SMA Negeri 3 Padang

Sikolah Manangah Ateh Negeri 3 Padang juo dikana sabagai SMANTRI adolah salah satu Sikolah Manangah Ateh Negeri nan talatak di Kelurahan Gunung Pangilun, Kecamatan Padang Utara, Kota Padang, Provinsi Sumatra Barat. Sikolah nan baalamaik Jalan Gajah Mada Nomor 11 iko sampek manyandang status sabagai rintisan sikolah bertaraf internasional (RSBI) dan mangganti kurikulum pagangan manjadi Kurikulum Cambridge.

SMA Negeri 3 Padang juo parnah manjalin mitra (Sister School) jo SMA Negeri 5 Surabaya dan SMA Negeri 4 Denpasar.

Sijarah

Pado akhia Tahun Ajaran 1976, hanyo ado 2 buah SMA bastatus negeri nan manampuang saluruah tamatan peserta didiak SMP Negeri dan Swasta di Kota Padang. Kuota nan disadiokan dek kaduo sikolah tasabuik sangaik saketek dibandiangkan jo jumlah saluruah peserta didiak tamatan SMP negeri dan swasta di Kota Padang pado maso itu. Dengan demikian, setiok tahun timbua raso kacamehan dan kagalisahan dari para urang tuo nan bakainginan malanjuikan pandidikan putra dan putri mereka ka SMA negeri nan tasadio. Pamarintah malalui Proyek Pelita Nasional Tahun 1976/1977, mancanangkan tagaknyo SMA katigo di Kota Padang jo tujuan untuak mancukuiki kuota luluihan peserta didiak supayo dapek tatampuang.

Gaduang

Pambangunan SMA Negeri 3 Padang dimulai satalah tanah sikolah iko dibali dek Pamarintah Kota kapado pamiliak tanah. Kamudian, dilakukan palatakkan batu patamo bangunan sikolah nan dibiayai sapanuahnyo dari dana Pelita Nasional tahun 1976/1977.Biaya awal bangunan sikolah iko disadiokan pamerintah sebesar Rp 86.387.091. Dek baitu, ditatokkan kakuatan hukum pandirian sikolah iko malalui surek kaputuihan Menteri Pandidikan dan Kabudayaan Republik Indonesia tanggal 24 oktober 1977 No. 0469/0/1977.

Sarana dan Prasarana

Jo lueh tanah mancapai 10000 m² dan lueh bangunan 28409 m², SMA Negeri 3 Padang pado kini ko alah mamiliki babagai fasilitas untuak manunjang kagiatan balaja-mangaja dan prestasi siswa.