Gunuang Toba

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Gunuang Toba adolah gunuang barapi raksasa iyolah gunuang aktif dalam kategori sangek gadang, talatak di provinsi Sumatra Utara dan dipakirokan malatuih tarakhir sakitar 74.000 taun lalu [1].

Bukti ilmiah[suntiang | suntiang sumber]

Pado taun 1939, geolog Belando van Bemmelen malaporkan bahwa Danau Toba, nan panjangnyo 100 kilometer dan lebanyo 30 kilometer, dikaliliangi jo batu apuang paninggalan dari latuihan gunuang. Kareno itu, van Bemmelen manyimpulkan, Toba adolah sabuah gunuang barapi. Balakangan, babarapo panaliti lain manamukan debu riolit (bahasa Inggris: rhyolite) nan sausia jo batuan Toba di Malaysia, bahkan juo sajauah 3.000 kilometer ka utara hinggo India Tangah.

Babarapo ahli kalautan pun melapokan alah manamukan jajak-jajak batuan Toba di Samudra Hindia dan Taluak Banggala. Paro panaliti awal, Van Bemmelen juo Aldiss dan Ghazali (1984) alah mandugo Toba tacipto lewaik sabuah latuihan mahadahsyat. Namun panaliti lain, Vestappen (1961), Yokoyama dan Hehanusa (1981), sarto Nishimura (1984), mandugo kaldera tu tacipta lewaik babarapo kali latuihan. Panaliti labiah baru, Knight dan sajaweknyo (1986) sarto Chesner dan Rose (1991), mambarikan pakiraan labiah detail: kaldera Toba tacipta lewaik tigo latuihan raksaso.

Panalitian saputa Toba alun barakhir hinggo kini. Jadi, masih banyak misteri di baliak raksaso nan sadang lalok tu. Salah satu paneliti Toba angkatan tabaru tu adolah Fauzi dari Indonesia, seismolog pado Badan Meteorologi Klimatologi dan Geofisika. Sarjana fisika dari Universitas Indonesia luluihan 1985 iko barasil maraih gala doktor dari Renssealer Polytechnic Institute, New York, pado1998, untuak panelitiannyo manganai Toba.

Latak[suntiang | suntiang sumber]

Latak Gunuang Toba (kini Danau Toba), di Indonesia memang rawan bencano. Hal iko takait jo latak Indonesia nan talatak di patemuan tigo lempeng tektonik, yakni Eurasia, Indo-Australia dan Lempeng Pasifik. Sabanyak 80% dari wilayah Indonesia, talatak di lempeng Eurasia, nan maliputi Sumatra, Jawa, Kalimantan, Sulawesi dan Banda.

Lempeng benua iko hiduik, satiok tahunnyo mareka bageser atau manumbuak lempeng lainnyo jo jarak tatentu. Lempeng Eurasia nan marupakan lempeng banua salalu jadi sasaran. Lempeng Indo-Australia misalnyo manumbuak lempeng Eurasia sajauah 7 cm per tahun. Atau Lempeng Pasifik nan bageser sacaro relatif tahadok lempeng Eurasia sajauah 11 cm per tahun. Dari pageseran tu, muncualah rangkaian gunuang, tamasuak gunuang barapi Toba.

Jiko ado tumbuakan, lempeng lautan nan manganduang lapisan sedimen manyusup di bawahnyo lempeang banua. Proses ikoi lanteh dinamokan subduksi atau panyusupan.

Gunuang hasil subduksi, salah satunyo Gunuang Toba. Meski kini indak lai babantuak gunuang, siso-siso kadasahyatan latuihnyo masih tampak hinggo saat kini. Danau Toba marupakan kaldera nan tabantuak akibek malatuihnyo Gunuang Toba sakitar tigo kali nan patamo 840 ribu taun lalu dan nan tarakhia 74.000 taun lalu. Bagian nan talempa akibek latuihan tu mancapai lueh 100 km x 30 km. Daerah nan tasiso kamudian mambantuak kaldera. Di tangahnyo kamudian muncua Pulau Samosir.

Latuihan[suntiang | suntiang sumber]

Sebalumnyo Gunuang Toba parnah maleauih tigo kali.

  • Latuihan patamo tajadi sakitar 800 ribu taun lalu. Latuihan ikoi manghasilkan kaldera di selatan Danau Toba, maliputi daerah Prapat dan Porsea.
  • Latuihan kadua nan mamiliki kakuatan labiah ketek, tajadi 500 ribu taun lalu. Latuihan iko mambantuak kaldera di utara Danau Toba. Tapeknyo di daerah antaro Silalahi jo Haranggaol. Dari duo latuihan iko, latuihan katigolah nan paliang dashyat.
  • Latuihan katigo 74.000 taun lalu manghasilkan kaldera, dan manjadi Danau Toba kini jo Pulau Samosir di tangahnya.

Rujuakan[suntiang | suntiang sumber]

  1. (Inggirih) Chesner, C.A.; Westgate, J.A.; Rose, W.I.; Drake, R.; Deino, A. (March 1991). "Eruptive history of Earth's largest Quaternary caldera (Toba, Indonesia) clarified". Geology (Michigan Technological University) 19 (3): 200–203. doi:10.1130/0091-7613(1991)019<0200:EHOESL>2.3.CO;2. Bibcode1991Geo....19..200C. http://www.geo.mtu.edu/~raman/papers/ChesnerGeology.pdf. Diakses pado 20 Juni 2018.