YouTube

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
YouTube
Logo YouTube terbuat dari kotak persegi panjang merah dengan tombol "putar" putih di dalamnya dan kata "YouTube" yang ditulis dalam warna hitam.
Berkas:Tangkap Layar YouTube terbaru 2020.png
Jenis usahaAnak Parusahaan
Jenis situs
Layanan hos video
Bahasa54 bahasa melalui antarmuka pengguna[1]
Didirikan14 Februari 2005; 16 tahun nan lalu (2005-02-14)
Markas901 Cherry Avenue
San Bruno, California
, United States
Wilayah operasiSaluruah dunia (kacuali negara nan alah diblokir)
Pendiri
Tokoh pentingSusan Wojcicki (CEO)
Sektor
ProdukYouTube Premium
YouTube Music
YouTube TV
YouTube Go
PendapatanUS$15 billion (2019)[2]
Perusahaan indukGoogle LLC (2006–present)
Situs webYouTube.com
(liek daftar namo domain yang dilokalisasi)
Peringkat AlexaSteady 2 (Global, January 2020)[3]
IklanGoogle AdSense
Daftar akun
Diluncurkan14 Februari 2005; 16 tahun nan lalu (2005-02-14)
StatusAktif
Lisensi konten
Pangunggah nan mamacik hak cipta (lisensi standar); Creative Commons bisa dipiliah.
Bahasa pemrogramanPython (core/API),[4] C (malalui CPython), C++, Java (malalui platfrom Guice),[5][6] Go,[7] JavaScript (UI)

YouTube adolah sabuah situs web babagi video nan dibuek dek tigo urang mantan karyawan PayPal pado Februari 2005. Situs web ko mamungkinan panggunonyo mangunggah, manonton, jo babagi video.[8] Parusahaan iko bakantua pusek di San Bruno, California, dan mamakai teknologi Adobe Flash Video jo HTML5 untuak manampakan babagai macam konten video buatan pangguno/kreator, tamasuak klip pilem, klip TV, jo video musik. Salain tuh, konten amatir sarupo blog video atau kini disabuik vlog, video orisinil pendek, jo video pendidikan juo ado dalam situs web iko.

Kabanyakan konten YouTube diunggah deh individu, maskipun baitu parusahaan-parusahaan media sarupo CBS, BBC, Vevo, Hulu, jo organisasi lain alah pulo mangunggah material inyo masiang-masiang di situs iko sabagai bagian dari program kamitraan Youtube.[9] Pangguno indak tadaftar dapek manonton video, samantaro pangguno tadaftar dapek mangunggah video dalam jumlah indak tabateh. Video-video nan dianggap barisi konten ofensif hanyo bisa ditonton dek pangguno tadaftar barumua 18 taun atau labiah. Pado November 2006, YouTube, LLC dibali dek Google jo nilai sagadang US$1,65 miliar dan resmi baoperasi sabagai anak parusahaan Google.

Sijarah parusahaan[suntiang | suntiang sumber]

YouTube dibuek dek Chad Hurley, Steve Chen, jo Jawed Karim, nan sabalumnyo marupokan karyawan patamo PayPal. Hurley baraja disain di Indiana University of Pennsylvania, samantaro Chen jo Karim baraja ilimu komputer di University of Illinois at Urbana-Champaign.[10]

Manuruik carito nan baulang-ulang ditabikan di media, Hurley jo Chen magambangan ide YouTube pado bulan-bulan partamo taun 2005 sasudah mangalami kasulikan katiko babagi video pesta makan malam di apartemen Chen di San Fransisco. Karim indak datang ka pesta dan manolak pesta tasabuik pernah tajadi, samantaro Chen bakomentar bahwa ide YouTube dicatuihan satelah pesta makan "tampaknyo dipakuaik dek metode pamasaran nan tapusaik pado manciptakan carito nan murah dicerna dek konsumen".[11]

YouTube barawal sabagai sabuah parusahaan teknologi rintisan nan didanai dek investasi sagadang $11,5 juta dari Sequoia Capital antaro November 2005 jo April 2006.[12] Kantua partamo YouTube talatak di ateh sabuah restoran japang jo pizzeria di San Mateo, California. Namo domain www.youtube.com aktif pado 14 Februari 2005 dan situs iko dikambangan pado bulan-bulan barikuiknyo.[13]

Video partamo di YouTube bajudul Me at the zoo. Video iko manampiakan pandiri pandampiang Jawed Karim di Kabun Binatang San Diego.[14] Video iko diunggah pado tanggal 23 April 2005 dan masih ado sampai kini di situs iko.[15]

YouTube manawakan uji beta pado Mei 2005, anam bulan sabalum paluncuran resmi pado November 2005. Patumbuahan situs iko maroket dan pado bulan Juli 2006, parusahaan iko mangumuman bahwa labiah dari 65.000 video diunggah satiok harinyo dan situs iko manarimo 100 juta kunjuangan video per hari.[16] Manuruik data nan dikumpuakan parusahaan riset pasa comScore, YouTube adolah panyadio video daring utamo di Amerika Sarikat jo gadang pasa nan didapek 43 persen jo labiah dari 14 miliar video ditonton pado bulan Mei 2010.[17] YouTube mangatoan bahwa sakitar video badurasi total 60 jam diunggah satiok minik jo tigo parampek materialnyo barasa dar lua AS.[18][19][20] Situs iko manarimo dalapan ratuih juta kunjuangan unik satiok bulannyo.[21] Dipakiroan bahwa pado taun 2007 YouTube mangonsumsi pita lebar nan samo gadangnyo jo saisi internet di taun 2000.[22] Alexa manampaikan YouTube sabagai situs katigo nan paliang banyak dikunjuangi di internet, sasudah Google jo Facebook.[23]

Pamilihan namo www.youtube.com mamuncuakan masalah jo situs banamo sarupo, www.utube.com. Nan punyo situs tasabuik, Universal Tube & Rollform Equipment, mangajukan tuntutan hukum tahadok YouTube pado bulan November 2006 sasudah situsnyo dibanjiri pagunjuang nan ingin mancari YouTube. Universal Tube sajak itu mangubah namo situsnyo manjadi www.utubeonline.com.[24][25] Pado bulan Oktober 2006, Google Inc. mangumuman bahwa inyo alah mambali YouTube jo nilai sabanyak $1,65 miliar dalam bantuak saham. Pasatujuan iko dirampuangkan pado 13 November 2006.[26] Google indak maagiah informasi rinci manganai biaya operasi YouTube jo pandapatan YouTube taun 2007 ditulih "indak material" dalam pangisian formulir wajib. Bulan Juni 2008, sabuah artikel di majalah Forbes mampakiroan pandapatan YouTube taun 2008 mancapai $200 juta sasudah mangamati kamajuan panjualan iklannyo.[27] Pagunjuang YouTube rato-rato mahabiskan 15 minik sahari untuak manonton video di sinan, babeda jo 4-5 jam sahari nan dihabisan dek warga Amerika Sarikat biaso untuak manonton tipi.[21]

The YouTube logo from launch until 2011, featuring its former slogan Broadcast Yourself

YouTube manjajaki karajo samo pamasaran jo pariklanan jo NBC pado bulan Juni 2006.[28] Bulan November 2008, YouTube mambuek pasatujuan jo MGM, Lions Gate Entertainment, dan CBS, nan maijinan inyo mangunggah pilem jo episode tipi nan badurasi panuah ka situs iko, disaratoi kotak iklan khusus panonton AS nan diagiah namo "Shows". Tindakan iko batujuan manciptakan pasaiangan jo situs web sarupo Hulu, nan manyimpan material tayangan dari NBC, Fox, jo Disney.[29][30] Bulan November 2009, YouTube maluncuakan "Shows" untuak panonton Britania Raya jo manawarkan sakitar 4.000 acara badurasi panuah dari 60 mitranyo.[31] Pado Januari 2010, YouTube mampakenalan layanan sewa pilem daring,[32] nan wakatu itu hanyo tasadio untuak pangguno di kawasan Amerika Sarikat, Kanda, jo Britania Raya.[33][34] Layanan iko manawarkan labiah dari 6.000 pilem.[35]

Pado bulan Maret 2010, YouTube mulai manyiaran konten tatantu sacaro gratis, tamasuak 60 patandiangan kriket Indian Premier League. Manuruik YouTube, iko marupokan siaran acara olahraga gadang via internet partamo di dunia nan basifaik gratis.[36]

Pado tanggal 31 Maret 2010, YouTube maluncuakan disain situs baru dengan tujuan manyederhanaan antarmuko jo maningkekan wakatu nan dihabihan pangguno di situs iko. Manajer Produk Google Shiva Rajaraman bakomentar. "Kami maraso paralu mundua saketek jo mambereskan sagalonyo."[37] Pado bulan Mei 2010, YouTube dilaporan malayani labiah dari duo miliar video per hari, jumlah nan dianggap "nyaris duo kali lipek panonton primetime di katigo jaringan televisi tagadangn di Amerika Sarikat".[38] Pado Mei 2011, YouTube malaporan di blog parusahaannyo bahwa situs iko kini manarimo labiah dari tigo miliar kunjuangan par hari.[20] Bulan Januari 2012, YouTube manyatokan bahwasanyo jumlah tasabuik naiak manjadi ampek miliar par hari.[18]

Pado bulan Oktober 2010, Hurley manyatoan akan mangunduran diri dari jabatannyo sabagai CEO YouTube dan manjadi panasihaik parusahaan. Salar Kamangar akan maambiak aliah kandali parusahaan iko.[39]

Rujuakan[suntiang | suntiang sumber]

  1. "YouTube language versions". Diakses tanggal January 15, 2012. 
  2. Kutipan rusak: Tag <ref> indak sah; indak ado teks untuak ref banamo verge 15b
  3. "Youtube.com Traffic, Demographics and Competitors". www.alexa.com (dalam bahasa Inggris). Diakses tanggal 2020-01-11. 
  4. Claburn, Thomas (January 5, 2017). "Google's Grumpy code makes Python Go". The Register (dalam bahasa Inggris). Diakses tanggal September 16, 2017. 
  5. Wilson, Jesse (May 19, 2009). "Guice Deuce". Official Google Code Blog. Diakses tanggal March 25, 2017. 
  6. "YouTube Architecture". High Scalability. Diakses tanggal October 13, 2014. 
  7. "Golang Vitess: a database wrapper written in Go as used by Youtube". October 23, 2018. 
  8. Hopkins, Jim (October 11, 2006). "Surprise! There's a third YouTube co-founder". USA Today. Diakses tanggal November 29, 2008.
  9. Weber, Tim (March 2, 2007). "BBC strikes Google-YouTube deal". BBC. Diakses tanggal January 17, 2021.
  10. "YouTube: Sharing Digital Camera Videos". University of Illinois at Urbana-Champaign. Diakses tanggal November 29, 2020.
  11. Cloud, John (December 16, 2006). "The Gurus of YouTube". Time Magazine. Diakses tanggal Feb 28, 2021.
  12. Miguel Helft and Matt Richtel (October 10, 2006). "Venture Firm Shares a YouTube Jackpot". The New York Times. Diakses tanggal Feb 28, 2021.
  13. "Whois Record for www.youtube.com". DomainTools. Diakses tanggal Feb 28, 2021
  14. Alleyne, Richard (July 31, 2008). "YouTube: Overnight success has sparked a backlash". The Daily Telegraph. London. Diakses tanggal Feb 28, 2021
  15. "Me at the zoo". YouTube. April 23, 2005. Diakses tanggal Feb 28, 2021.
  16. "YouTube serves up 100 million videos a day online". USA Today. July 16, 2006. Diakses tanggal Feb 28, 2021.
  17. "comScore Releases May 2010 U.S. Online Video Rankings". comScore. Diakses tanggal Feb 28, 2021.
  18. a b Oreskovic, Alexei (January 23, 2012). "YouTube hits 4 billion daily video views". Reuters. Diakses tanggal Feb 28, 2021.
  19. "Eric Schmidt, Princeton Colloquium on Public & Int'l Affairs". YouTube. Diakses tanggal Feb 28, 2021.
  20. a b Shane Richmond (May 26, 2011). "YouTube users uploading two days of video every minute". The Daily Telegraph. London. Diakses tanggal Feb 28,2021.
  21. a b Seabrook, John (January 16, 2012). "Streaming Dreams". The New Yorker. Diakses tanggal Feb 28, 2021.
  22. Carter, Lewis (April 7, 2008). "Web could collapse as video demand soars". The Daily Telegraph. London. Diakses tanggal Feb 28, 2021.
  23. "Alexa Traffic Rank for YouTube (three month average)". Alexa Internet. Diakses tanggal Feb 28, 2021.
  24. Zappone, Christian (October 12, 2006). "Help! YouTube is killing my business!". CNN. Diakses tanggal Feb 28, 2021.
  25. Blakely, Rhys (November 2, 2006). "Utube sues YouTube". The Times. London. Diakses tanggal Feb 28, 2021.
  26. Reuters (November 14, 2006). "Google closes $A2b YouTube deal". The Age. Melbourne. Diakses tanggal Feb 28, 2021.
  27. Hardy, Quentin (May 22, 2008). "GooTube". Forbes Magazine. Diakses tanggal Feb 28, 2021.
  28. Knowledge@wharton. "Online Video: The Market Is Hot, but Business Models Are Fuzzy". Diakses tanggal Feb 28, 2021.
  29. Brad Stone and Brooks Barnes (November 10, 2008). "MGM to Post Full Films on YouTube". The New York Times. Diakses tanggal Feb 28, 2021.
  30. Staci D. Kramer (April 30, 2009). "It's Official: Disney Joins News Corp., NBCU In Hulu; Deal Includes Some Cable Nets". paidContent.org. Diakses tanggal Feb 28, 2021.
  31. Allen, Katie (November 19, 2009). "YouTube launches UK TV section with more than 60 partners". The Guardian. London. Diakses tanggal Feb 28, 2021.
  32. Miguel Helft (January 20, 2010). "YouTube takes a small step into the film rental market". The New York Times. Diakses tanggal Feb 28, 2021.
  33. Shiels, Maggie (January 21, 2010). "YouTube turns to movie rental business". BBC News. Diakses tanggal Feb 28, 2021.
  34. "YouTube to offer film rentals in the UK". BBC News. October 7, 2011. Diakses tanggal Feb 28, 2021.
  35. Tsotsis, Alexia (May 9, 2011). "Google Partners With Sony Pictures, Universal And Warner Brothers For YouTube Movies". techcrunch.com. Diakses tanggal Feb 28, 2021.
  36. Sweney, Mark (January 20, 2010). "Cricket: IPL goes global with live online deal". The Guardian. London. Diakses tanggal February 28, 2021.
  37. "YouTube redesigns website to keep viewers captivated". AFP. Diarsipkan dari versi asli tanggal May 30, 2010. Diakses tanggal Feb 28, 2021.
  38. Chapman, Glenn. "YouTube serving up two billion videos daily". AFP. Diarsipkan dari versi asli tanggal May 20, 2010. Diakses tanggal Feb 28, 2021.
  39. "Hurley stepping down as YouTube chief executive". AFP. October 29, 2010. Diarsipkan dari versi asli tanggal October 31, 2010. Diakses tanggal 28 Feb 2021.