SMP Negeri 1 Padang

SMP Negeri 1 Padang adolah sikolah manangah patamo negeri nan talatak di Jl. Jend. Sudirman No. 3, Kota Padang. Bangunan sikolah iko marupokan salah satu bangunan basijarah di Kota Padang. Pado zaman panjajahan, tampek iko manjadi basis garakan militer rakyat dalam mausia panjajahan Belando di Kota Padang. Sikolah iko pado awalnyo banamo MULO katiko zaman panjajahan Balando. Namun satalah Indonesia merdeka, namonyo barubah manjadi PERMINDO. Kamudian barubah manjadi SLTPN 1 Padang hinggo akhirnyo barubah manjadi SMP Negeri 1 Padang.

Babarapa tokoh takana basikolah di siko. Di antaronyo adolah proklamator bangsa, Dr. H. Moh. Hatta, Mantan Perdana Menteri Indonesia, Mohammad Natsir, dan Gubernur Sumatra Barat Irwan Prayitno.

Prestasi

Sajak babarapo tahun balakangan iko SMPN 1 Padang sangek banyak maraih prestasi. Mulai dari tingkek kota hinggo tingkek Internasional. Di tingkek provinsi Sumatra Barat, SMPN 1 Padang satiok tahun hampia salalu maraih nilai Ujian Nasional tatinggi. Selain tu di bidang sains, palajar SMPN 1 Padang hampia salalu mandominasi paringkek tatinggi. Pado bulan September 2006 nan lalu, salah saurang siswa SMPN 1 Padang berasil maraih perunggu dalam Olimpiade Sains Biologi Nasional di Semarang, pado tahun 2011 SMPN 1 Padang bahasil maraih perak dalam Olimpiade Biologi tingkek Internasional di Afrika Selatan, pado tahun 2013 SMPN 1 Padang bahasil manjadi sekolah Adiwiyata Nasional.dan pado tahun 2015 SMP Negeri 1 Padang bahasil manjadi Sekolah Adiwiyata Mandiri, pado tahun 2018 SMPN 1 Padang bahasil maraih medali parunggu pado bidang Ilmu Pangatahuan Sosial dalam Olimpiade Sains Nasional 2018 serta maraih medali perak pado bidang Ilmu Pengatahuan Alam dan Teknologi dalam Olimpiade Panalitian Siswa Indonesia 2018. Di bidang, non akademik, siswa SMPN 1 Padang juo banyak mancetak prestasi sabagai finalis dalam ajang Festival dan Lomba Seni Siswa Nasional, Olimpiade Olahraga Siswa Nasional, Olimpiade Literasi Siswa Nasional, Modelling Competition, dan masih banyak lagi.