Pandai Sikek, Sepuluh Koto, Tanah Datar

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Pandai Sikek
Nagari
Nagara  Indonesia
Provinsi Sumatera Barat
Kabupaten Tanah Datar
Kecamatan Sepuluh Koto
Laweh -
Panduduak 5,366 urang (2010)

Pandai Sikek marupoan salah satu nagari nan tamasuak ka dalam wilayah kecamatan Sepuluh Koto, Kabupaten Tanah Datar, Provinsi Sumatera Barat, Indonesia. Nagari ko bajarak kiro-kiro 40 KM dari Batusangkar, ibu kota dari kabupaten Tanah Datar.[1]

Sajarah[suntiang | suntiang sumber]

Motif kain tanun songkek khas Pandai Sikek

Badasarkan sajarahnyo (Barih Balibeh) pasukuan di Nagari Pandai Sikek pado mulonyo hanyo tadiri dari ampek suku yaitu:

  1. Koto
  2. Guci
  3. Sikumbang
  4. Pisang

Sudah itu dalam pakambangan populasi panduduak mako suku Koto dipacah manjadi ampek suku, Salain itu datang pulo suku-suku nan lain sehinggo saaik iko di Nagari Pandai Sikek tadapek tujuah suku nan labiah dikenal jo sabuikan Urang nan Tujuah Suku Salapan indu yaitu:

  1. Koto Sungai Guruah
  2. Koto Tibalai
  3. Koto Limo Paruik
  4. Koto Gantiang
  5. Guci
  6. Sikumbang
  7. Pisang
  8. Panyalai dan Jambak

Kamudian dari Urang nan Tujuah Suku Salapan indu tasabuik lahialah istilah Pangulu nan Anam Puluah iyolah :

  1. Koto Sungai Guruah pangulu nan sapuluah - 10 Pangulu
  2. Koto Tibalai pangulu nan batujuah - 7 Pangulu
  3. Koto Limo Paruik pangulu nan batujuah - 7 Pangulu
  4. Koto Gantiang pangulu nan barampek - 4 Pangulu
  5. Guci pangulu nan sapuluah - 10 Pangulu
  6. Sikumbang pangulu nan sambilan - 9 Pangulu
  7. Pisang pangulu nan sambilan - 9 Pangulu
  8. Panyalai dan Jambak pangulu nan barampek - 4 Pangulu

Namun kiniko Koto Gantiang Pangulu nan Barampek bagabuang jo Koto Sungai Guruah Pangulu nan Sapuluah, sadangkan Panyalai dan Jambak bagabung jo Guci. Sahinggo kok dijumlahan pangulunyo manjadi 52.

Parekonomian[suntiang | suntiang sumber]

Di nagari iko nan manjadi sumber pandapekan primadona bagi masyarakaik satampek adolah sabagai pangrajin songkek. Motif-motif nan ado di nagari iko diambiak dari contoh kain-kain lamo nan masih tasimpan elok, nan acok dipakai untuak pakaian pado upacaro-upacaro adaik. Motif-motif tanun Pandai Sikek diyakini sabagai motif asli pado kain-kain tanun padusi-padusi Pandai Sikek pado zaman dahulu.[1]

Rujuakan[suntiang | suntiang sumber]

  1. a b "Search Pemerintah Kabupaten Tanah Datar". https://tanahdatar.go.id/search?keywords=pandai+sikek. Diakses pado 8 Oktober 2019. 
Bendera Indonesia Katarangan jumlah panduduak daerah tingkek ampek di Indonesia ko diambiak dari hasil sensus populasi nasional Indonesia pado tahun 2010 dek BPS.