Taufiq Ismail

Dari Wikipedia baso Minang, ensiklopedia bebas
Loncat ke navigasi Loncat ke pencarian
Taufiq Ismail
Taufiq Ismail dalam acara 50 Tahun Majalah Horison; 26 Juli 2016.jpg
Lahia

25 Juni 1935 (umua 84

)
Bendera Balando Bukittinggi, Hindia Balando
Kabangsaan Bendera Indonesia Indonesia
Suku bangso Minang
Alma mater Universitas Indonesia
Karajo Sastrawan
Dikana dek Panyair
Pagerakan politik Angkatan '66
Agamo Islam
Urang tuo A. Gaffar Ismail
Sitti Nur Muhammad Nur
Panghargaan - Anugerah Seni dari Pamarentah RI (1970)
- Cultural Visit Award dari Pamarentah Australia (1977)
- South East Asia Write Award dari Karajaan Thailand (1994)
Tando tangan

Taufiq Ismail gala Datuak Panji Alam Khalifatullah, (lahia di Bukittinggi, Hindia Balando, 25 Juni 1935; umua 84 taun), adolah surang panyair sarato sastrawan Indonesia.

Latar Balakang[suntiang | suntiang sumber]

Taufiq Ismail laia dari pasangan A. Gaffar Ismail (1911-1998) asa Banuhampu, Agam jo Sitti Nur Muhammad Nur (1914-1982) asa Pandai Sikek, Tanah Data, Sumatera Barat.[1] Apaknyo adolah surang ulama sarato pandiri PERMI. Taufiq mahabihan maso SD di Solo, Semarang, jo Yogyakarta, SMP di Bukittinggi, sarato SMA di Pekalongan. Taufiq tumbuah dalam kaluarga guru jo wartawan nan suko mambaco. Taufiq alah bacito-cito manjadi sastrawan sajak masih SMA. Ateh piliahan surang, Taufiq manjadi dokter hewan sarato ahli pataranak-an karano nio mampunyoi bisnis pataranak-an untuak manafkahi cito-cito kasusastraannyo. Taufiq tamaik FKHP-UI Bogor pado 1963 tapi gagal punyo usaho taranak nan dulu dirancanaannyo di sabuah pulau di Selat Malaka.[2]

Kagiatan[suntiang | suntiang sumber]

Samaso kuliah Taufiq giat sabagai Aktivis Palajar Islam Indonesia (PII), Katua Senat Mahasiswa FKHP-UI (1960-1961) sarato WaKa Dewan Mahasiswa UI (1961-1962).

Di Bogor pernah jadi guru di SKP Pamekar jo SMA Regina Pacis, mengajar pulo di IPB. Karano manandotangani Manifesto Kebudayaan, gagal malanjuik-an studi manajemen pataranak-an di Florida (1964) sarato dipecat sabagai dosen di Institut Pertanian Bogor. Taufiq manulih di babagai media, jadi wartawan, salah surang pandiri Horison (1966), sato mandirian DKJ jo jadi pimpinannyo, Pj. Direktur TIM, Rektor LPKJ jo Manajer Hubungan Luar Unilever. Panarimo beasiswa AFS International Scholarship, sajak 1958 aktif di AFS Indonesia, manjabat sabagai Katua Dewan Pembina Yayasan Bina Antarbudaya, panyalanggaro patukaran palajar antarbangso nan salamo 41 taun (sajak 1957) alah mangirim 1700 siswa ka 15 negara sarato manarimo 1600 siswa asiang di siko. Taufiq tapiliah manjadi anggota Board of Trustees AFSIS di New York, 1974-1976.

Pangkategoriannyo sabagai panyair Angkatan '66 dek Hans Bague Jassin marisauannyo, misalnyo Taufiq pueh diri lalu proses panulisannyo jadi macet. Taufiq manulih buku kumpulan puisi, sarupo Malu (Aku) Jadi Orang Indonesia, Tirani dan Benteng, Tirani, Benteng, Buku Tamu Musim Perjuangan, Sajak Ladang Jagung, Kenalkan, Saya Hewan, Puisi-puisi Langit, Prahara Budaya:Kilas Balik Ofensif Lekra/PKI dkk, Ketika Kata Ketika Warna, Seulawah-Antologi Sastra Aceh, sarato nan lain-lain.

Banyak puisinyo dinyanyian Himpunan Musik Bimbo, pimpinan Samsudin Hardjakusumah, atau sabaliaknyo Taufiq manulih lirik untuak mareka dalam karajo samo. Taufiq-pun manulih lirik untuak Chrisye, Yan Antono (dinyanyian Ahmad Albar) jo Ucok Harahap. Manuruiknyo karajo samo samacam ko pantiang supayo jangkauan publik puisi labiah laweh.

Taufiq acok mambaco puisi di muko umum. Di lua nagari, Taufiq alah mambaco puisi di babagai festival jo acara sastra di 24 kota Asia, Australia, Amerika, Eropa, jo Afrika sajak 1970. Dek Taufiq, puisi baru ‘mamparoleh tubuah nan langkok’ apobilo sasudah ditulih, dibaco di muko orang. Pado April 1993 Taufiq mambaco puisi tantang Syekh Yusuf jo Tuan Guru, para pajuang nan dibuang VOC ka Afrika Salatan tigo abad nan lalu, di 3 tampek di Cape Town (1993), katiko apartheid baru dibongka. Pado Agustus 1994 mambaco puisi tantang Laksamana Cheng Ho di musajik kampuang kalahiran panjalajah samudra legendaris tu di Yunan, RRC, nan dibacoan pulo tajamahan Mandarinnyo dek Chan Maw Yoh.

Bosan jo kacandaruangan puisi Indonesia nan talalu sarius, di awal 1970-an, Taufiq manggarap humor dalam puisinyo. Santuahan humor taraso tarutamo dalam puisi bakaba atau narasinyo. Mungkin dalam hal iko indak ado kawan untuaknyo di Indonesia. Antologi puisinyo bajudul Rendez-Vous ditabik-an di Rusia dalam tajamahan Victor Pogadaev sarato jo ilustrasi dek Aris Aziz dari Malaysia (Rendez-Vous. Puisi Pilihan Taufiq Ismail. Moskow: Humanitary, 2004.)

Pangaragoan[suntiang | suntiang sumber]

Mandapek Anugerah Seni dari Pamarentah RI (1970), Cultural Visit Award dari Pamarentah Australia (1977), South East Asia Write Award dari Karajaan Thailand (1994), Panulisan Karya Sastra dari Pusek Bahaso (1994). Duo kali Taufiq manjadi panyair tamu di Universitas Iowa, Amerika Serikat (1971-1972 dan 1991-1992), lalu jadi pangarang tamu di Dewan Bahaso jo Pustaka, Kuala Lumpur (1993).

Bibliografi[suntiang | suntiang sumber]

  • Ismael, Taufiq (1995) (dalam bahaso Bahasa Indonesia). Prahara Budaya:kilas-balik ofensif Lekra/PKI dkk.:kumpulan dokumen pergolakan sejarah. Bandung: Mizan dan H.U. Republika. pp. 469. ISBN 979-433-064-7. 
  • Taufiq Ismail. Vernite Mne Indoneziyu (Kembalikan Indonesia Padaku). Puisi Pilihan. Diselenggarakan dan diterjemahkan oleh Victor Pogadaev. Moskow: Klyuch-C, 2010, ISBN 978-5-93136-119-2
  • Taufiq Ismail. Dengan Puisi Aku. 1 Puisi, 80 Bahasa, 80 Tahun. Terjemahan Puisi dalam 58 Bahasa Dunia dan 22 Bahasa Daerah. Prakata Prof. Victor A. Pogadaev. Jakarta: Horison, 2015, ISSN 0125-9016
  • Taufiq Ismail. Dengan Puisi Aku. Dalam 60 Bahasa. Editor Victor Pogadaev. Kuala Lumpur: Esasatera Enterprise, 2016 ISBN 978-967-5043-68-0

Catatan kaki[suntiang | suntiang sumber]

  1. Ketika Sastrawan Jadi Datuk, Harian Singgalang, 30 Maret 2009
  2. Profil Taufik Ismail merdeka.com. Diakses 11 Mei 2013.

Pautan lua[suntiang | suntiang sumber]

Sumber[suntiang | suntiang sumber]

  • Ismail,Taufiq. 2004. Malu (Aku) Jadi Orang Indonesia. Jakarta:Yayasan Indonesia.