Sipak rago

Wikipedia Minangkabau - Lubuak aka tapian ilimu


Sipak rago
Paraga, variasi sipak rago nan dikenal dek masyarakaik Bugih jo Makassar
Partamo dimainanMalaysia[1][2][3]
Data lengkap
Ulahrago kontak fisikIndak
Jumlah pamain5 hinggo 10 urang
KategoriDalam jo lua ruangan
ParalatanBola rotan, plastik karet sintetis
Dipatandiangkan di OlimpiadeIndak

Sipak rago (bahaso Indonesia: sepak raga) adolah olahraga tradisional Indonesia jo Malaysia, nan utamonyo bakambang di Nusantara Mode pamainannyo pado maso kini bakambang manjadi sipak takraw. Bedo sipak rago jo sipak takraw adolah panggunoan jaring atau net pado sipak takraw tapi indak ado pado sipak rago. Pamainan lainnyo nan sarupo sipak rago yakni voli kaki, bossaball, jo jianzi.

Pamain pado sipak rago ko muloi dari limo inggo sapuluah urang. Kutiko bamain, dibantuak bulek di padang nan tabuko, bamain bola jo kaki sarato teknik-teknik kusuih kamudian bola bapindah dari satu urang pamain ka pemain lain tanpo jatuah ka tanah. Bola nan digunoan dibuek kusuih dari daun karambia mudo atau kulik rotan nan dilapiah manggunoan tangan.[4]

Zaman saisuak, sipak rago indak dipatandiangan. Nilai-nilainyo pado mahianyo pamain dalam bamain bola sarato pamainnyo indak jatuah ka tanah. Tapi kini, pamainan sipak rago alah muloi ditandiangan kamudian alah ado kalompok-kalompok untuak sipak rago. Biasonyo, nan ka manang pado tandiang sipak rago ko marupoan kaputuihan juri sarato adonyo nilai-nilai tatantu.

Simak rago masih dimainan di babagai daerah di Nusantara. Selain di Sumatra Barat, sipak rago dikenal pulo di Riau jo namo rago tinggi dan Sulawesi jo namo paraga. Walaupun baitu, pamaianan ko alah mulai ditinggaan dek masyarakaik parkotaan mulai ditinggalkan oleh masyarakat.

Sijarah[suntiang | suntiang sumber]

Bola sipak rago

Sipak raga di Indonesia jo Malaysia dikenal di sajumlah daerah takah Kalimantan, Samananjuang Malaya, Sumatra, jo Sulawesi. Scarao umum, sipak rago marujuak pado pamaianan olahraga menggunakan bola nan tabuek dari kulik rotan. Dalam pamaianan iko, satiok pamain musti manunjuakan kamahiran dalam manangkok bola: pamain mamainan bola jo sado anggota badan kacuali tangan baik itu kaki, paho, dado, bahu, jo kapalo sarato harus mamastian bahasonyo bola indak jatuah ka tanah.[5][6][7]

Sipak rago manancap cukup dalam di masyarakaik Indonesia sahinggo manyebabkan namo sipak rago dipakai patamo kali untuak kato “voetbal” atau “sepak bola”. Saat Ir. Soeratin managakkan PSSI pado 1930, namo sipak ragilah nan dipakai, bukan sipakbola.[7]

Sipak rago di daerah[suntiang | suntiang sumber]

Minangkabau[suntiang | suntiang sumber]

Di Minangkabau zaman saisuak, paro pamudo bamain sipak rago di kampuang-kampuang pado patang ari untuak manggunoan wakatu kosoang sarato sabagai iburan. Rakyaik Minangkabau inggo kini picayo jikok pamainan tradisional mampunyoi nilai-nilai luhua nan musiti dibudayoan, co nilai-nilai karajo samo sarato musawarah, musiki kini rakyaik Minang bamain pamainan baru lain, Sipak Rago kini masiah ado, tautamo dek rakyaik Minang nan tingga di koto Padang dan saedaran-saedaran lain Minangkabau.

Di Minangkabau, pamainan sipak rago masih basobok di babarapo daerah. Dimainan dek anak laki-laki sabanyak 9 urang. Paralatan nan digunoan adolah bola nan tabuek dari anyaman rotan dengan diameter 15 cm. Pamianan iko dimainan di lapangan tabukak jo mambuek lingkaran dengan diameter 4,5 m. Kudian, lingkaran dibagi manjadi 9 titiak jo maagih tanda. Para pamain tagak di titiak masiang-masiang dan ciek urang tangah maumpan bola. Baik manarimo maupun maagih bola musti malalui kaki atau manyipak.[8][9]

Partandingan dibagi manjadi duo tahap, yaitu babak panyisihan disabuik trot jo babak final disabuik boko. Panilaian dilakuan tarhadap teknik jo gaya manyipak bola nan disabuik renten. Durasi pamainan salamo 15 menit atau 30 menit. Dapek dipapanjang kok dianggap paralu dek wasit.[8][9]

Bugih jo Makassar[suntiang | suntiang sumber]

Di Sulawesi Selatan, sipak rago disabuik jo marraga atau maddaga dek urang Biguh dan disabuik jo addaga dek urang Makassar. Di sininan, sipak rago digemari dek masyarakaik, utamonyo pamudo-pamudo bangsawan.[10] Bola nan dipakai sapinteh mirip jo bola takraw dek bantuak jo bahan bolanyo tabuek dari rotan. Namun, nan mambedoan antaro sipak takraw jo paraga adolah kok pado bola takraw hanyo disusun dalam ciek lapih rotan, mako bola paraga disusun dalam tigo lapih.[11]

Sipak raga di Sulawesi Selatan dimainan dek 6 sampai 7 orang, nan bapakaian khusus bamacam rono dan manggunoan saruang jo kain tutuik kapalo. Bola dimainan dek saurang pamain dengan baragam sipakan sampai manggunoan tangkuak jo kapalo. Pamaian manunjuakan kalincahan mereka dalam manyipak bola diiringi jo gandang, kudian maagihan boa ka pamain lainnyo nan manunggu sambia manari-nari. Sabagai puncaknyo, sado pamain mambuek bantuak takah “standen" dengan saurang pamain sambia mamainan bola naiak ke paha jo bahu kawannyo sampai ka puncak.[10]

Pa'sapu atau ikek kapalo adolah ciri khas pakaian nan dipakai dek oleh para pamain paraga. Sabuak kapalo dilapisi jo tapung kanji agar tetap tagak sangkek pamain paraga manyipak bola. Pakaian nan dipakai dek para pamaian paraga disabuik bela, sadangkan para musisi mamakai pakaian tatutuik. Indak lupo sarung sutra khas Bugih atau biaso disabuik lipa sabbe untuak malengkapi panampilan. Basanyo, pakaian barono tarang dipiliah untuak menarik paratian panonton.[11]

Daerah lainnyo[suntiang | suntiang sumber]

Sipak rago dikenal pulo di kawasan Malayu lainnyo karano pamaianan iko kamungkinan alah ado dari zaman Kasultanan Malayu. Di Riau dikenal jo nama rago tinggi, di Bengkulu banamo cepak, di Jambi banamo sepak rago.[10]

Di Pulau Nieh, sipak rago alah lamo pulo dimananan. Ado kajian nan manyabuik masyarakaik Nias pernah mamainan olahraga ma'raga (sarupo jo sipak raho). Pamainan sipak raho di Niaeh alah jarang dilaksanoan atau indak pernah basobok kini.[10]

Di Sumatera Utara, sopak rago bakambang di desa-desa Tapanuli bagian selatan. Aleh kaki dibuek dari kulik kambiang kariang nan diikaikan pado pagalangan kaki. Digunoan pulo kalopak daun (upih) pinang.[10]

Caliak juo[suntiang | suntiang sumber]

Rujuakan[suntiang | suntiang sumber]

  1. Dunsmore, Susi (1983). Sepak Raga. University of Michigan. p. 2. 
  2. Brown, Charles Cuthbert (1970). Sejarah Melayu; or, Malay annals: an annotated translation [from the Malay]. Oxford University Press. p. 89. 
  3. detikSport (2013-04-05). "Genealogi Sepakbola Indonesia (Bagian 1): Nusantara Bermain Bola". Detik.com (dalam bahasa Indonesia). Diakses tanggal 2021-02-18. 
  4. ukm.itb.ac.id Aneka Permainan dan Kesenian Anak Nagari di Minangkabau Archived 2011-08-02 di Wayback Machine.. Diakses pada 14 September 2011
  5. Aditya Widya Putri (2018-09-01). "Sepak Takraw yang Diperebutkan Indonesia, Malaysia, dan Thailand". Tirto.com (dalam bahasa Indonesia). Diakses tanggal 2021-01-26. 
  6. Shawn Kelley. "Takraw: A Traditional Southeast Asian Sport". Diarsipkan dari versi asli tanggal 10 July 2007. Diakses tanggal 30 July 2007. 
  7. a b detikSport (2013-04-05). "Genealogi Sepakbola Indonesia (Bagian 1): Nusantara Bermain Bola". Detik.com (dalam bahasa Indonesia). Diakses tanggal 2021-02-18. 
  8. a b "Sipak Rago". padangpariamankab.go.id (dalam bahasa Indonesia). Diarsipkan dari versi asli tanggal 2021-01-19. Diakses tanggal 2021-02-13. 
  9. a b "Permainan Sipak Rago Perlu Dilestarikan Sebagai Warisan Budaya". padangmedia.com (dalam bahasa Indonesia). Diakses tanggal 2021-02-18. 
  10. a b c d e Hanif, Achmad Sofyan (2021-02-09) (dalam bahaso id). Sepak Takraw Untuk Pelajar - Rajawali Pers. PT. RajaGrafindo Persada. https://books.google.com.au/books?id=utsaEAAAQBAJ&newbks=0&printsec=frontcover&pg=PA5&dq=%22sepak+raga%22&hl=en&redir_esc=y. 
  11. a b I Made Asdhiana (2013-01-05). "Paraga, Permainan dan Kesenian Tradisional Bugis". Kompas.com (dalam bahasa Indonesia). Diakses tanggal 2021-02-13.