Gunuang Marapi

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Marapi
Gunuang Marapi
ڬونوڠ ماراڤي
Marapi.jpg
Marapi in 2005
Katinggian2891 m (9485 ft)[1]
Puncak2116 m (6942 ft)
DaftarUltra
Ribu
Lokasi
Marapi is located in Indonesia
Marapi
Marapi
Sumatera Barat, Indonesia
JajaranBukik Barisan
Koordinat00°22′51.59″S 100°28′22.79″E / 0.3809972°S 100.4729972°E / -0.3809972; 100.4729972Koordinat: 00°22′51.59″S 100°28′22.79″E / 0.3809972°S 100.4729972°E / -0.3809972; 100.4729972[1]
Geologi
JinihGunuang barapi kompleks
Latuih taakiaPebruari 2014

Gunuang Marapi adolah sabuah gunuang api kompleks di Sumatera Barat, Indonesia. Gunuang ko adolah gunuang barapi nan paliang aktif di Sumatera Barat. Katinggiannyo mancapai 2891,3 meter (9485,9 ft). Babarapo kota pantiang talatak di sakitar gunuang ko, antaro lain Bukittinggi, Padang Panjang jo Batusangkar.

Manuruik tambo, di gunuang ko lah patamo-tamo niniak muyang urang Minang bamukim sasudah kapanyo basanda, nan dikiaskan konon kabanyo gunuang ko daulu sagadang talua itiak nan dikuliliangi aia lauik.[2] Ado banyak kubua batu nan tagak di sinan maarah ka gunuang, sabagai tando baso gunuang tu dianggap pantiang dek urang saisuak.[3]

Sajak 3 Agustus 2011, seismometer jo digital analog alah dipasang dek Pusek Vulkanologi jo Mitigasi Bencana Geologi (PVMBG).[4]

Lokasi[suntiang | suntiang sumber]

Gunuang marapi di Sumatera Barat barado di dalam duo buah kabupaten. Sabagian dari gunuang ko masuak ka dalam wilayah Kabupaten Tanah Datar dan sabagian nyo lai masuak kadalam willayah Kabupaten Agam. Tadapek duo buah kota nan jaraknyo dakek dari gunuang marapi ko, yaitunyo Kota Padangpanjang jo Kota Bukitinggi.[5] Salain itu, lokasi kabaradoan gunuang marapi ko dijadian pulo sabagai tampek konservasi babagai macam tumbuahan, binatang, jo aia nan tadapek di kawasan gunuang marapi. Kawasan konservasi gunuang marapi ko disabuik juo jo istilah TWA nan aratinyo Taman Wisata Alam gunuang marapi. Hal tasabuik alah ditetapkan dek pamarintah malalui Surek Kaputusan Menteri Lingkungan Hidup dan Kehutanan Nomor SK.599/Menlhk/Setjen/PLA.2/8/2016 tanggal 3 Agustus 2016 bahwasanyo kawasan TWA Gunuang Marapi ditatapkan fungsinyo dalam fungsi pokok kawasan Suaka Alam jo Kawasan Pelestarian Alam sabagai Taman Wisata Alam Gunuang Marapi di Kabupaten Agam jo Kabupaten Tanah Datar.[6]

Catatan latuihan[suntiang | suntiang sumber]

  • Pado tanggal 8 September 1830 dilaporkan Gunuang Marapi mangaluakan awan nan babantuak lobak kulabu kaitaman sataba 1.500 m di ateh kawahnyo, disaratoi jo suaro gamuruah[7].
  • Pado tanggal 30 April 1979, manuruik laporan pers disabuikan 60 urang maningga dek latuihan Gunuang Marapi dan disabuikan juo 19 urang dari tim panyalamaik taparangkok dek tanah galodo. Latuihan tasabuik dikatoan juo mangaluakan batu jo lumpua nan manyababan karusakan saketeknyo pado limo daerah kawasan pamukiman panduduak satampek[7].
  • Masuak akhia taun 2011 inggo awa taun 2014, Gunuang Marapi manampakan paningkekan aktivitasnyo malalui latuihan nan manyambuaan abu jo awan itam. Panah di akhia taun 2011 samburan abu tabaok angin bakilo-kilo jaraknyo inggo mancapai Kabupaten Padang Pariaman.
  • Tanggal 26 Februari 2014, Gunuang Marapi malatuih pado pukua 16.15 WIB, malapehan material pasia, tefra, jo abu vulkanik ka wilayah Kabupaten Tanah Datar jo Agam. Status gunuang ditatapkan Siaga (level 2) jo radius 3 km dari pusek kawah musti dikosongan. Indak ado evakuasi pado latuihan ko.

Caliak pulo[suntiang | suntiang sumber]

Rujuakan[suntiang | suntiang sumber]

  1. a b "Marapi". Global Volcanism Program. Smithsonian Institution. Diakses tanggal 2013-12-24. 
  2. Summerfield, Anne; Summerfield, John (1999). Walk in Splendor: Ceremonial Dress and the Minangkabau. UCLA. ISBN 0-930741-73-0. 
  3. Miksic, John (2004). "From megaliths to tombstones: the transition from pre-history to early Islamic period in highland West Sumatra". Indonesia and the Malay World. 32 (93): 191. doi:10.1080/1363981042000320134. 
  4. "Sejak Januari Gunung Marapi meletus 41 kali".
  5. "Marapi, Sumatera Barat". Kementerian ESDM. Diakses tanggal 08-01-2021. 
  6. KSDAE, Datin. "Inventarisasi dan Verifikasi Pemanfaatan Kawasan Konservasi Taman Wisata Alam Gunung Marapi - Ditjen Konservasi Sumber Daya Alam dan Ekosistem". ksdae.menlhk.go.id. Diakses tanggal 2021-01-08. 
  7. a b http://www.volcano.si.edu Laporan aktivitas Gunung Marapi

Pautan lua[suntiang | suntiang sumber]