Trinda Farhan Satria

Wikipedia Minangkabau - Lubuak aka tapian ilimu
Infobox orangTrinda Farhan Satria
Biografi
Lahia28 September 1969 Edit nilai pada Wikidata (54 tahun (id) terjemahkan)
Sungai Batang Edit nilai pada Wikidata
Kalompok etnisUrang Minangkabau Edit nilai pada Wikidata
AlmamaterInstitut Teknologi Bandung Edit nilai pada Wikidata
Kagiatan
KarajoPolitikus Edit nilai pada Wikidata
Partai politikPartai Keadilan Sejahtera Edit nilai pada Wikidata

Twitter: trindafarhans Edit nilai pada Wikidata

Trinda Farhan Satria, ST, MT gala Datuak Tumangguang Putiah (lahia di Sungai Batang, Tanjung Raya, Agam, Sumatra Barat, 28 September 1969; umua 54 taun) adolah politisi dari Partai Keadilan Sejahtera jo mubalig. Inyo dilantik sabagai Wakil Bupati Agam periode 2016—2021 pado 17 Februari 2016 mandampiangi Indra Catri.[1] Sabalunnyo, inyo bakurisi sabagai Wakia Ketua DPRD Sumatra Barat periode 2009–2014. Sempat maunduran diri dari kaanggotaan partai, inyo mamiliah maakhiri karier sabagai PNS jo bagabuang baliak jo PKS sacaro rasmi pado 2005. Dalam struktur partai, inyo manjabat sabagai Ketua Dewan Perwakilan Wilayah (DPW) PKS Sumatra Barat duo periode sampai 2015.

Sajak kuliah, kasahariannyo labiah banyak bakutat di lingkuangan kampus. Pado 1996, inyo diangkek sabagai dosen teknik industri di Universitas Andalas, sambia mambagi waktunyo sabagai dosen tamu untuak Universitas Bung Hatta, Universitas Ekasakti, jo STTIND Padang. Inyo pernah manduduaki jabatan Ketua Program Studi Teknik Industri Unand jo maraiah predikat "Dosen Taladan Fakultas Teknik Unand".

Biografi[suntiang | suntiang sumber]

Trinda Farhan Satria ikuik dalam maso awal pamantuakan Partai Keadilan, duduak sabagai salah saurang panguruih daerah di Bandung. Pado saat nan samo, inyo sadang menjalani kuliah S-2 di Institut Teknologi Bandung. Namun, pado taun 1999, inyo kalua dari struktur partai satalah kalua UU nan malarang kaikuiksertaan PNS dalam politik praktis.

Meski indak aktif dalam struktur partai, inyo masih aktif maisi babagai palatiahan kader PKS sabagai instruktur, tamasuak saat pancalonan anggota legislatif. Inyo bagabuang baliak jo PKS satalah maunduan diri sabagai PNS jo jabatan tarakhie Kapalo Laboratorium Perencanaan dan Optimasi Sistem Industri Universitas Andalas. Inyo diamanahi sabagai Ketua Dewan Perwakilan Wilayah (DPW) PKS Sumatra Barat periode 2005—2010 manggantian Mahyeldi Ansharullah, jo tapiliah baliak untuak pariode 2010—2015.[2]

Referensi[suntiang | suntiang sumber]

  1. Melda Riani. "Usai Dilantik, Indra Catri-Trinda Farhan Disambut Antusias Warga" Padangmedia.com. 17 Februari 2016. Diakses 13 Mei 2016.
  2. Ruslan Burhani. "Trinda Farhan: PKS Tetap Partai Islam". ANTARA. 17 Oktober 2010.

Pranala luar[suntiang | suntiang sumber]

Jabatan politik
Didaului jo:
Irwan Fikri
Wakia Bupati Agam
2016–2021
Digantian dek:
Patahana
Didaului jo:
Wakia Ketua DPRD Sumatra Barat
2009–2014
Digantian dek:
Jabatan politik partai
Didaului jo:
Mahyeldi Ansharullah, SP
Ketua Dewan Perwakilan Wilayah (DPW) PKS
Sumatra Barat

2005–2015
Digantian dek:
Irsyad Syafar, MEd