Kota Padang

Dari Wikipedia baso Minang, ensiklopedia bebas
Lompek ka: navigasi, cari
Kota Padang
—  Sumatera 1rightarrow blue.svg Sumatera Barat  —
Pamandangan kota dari Gunung Padang
Lambang Kota Padang
Lambang
Motto: Padang Kota Tercinta
Kota Padang terletak di Indonesia
Kota Padang
Latak Padang di Indonesia
Koordinat: 0°57′0″S 100°21′11″E / 0.95°S 100.35306°E / -0.95; 100.35306
Nagara  Indonesia
Hari jadi 7 Agustus 1669
Pamarintahan
 • Wali kota Mahyeldi Ansharullah
 • Wakil wali kota Emzalmi
 • Katua DPRD Erisman
Area
 • Total 694.96 km2 (268.33 sq mi)
Populasi panduduak (2010)[1]
 • Panduduak 833,584 jiwa
Zona wakatu WIB (UTC+7)
Kode telepon +62 751
Kecamatan 11[2]
Desa/kelurahan 104
Laman web www.padang.go.id

Kota Padang marupokan kota nan paliang gadang di pasisia barat pulau Sumatera, sakaligus ibukota provinsi Sumatera Barat, Indonesia.

Namo kota iko, kini dirujuak juo sabagai sabutan lain untuak etnis Minangkabau. Salain itu digunokan pulo untuak manyabuik namo masakan khas suku iko nan biasonyo dikenal jo namo Masakan Padang.

Sajarah[suntiang | suntiang sumber]

Kato Padang dalam baso Minang dapek bamukasuik samacam padang nan panjang atau pun dapek juo untuak manunjuakan samacam lapangan tampek kota iko barado[3].

Manuruik Tambo, saedaran kota iko dulunyo marupoan bagian dari wilayah rantau nan didirian dek para parantau suku Minangkabau dari dataran tinggi atau darek. Tampek bamukim patamonyo adolah di pakampuangan nan ado di tapi selatan Batang Arau (di tampek nan kiniko banamo Subarang Padang).[4].

Kota Padang pada masa penjajahan Belanda.

Padang mulai bakambang samanjak tibonyo Vereenigde Oost Indische Compagnie (VOC) pado taun 1663 nan diiriangi jo migrasi panduduak Minangkabau dari kawasan luhak[5].

Padang mandapek piala Adipura untuak partamo kalinyo pado taun 1986 dari Presiden Soeharto dek prestasinyo manjadi salah satu kota nan barasiah di Indonesia. Salanjuiknyo di taun 1991 koto iko juo nan mandapekan piala Adipura Kencana[6].

Pado tanggal 30 September 2009, kota iko mandapek musibah gampo bakakuatan 7.6 Skala Richter, nan manyababkan kahancuran 25% infrastruktur nan ado di kota iko[7].

Geografi[suntiang | suntiang sumber]

Padang talatak di pantai barat pulau Sumatera, nan laweh kasadoalahan wilayahnyo 694,96 km² atau samo jo 1,65% dari laweh provinsi Sumatra Barat. 434,63 km² atau 60% marupoan daerah bukik-bukik jo hutan linduang, salabiahnyo adolah daerah efektif untuak koto.

Kapanduduakan[suntiang | suntiang sumber]

Padang marupoan koto jo jumlah panduduak paliang banyak di provinsi Sumatra Barat.

Taun 1819 1874 1930 1971 1980 1990 2008
Jumlah panduduak 8.500 25.000 52.054 195.912 480.607 631.263 856.815
Sajarah kapanduduakan Padang
Sumber:[5][8]

Etnis[suntiang | suntiang sumber]

Panduduak Padang sabagian gadangnyo adolah etnis Minangkabau. Etnis lain nan manjadi panghuni di koto iko diantaronyo Jawa, Cino, Nieh, Mantawai, Batak, Aceh jo Tamil.

Urang Minang di koto iko marupoan parantau dari daerah lainnyo nan ado di Sumatra Barat. Pado taun 1970, 43% dari saluruah panduduaknyo marupoan pandatang, dima 64% datang dari daerah-daerah lainnyo nan ado di Sumatra Barat. Samantaro itu pado taun 1990, 91% pandudak koto Padang barasa dari etnis Minangkabau[5].

Agamo[suntiang | suntiang sumber]

Panduduak Padang didominasi dek suku Minangkabau nan baragamo Islam, sadangkan pamaluak agamo lain nan ado di koto iko diantaronyo Kristen, Buddha jo Khonghucu.

Baragam tampek ibadah dapek basobok di koto iko salain musajik, gereja jo klenteng adojuo di koto Padang.

Rujuakan[suntiang | suntiang sumber]

  1. ^ "BPS: Jumlah Penduduk Sumbar 4.845.988 Jiwa ", (antara-sumbar.com), 1 September 2010.
  2. ^ Peraturan Pemerintah Republik Indonesia No. 17 Tahun 1980 tentang Perubahan Batas Wilayah Kotamadya Daerah Tingkat II Padang.
  3. ^ Colombijn, Freek. Paco-Paco (Kota) Padang. pp. 55. 
  4. ^ Colombijn, Freek. Paco-Paco (Kota) Padang. pp. 56. 
  5. ^ a b c Colombijn, Freek, (1996), Padang, Cities (Elsevier), Vol. 13, Issue 4, August 1996, pp. 281-288, doi:10.1016/0264-2751(96)00010-8. (Jurnal berbayar)
  6. ^ Pemda Tingkek II Kotamadya Padang, (1995), 326 taun Padang kota tercinta, 7 Agustus 1669-7 Agustus 1995: gerbang pariwisata Indonesia kawasan barat, Pemda Tingkat II Kotamadya Padang bekerja sama jo PT. Buana Lestari.
  7. ^ sirrma.bppt.go.id Bencana Gempa Bumi dan Kolateral Longsor dan Kebakaran di Sumbar (diakses pada 26 Juli 2010)
  8. ^ Kutipan rusak: Tag <ref> indak sah; indak ado teks untuak ref banamo BPS

Bacaan salanjuiknyo[suntiang | suntiang sumber]

  • Colombijn, Freek (2006). Paco-Paco (Kota) Padang: Sejarah Sebuah Kota di Indonesia pada Abad ke-20 dan Penggunaan Ruang Kota. Yogyakarta: Penerbit Ombak. 

Pautan lua[suntiang | suntiang sumber]

Templat:Koto Padang