, sarato bakarajo sabagai psikolog.[25] Inyo juo maaja sabagai dosen psikologi industri di Aqabah, Bukittinggi jo Universitas Andalas, Padang. Sambari itu, inyo marintih jo mandirikan yayasan nan bagerak di bidang pandidikan jo modal Rp15 ribu. Mulonyo, Irwan mambuka kursus bimbiangan baraja Adzkia di Lolong pado 1987 (cikal baka PT Adzkia Masa Depan nan mampunyoi satidaknyo 19 cabang di Indonesia). Katiko itu, inyo dibantu Mahyeldi Ansharullah sabagai pangalola sarato Syukri Arief sabagai guru. Pado 1988, kelas kursus bapindah ka kompleks paguruan Persatuan Guru Agama Islam (PGAI), Jati. Bamulo dari kursus bimbiangan baraja, Irwan mambantuak Yayasan Pendidikan Adzkia nan sacaro batahap mawadahi taman kanak-kanak sampai paguruan tinggi.[30] Pado 1994, Adzkia alah mampunyoi janjang paguruan tinggi, salain taman kanak-kanak, sakolah dasar, sakolah manangah, jo sakolah kajuruan.[31] Dalam pambinaan anak didiak, inyo mancurahkan ilimu psikologi nan ditimbonyo di bangku kuliah.[32][33]

Pado 1992, inyo ditarimo malanjuikkan studi ka Agricultural and Mechanical College of Texas ateh bantuan Nur Mahmudi Ismail, tapi karano gagal mandapekkan visa mako inyo maaliahkan piliahannyo ka Malaysia. Pado 1995, Irwan maambiak kuliah di Selangor, Malaysia sambia mambaok sarato bini jo anaknyo.[34] Namun, karano IPK randah, lamarannyo sampaik babarapo kali ditulak. Indak patah arang, basamo bantuan Prof. Sahrim Hj. Ahmad, inyo akhianyo ditarimo jo status pacobaan. Kapado Rektor Universitas Putra Malaysia (UPM) Prof. Azimi Hamzah, inyo manjamin dirinyo sanggup manyalasaikan studi dalam tigo semester.[35] Inyo maambiak kuliah S-2 bidang pangambangan SDM (Human Resource Development) di UPM, Selangor. Tamaik satu satangah tahun labiah capek pado 1996, inyo malanjuikkan kuliah S-3 di kampus nan samo.[36]

Sari-ari di Selangor, inyo haruih bakarajo kareh manguruih kaluarga. Katiko itu, inyo alah mampunyoi tujuah anak.[34] Basamo bininyo, inyo babagi tugas karano indak ado pambantu. Irwan mangaku, di antaro kigiatannyo, inyo hanyo mangalokasikan sakitar 10 sampai 20 persen untuak kuliah. Kagiatan dakwahnyo tatap balanjuik. Bahkan, inyo manunaikan dakwah sampai ka London, Inggirih; Maryland, Amerika Serikat; Sydney jo Perth, Australia. Inyo haruih mangarajoan tugas-tugas pakuliahan dalam pajalanan di dalam oto, kapa tabang, atau kareta api.[37]

Katiko dicalonkan dek Partai Keadilan sabagai anggota legislatif DPR, Irwan tangah mampasiapkan ujian akhia S-3. Walaupun turun kampanye untuak daerah pamiliahan Kabupaten Tanah Datar pado pamiliahan umum legislatif Indonesia 1999, inyo dapek marampuangkan kuliahnyo untuak gala PhD jo IPK cumlaude 3,97 pado tahun 2000.[38] Baliak ka Indonesia, inyo babagi tugas di legislatif sarato kagiatannyo di bidang akademisi. Sajak tahun 2003, inyo maaja program pasca-sarjana di Universitas Muhammadiyah Jakarta dan dikukuahkan sabagai guru gadang pado 1 September 2008.[39] Sampai inyo manjadi Gubernur Sumatera Barat sajak 2010, inyo masih manyampaikan untuak maaja 12 kali dalam ciek semester.[40][41]

Dewan Perwakilan Rakyat

[suntiang | suntiang sumber]
Foto Irwan Prayitno katiko manjabaik sabagai anggota Dewan Perwakilan Rakyat pariode 1999 – 2004.

Katiko pangukuahan pandirian Partai Keadilan pado 20 Juli 1998, Irwan ditunjuak sabagai Ketua Pawakilan PK di Malaysia.[rujuakan?] Inyo dimintoi kasadioan untuak dicalonkan sabagai anggota legislatif dek PK mawakili daerah pamiliahan Sumatera Barat. Hasil pamiliahan umum legislatif Indonesia 1999, PK hanyo mandapek 1,4 juta suaro atau 1,7% dari total pamiliah. PK manduduakkan tujuah kader di DPR, tamasuak dirinyo. Basamo Partai Amanat Nasional nan mangumpuakan 37 kursi DPR, kaduo partai bagabuang mambantuak Fraksi Reformasi jo Hatta Rajasa sabagai ketua sarato Irwan Prayitno sabagai wakia. Fraksi manganta namo Irwan sabagai Ketua Komisi VIII. Inyo mamimpin Komisi VIII nan di antaronyo mambidangi masalah energi jo sumber dayo mineral. Salamo bado di DPR, Hatta mangaku fraksi inyo adolah fraksi nan militan. AM Fatwa manyabuik Irwan sabagai satu-satunyo pimpinan komisi di DPR nan indak tagantikan salamo limo tahun.[rujuakan?]

Jalang 1 April 2000, pamarintah ampia mambarlakukan kanaikan tarif BBM. Susilo Bambang Yudhoyono nan wakatu itu manjabaik Mantari Patambangan, pado malam hari sabalun pangumuman kanaikan BBM sampaik manalepon Irwan, mananyokan tantang kasiapan kanaikan BBM. "Ambo kecekkan, kami di DPR alun siap pado kanaikan itu," tutur Irwan.[42] Pado hari pangumuman 31 Maret 2000, Presiden Abdurrahman Wahid mamutuihan manunda rancana manaiakkan harago BBM.[43] Salapeh pambahasan jo DPR, pamarintah rasmi mambarlakukan kanaikan tarif BBM pado 1 Oktober 2000.[44]

Katiko pamarintah taruih mangurangi subsidi BBM sajak Oktober 2000, Irwan mangusuakan panggunoan energi paneh bumi sabagai energi alternatif jo mamulai pambahasan rancangan undang-undang malaui Komisi VIII. Manuruiknyo, pamakaian energi paneh bumi katuruik mambantu pamarintah mandorong kamandirian panyadioan energi, tarutamo malalui pambangkik listrik. "Panggunoan energi paneh bumi mamungkinkan pamarintah indak tababani dek mato uang asiang mode halnyo panyadioan BBM sarato manghindari katagantuangan minyak dalam jangka panjang." Namun, RUU mulonyo indak dilirik dek pamarintah, karano energi paneh bumi dianggab maha.[45] Inyo taruih malobi eksekutif untuak malolokan RUU, sampai akhianyo pamarintah mangesahkannyo manjadi UU Paneh Bumi Nomor 27 tahun 2003. Katiko itu, undang-undang ko alun ditindaklanjuik-i jo Paraturan Pamarintah.[46]

Pado 23 Juli 2001, Megawati Soekarnoputri naiak jabatan sabagai presiden, manggantikan Abdurrahman Wahid nan dimakzulkan. Dalam pamiliahan wakia presiden, PK mangusuang Hamzah Haz, mandahului sikap rasmi PPP. Dalam upayo mandapekkan dukuangan dari parlemen untuak mandukuang Hamzah, Irwan malobi tokoh-tokoh kunci dari fraksinyo mode Amien Rais, AM Fatwa, jo Hatta Rajasa. Irwan bahkan mangancam ka kalua dari fraksi jikok fraksi indak mandukuang Hamzah Haz. Basamoan jo naiaknyo Hamzah Haz, Megawati mangangkek babarapo anggota linteh fraksi sabagai mantari. Inyo ditawari jabatan Menristek, tapi ateh patimbangan partai inyo manulak. Jabatan ko dialiahkan ka Hatta Rajasa, kawan satu fraksi jo satu komisi Irwan.[rujuakan?]

Mamasuaki tahun 2003, pamarintah mangumumkan kanaikkan TDL, tarif telepon, sarato BBM sacaro sarantak. Fraksi Reformasi manyatoan dasakan pambatalan tigo agenda ko. Irwan bahkan mangancam ka kalua dari DPR basamo anam urang anggota Partai Keadilan lainnyo jikok kanaikan tarif sarantak tatap dibarlakukan. "Mangingek masyarakaik indak mampu manangguang baban akibaik krisis, mako alternatif pambatalan adolah nan paliang tapek," tutur Irwan.[47] Dalam wawancara jo Republika, Irwan manyatoan kakaciwaannyo pado tanggapan pamarintah nan mangesankan saolah-olah pambarlakuan kanaikan alah disatujui dewan. "Jangankan manyatujuinyo, mambahasnyo se indak. Kito indak parnah diajak mambahas tantang kanaikan harago BBM dan pabilo kaputuihan kanaikan tu dapek ditarapkan. Jaleh masyarakaik dibohongi," ujuarnyo.[42][48] Walaupun PK indak manariak anggotanyo dari parlemen, pamarintah marespon jo indak jadi manaiakkan TDL jo tarif telepon.[49][50][42] Takaiak ancamannyo, Irwan manyabuiknyo sabagai pambalajaran dek politikus sakaligus kader. "Akokoh kito alah indak sanggup lai untuak manjago amanah sarato aspirasi rakyat alah indak dapek didanga lai mako alah sapantasnyolah kito kalua dari DPR."[51]

Foto Irwan Prayitno katiko manjabaik sabagai anggota Dewan Perwakilan Rakyat pariode 2004 – 2009.

Pado pamiliahan umum legislatif April 2004, Irwan diusuang partai nan alah baganti namo PKS sabagai calon anggota legislatif DPR daerah pamiliahan Sumatera Barat I. Provinsi Sumatera Barat mangirimkan duo wakia ka DPR dari PKS, yaitu dirinyo jo Refrizal. Pado pariode kaduonyo di DPR, inyo baliak mangatuai komisi nan samo sampai 2005 sabalun bapindah komisi dan diangkek sabagai Ketua Komisi X sajak 2006.[52] Salapeh mamimpin komisi nan mambidangi masalah pandidikan, inyo bahadapan jo pamarintah dalam evaluasi palaksanaan UN.[53] Inyo mangkritik palaksanaan UN jikok sabateh syaraik panantu kalulusan siswa, bapanandapek basonyo hasil UN samastinyo dapek digunokan untuak masuak paguruan tinggi. Inyo mangusuakan palaksanaan SPMB untuak manjaring mahasiswa lapeh biayo. Irwan parnah bapandapek palaksanaan panarimoan mahasiswa haruih ditangani otonom dek masiang-masiang paguruan tinggi.[53]

Jalang pamiliahan umum Presiden Indonesia 2004, Irwan nan sajak awal mangarahkan dukuangannyo ka Amien Rais ditunjuak dek partai untuak manjalin mitra koalisi jo Amien. Irwan sakaligus mangemban misi mamanangkan Amien Rais di Sumatera Barat. Amien mandapek dukuangan mayoritas di Sumatera Barat, tapi sacaro nasional kalah parolehan suaro jo gagal masuak ka pamiliahan presiden putaran kaduo. Manjalang pamiliahan presiden putaran kaduo, Irwan mayakinkan PKS untuak mandukuang Susilo Bambang Yudhoyono. Dalam pamarintahan, Irwan jo SBY alah manjalin hubuangan dalam kapasitas Irwan sabagai Ketua Komisi VIII dan SBY sabagai Mentamben. Badasarkan hasil rekapitulasi suaro, SBY mandapek dukuangan bulek 84,4% dari Sumatera Barat. Wakia presiden tapiliah Jusuf Kalla manuturkan, SBY sampaik maharokkan Irwan sato mampakuaik kabinet sabagai Mantari ESDM salapeh pamiliahan umum Presiden Indonesia 2004, tapi Irwan labiah mamiliah bakonsentrasi di DPR. "Iko maagiah kasan ka ambo basonyo saudara Irwan manjalankan tugas jo elok apobilo dipacayokan dan mamacik amanah."[54]

Dalam pamiliahan pimpinan MPR, Irwan Prayitno baperan manaiakkan Hidayat Nur Wahid manjadi Ketua MPR. Namo Irwan labiah dulu mangapuang sabagai calon Ketua MPR,[55][56] tapi Irwan manulak pancalonannyo. Inyo talibaik dalam panyusunan paraturan tata tatib MPR, mangusuakan calon nan tampia indak sacaro individu tapi sacaro paket jo komposisi 2-2, duo dari DPR dan duo dari DPD. Koalisi tampek PK bagabuang rasmi mangusuakan paket Hidayat didampiangi tigo urang calon wakia ketua, yaitu AM Fatwa, Aksa Mahmud, jo Mooryati Soedibyo. Katiko itu, inyo ditunjuak untuak mamimpin lobi ka kasadoalah partai untuak mandukuang Hidayat. Hidayat tapiliah salapeh mandapek 326 suaro, babeda duo angko jo paket dari koalisi nan mangusuakan Sutjipto.[57]

Dalam pamiliahan umum 2009, Irwan jo Refrizal tapiliah baliak mawakili Sumatera Barat.[58] Irwan indak manyalasaikan pariode katigonyo sasudah maju sabagai Gubernur Sumatera Barat. Posisi nan ditinggalkannyo diisi dek Sidi Hermanto.

Gubernur Sumatera Barat

[suntiang | suntiang sumber]

Pancalonan

[suntiang | suntiang sumber]

Irwan Prayitno parnah maju sabagai calon Gubernur Sumatera Barat pado pamiliahan umum Gubernur Sumatera Barat 2005. Sairiang jo pancalonannyo, inyo maninggalkan jabatan kapartaian. Irwan maju didampiangi Ikasuma Hamid baka dukuangan parlemen dari PKS sarato Partai Bintang Reformasi. Ikasuma Hamid adolah mantan Bupati Tanah Datar duo pariode jo anggota DPRD Sumatera Barat patanana. Irwan nan wakatu itu baumua 41 tahun basaiang jo Jeffrie Geovanie nan labiah mudo ampek tahun, dan Gamawan Fauzi nan baumua 46 tahun. Dalam pamiliahan nan diikuik-i limo kandidat calon, Irwan basamo pasangannyo tacataik mamparoleh 25,11% suaro. Hasil rekapitulasi suaro manunjuakkan kamanangan Gamawan Fauzi, Irwan Prayitno di urutan kaduo, sarato Jeffrie Geovanie di urutan katigo.[59]

Walaupun mamparoleh suaro di bawah gubernur tapiliah Gamawan Fauzi, Irwan mulonyo indak barancana maju baliak dalam pamiliahan umum Gubernur Sumatera Barat 2010.[60] Inyo mandadak dimintoi DPP PKS untuak maju, duo hari sabalun hari tarakhia pandataran.[61] Irwan mangaku sampaik berang karano sabalunnyo PKS alah manyiapkan kadernyo nan Wakia Ketua DPRD Sumatera Barat Trinda Farhan Satria. Salapeh babarapo kali panulakan, DPW PKS Sumatera Barat datang mamintak langsuang kapado Irwan ka Jakarta. "Tatap ambo tulak, karano partai wakatu tu hanyo mamarentahkan ambo manjadi dubes. Ambo pindah ka Komisi I wakatu tu untuak persiapan dubes," aku Irwan sabagaimano rilis barito KlikSumbar.[60]

Sabalunnyo, PKS barancana mangusuang Trinda Farhan Satria sarato alah gencar manyosialisasikan sabagai calon wakia gubernur, tapi uruang karano indak kunjuang mandapekkan mitra koalisi. Irwan akhianyo manyatoan maju dalam pamiliahan sabagai calon Gubernur Sumatera Barat salapeh DPP PKS mamintak kasadioannyo dicalonkan baliak. Jo dukuangan PKS, PBR, jo Hanura, Irwan maju basamo pasangannyo Muslim Kasim nan mantan Bupati Padang Pariaman duo pariode.[62] Irwan nan tibo di Padang pado sore hari tarakhia pandataran, 8 April 2010, basamo Muslim mandaftar ka kantua Komisi Pemilihan Umum (KPU) Sumatera Barat, 50 minik jalang barakhianyo maso pandataran.[62] Dalam pamiliahan umum 2010, Irwan basaiang basamo Ediwarman jo Marlis Rahman nan balatar akademisi, Fauzi Bahar nan katiko tu Wali Kota Padang, sarato surang ekonom Endang Irzal.

Irwan rasmi ditatapkan sabagai gubernur tapiliah salapeh maraup 32,44% suaro.[63] Inyo tacataik sabagai Gubernur Sumatera Barat partamo nan barasa dari partai politik. Basamo wakianyo Muslim Kasim, Irwan dilantiak sabagai Gubernur Sumatera Barat pado Minggu, 15 Agustus 2010 dek Mantari Dalam Nagari Gamawan Fauzi ateh namo Presiden RI. Palantiakan balangsuang di bakeh ruangan garasi oto DPRD Sumatera Barat karano gaduang utamo rusak barek akibaik gampo.[64]

Pariode partamo

[suntiang | suntiang sumber]
Gubernuran di Jalan Sudirman, Padang, rumah dinas sakaligus tampek bakantua Gubernur Sumatera Barat Irwan Prayitno.

Irwan dilantiak sabagai gubernur pado 15 Agustus 2010, kurang dari sabaleh bulan salapeh gampo bumi mangguncang Sumatera Barat. Palantiakan gubernur jo wakia gubernur tapiliah balangsuang di ruang garasi DPRD Sumatera Barat. Manjalani pariode partamo, Irwan mamimpin panatoan provinsi nan porak-poranda pasca-bancano.[65] Malalui kabijakan Irwan, rehabilitasi sarato rekonstruksi kapado rumah panduduak jo fasilitas publik mandapek prioritas dari pambangunan gaduang pamarintahan.[66] Pado 2011, Badan Nasional Penanggulangan Bencana (BNPB) maagiah pangharagoan "tabaiak" ateh palaksanaan tanggap darurat nan dilakuan pamarintah provinsi.[67] Tigo tahun sasudah bancano, sabanyak 197.636 rumah panduduak nan rusak alah direhabilitasi jo direkonstruksi sahinggo, BNPB pado 2013 maagiah pangharagoan rehabilitasi sarato rekonstruksi "tacapek" kapado pamarintah provinsi.[68]

Salamo pariode partamo kapamimpinannyo, Irwan manjadikan rumah dinasnyo sabagai kantua. Irwan mangaku, pasca-gampo banyak SKPD bakantua samantaro di ruang darurat sarato batumpuak pado ciek ruangan. Katiko kantua baru untuak gubernur siap ditampeki pado akhia 2013, Irwan mangaliahkan panggunoannyo untuak SKPD nan masih badesak-desakan bakantua di aula Gubernuran. Pambangunan gaduang pamarintahan baru dimulai pado 2013, samantaro pabaikan kantua gubernur lamo manyusua pado akhia 2014. Katiko mamasuaki pariode kaduo manjabaik gubernur, Irwan masih alun manampeki kantua rasmi, manunggu retrofit kantua gubernur lamo salasai.[69]

Harian lokal Padang Ekspres dalam edisinyo 15 Agustus 2014 mandaftarkan satidaknyo 137 pangharagoan nan diraih ateh namo pamarintah provinsi Sumatera Barat ampek tahun tarakhia. Sajumlah pangharagoan untuak tahun 2013 disarahkan tapisah sapanjang semester partamo 2014. Pado 13 Mei 2014, Sumatera Barat manarimo opini Wajar Tanpa Pengecualian (WTP) dari BPK kapado Laporan Keuangan Pemerintah Daerah (LKPD) Sumatera Barat 2013.[70] Iko adolah untuak kaduo kalinyo sasudah LKPD tahun sabalunnyo mandapek opini sarupo. Pado 24 Februari 2014, pamarintah manyarahkan pangharagoan Tim Evaluasi dan Pengawasan Penyerapan Anggaran. Jo predikat mamuahkan tigo, capaian realisasi kauangan Sumatera Barat manduduaki paringkek ka-6 nasional.[71] Dalam palaksanaan APBD 2013, realisasi anggaran mancapai 98,92% dari target Rp3,182 triliun, samantaro sarapan PAD malabiahi target, 102,42% yaitu Rp1,366 triliun dari target Rp1,334 triliun.[72][73]

Jambatan layang Kelok 9, diresmikan panggunoannyo dek Presiden Susilo Bambang Yudhoyono pado Oktober 2013

Dalam bidang infrastruktur, Mantari PU Djoko Kirmanto parnah mangatokan infrastuktur di Sumatera Barat nan tabaiak dibandiang provinsi lain di Indonesia. Data tahun 2013 mangungkapkan kamantapan jalan nasional manyantuah angko 95,32%, capaian layanan aia minum mancapai 62,52%, sarato jangkauan layanan sanitasi pamukiman 45,58%.[74] Dari Kementerian Sosial, Sumatera Barat manarimo pangharagoan Piagam Kesetiakawanan Sosial ateh implementasi program panyalanggaroan kasajahtaraan sosial pado 7 Maret 2014. Presentase angko kamiskinan taruih turun sajak 2010 dari angko 9,5% manjadi 7,5% pado 2013. Angko Indeks Pembangunan Manusia provinsi adolah 74,70 atau manduduaki paringkek ka-9 nasional. Dari Kementerian Perindustrian, pamarintah manyarahkan pangharagoan paringkek kaduo nasional dalam paningkatan panggunoan produksi dalam nagari pado Oktober 2014.[75]

Pado 18 Juli 2014, Sumatera Barat mandapek predikat tabaiak nasional jo nilai tatinggi dalam kapatuhan kapado UU Nomor 25 tahun 2009 tantang "Pelayanan Publik" dari Ombudsman RI. Pangharagoan ditarimo Gubernur Irwan Prayitno dari Menko Polhukam Djoko Suyanto di Jakarta. Ketua Ombudsman Danang Girindrawardana alah manyampaikan hasil panilaian katiko manamui Irwan di Gubernuran pado 15 Mei 2014. Irwan salaku kapalo daerah dinilai mampunyoi respon sarato komitmen mawujuadkan kabutuhan jo sistem palayanan publik sasuai UU. Sabalunnyo, Badan Kepegawaian Negara mamasuakkan Sumatera Barat sabagai provinsi tabaiak dalam palaksanaan panarimoan CPNS 2013 jo sistem Computer Assisted Test (CAT).[76][77]

Dari Kementerian Pariwisata, Sumatera Barat manarimo pangharagoan tatinggi di bidang kapariwisataan The Most Improved Travel Culb Tourism Award pado 20 November 2014. Sabalunnyo, Sumatera Barat maraiah salah satu kategori pangharagoan National Procurement Award 2014 dari Kementerian Perencanaan Pembangunan Nasional ateh paran LPSE provinsi.[78] Pado 8 Desember 2014, Mantari Kabudayaan Pandidikan Dasar jo Manangah Anies Baswedan maagiah pangharagoan Inklusif Award 2014 ateh implementasi pandidikan inklusif di daerah-daerah Sumatera Barat.[79] Pado 10 Desember, Mantari Padagangan Rachmat Gobel manyarahkan piagam pangharagoan ateh paran sato Smatera Barat dalam mandukuang kagiatan Pambantuakan Daerah Tatib Ukua jo Pasa Tatib Ukua.[80]

Salaku gubernur, Irwan baperan maningkakan koordinasi antaro pamarintah daerah jo malobi pamarintah pusaik untuak mandapekkan dukuangan anggaran. Dalam rapek koordinasi kapalo daerah sa-Sumatera Barat pado 3 Maret 2014, mangapuang pamintaan anggaran Rp8,8 triliun ka pamarintah pusaik untuak palaksanaan pambangunan prioritas di Sumatera Barat. Salapeh rapek basamo Kementerian PU pado 6 Mei 2014, Mantari PU Djoko Kirmanto manyatujui alokasi anggaran untuak pacapatan pambangunan infrastruktur. Malalui Kementerian PU, pamarintah mangucuaakan sagadang Rp3 triliun salamo tigo tahun anggaran 2014–2016 untuak pacapatan pambangunan infrastruktur di Sumatera Barat.[81][82]

Pambangkik Listrik Tanago Paneh Bumi (PLTP) di Muara Labuh, Solok Selatan, Sumatera Barat

Salain manarimo sajumlah pangharagoan pangharagoan untuak provinsi, Irwan mandapekkan pangharagoan dek nagara salaku kapalo daerah. Pado 12 Oktober 2012, Irwan manarimo pangharagoan Prabawa dari Kementerian Energi jo Sumber Dayo Mineral ateh paratian sarato komitmennyo dalam pangambangan potensi EBT.[83][84] Parnah manangani masalah energi jo sumber dayo mineral katiko di DPR, Irwan manaruah paratian kapado pangambangan energi baru tabarukan sabagai sumber energi alternatif bagi pambangunan listrik di Sumatera Barat. Dalam upayo pacapatan pambaradayoan energi paneh bumi, inyo salaku kapalo daerah manjalin karajo samo jo babarapo nagara untuak mandatangkan investor, mamfasilitasi inventarisasi potensi EBT, panalitian, sarato promosi.[83] Salain manganta kabijakan pamanfaatan EBT kapado legislatif Sumatera Barat, inyo mandorong kapalo daerah mangambangkan EBT sacaro otonom. Kini, Sumatera Barat mampunyoi unit palayanan tapadu satu pintu untuak mamparmudah parizinan investasi.[85] Bakaitan jo pangalolaan paneh bumi, Sumatera Barat mampunyoi Perda Nomor 7 Tahun 2012, diikuik-i payuang hukum panyadioan tanago listrik dalam Perda Nomor 2 tahun 2013.[86][lower-alpha 1]

Pado 29 November 2013, Irwan manarimo Pangharagoan Adhikarya Pangan Nusantara, pangharagoan tatinggi dari Dewan Katahanan Pangan Nasional.[89] Dalam mancapai katahanan pangan, babarapo program-program nan dijalanan Irwan di antaronyo paningkatan jam karajo patani jo manambah cabang usaho. Kabaragaman pangan Sumatera Barat mancatatkan skor Pola Pangan Harapan (PPH) nan mancapai 77,50.[90] Dari Parpustakaan Nasional, Irwan maraiah pangharagoan Nugra Jasadarma Pustaloka pado 29 Oktober 2013. Inyo dianggep maagiah porsi labiah kapado minaik baco, malalui upayonyo mancarikan gaduang pangganti parpustakaan daerah nan ancua pascagampo.[91] Pado 27 November 2013, Irwan manarimo pangharagoan dari Mantari Padagangan Gita Wirjawan salaku kapalo daerah ateh paratian sarato kapadulian kapado palinduangan konsumen.[92] Pado pangujuang tahun 2014, Kementerian Pemberdayaan Perempuan dan Perlindungan manatapkan Anugerah Parahita Ekapraya (APE) 2014 kapado Gubernur Sumatera Barat.[93]

Gaya kapamimpinan

[suntiang | suntiang sumber]

Irwan mamintak siapo pun untuak indak mamakso dirinyo barubah sasuai katentuan protokoler.[94] "Jan pakso ambo maubah style hiduik ambo, karano bagi ambo fasilitas jabatan apo pun adolah sunah, kawenangan justru suatu kawajiban bagi ambo," keceknyo. Daripado manggunokan anggaran nan tasadio, Irwan maoptimalkan panggunoan fasilitas nan alah ado. Inyo manulak masuak-an untuak mambali oto dinas baru dan masih manampeki rumah dinas lamo.[95] Katiko disodori alasan manutuik malu kapado mantari atau pajabaik nagara lainnyo nan datang bakunjuang, Irwan labiah mamiliah manggunokan oto pribadinyo untuak dijadian oto pelat merah.[94] Katiko rekonstruksi kantua pamarintahan nan rusak akibaik gampo bumi 30 September 2009, sampaik dianggarkan pambangunan kantua baru untuak gubernur. Tapi, Irwan mangaliahkan panggunoannyo untuak tigo SKPD nan kantuanyo rusak, mamiliah bakantua manampeki rumah dinas lamo di Jalan Sudirman.[95]

Pado 22 Januari 2014, surang mahasiswa bapiso tahunuih mamasuaki Kantua Gubernur Sumatera Barat, mangancam ka mambunuah gubernur. Luluih dari panjagoan Satpol PP nan batugeh, mahasiswa nan kudian dikatahui lulusan ITB sampaik naiak ka lantai duo gaduang sambia batariak-tariak sabalun kalua maninggalkan halaman gaduang jo mangandara-i oto.[96] Salapeh pamariksoan dek kapolisian saminggu barikuiknyo, palaku disarahkan kapado kaluarga untuak pananganan medis karano tabukti mangidap gangguan jiwa.[97] Takaiak kajadian iko, Irwan mamaklumi, "Pangawalan di kantua gubernur jo di rumah dinas gubernur memang sangajo ambo buek minimalis sarato minim protokoler."[98] Namun, tujuah anggota Satpol PP nan batugeh pado hari kajadian tatap diagiah sanksi ateh kalalaian dalam manjalankan tugas.[rujuakan?]

Irwan Prayitno jo benggol di dado nan jarang inyo pakai kaciak-i katiko sadang di kantua atau batamu untuak urusan dinas

Dalam malakuan pajalanan ka lua provinsi, Irwan indak parnah mamiliah maskapai panabangan.[95] Inyo salalu mamiliah jo maraso nyman duduak di kelas ekonomi.[94] Panyair Taufiq Ismail, nan parnah mandapeki Irwan satu kapa tabang di kelas ekonomi, manilainyo sabagai hal istimewa sarato sabuah kataradanan.[99] Salamo pamuloan limo tahun maso jabatannyo, Irwan nyarih indak mamakai benggol tando jabatan di dadonyo.[95] Hal ko manjadi sorotan di media, sampai dipasoalkan dek Fauzi Bahar katiko debat kandidat calon gubernur jo wakia gubernur 2015. Irwan dituduang indak mangarago-i dan manghormati lambang nagara, karano jabatan gubernur adolah tamasuak lambang-lambang nagara.[100] Takaiak panampilannyo nan saderhana, indak ba-atribut sarato minim protokoler, Irwan mangatokan inyo indak nio ado pambateh antaro dirinyo jo masyarakaik.[94] Inyo mangaku dapek maraso laluaso mandanga kaluhan masyarakaik “tanpa masyarakaik sagan mangkritik gubernur, padahal inyo sadang mangecek jo gubernur."[100]

Yongki Salmeno nan dakek jo Irwan Prayitno, manulihkan pangalamannyo basamo Irwan. Inyo mandapeki karakter Irwan nan nio sarba capek sarato tapek wakatu. Satiok malakuan kunjuangan ka daerah, rombongan gubernur nyarih malaju jo kacapatan tinggi. Yongki manamukan sajumlah SKPD bausaho mangelak sato iring-iringan kandaraan gubernur karano indak siap nyali. Irwan baprinsip, labiah ancak inyo tibo duluan daripado talambek. Dalam kota, inyo manulak manggunokan oto pangawalan, kaciak-i dalam kaadaan mandasak. "Sariang kali pamilik acara masih manunggu-nunggu kadatangan gubernur jo manyimak rauangan sirene oto pangawalan. Nyatonyo sirine tu indak parnah tadanga, gubernur alah tibo tapek wakatu tanpa pangawalan jo malah alah duduak basamo inyo urang," tulih Yongki.[95]

Irwan tatap manunaikan dakwah salamo manjabaik sabagai gubernur. Duo kali sabulan satiok Jumaik pagi, inyo mangisi wirid mingguan nan diikuik-i jajaran pagawai Pemprov Sumatera Barat. Kagiatan wirid dipusekkan di Musajik Rayo Sumatera Barat sajak awal tahun 2012, walaupun katiko itu panggunoan musajik alun diresmikan. Salamo Juni sarato bulan Ramadan 2014, inyo mangisi tausiah dalam kunjuangan ka instansi-instansi pamarintah.[rujuakan?]

Irwan mamanfaatkan siso wakatunyo untuak kaluarga sarato olahraga. Irwan adolah panyuko olahraga badminton,[9] karate, jo trabas. Wakatu lompongnyo kadang inyo manfaatkan untuak bamain musik. Inyo mangaku bisa banyanyi sajak tahun 2012. "Karano sabagai gubernur sariang ditodong untuak banyanyi, akhianyo ambo baraja banyanyi."[40] Pado Ramadhan 2013, inyo manciptakan lagu bajudul "Kau Istriku" jo mangunggahnyo malalui akun rasmi di YouTube.[101] "Ambo malihek di Gubernuran banyak alat musik paninggalan gubernur sabalunnyo, akhianyo ambo manfaatkan untuak cubo latihan. Padahal, sabalunnyo ambo alun parnah baraja not balok, tanggo nada dan sabagainyo," keceknyo mangungkapkan awa katatarikannyo bamain musik. Irwan alah mandaftarkan duo lagu ciptaanyo, satu lai bajudul "Kepada-Mu", ka Kanwil Kementerian Hukum jo HAM Sumatera Barat.[101][102]

Kontroversi

[suntiang | suntiang sumber]
Kantor Gubernur Sumatera Barat atau dijuluak-i Rumah Bagonjong, bahadapan jo Gubernuran di Jalan Sudirman, Padang

Pado awa November 2010, Irwan salaku Gubernur Sumatera Barat mamanuahi undangan KBRI di Berlin untuak tampia sabagai pambicara mamaparkan potensi investasi Indonesia dalam forum paringatan hubuangan bilateral kaduo nagara.[103] Pado katiko nan samo, maso tanggap darurat tsunami Mentawai masih balangsuang. Tsunami manarjang Kapulauan Mentawai manyusua gampo bumi nan bapusek di lapeh pantai Sumatera Barat pado 25 Oktober 2010. Media nasional sagaro mangangkek opini takaiak kabarangkatan Irwan. Situs barito Kompas manurunkan judul "Warganya Kelaparan, Gubernur ke Jerman".[104] Tempo mangutip pandapek pangamaik politik Burhanuddin Muhtadi nan mangatokan Gubernur Sumatera Barat alah mati raso.[105] Anggota DPR Budiman Sudjatmiko mangomentari, indak pas surang kapalo daerah maninggalkan daerahnyo nan sadang dilando bancano sarato mangusuakan komisinyo mamanggia Irwan Prayitno, tapi uruang.[106]

Sabalun kabarangkatannyo, Irwan bolak-baliak ka Mentawai mamimpin pananggulangan bancano sarato sampaik bamalam tigo hari di pangungsian. Dalam lawatan satu satangah hari 4–5 November, Irwan manyampaikan manandotangani kasapakatan karajo samo dalam bidang investasi, khususnyo di sektor pariwisata sarato energi tabarukan jo Pamarintah Bavaria.[107] Irwan baliak ka Mentawai hari nan samo salapeh mandarek di Padang. Koran Tempo manurunkan barito "Setelah Dikecam, Irwan Prayitno ke Mentawai".[108] Anggota DPR lainnyo Nudirman Munir manilai pambaritoan ateh Irwan balabiahan.[109] "Pak Gubernur tigo malam di Mentawai indak disabuik-sabuik." Mananggapi kritik ateh dirinyo, Irwan mamintak maaf, mangatokan basonyo rancana lawatannyo ka Jerman alah dipasiapkan jauah sabalun tsunami Mentawai.[110]

Salamo manjabaik gubernur, Irwan bakantua di rumah dinas. Irwan mangaku, pambangunan rumah panduduak jo fasilitas publik labiah prioritas daripado pambangunan gaduang pamarintahan.[111] Pambangunan baliak kantua dinas provinsi nan rusak parah mulai dilakuan pado 2013, samantaro retrofit kantua gubernur baru dimulai pado akhia 2014. Hal ko mandapek sorotan media manjalang pamiliahan gubernur 2015, mamuncuakan opini "Irwan tak pernah ngantor".[112] Inyo manampeki rumah pribadinyo di Lubuk Kilangan sabagai kantua samantaro. Pado pariode kaduonyo sabagai gubernur sajak 12 Februari 2016, Irwan untuak partamo kalinyo bakantua manampeki kantua gubernur.[69]

Pado tanggal 28 Mei 2018, Irwan mangiriman surek ka Mantari Komunikasi jo Informatika (Menkominfo) Johnny G. Plate mamintak pihak Kemenkominfo untuak manghapuih aplikasi Alkitab babahaso Minang dek Faith Comes by Hearing jo alasan patimbangan kultur Islam nan labiah dakek jo Sumatera Barat.[113][114][115][116] Palarangan Alkitab babahaso Minang tasabuik manuai banyak kacaman maupun dukuangan dek publik.[117][118][119]

Kahidupan pribadi

[suntiang | suntiang sumber]
Irwan Prayitno basamo kaluarga

Irwan Prayitno mambina rumah tanggo basamo Nevi Zuairina nan barasil tapiliah sabagai Anggota DPR-RI dari PKS sajak 2019. Inyo baduo manikah pado 1985, katiko samo-samo masih bastatus mahasiswa. Nevi marupokan junior Irwan di UI nan kuliah di Jurusan Kimia FMIPA.[27] Dari panikahan iko, inyo dikaruniai 10 urang anak sarato 12 cucu (sampai Mei 2023).[120]

Anak partamo, Jundy Fadhillah, lulusan Master of Business Administration (MBA) di Southern New Hampshire University, Amerika Serikat nan kini bakarajo sabagai pagawai swasta. Anak kaduo yakni Waviyatul Ahdi, surang dotor spesialis gigi nan marampuangkan S-1, pandidikan profesi, sarato S-2 di Fakultas Kadokteran Gigi UI.[120]

Anak katigo banamo Dhiya’u Syahidah, marupokan alumni S-1 Sekolah Bisnis dan Manajemen Institut Teknologi Bandung (ITB) sarato S-2 Purchasing and Supply Chain Management di University of Westminster, Inggirih. Dhiya'u kini manjadi Direktur Adzkia Day Care and Pre School, Jakarta.[120]

Anak kaampek yakni Anwar Jundi, lulusan S-1 di Teknik Perikanan Institut Pertanian Bogor dan kini bakarajo sabagai pagawai swasta. Anak kalimo banamo Atika, marampuangkan S-1 Manajemen di UI sarato S-2 Human Resource Management di Melbourne University, Australia.[120]

Anak kaanam, Ibrahim Irwan, marupokan alumni Teknik Kimia UI. Ibrahim maikuik-i jajak kaduo rang tuonyo sabagai politikus jo bagabuang di PKS. Dek partai, Ibrahim dicalonkan sabagai anggota DPR-RI dari daerah pamiliahan Sumatera Barat I untuak pamiliahan umum 2024 mandatang.[121]

Anak katujuah banamo Shohwatul Ishlah tamaik S-1 di Fakultas Kedokteran (FK) Universitas Andalas (Unand). Anak kalapan, yakni Farhana, manyalasaikan S-1 di Fakultas Psikologi UI jo Queenlands University (double degree) sarato S-2 di London School of Economics and Political Science, London.[120]

Anak kasambilan, Laili Tanzila parnah manampuah pandidikan Fakultas Teknik sarato Fakultas Psikologi UI dan ESMOD Jakarta. Tarakhia, anak bungsu, Taqiya Mafaza, S-1 Manajemen di UI dan ka manamaikkannyo di Melbourne University, Australia (double degree) [120]

Karya tulih

[suntiang | suntiang sumber]
Di antaro gaya kapamimpinan Irwan Prayitno adolah malestarikan pantun, bantuak puisi klasik Melayu, katiko maagiah sambutan.

Sampai tahun 2022, Irwan alah marampuangkan 81 judul buku dan satidaknyo 25 riset. Pado pangujuang tahun, inyo manabikkan buku bajudul Inspirasi Untuk Negeri. 116 labiah artikelnyo dipublikasikan di babagai media massa. Mampunyoi rekam jajak sabagai aktivis dakwah sarato latar pandidikan psikologi, karya-karyanyo maliputi tema pamasalahan anak jo kaluarga, manajemen SDM, politik, dan dakwah. Karya-karyanyo banyak manjadi rujuakan aktivis pagerakan Islam di babagai paguruan tinggi umum Indonesia. Pado 11 November 2015, duo buku barisi kumpulan tulisan wartawan media lokal jo nasional tantang kapamimpinan Irwan diluncuakan.[10]

Sajak Februari 2016, Irwan Prayitno alah manciptakan sabanyak 60.000 pantun nan dirangkum dalam 30 jilid buku nan diagiah namo Pantun Spontan ala IP. Pado 2017, inyo mulai manabikkan pantun tasabuik dalam bantuak buku.[122][123]

Barikuik daftar buku nan inyo tulih sarato alah dipublikasikan:

  • Pantun Spontan ala Irwan Praytno (30 jilid)
  • Mari Membaca Pantun Nasihat Pernikahan (2018)
  • Inspirasi Untuk Negeri (2013)
  • Pemikiran Menuju Masyarakat Madani (2005)
  • Anakku Penyejuk Hatiku (2004)
  • Kepribadian Muslim (2003)
  • Kepribadian Dai (2003)
  • Pemuda Islam Generasi Penerus (2003)
  • Wanita Islam Perubah Bangsa (2003)
  • Mengkritisi Kebijakan Pemerintah (2003)
  • Dai di Tengah Kegalauan Politik (2003)
  • Dilema Kebijakan Energi (2003)

Sijarah elektoral

[suntiang | suntiang sumber]
Pamilu Lambago legislatif Daerah pamiliahan Partai politik Parolehan suaro Hasil Ref.
1999 Dewan Perwakilan Rakyat Republik Indonesia Sumatera Barat Partai Keadilan Sejahtera Indak dikatahui YaY Tapiliah
2004 Sumatera Barat I 46.677[124] YaY Tapiliah
2009 57.199[125] YaY Tapiliah
2024 Sumatera Utara III 41.008[126] N Indak tapiliah
Pilkada Lambago eksekutif Daerah pamiliahan Partai politik Parolehan suaro Hasil Ref.
2005 Gubernur Sumatera Barat Sumatera Barat Partai Keadilan Sejahtera 446.996 (24,50%) N Indak tapiliah
2010 657.763 (32,44%) YaY Tapiliah
2015 1.175.858 (58,62%) YaY Tapiliah

Catatan

[suntiang | suntiang sumber]
  1. ↑ Barado di jalua gunuang barapi aktif jo topografi babukik tampek hulu sajumlah sungai, Sumatera Barat mampunyoi potensi energi paneh bumi, sumber tanago aia, sarato energi surya sakaligus karano lataknyo mangadap samudera di bawah lintasan garih khatulistiwa. Data dari Direktorat Inventarisasi Sumber Daya Mineral pado 2013 mangungkap, tadapek potensi paneh bumi jo pakiroan 1.656 Megawatt di Sumatera Barat nan taseba di 16 titiak. Limo di antaronyo sadang diuji samantaro satu titiak tangah mamasuaki pangarajoan eksplorasi di Kabupaten Solok Selatan.[87] Sacaro kusus, energi tanago ombak jo angin dibaradayokan di daerah Kapulauan Mentawai malalui karajo samo jo Jerman.[88]

Rujuakan

[suntiang | suntiang sumber]
  1. ↑ Byftunp. "Selamat Atas Pengukuhan Guru Besar Luar Biasa, Prof. Dr. Irwan Prayitno, S.Psi., M.Sc – FAKULTAS TEKNIK UNP" (dalam bahasa Indonesia). Diakses tanggal 2023-03-22.
  2. ↑ Agency, ANTARA News. "Irwan Prayitno menjadi Guru Besar Luar Biasa di UNP". Antara News Sumbar. Diakses tanggal 2023-03-22.
  3. ↑ "Kini Semua Berdiri Kokoh". Koran Sindo. 21 Agustus 2019. Diarsipkan dari versi asli tanggal 2020-07-23.
  4. ↑ "Irwan Prayitno dan Opini Antigerakan Lawan Korupsi". Republika Online. 8 Mei 2018. Diakses tanggal 22 Desember 2019.
  5. ↑ Jasman Rizal. "Efisiensi ala Irwan Prayitno, Gubernur Sumatera Barat". Diakses tanggal 22 Desember 2019.
  6. ↑ Jasman Rizal. "Apa yang Sudah Dilakukan Gubernur Sumbar?". Republika.co.id. Diakses tanggal 2020-09-04.
  7. ↑ Eko Yanche Edrie (15 Januari 2021). "Datang Disambut Gempa, Pergi Dilepas Corona, Suratan Tangan Gubernur IP". Harian Khazanah. Diarsipkan dari versi asli tanggal 2021-01-21.
  8. ↑ "Irwan Prayitno, Prof., Dr., Psi, Msc," (dalam bahasa Inggris). Diakses tanggal 2025-01-12.
  9. 1 2 Dai 2003, hlm. 188.
  10. 1 2 "Profil". irwan-prayitno.com. Diakses tanggal 20 Desember 2021.
  11. ↑ "Inilah Fakta Asal Usul Irwan Prayitno". bentengsumbar.com. 6 September 2015. Diarsipkan dari versi asli tanggal 18 April 2023. Diakses tanggal 19 September 2026.
  12. ↑ "Irwan Prayitno dan Isu SARA". 27 November 2015. Diarsipkan dari versi asli tanggal 18 April 2023. Diakses tanggal 19 September 2026.
  13. ↑ Asral Datuk Putih (2005) (dalam bahaso id). Duabelas Jurus Pertahanan Menolak Serangan. LPPM Tan Malaka. ISBN 978-979-99038-1-5. https://books.google.co.id/books?id=Ws5uAAAAMAAJ&q=%22*+dengan+masyarakat+Minang+di+Jakarta+baru+-+baru+ini+menyampaikan+%22&dq=%22*+dengan+masyarakat+Minang+di+Jakarta+baru+-+baru+ini+menyampaikan+%22&hl=en&sa=X&ved=2ahUKEwivqK72q7bvAhV_wTgGHQ7mC40Q6AEwAHoECAAQAg.
  14. ↑ "Sudah Bikin 18 Ribu Karya, Raih Rekor Muri". Kaltim Post. 22 September 2017. Diarsipkan dari versi asli tanggal 18 April 2023. Diakses tanggal 19 September 2026.
  15. ↑ Dai 2003, hlm. 189.
  16. ↑ Padang Ekspres. 27 Maret 2005. "Saya Adalah Putera Minang Tulen, Cuma Numpang Lahir Di Pulau Jawa."
  17. ↑ "Datuak Rajo Bandaro Basa IP Digoyang". Harian Singgalang. 7 September 2015.
  18. ↑ "Darmansyah Rajo Tangkeh: Datuk Rajo Bandaro Basa Penghulu Suku Tanjung yang Sah". bentengsumbar.com. 2 September 2015. Diarsipkan dari versi asli tanggal 18 April 2023. Diakses tanggal 19 September 2026.
  19. ↑ "Irwan Prayitno Dinobatkan Menjadi Penghulu Tanjuang". Liputan6.com (dalam bahasa Indonesia). 28 Maret 2005.
  20. ↑ Dai 2003, hlm. 222.
  21. ↑ Dai 2003, hlm. 230.
  22. ↑ "Karier Politik Berawal dari Dakwah Kampus". Tokoh Indonesia. Diakses tanggal 14 September 2012.[pranala nonaktif permanen][pautan nonaktif salamonyo]
  23. ↑ Dai 2003, hlm. 191.
  24. ↑ Dai 2003, hlm. 245.
  25. 1 2 Profil Irwan Prayitno di VIVA.co.id.
  26. ↑ Dai 2003, hlm. 251.
  27. 1 2 3 Dai 2003, hlm. 232.
  28. ↑ Dai 2003, hlm. 187.
  29. ↑ Dai 2003, hlm. 316.
  30. ↑ Pendidikan Akhlak Mutlak Dikembangkan. Kasalahan: wakatu indak tapek. http://padangekspres.co.id/?news=berita&id=3969. Diakses pado 19 Mai 2016.
  31. ↑ Irwan Prayitno. "Adzkia dan Pendidikan Berkarakter". Harian Haluan. 16 Mei 2012.
  32. ↑ Dai 2003, hlm. 200.
  33. ↑ "Resmi Jadi Universitas Adzkia, Mantan Gubernur Sumbar Irwan Prayitno Sebagai Rektor Pertama". Padangkita.com. 1 Oktober 2021.
  34. 1 2 Dai 2003, hlm. 255.
  35. ↑ Dai 2003, hlm. 193.
  36. ↑ Dai 2003, hlm. 239.
  37. ↑ Dai 2003, hlm. 240.
  38. ↑ "Irwan Prayitno, Gubernur Peraih Ph.D Dengan IPK Cumlaude 3,97" Archived 2023-04-14 di Wayback Machine.. Islamedia.co. 17 Maret 2014.
  39. ↑ "UMJ: Kontribusi untuk Bangsa". Republika. 7 Maret 2012.
  40. 1 2 "Ciptakan Enam Lagu, Tahu Detail Aktivitas Anak". Padang Ekspres. 10 Februari 2014. Diarsipkan dari versi asli tanggal 2014-05-17. Diakses tanggal 2014-05-16.
  41. ↑ "PDDikti - Pangkalan Data Pendidikan Tinggi". Dirjen Pendidikan Tinggi Kementerian Pendidikan dan Kebudayaan RI. Diarsipkan dari versi asli tanggal 2023-10-18. Diakses tanggal 9 Oktober 2023.
  42. 1 2 3 Dilema 2003, hlm. 183.
  43. ↑ "Kenaikan Harga BBM Ditunda". Kompas. 31 Maret 2000. Diarsipkan dari versi asli tanggal 2014-09-03.
  44. ↑ Dilema 2003, hlm. 55.
  45. ↑ Bastoni 2006, hlm. 122.
  46. ↑ Bastoni 2006, hlm. 120.
  47. ↑ "'Kenaikan Tarif Agar Dibatalkan'" Archived 2016-03-07 di Wayback Machine.. 25 Januari 2003.
  48. ↑ "DPR Tak Pernah Dilibatkan". Republika. 13 Januari 2003. Diarsipkan dari versi asli tanggal 2016-03-04. Diakses tanggal 2014-08-31.
  49. ↑ "Kenaikan Tarif Telepon Resmi Ditunda". Tempo.co (dalam bahasa Indonesia). 15 Juli 2003. Diarsipkan dari versi asli tanggal 2014-09-03. Diakses tanggal 2014-08-31.
  50. ↑ "PLN Hanya Mampu Andalkan Pelanggan untuk Tutupi Biaya". Kompas. 1 Oktober 2003. Diarsipkan dari versi asli tanggal 2016-03-06.
  51. ↑ Bastoni 2006, hlm. 119.
  52. ↑ "Jabatan di DPR RI". irwan-prayitno.com. Diakses tanggal 8 Februari 2019.
  53. 1 2 Majalah Parlementaria (65): 43-48. Diarsipan dari nan asli pada 29 Januari 2022. https://web.archive.org/web/20220129134650/https://www.dpr.go.id/dokpemberitaan/majalah-parlementaria/m-65-2008.pdf.
  54. ↑ "Kiprah Seorang Asli Putra Minang". Jakarta. 21 Februari 2005. Diarsipkan dari versi asli tanggal 2016-03-06. Diakses tanggal 2014-09-07.
  55. ↑ "Komposisi Pimpinan MPR Masih Diperdebatkan". Liputan6.com (dalam bahasa Indonesia). 4 Oktober 2004.
  56. ↑ https://www.google.co.id/books/edition/Tempo/udsTAQAAMAAJ?hl=id&gbpv=1&bsq=%22AM+Fatwa%22+%2B+irwan+prayitno&dq=%22AM+Fatwa%22+%2B+irwan+prayitno&printsec=frontcover
  57. ↑ "Menang Tipis, Hidayat Nurwahid Terpilih Sebagai Ketua MPR". detikcom. 6 Oktober 2004.
  58. ↑ "Daftar Calon Terpilih Anggota Dewan Perwakilan Rakyat Republik Indonesia Hasil Pemilu Tahun 2009" (PDF). Komisi Pemilihan Umum. Diarsipkan dari versi asli (PDF) tanggal 2021-02-26. Diakses tanggal 25 Desember 2020.
  59. ↑ Yonda Sisko. "Gamawan Fauzi Raih 50,6% Suara'". Detik. 27 Juni 2005.
  60. 1 2 Irwan Pernah Marah Dicalonkan Jadi Gubernur. 25 Juli 2026. http://kliksumbar.com/berita-1268-lebih-dekat-1-irwan-pernah-marah-dicalonkan-jadi-gubernur.html. Diakses pado 20 April 2014.
  61. ↑ Harismanto (9 April 2010). Harismanto, ed. "Irwan Prayitno Mengaku Kaget Diusung PKS". Tribunnews.com (dalam bahasa Indonesia).
  62. 1 2 Febrianti (9 April 2010). "Irwan Prayitno Daftar Jadi Calon Gubernur 50 Menit sebelum Ditutup". Tempo.co (dalam bahasa Indonesia).[pautan nonaktif salamonyo]
  63. ↑ "Irwan Prayitno-Muslim Kasim Menangi Pilkada Sumbar". detikcom. 12 Juli 2010.
  64. ↑ "Pagi Ini Gubernur Sumatera Barat Dilantik di Garasi Dewan". Tempo.co (dalam bahasa Indonesia). 15 Agustus 2010.[pranala nonaktif permanen][pautan nonaktif salamonyo]
  65. ↑ Rus Akbar (7 September 2011). "Okezone.com".
  66. ↑ "Pengingat Gempa 2009, Gubernur Sumbar Biarkan Masjid di Rumdin Tak Dibangun". Sindonews.com (dalam bahasa Indonesia). Diakses tanggal 2021-11-12.
  67. ↑ "BPBD Sumbar Terbaik Se-Indonesia". Harian Singgalang. 28 Maret 2011. Diarsipkan dari versi asli tanggal 28 Maret 2011.
  68. ↑ "Hikmah Pasca-Gempa". Pemerintah Provinsi Sumatera Barat. Diarsipkan dari versi asli tanggal 2019-07-21. Diakses tanggal 2016-05-26. . 17 September 2014.
  69. 1 2 "Enam Tahun Jadi Gubernur, Irwan Prayitno Akhirnya Punya 'Meja'". Harian Haluan. 21 Januari 2017. Diarsipkan dari versi asli tanggal 2017-07-23. Diakses tanggal 13 Februari 2019.
  70. ↑ "Jawa Barat Dapat Opini WTP dengan Catatan" Archived 2014-12-13 di Wayback Machine.. Tempo. 16 Juni 2014.
  71. ↑ "12 Pengguna Anggaran Pemerintah Paling Terbaik Sepanjang 2013". Liputan6. 24 Februari 2014.
  72. ↑ "Realisasi PAD Sumbar 2013 Lampaui Target". ANTARA. 19 Agustus 2014.
  73. ↑ "Ini Kementerian, Lembaga, dan Daerah Terbaik Kelola Anggaran 2013". VIVAnews. 24 Februari 2014.
  74. ↑ "Pemprov Raih Tropi Keciptakaryaan Kementerian PU" Archived 2014-08-26 di Wayback Machine.. 8 April 2014.
  75. ↑ "Sumbar Peroleh Anugerah Cinta Karya Bangsa 2014" Archived 2014-10-21 di Wayback Machine.. Harian Singgalang. 20 Oktober 2014.
  76. ↑ "Sumbar Rangking Pertama Progres Pelayanan Publik" Archived 2015-09-24 di Wayback Machine.. Harian Haluan. 17 Mei 2014.
  77. ↑ "Sumbar Terbaik Nasional dalam Pelayanan Publik" Archived 2014-08-26 di Wayback Machine.. Harian Singgalang. 21 Juli 2014.
  78. ↑ "Sumbar Raih National Procurement Award 2014" Archived 2022-01-21 di Wayback Machine.. Padang Ekspres.
  79. ↑ "Sumbar Raih Inklusif Award" Archived 2023-04-18 di Wayback Machine.. Padang Ekspres.
  80. ↑ "Sumbar Dapat Penghargaan Daerah Tertib Ukur" Archived 2014-12-13 di Wayback Machine.. Harian Singgalang.
  81. ↑ "Sumbar Diberi Anggaran Infrastruktur Rp3 Triliun". Padang Ekspres. 7 Mei 2014.
  82. ↑ Pamarintah Provinsi Sumatera Barat. "Panjang Jalan Provinsi di Kabupaten dan Kota Menurut Jenis Permukiman Jalan di Sumatera Barat" Archived 2022-03-19 di Wayback Machine..
  83. 1 2 "Gubernur Sumbar Raih Penghargaan Energi Prabawa". ANTARA. 21 September 2012.
  84. ↑ "Sumbar Raih Penghargaan dari 3 Kementrian" Archived 2014-08-12 di Wayback Machine.. Padang Ekspres. 15 Oktober 2012.
  85. ↑ "Kantor Pelayanan Terpadu Satu Pintu Perluas Pelayanan Publik" Archived 2014-08-12 di Wayback Machine.. Padangmedia.com. 5 Maret 2013.
  86. ↑ "Sumbar Menjadi Lumbung Energi Hijau" Archived 2023-04-18 di Wayback Machine.. Singgalang. 13 Mei 2013.
  87. ↑ "Sumbar Miliki Potensi Panas Bumi 1.685 MW di 16 Titik" Archived 2014-08-26 di Wayback Machine.. Okezone. 18 Mei 2013.
  88. ↑ "Potensi Panas Bumi (Geothermal)" Archived 2014-08-17 di Wayback Machine.. BKPMP Sumatera Barat.
  89. ↑ "Gubernur Sumatera Barat Irwan Prayitno Mendapat Penghargaan Adhikarya Pangan Nusantara (APN)" Archived 2014-07-01 di Wayback Machine.. 6 Desember 2013.
  90. ↑ "Keberagaman Pangan Sumbar Kantongi Skor PPH di Atas Skor Nasional" Archived 2016-03-12 di Wayback Machine.. 2 November 2013.
  91. ↑ "Gubernur Raih Penghargaan Nugra Jasadarma Pustaloka 2013" Archived 2020-11-05 di Wayback Machine.. 4 November 2013.
  92. ↑ Dinas Perindustrian dan Perdagangan. "Penghargaan Daerah Peduli Konsumen 2013" Archived 2014-08-11 di Wayback Machine.. 28 November 2013.
  93. ↑ "Gubernur Sumbar Dapat Penghargaan Anugerah Parahita Ekapraya" Archived 2016-03-05 di Wayback Machine..
  94. 1 2 3 4 "Gubernur Duduk di Kelas Ekonomi, Biasa Saja..." Archived 2014-05-17 di Wayback Machine.. KlikSumbar. 25 Juli 2011.
  95. 1 2 3 4 5 Situs web rasmi Pamarintah Provinsi Sumatera Barat. "Tepat Waktu dan Sederhana". 24 Desember 2013.
  96. ↑ "Pria Tegap Ancam Bunuh Gubernur" Archived 2015-09-24 di Wayback Machine.. Harian Haluan. 23 Januari 2014.
  97. ↑ "Orang Gila Ancam Bunuh Gubernur Sumbar". ANTARA. 29 Januari 2014.
  98. ↑ "Stres". Harian Haluan. 6 Februari 2014. Diarsipkan dari versi asli tanggal 2014-05-17. Diakses tanggal 2014-05-16.
  99. ↑ "Taufik Ismail: Irwan Prayitno Sosok Gubernur Teladan" Archived 2023-04-14 di Wayback Machine.. Islamedia.co. 14 Desember 2010.
  100. 1 2 "archive copy". Diarsipkan dari versi asli tanggal 2023-04-18. Diakses tanggal 2026-09-19.
  101. 1 2 "Kau Istriku, Lagu karya Gubernur Sumbar Sudah Bisa Dinikmati di Youtube". Harian Singgalang. 22 Agustus 2013. Diarsipkan dari versi asli tanggal 2014-05-17. Diakses tanggal 2014-05-16.
  102. ↑ "Hak Cipta dan Nasib Pencipta" Archived 2014-05-17 di Wayback Machine.. Harian Singgalang. 21 Agustus 2013.
  103. ↑ "Gubernur Sumbar ke Jerman untuk Promosi". Kompas. 3 November 2010.
  104. ↑ Khaerudin. "Warganya Kelaparan, Gubernur ke Jerman". Kompas. 3 November 2010.
  105. ↑ Riky Ferdianto. "Gubernur Sumatera Barat Dinilai Mati Rasar"[pranala nonaktif permanen][pautan nonaktif salamonyo]. Tempo. 4 November 2010.
  106. ↑ "Budiman Usul DPR Panggil Gubernur Sumbar". VIVAnews. 4 November 2010.
  107. ↑ "Mari Meyakinkan Investor ke Sumbar" Archived 2015-09-24 di Wayback Machine.. Harian Haluan. 8 Maret 2011.
  108. ↑ "Setelah Dikecam, Irwan Prayitno ke Mentawai". Tempo. 8 November 2010.
  109. ↑ Andrian. "Memajukan Sumbar pun Terhalang Kepentingan Pusat". Detik. 5 Juli 2010.
  110. ↑ Yonda Sisko. "Gubernur Sumbar Minta Kunjungan ke Amerika Tidak 'Diplintir'". Detik. 6 Juli 2011.
  111. ↑ Zamri Yahya. "Inilah Alasan Irwan Prayitno Tidak Berkantor di Kantor Gubernur" Archived 2023-04-18 di Wayback Machine.. 8 September 2015.
  112. ↑ "Irwan Prayitno Belum Pernah Gunakan Ruangan Kantor" Archived 2018-11-16 di Wayback Machine.. Inilah.com. 4 November 2014.
  113. ↑ Daryono. Daryono, ed. "Gubernur Sumatera Barat Minta Aplikasi Injil Minangkabau di Play Store Dihapus, Ini Alasannya". Tribunnews.com (dalam bahasa Indonesia). Diakses tanggal 2020-06-10.
  114. ↑ Kampai, Jeka. "Gubernur Sumbar Surati Menkominfo, Minta Aplikasi Injil Bahasa Minang Dihapus". detikcom (dalam bahasa Indonesia). Diakses tanggal 2020-06-09.
  115. ↑ "Polemik Aplikasi Injil Bahasa Minang Tak Bikin Kominfo Asal Ambil Keputusan". detikcom (dalam bahasa Indonesia). Diakses tanggal 2020-06-09.
  116. ↑ "Sumbar Minta Menkominfo Hapus Aplikasi Alkitab Bahasa Minang". CNN Indonesia (dalam bahasa Indonesia). Diakses tanggal 2020-06-09.
  117. ↑ Ibrahim, Gibran Maulana. "Dipolisikan Terkait Aplikasi 'Injil Minang', Ade Armando: Salah Saya Apa?". detikcom (dalam bahasa Indonesia). Diakses tanggal 2020-06-09.
  118. ↑ Redaksi (2020-06-04). "Alkitab Bahasa Minang Jadi Sorotan, Begini Respon Tokoh Agama Sumbar". Pojoksatu.id (dalam bahasa Inggris). Diarsipkan dari versi asli tanggal 2023-04-18. Diakses tanggal 2020-06-09.
  119. ↑ "Soal Aplikasi Injil Berbahasa Minang di Playstore, Ini Respon Buya Gusrizal Gazahar - Minangkabaunews". minangkabaunews.com (dalam bahasa Indonesia). Diarsipkan dari versi asli tanggal 2020-06-09. Diakses tanggal 2020-06-09.
  120. 1 2 3 4 5 6 http://irwan-prayitno.com/2012/06/profil-2/
  121. ↑ detaksumbar.com (2023-05-03). "Info Sementara, Caleg DPR RI PKS, Rahmat Saleh Nomor 1, M Zuhrizul Berpeluang Besar". detaksumbar.com. Diarsipkan dari versi asli tanggal 2023-06-08. Diakses tanggal 2023-05-12.
  122. ↑ https://mediaindonesia.com/read/detail/89759-irwan-prayitno-buku-8-000-pantun-spontan
  123. ↑ https://nasional.republika.co.id/berita/nasional/umum/ouyuun382/gubernur-sumbar-raih-hak-cipta-atas-18-ribu-pantun
  124. ↑ "Anggota Terpilih Pemilu DPR 2004 Sumatera Barat". pemilu.asia. Diakses tanggal 16 Maret 2023.
  125. ↑ "Jeffrie dan Nudirman Masuk Senayan, Indra Pilliang Gagal". detikcom. 2009-04-26. Diakses tanggal 2022-05-26.
  126. ↑ https://www.detik.com/sumut/berita/d-7247420/eks-gubernur-sumbar-tak-lolos-ke-senayan-dari-dapil-sumut-iii. Tidak memiliki atau tanpa |title= (bantuan)

Daftar pustaka

[suntiang | suntiang sumber]
  • Hepi Andi Bastoni (2006). Penjaga Nurani Dewan. Pustaka al-Bustan. ISBN 979-25-3600-0
  • Irwan Prayitno (2003). Dai di Tengah Kegalauan Politik. Jakarta: Pustaka Tarbiatuna. ISBN 979-3375-80-9.
  • Irwan Prayitno (2003). Dilema Kebijakan Energi. Jakarta: Pustaka Tarbiatuna. ISBN 979-3375-80-9.

Pautan lua

[suntiang | suntiang sumber]
Search Wikimedia Commons Ado kategori tantang Irwan Prayitno di Wikimedia Commons
Jabatan politik
Didaului jo:
Reydonnyzar Moenek
sabagai Panjabaik Gubernur		 Gubernur Sumatera Barat
2016–2021		 Digantian dek:
Mahyeldi
Didaului jo:
Marlis Rahman		 Gubernur Sumatera Barat
2010–2015		 Digantian dek:
Reydonnyzar Moenek
sabagai Panjabaik Gubernur
Diambiak dari "https://min.wikipedia.org/w/index.php?title=Irwan_Prayitno&oldid=3352773"