Wikipedia:Artikel nan Tapiliah/2022
Diabetes melitus, DM, nan juo tanamo di Indonesia jo istilah panyakik kanciang manih atau panyakik gulo adolah kalainan metabolik nan dicirikan jo gejala tinggi gulo darah jangko lamo (hiperglikemia kronis) sarato gangguan metabolisme karbohidrat, lamak, jo protein, dek kurangnyo insulin nan dihasiakan tubuah (sekresi insulin), kaindakmampuan tubuah untuak mamanfaatkan insulin (insulin resistance), atau kaduonyo. Glukosa (gulo darah) dalam tubuah dikandalikan dek babarapo hormon. Hormon insulin nan dihasiakan organ pankreas bakarajo untuak maubah glukosa manjadi glikogen (bantuak dari cadangan energi) katiko kadar gulo darah tinggi. Sadangkan hormon glukagon nan dihasiakan otot bakarajo untuak memacah glikogen manjadi sumber energi tubuah katiko gulo darah randah. (salangkoknyo...)
Artikel nan Tapiliah sabalunnyo: Gambia – Bakaua – Sipak rago – Arbitrase
Mohammad Natsir (lahia di Alahan Panjang, Solok, Sumatera Barat, 17 Juli 1908 – maningga di Jakarta, 6 Februari 1993 pado umua 84 taun) adolah surang pajuang kamardekaan Indonesia, tokoh Islam, sarato politisi tanamo Indonesia. Natsir marupoan pardana mantari Indonesia nan kalimo. Natsir mulai mampalajari ajaran Islam nan mandalam sasudah pindah dari tampaik kalahiarannyo di Solok, Sumatera Barat ka Banduang untuak basikola di sinan. Tulisan-tulisannyo mulai ditabik-an sajak 1929, dan pado maso 1930-an, inyo manulih babarapo makalah nan batema Islami. Inyo masuak dunia politik pado patangahan 1930-an, paranannyo taruih batambah maningkek diantaro partai-partai Islam. Natsir adolah pamimpin partai Masyumi nan tanamo. Di bawah kapamimpinannyo, Masyumi dapek mahimpun sabagian gadang partai-partai nan baideologi Islam di bawah ciek payuang, sahinggo dapek mandapek-an suaro nan banyak dalam pemilu 1955. Pado 5 September 1950, inyo tapiliah manjadi pardana mantari, dan jabatan tu dipaciknyo sampai 26 April 1951. Salapeh indak manjabaik lai, inyo acok bana mausaoan paningkatan paran Islam jo otonomi daerah di Indonesia. (salangkoknyo...)
Artikel nan Tapiliah sabalunnyo: Diabetes melitus – Gambia – Bakaua – Sipak rago – Arbitrase
Musajik Rayo Gantiang (Indonesia: Masjid Raya Ganting) adolah masjid nan talatak di Kelurahan Ganting Parak Gadang, Kecamatan Padang Timur, Kota Padang, Sumatera Barat, Indonesia. Mulai dibangun pado taun 1805, masajik ko tacatat sabagai masajik tatuo di Padang jo salah satu nan tatuo di Indonesia sarato alah manjadi cagar budayo. Musajik nan pambangunannyo malibatkan baragam bangsa ko manjadi pusat pagerakan reformasi Islam di daerah ko pado abaik ka-19, jo presiden partamo Indonesia, Soekarno, pernah mangungsi ka masajik ko pado masa parjuangan kamerdekaan. Musajik ko tamasuak bangunan nan tatap utuh satalah galombang tsunami manarjang kota Padang jo sakitarnyo akibaik gampo bumi taun 1833, walaupun mangalami karusakan cukuik barek akibat gampo taun 2005 jo 2009. Kini ko, salain digunokan sabagai aktivitas ibadah umaik Islam, musajik ciek lantai ko juo digunokan untuak sarana pandidikan agamo jo pesantren kilat bagi palajar sarato manjadi.. (salangkoknyo...)
Artikel nan Tapiliah sabalunnyo: Mohammad Natsir – Diabetes melitus – Gambia – Bakaua – Sipak rago
Islam adolah agamo nan batuhan ka Allah SWT jo banabi ka Nabi Muhammad SAW. Kato Islam sacaro harafiah aratinyo "basarah diri (pado Tuhan)". Jo labiah dari satu saparampek miliar urang pangikuik di saluruah dunia, manjadian Islam sabagai agamo tagadang kaduo di dunia sasudah agamo Kristen. Islam punyo arati "panyarahan", iyolah panyarahan diri sapanuahnyo kapado Tuhan (Arab: الله, Allāh). Panganuik agamo Islam disabuik Muslim nan baarati "surang nan tunduak kapado Tuhan", atau labiah langkoknyo adolah Muslimin bagi laki-laki jo Muslimat bagi padusi. Islam dianuik jo mayoritas panduduak Indonesia, damikian pulo urang Minang kini ko baagamo Islam sajak masuaknyo agamo Islam ka Minangkabau. (salangkoknyo...)
Artikel nan Tapiliah sabalunnyo: Musajik Rayo Gantiang – Mohammad Natsir – Diabetes melitus – Gambia – Bakaua
Nepenthes rajah adolah spesies tumbuahan pariuak karo. Biaso tumbuah pado tanah lambok sarato banutrisi randah jo katinggian 1.500–2.600 mdpl. Spesies ko marupokan spesies paliang gadang diantaro tumbuahan pariuak karo dan juo di antaro sadoalah tumbuahan pamakan sarangga lainnyo. Binatang nan biaso dimangsonyo adolah samuik atau karanggo, tapi panah pulo ditamukan mancik nan alah satangah cerna dalam pariuaknyo. Tumbuahan ko marupokan tumbuahan pamakan sarangga asali Gunuang Kinabalu jo Gunuang Tambayukon di Sabah, Malaysia. Dek area tumbuahnyo nan tabateh, pariuak karo jinih ko didaftaran sabagai spesies tarancam punah dek International Union for Conservation of Nature (IUCN). N. rajah partamo kali ditamukan dek Hugh Low pado taun 1858 nan kudian dideskripsikan dek Joseph Dalton Hooker, nan maagiah namo tumbuahan ko manuruik gala nan disandang James Brooke sangkek tu, yaitu Rajo Kulik Putiah Sarawak partamo (White Rajah of Sarawak). (salangkoknyo...)
Artikel nan Tapiliah sabalunnyo: Islam – Musajik Rayo Gantiang – Mohammad Natsir – Diabetes melitus – Gambia
Sjafruddin Prawiranegara adolah pajuang kamardekaan Indonesia. Syafruddin parnah manjabat sabagai Ketua Pamarintahan Darurat Republik Indonesia (PDRI) katiko pamarentahan Republik Indonesia di Yogyakarta jatuah ka tangan Balando dalam Agresi Militer Balando II pado tanggal 19 Desember 1948. Syafruddin Prawiranegara parnah pulo sakali manjabat wakil pardana mantari, sarato manjabat mantari sabanyak tigo kali, iyolah Mantari Kauangan, Mantari Pardagangan jo Mantari Partanian Republik Indonesia. Salain itu, Syafruddin adolah urang nan partamo manjabat Gubernur Bank Sentral Indonesia pado taun 1951. Katiko manjabat Mantari Kauangan, karano kaadaan ekonomi nan kurang elok, Syafruddin mambuek kabijaksanaan moneter nan mambuek harago pitih manjadi tingga saparo. Kabijaksanaan nan dikarajoan dek Syafruddin tu dinamoan urang Guntiang Syafruddin. (salangkoknyo...)
Artikel nan Tapiliah sabalunnyo: Islam – Nepenthes rajah – Musajik Rayo Gantiang
Urang Ocu adolah etnik nan masih sarumpun jo Minangkabau nan barasa dari Kabupaten Kampar, Provinsi Riau. Panduduak asalinyo mangecek dalam bahaso Kampar (nan acok disabuik baso Ocu) nan marupokan salah satu dialek dalam baso Minangkabau nan mirip jo dialek nan dipakai di Luhak Limopuluah Koto. Sacaro etnis, sijarah, adaik, jo budayo, nyo dakek bana jo Minangkabau, khususnyo jo masyarakaik di Kabupaten Lima Puluh Kota. Inggo kini masih ado kontroversi tantang pangalompokkan urang Kampar sabagai etnik surang atau tamasuak dalam Minangkabau jo Melayu Riau.(salangkoknyo...)
Artikel nan Tapiliah sabalunnyo: Sjafruddin Prawiranegara – Islam – Nepenthes rajah – Musajik Rayo Gantiang
Keumalahayati, atau disingkek Malahayati, adolah surang laksamana padusi dari Kasultanan Aceh, nan dipakiroan iduik antaro akia abaik ka-16 inggo mulo abaik ka-17. Keumalahayati baparan pantiang dalam mamimpin angkatan lauik Aceh manjadi kakuatan nan disagani di Selat Malaka jo sakitarnyo, tamasuak dalam malawan Portugih, Balando, jo Inggirih nan mulai masuak ka Asia Tenggara pado maso tu. Keumalahayati mamimpin pasukan Aceh mangalahan kapa-kapa Balando di bawah pimpinan Cornelis de Houtman jo sudaronyo Frederick de Houtman pado taun 1599. Cornelis tabunuah dan Frederic manjadi tawanan. (salangkoknyo...)
Artikel nan Tapiliah sabalunnyo: Urang Ocu – Sjafruddin Prawiranegara – Islam – Nepenthes rajah
Saridjah Niung Bintang Soedibjo, labiah dikana jo namo lbu Soed, adolah surang pamusik jo pangarang lagu anak-anak Indonesia nan tanamo. Baliau dikataui alah mambuek indak kurang dari 200 lagu anak-anak populer salamo iduiknyo, bahkan Museum Rekor Indonesia lah mancatat karya baliau inggo 480 buah lagu. Salain manyanyi jo mancipta lagu batema patriotik jo untuak kanak-kanak, Ibu Soed dapek pulo mamainan biola; bahkan pado patamo kali lagu Indonesia Raya dinyanyian di Gedung Pemuda pado 28 Oktober 1928, baliau ikuik mairiangi jo biolanyo. Di sampiang bamusik, Ibu Soed pandai juo mambatik. (salangkoknyo...)
Artikel nan Tapiliah sabalunnyo: Keumalahayati – Urang Ocu – Sjafruddin Prawiranegara – Islam
Wikipedia:Artikel nan Tapiliah/Oktober 2022
Parang Salib (bahaso Latin: Expeditio Sacra, Jalajah Suci) iolah sarangkaian parang agamo nan didukuang Gareja Latin pado Abaik Patangahan. Manuruik pandangan umum, parang Salib iolah istilah untuak parang-parang di kawasan timur Lauik Tangah nan batujuan marabuik baliak Tanah Suci dari kakuasoan Islam, namun sabananyo istilah "parang Salib" ko digunoan pulo untuak parang-parang nan direstui Gareja di kawasan-kawasan lain. Istilah "Parang Salib" baru tanamo sajak taun 1760 Masehi.(salangkoknyo...)
Artikel nan Tapiliah sabalunnyo: Urang Ocu – Sjafruddin Prawiranegara – Islam – Nepenthes rajah
Parang Salib (bahaso Latin: Expeditio Sacra, Jalajah Suci) iolah sarangkaian parang agamo nan didukuang Gareja Latin pado Abaik Patangahan. Manuruik pandangan umum, Parang Salib iolah istilah untuak parang-parang di kawasan timur Lauik Tangah nan batujuan marabuik baliak Tanah Suci dari kakuasoan Islam, namun sabananyo istilah "Parang Salib" ko digunoan pulo untuak parang-parang nan direstui Gareja di kawasan-kawasan lain. Istilah "Parang Salib" baru tanamo sajak taun 1760 Masehi.(salangkoknyo...)
Artikel nan Tapiliah sabalunnyo: Urang Ocu – Sjafruddin Prawiranegara – Islam – Nepenthes rajah