Parang Salib

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Peta Mediterania Timur pado tahun 1135, mancaliakan wilayah nan dikuasoi tantara salib dan daerah sakaliliangnyo.

Parang Salib (bahaso Latin: Expeditio Sacra, Jalajah Suci) iolah sarangkaian parang agamo nan didukuang Gareja Latin pado Abaik Patangahan. Manuruik pandangan umum, parang Salib iolah istilah untuak parang-parang di kawasan timur Lauik Tangah nan batujuan marabuik baliak Tanah Suci dari kakuasoan Islam, namun sabananyo istilah "parang Salib" ko digunoan pulo untuak parang-parang nan direstui Gareja di kawasan-kawasan lain. Parang Salib manjadi-jadi dek karano baragam alasan, baiak untuak mambaranguih panyambahan barhalo jo ajaran sasek, untuak manyalasaian patikaian di antaro pihak-pihak nan samo-samo baragamo Kristen Katolik, ataupun untuak mancapai tujuan-tujuan politik jo panguasoan wilayah. Katiko partamo kali bakobar, parang-parang samacam ko alun disabuik "Parang Salib". Istilah "Parang Salib" baru tanamo sajak taun 1760 Masehi.

Pado 1095 Masehi, Paus Urbanus II maajak dunia Kristen untuak mangobarkan parang Salib Partamo dalam khutbahnyo pado Konsili Clermont. Liau maimbau sadolah hadirin untuak manyiapkan pasukan untuak manolong Kakaisaran Bizantium jo Kaisar Bizantium, Aleksios I, nan sangkek tu paralu tambahan pasukan guno untuak malawan urang-urang Turki nan alah bamigrasi ka barat dan alah manjajah Anatolia. Salah satu niaik nan ka dituju dek Sri Paus ioalah tajaminnyo kabebasan jo kaamanan paziarah-paziarah Kristen untuak baziarah ka tampek-tampek suci agamo Kristen di kawasan timur Lauik Tangah nan alah ditampeki kaum Muslim, namun ahli-ahli sijarah indak sapandapaik jo apokah jaminan akses bagi paziarah ko adolah motif utamo dari Sri Paus surang ataukah motif utamo dari pihak-pihak nan mananggapi imbauannyo. Mungkin sajo Sri Paus sabananyo baniaik untuak mampasatukan baliak balahan Timur jo balahan Baraik Dunia Kristen nan tapisah samanjak tajadinyo Skisma Timur-Barat pado 1054, sarato manjadikan dirinyo surang manjadi pamimpin tungga Gareja. Kamanangan partamo nan diraiah bala tantara Kristen dalam parang Salib babuah tagaknyo ampek Nagara Tantara Salib nan partamo di kawasan timur Lauik Tangah, yakni Kabupaten Edessa, Kepangeranan Antiokhia, Karajaan Yerusalem, dan Kabupaten Tripoli. Tanggapan nan sabana basumangaik dek imbauan Paus Urbanus dari sadonyo kalangan masyarakaik Eropa Baraik manjadi pangka bala bagi parang-parang Salib salanjuiknyo. Urang ramai manjadi sukarelawan tantara Gajera baarok ka diangkek basamo-samo ka sarugo dari Yerusalem atau mandapek ampunan dari Allah ateh sagalo dosonyo, samantaro sukarelawan nan lain turuik sarato manjadi Tantara Salib untuak mangarajoan kawajiban feodal, untuak kamuliaan jo kahoromatan, atau untuak kauntungan ekonomi dan politik.

Upayo duo abaik untuak mambebaskan Tanah Suci dari kaum Muslim barakhia jo kagagalan. Sasudah Parang Salib Partamo, masih bakobar anam Parang Salib gadang lai dan banyak parang Salib nan ketek-ketek. Sasudah benteng-benteng paliang muko Kristen Katolik nan tarakhia ditakaluakan pado 1291 Masehi, indak ado lai Parang Salib siap tu, tapi kauntuangan nan barasia dikumpuakan batahan labiah lamo di kawasan utara jo baraik Eropa. Parang Salib Wendi jo parang-parang salib nan dikobarkan dek Uskup Aguang Bremen barasia mampasatukan saluruah kawasan timur lauik Samananjuang Baltik sarato suku-suku di Mecklenburg dan Lausitz di bawah kandali pihak Kristen Katolik pado pangujuang abaik ka-12. Pado mulo abaik ka-13, Tarekaik Kasatria Teuton mandirikan sabuah Nagara Tantara Salib di Prusia dan monarki Parancih mamanfaatkan Parang Salib Albigensia untuak mampalaweh wilayah kuasoannyo sampai ka Lauik Tangah. Usaho-usaho Kasultanan Turki-Osmanli pado pangujuang abaik ka-14 ditanggapi pihak Kristen Katolik jo Parang-Parang Salib nan barakhia jo kakalahan bala Tantara Salib di Nikopolis pado 1396 jo di Varna pado 1444. Eropa di bawah kandali pihak Kristen Katolik tapuruak dalam kondisi kacau-balau, dan babak tarakhia dalam pasalisiahan Kristen–Islam ditandoi dek duo kajadian gadang: jatuahnyo Konstantinopel ka tangan Kasultanan Turki-Osmanli pado 1453, jo kamanangan akhia Spanyol dek bangso Moro jo takaluaknyo Granada pado 1492. Gagasan parang Salib taruih iduik, sakurang-kurangnyo dalam wujuik Tarekaik Kasatria Hospitalis, sampai akhia abaik ka-18, namun minat urang Eropa Barat alah baraliah ka Dunia Baru.

Ahli sijarah modern babeda pandapaik tantang Tantara Salib. Dek sabagian sijarawan, karajo-karajo Tantara Salib indak sajalan jo tujuan mulia nan samulo didanguang-danguangkan, dan indak sajalan jo kaputusan limbago kapausan salaku pandu akhlak Dunia Kristen, bak cando nan dibuktikan dek fakta baso Sri Paus adokalonyo manjatuahan hukuman pangucilan ka bakeh Tantara Salib. Bala Tantara Salib dalam pagarikannyo acokkali malakukan aksi panjarahan, dan pado umumnyo panglima-panglima Tantara Salib batahan manguasoi wilayah nan alah irabuik, aliah-aliah mambaliakannyo ka Kakaisaran Bizantium. Salamo bakobarnyo Parang Salib Rakyaik, ribuan urang Yahudi tabunuah dalam aksi sanga nan kini disabuik sabagai Kajadian Pambantaian Rheinland. Konstantinopel dijarah saabih tandeh salamo Parang Salib Kaampek. Walau baitu, parang Salib badampak banyak bagi paradaban Dunia Barat: parang-parang iko mambukak baliak parairan Lauik Tangah untuak kagiatan niago jo palayaran (mamungkinkan bakambangnyo Genova jo Venesia); mambangun jati diri Gareja Latin di bawah kapemimpinan Sri Paus; sarato manjadi sumber kisah-kisah kapahlawanan, parilaku kasatria, jo kasalehan nan manjiwai roman, filsafat, jo sastra abaik Patangahan. Parang Salib juo mampakukuah patalian antaro Dunia Kristen Barat, feodalisme, dan militerisme.

Terminologi[suntiang | suntiang sumber]

Manuruik bahaso Indonesia Istilah "Parang Salib" marupokan tajamahan dari frasa Arab "Hurubus Salibiyah" (bahaso Arab: حَرْب الصليبية‎). Istilah "Parang Salib" mulo-mulo digunokan sabagai istilah untuak ekspedisi militer ka Tanah Suci nan dilakukan dek umat Kristen Eropa pado abad ka-11, abad ka-12, jo abad ka-13. Salanjuiknyo mangalami parluasan makna sehinggo digunokan pulo istilah sabuaikan untuak kampanye-kampanye militer lain nan didukuang jo adokalanyo diarahkan dek Gereja Katolik untuk mamarangi kaum pagan, mambarantas kaum bidah jo untuak makasuik lain nan konon katonyo demi syiar agamo.[1]Parang Salib dibedakan dari parang-parang agamo Kristen lainnyo. Urang-urang nan ikuik didalamnyo mayakini pajuangannyo sabagai ampunan dari sagalo doso nan alah diakui.[2] Panggunoan istilah "Parang Salib" bisa sajo mambuek kesalahpahaman. Urang mungkin manyamoratoan sadolah Parang Salib, bahkan keliru manyangko basonyo Parang Salib ko adolah parang Kristen-Islam sarupo parang-parang Salib patamo. Definisi Parang Salib masih manjadi pokok padebatan takaik historiografi di kalangan sijarawan dewasa ko.[3][4]

Katiko Parang Salib I malatuih, istilah "Parang Salib" alun dikana urang. Kampanye militer umat Kristen wakatu itu disabuik jo "lawatan" (bahaso Latin: iter) atau "ziarah" (bahaso Latin: peregrinatio). Parang-parang nan dapek restu Gereja ko baru dikaikan jo istilah "salib" sasudah kata "crucesignatus" (urang nan diagiah tando salib) dari bahasa Latin mulai digunoan pado akhia abaik ka-12.[5] Manuruik Kamus Bahasa Inggirih Oxford, etimologi kato "crusade" (istilah Inggirih untuak "Parang Salib") babakikan jo kato croisade dalam baso Parancih modern, croisée dalam baso Parancih kuno, crozada dalam baso Provençal, cruzada dalam baso Portugis jo Spanyol, sarato crociata dalam baso Italia. Sadolah kato ko marupoan turunan dari kato cruciāta atau cruxiata dalam baso Latin Abaik Patengahan nan mulonyo punyo arti "menyiksa" atau "menyalibkan", namun sajak abaik ka-12 artinyo bararti "mambuek tando salib".[6]

Parang Salib di Tanah Suci biasonyo dipilah-pilah manjadi sambilan parang nan babeda, mulai dari Parang Salib pertamo (1095–1099) sampai ka Parang Salib kasambilan (1271–1272). Pamilahan manjadi sambilan parang ikolah nan digunokan dek sejarawan Charles Mills dalam karya tulisnyo nan bajudul History of the Crusades for the Recovery and Possession of the Holy Land (1820), jo acok bana digunokan sabagai bantuak pamilahan nan paliang mudah, meskipun baitu sabananyo masih ado diperdebatkan. Parang Salib kelimo jo kaanam nan dipimpin dek Kaisar Friedrich II dapek sajo dianggap sabagai sakali paparangan,baitu pulo Parang Salib kadelapan jo kasambilan nan dipimpin dek Rajo Louis IX.[7]

Istilah Parang Salib, dapek sajo dimaknai sacaro babeda, tagantuang pado pandangan panulih yang manggunokannyo. Giles Constable manjabarkan ampek suduik pandang babeda di kalangan para pangkaji sijarah sabagai barikuik:[8]

  • Sudik pandang kaum tradisionalis. Suduik pandang iko mambatasi pangartian parang salib sabagai parang-parang yang dilakukan dek umat kristen di tanah suci samanjak 1095 sampai 1291, "baiak untuak manolong umat kriten di nagari ini maupun untuk mamerdekakan Yerusalem dan makam suci dari panjajahan".[9]
  • Sudik pandang kaum pluralis. Suduik pandang iko manggunoan istilah parang salib sabagai sabutan bagi sagalo macam aksi militer yang direstui sacaro tabuka dek paus yang sadang manjabaik.[10] Pemaknaan sarupo iko mancarminkan pandangan gareja katolik Roma (tamasuak tokoh-tokoh abaik patangahan pado maso parang salib sarupo Santo Bernardus dari Clairvaux) bahwasanyo satiok parang yang direstui dek Sri Paus dapek disabuik sacaro sah sabagai parang salib, tanpa mambeda-bedakan sabab, alasan ataupun tampeknyo. Defenisi yang lueh iko mancangkup pulo aksi-aski panyerangan tahadok kaum panyembah barhala jo ahli bidah sarupo Parang Salib Aragon di Sisilia, parang salib yang yang dimaklumkan Sri Paus Inosensius III tahadok Markward dari Anweiler pado 1202,[11] jo dimaklumkan tahadok urang-urang Stedingen, babarapo parang salib yang dimaklumkan (dek paus-paus yang babeda) tahadok Kaisar Friedrich II sarato putra-putranyo,[12] duo parang salib yang dimaklumkan tahadok para panentang Rajo Henry III dari Inggirih,[13] dan aksi panaklukan kambali Samananjuang Iberia dek umat kristen.[14]
  • Suduik pandang kaum generalis. Suduik pandang iko mamandang parang salib sabagai sagalo macam parang suci yang bakaitan jo Gareja Latin dan yang dilakukan sabagai tindakan bela ugamo.
  • Suduik pandang popularis. Suduik pandang iko mambatasi pangartian parang salib sabagai parang-parang yang bacirikan gerakan khalayak rami dengan alasan kaugamoan, yaitu hanyo parang salib I, dan mungkin pulo parang salib rakyat.[8]

Panulisan sijarah[suntiang | suntiang sumber]

Salamo maso Reformasi Protestan jo Kontra Reformasi pado abaik ka-16, para sejarawan mamandang Parang-parang Salib malalui kacomato kayakinan religius masiang-masiang. Kaum Protestan mamandangnyo sabagai suatu wujud dari kejahatan kepausan, kaum Katolik mamandangnyo sabagai pamasoan kekuatan demi kebaikan.[15] Para sejarawan Abad Pencerahan cenderung mancaliak Abaik Patangahan sacaro umum jo khusus sabagai upayo dari budaya-budaya barbar nan didorong dek fanatisme.[16] Katiko awal periode Romantik pado abaik ka-19, pandangan kareh tahadok parang-parang Salib jo zamannyo alah malunak;[17] kailmuan di kudian hari pado abaik tu manakanan pengkhususan jo detail.[18]

Para akademisi Abaik Pencerahan dari abaik ka-18 jo para sejarawan Barat modern mengungkapkan kemarahan moral dek perilaku para anggota Laskar Salib. Pado tahun 1950-an Steven Runciman manulih, "Cita-cita nan tinggi ternoda dek kekejaman jo keserakahan ... Parang-parang Suci indak labiah dari suatu tindakan intoleransi nan lamo dalam nama Allah".[19] Abaik ka-20 dihasilan tigo tulisan sijarah tentang Parang-parang Salib dek Runciman, René Grousset, jo suatu karya dari sajumlah panulis nan disuntiang dek K. M. Stetton.[20] Salamo abaik tu, dikambangan duo definisi takaik parang-parang Salib, diantaronyo mancakup sadolah upaya nan dipimpin dek paus di Asia Barat jo Eropa, namun sejarawan Thomas Madden manulih, "Parang salib, nan patamo jo paliang utamo, marupoan suatu parang tahadok kaum Muslim demi membela iman Kristen ... Mereka mamulainyo sabagai suatu akibaik dari panaklukan kaum Muslim atas wilayah-wilayah kaum Kristen." Madden menulisan basonyo tujuan dari Paus Urbanus adolah "umat Kristen dari Timur harus bebas dari kondisi-kondisi nan mamaluan jo kejam di bawah kakuasaan Muslim."

Sasudah jatuahnyo Akko pado taun 1291, dukungan Eropa untuak Parang-parang Salib taruih balanjuik walaupun ado kritikan dari banyak urang di zaman tu (misalnyo Roger Bacon, nan picayo basonyo parang-parang tu indak efektif: "Urang-urang nan batahan iduik, basamo jo anak-anaknyo marupoan urang nan labiah sakik hatinyo dek iman Kristen").[21] Manuruik sejarawan Norman Davies, Parang-parang Salib batantangan jo Perdamaian dan Gencatan Senjata demi Allah nan didukuang dek Paus Urbanus jo mampakuek hubungan antaro militerisme, feudalisme, jo dunia Kristen Barat. Pembentukan ordo-ordo religius militer mangajuikan kaum Bizantium Ortodoks, Laskar Salib manjarah negara-negara nan dilaluinyo dalam pajalanannyo ka timur. Dek malanggar sumpahnyo untuak mambaliakan wilayah ka kaum Bizantium, urang-urang tu acok mampatahanan wilayah tu untuak punyonyo surang.[22][23] Awal mulo Parang Salib Rakyat mamprakarsai tajadinyo suatu pogrom di Rhineland jo pambantaian ribuan urang Yahudi di Eropa Tafngah; salamo abaik ka-19 akhir, parang salibko digunoan dek sajumlah sejarawan Yahudi untuak mandukuang Zionisme.[24] Parang Salib Ka-ampek mambue tajadinyo parampokan atas Konstantinopel, sahingga sacaro efektif mangakhiri sagalo kesempatan mandamaian Skisma Timur–Barat jo manyebaban jatuahnyo Kekaisaran Bizantium ka kakuasaan Ottoman. Para sejarawan Abaik Pencerahan mangkritik salah sasarannyo Parang-parang Salib khususnyo Parang Salib Ka-ampek nan manyarang suatu kakuasaan Kristen (Kekaisaran Bizantium) bukannyo kakuasaan Islam. David Nicolle manyabuikan basonyo kontroversi Parang Salib Ka-ampek dalam "pengkhianatan" dek Bizantium dalam karyanyo, jo dalam The History of the Decline and Fall of the Roman Empire Edward Gibbon manulisan basonyo upayo-upayo Laskar Salib akan labih efektif kalau memelokan negara-negaranyo surang.[25]

Latar balakang[suntiang | suntiang sumber]

Sasudah pasukan Muslim mangalahan Bizantium dalam Pertempuran Yarmuk pado tahun 636, Palestina barado di bawah kendali Kekhalifahan Umayyah, Abbasiyah, jo Fatimiyah.[26][27][28] Hubungan politik, perdagangan, jo toleransi antaro negara-negara Arab jo Kristen Eropa mangalami pasang suruik hinggo tahun 1072, katiko Fatimiyah kahilangan kendali atas Palestina jo baraliah ka Kekaisaran Seljuk Raya nan berkembang pesat.[29] Kendati kalifah Fatimiyah Al-Hakim bi-Amr Allah mamarintahan panghancuran Gereja Makam Kudus, panaruihnyo maizinan Kekaisaran Bizantium untuak mambangunnyo baliak.[30] Para panguaso Muslim maizinan peziarahan dek umaik Katolik ka tampek-tampek suci. Para pemukim Kristen dianggap sabagai dzimmi jo perkawinan campur indaklah jarang tajadi.[31] Budaya jo kayakinan hiduik badampingan dan saling basaing, tapi kondisi-kondisi daerah parbatasan indak bersahabat bagi para padagang jo peziarah Katolik.[32] Gangguan atas peziarahan dek panaklukan bangsa Turk Seljuk mamicu dukungan bagi Parang-parang Salib di Eropa Barat.[33]

Kakaisaran Bizantium malakuan ekspansi wilayah pado awal abaik ka-10 malalui Basilius II nan maabihan sabagian gadang kakuasaannyo salamo satangah abaik jo malakukan babagai panaklukan. Meskipun inyo mawarisan paningkatan harato benda, inyo manelantarkan urusan-urusan domestik jo mangabaian tugas untuak manggabuangan hasil-hasil panaklukannyo ka dalam ekumene Bizantium. Indak ado satu pun panaruih Basilius nan mamiliki bakat politik atau militer, sahinggo tugas mangatur Kakaisaran samakin banyak disarahan kapado palayanan sipil. Upayo-upayo mereka untuak mambaliakan parekonomian Bizantium ka dalam kamakmuran bahkan mamicu inflasi. Untuak manyaimbangan anggaran nan samakin indak stabil, tantaro tetap Basilius dibubaran dan tantarp thematik-nyo digantian jo tagmata. Saduah kakalahan pasukan Bizantium pado tahun 1071 dalam Pertempuran Manzikert, bangso Turk Seljuk manguasai hampiang kadadoalahan Anatolia jo kakaisaran tersebut acok bana mangalami parang saudara.[34]

Panaklukan baliak Semenanjung Iberia dari kakuasaan kaum Muslim dimulai pado abaik ka-8, mancapai titiak baliaknya dengan dirabuinyo baliak Toledo pado tahun 1085.[35] Kandati dalam Konsili Clermont tahun 1095[36] Paus Urbanus II alah mampabandiangan paparangan Iberia jo Perang Salib Patamo nan dimaklumannyo, tapi status parang salib baru didapek malalui ensiklik Paus Kallistus II tahun 1123.[37] Sasudah ensiklik iko, kapausan tersebut manyatoan parang-parang salib Iberia pado tahun 1147, 1193, 1197, 1210, 1212, 1221, jo 1229. Hak-hak istimewa Laskar Salib juo diagiahan kapado mereka nan mambantu ordo-ordo militer utamo (Kesatria Templar jo Kesatria Hospitalis) sarato ordo-ordo Iberian nan pado akhianyo bagabuang jo kaduo ordo utamo: Ordo Calatrava jo Ordo Santiago. Dari tahun 1212 hinggo 1265 karajaan-karajaan Kristen Iberia manyasak kaum Muslim sampai ka Keamiran Granada di ujuang selatan samananjuang tersebut. Pado tahun 1492 kaamiran iko ditaklukan, kaum Muslim jo Yahudi tapaso kalua dari samananjuang tersebut.[38]

Ciek kepausan reformis nan agresif mangalami silang sangketo jo monarki-monarki sekuler Barat dan Kekaisaran Timur, manyebabkan Skisma Timur–Barat[39] dan Kontroversi Penobatan (nan dimulai sakitar tahun 1075 dan balanjuik salamo Parang Salib Patamo). Kepausan tersebut mulai manegaskan kamerdekaannyo dari paro panguaso sekuler jo manyusun alasan-alasan panggunaan kakuatan basanjato sacaro tapek dek kalangan Katolik. Hasilnyo adolah kasalehan nan kaku, ciek minat dalam hal-hal agamo, sarato propaganda agamo nan maanjuran ciek parang nan bana untuak marabuik baliak Palestina dari kaum Muslim. Pandangan mayoritas adolah bahaso umaik non-Kristen indak dapek dipaso untuak manarima baptisan Kristen atau disarang sacaro fisik dek mamiliki iman nan babedo, tapi ado kaum minoritas nan mayakini bahaso konversi paso jo pambalasan dapek dibenarkan dek panolakan atas pamarentahan jo iman Kristen.[40] Partisipasi dalam parang mode itu dipandang sabagai ciek bantuak penitensi nan ma dapek mangganti karugian akibaik doso.[41] Di Eropa, bangso Jerman malakuan ekspansi jo mangorbanan bangso Slavia[42] jo Sisilia ditaklukan dek saurang patualang Norman banamo Robert Guiscard pado tahun 1072.[43]

Sijarah[suntiang | suntiang sumber]

Parang Salib I (1096–1099) jo akibaiknyo[suntiang | suntiang sumber]

Rute Perang Salib Pertama di Asia.

Pado tahun 1095, Paus Urbanus II di Roma manarimo saurnag utusan Kaisar Bizantium Alexius I dari Konstantinopel yang mancari bantuan darurat untuak manghadapi ancaman bangso Turk. Paus tasabuik batindak capek ddengan malangsuangkan suatu parang salib dengan tujuan mangamankan akses manuju tampek-tampek suci. Sajarawan Paul Everett Pierson mangatokan kalau inyo juo "baharok bahwa jika Laskar Salib mambantu Gereja Timur dengan mangalahkan bangso Turk, Gereja akan basatu baliak di bawah kapamimpinannyo"."[44] Karano tarinspirasi dek katubah Paus Urbanus II, Peter sang patapa mamimpin sabanyak 20.000 urang, sabagian gadang patani, manuju Tanah Suci dak lamo satalah Paskah tahun 1096.[45] Katiko mereka tibo di Jerman pado musim semi tahun 1096, kasatuan-kasatuan Laskar Salin mamulai pambantaian Rhineland di kota Speyer, Worms, Mainz, dan Cologne, kendati ado upayo-upayo dek para uskup Katolik untuak malindungi urang-urang Yahudi. Para pamimpin utamanyo, misalnyo Emicho jo Peter sang Patapa. Aktivitas anti-Yahudi iko mampunyoi kisaran yang laweh, mulai dari kakarasan spontan sacaro tabateh sampai jo serangan militer skala penuah tahadok komunitas-komunitas Yahudi di Mainz jo Cologne.[46] Hal sarupo iko marupoan paristiwa gadang partamo takaik kakarasan anti-Yahudi di Eropa, jo dikutip dek kaum Zionis pado abaik ka-19 sabagai kabutuhan akan suatu negara Yahudi.[47] Katiko kalompok tasabuik sampai di Kakaisaran Bizantium, Kaisar Alexius mandasak mereka agar manunggu para bangsawan barat, tatapi mereka basikereh untuak malanjuikkan dan jatuah dalam suatu panyergapan dek bangsa Turk di lua kota Nicea, dimano hanyo sakitar 3.000 urang yang barasil maloloskan diri.[48]

Laskar Salib yang resmi barangkek dari Prancis jo Italia pado bulan Agustus jo September 1096. Sajumlah besar pasukan tasabuik dibagi manjadi ampek bagian, yang mano malakukan pajalanan sacaro tapisah manuju Konstantinopel.[49][50] Jiko mampahituangkan urang-urang salain pajuang, pasukan barat mungkin bajumlah sabanyak 100.000 urang.[51] Para pasukan tasabuik malakukan pajalanan ka arah timua lewat jalan darek manuju Konstantinopel, dimano mereka manarimo sambutan kahati-hatian dari sang Kaisar Bizantium.[52] Pasukan utamonyo, kabanyakan tadiri dari kasatria Norman jo Prancis di bawah kapamimpinan para baron, bajanji untuak mangambalikan wilayah-wilayah yang ilang kapado kakaisaran tasabuik dan mereka babaris manuju salatan malalui Anatolia.[53][54][55] Para pamimpin Parang Salib Pertamo iko misalnyo Godefroy dari Bouillon, Robert Curthose, Hugues I dari Vermandois, Baudouin dari Boulogne, Tancred dari Hauteville, Raymond IV dari Toulouse, Bohemond dari Taranto, Robert II dari Flandria, dan Étienne, Comte Blois. Rajo Prancis jo Heinrich IV, Kaisar Romawi Suci, saat itu sadang dalam konflik samo sang Paus sahinggo indak ikuit bapartisipasi dalam parang salib.[56]

Laskar Salib awalnyo baparang malawan bangso Turk dalam Pangapungan Antiokhia yang balangsuang cukuik lamo, dimulai sajak bulan Oktober 1097 jo berakhir Juni 1098. Ketiko mereka mamasuki Antiokhia, Laskar Salib mambantai panduduak Muslim dan manjarah kota tasabuik. Namun sajumlah gadang pasukan Muslim yang dipimpin dek Kerboga capek mangapuang Laskar Salib, yang katiko itu berado di dalam Antiokhia. Bohemond dari Taranto berasil marapekan baliak barisan Laskar Salib dan mangalahkan Kerboga pado tanggal 28 Juni.[57]

Bohemond samo pasukannyo tatap mamacik kandali ateh kota tasabuik, kendati alah bajanji mambaliakan kepado Alexius.[58] Sabagian gadang dari anggota Laskar Salib yang tasiso bagerak manuju salatan, bapindah dari ciek kota ka kota lainnyo di sapanjang pasisia tasabuik, dan akhirnyo tibo di Yerusalem pado tanggal 7 Juni 1099 dengan hanyo sabagian ketek dari kakuatan mereka yang semulo.[59]

Kaum Yahudi jo Muslim bajuang bersamo-samo untuak mampatahankan Yerusalem dalam manghadapi invasi kaum Franka itu, tatapi Laskar Salib berasil masuak ka dalam kota tasabuik pado tanggal 15 Juli 1099. Mereka mulai malakukan pambantaian panduduak sipil Muslim jo Yahudi, sarato manjarah atau manghancuakan musajik-musajik atau kota itu sandiri.[60] Dalam Historia Francorum qui ceperunt Iherusalem karyanya, Raymond D'Aguilers maninggikan tindakan-tindakan yang mano akan dianggap sabagai kakajaman dari suatu suduik pandang moderen.[61] Sabagai akibaik dari Parang Salib Partamo, tacipta empek negara bantukan Laskar Salib yang utamo: Edessa, Antiokhia, Tripoli, jo Yerusalem.[62] Pado suatu tingkatan populer, Parang Salib Pertamo dianggap malapehkan suatu galombang berang Katolik yang saleh dan emosional, yang mano diungkapkan dalam pambantaian urang-urang Yahudi yang mengiringi parang-parang salib tasabuik[63] dan palakuan kejam ateh kaum Kristen Ortodoks "skismatik" dari timua.[64]

Satelah Parang Salib Pertamo balangsuang yang keduo, parang salib yang kurang berasil dan disebuik Parang Salib 1101, dimano bangsa Turk yang dipimpin dek Kilij Arslan I mangalahkan Laskar Salib dalam tigo patampuran tapisah.[65]

Abaik ka-12[suntiang | suntiang sumber]

Miniatur Rajo Philippe II dari Prancis katiko tibo di Tanah Suci.

Pado awal abaik ka-12, praktik parang salib dengan skala nan labiah ketek taruih bakacamuak. Paus Kallistus II mamakluman Parang Salib Venesia nan balangsung pado tahun 1122–1124;[66] kunjungan Foulques V, Comte Anjou, pado tahun 1120 jo 1129 sarato Konrad III dari Jerman pado tahun 1124 manghasilan pangakuan atas Kesatria Templar dek Paus Honorius II. Pemberian indulgensi dek Paus Innosensius II pado tahun 1135 atas katerlibatan dalam parang salib bagi mereka nan manantang musuah-musuah kepausan dipandang dek babarapo sijarawan sabagai awal mulo parang-parang salib nan bamotif politik.[67] Negara-negara bentukan Laskar Salib pado awalnyo aman, tapi Imad ad-Din Zengi, sasudah ditunjuak sabagai gubernur Mosul pado tahun 1127, marabuik Aleppo pado tahun 1128 jo Edessa (Urfa) pado tahun 1144.[68] Kakalahan-kakalahan iko manyababan Paus Eugenius III mamakluman parang salib lainnyo pado tanggal 1 Maret 1145.[69] Parang salib baru iko didukuang dek babagai pangkhotbah, nan paling tanamo iolah Bernardus dari Clairvaux.[70] Para pasukan dari Prancis jo Jerman, masiang-masiang dipimpin dek Raja Louis VII jo Konrad III, bajalan manuju Yerusalem pado tahun 1147 dan juo malakuan pangapungan atas Damaskus, tapi gagal mandapek ciek alah pun kamanangan penting.[71] Samantaro itu, sapasukan Laskar Salib dari Eropa utara baranti di Portugal jo basakutu dengan rajo Portugal, yakni Afonso I, untuak marabuik baliak Lisbon dari kaum Muslim pado tahun 1147.[72] Satu detasemen dari Laskar Salib iko mambantu Comte Ramón Berenguer IV dari Barcelona untuak manaklukan kota Tortosa pado tahun barikuiknyo.[73]

Di Tanah Suci, baik rajo Prancis maupun Jerman alah baliak ka negara mereka surang-surang pado tahun 1150 tanpa ado ciek alah pun parubahan berarti. Bernardus dari Clairvaux, nan malalui khotbah-khotbahnyo mandorong kaikuiksertaan dalam Parang Salib Kaduo, kecewa jo tajadinyo kakerasan jo pambantaian terhadap panduduak Yahudi di Rhineland.[74] Pado tahun 1172 Heinrich sang Singa, Adipati Sachsen, malakuan ciek peziarahan nan terkadang dianggap sabagai suatu parang salib.[75] Pado wakatu nan samo, bangsa Saxon jo Dane baparang malawan urang Wendi dalam Parang Salib Wendi. Kaum Wendi mangalahan Dane; Saxon indak maagiah kontribusi nan cukuik signifikan dalam parang salib tersebut.[76] Parang-parang salib taruih balanjuik padahal indak ado bulla kepausan resmi nan dikaluaan untuak maagiah wewenang balangsungnyo parang-parang salib baru.[77] Heinrich mamulai baliak upayo untuak manaklukan kaum Wendi pado tahun 1160, dan mereka kalah pado tahun 1162.[78]

Saladin mambangun suatu kasatuan kakuatan oposisi dan mambarikan ancaman baru kapado negara-negara Latin.[79] Satalah kamanangannyo di Pertempuran Hattin, inyo dengan mudah mangalahkan Laskar Salib yang tacarai barai pado tahun 1187 dan marabuik baliak Yerusalem pado tanggal 29 September tahun itu. Saraik-saraik pajanjian diatua dan kota itu manyarah; Saladin mamasuki kota pado tanggal 2 Oktober.[80] Manuruik Benediktus dari Peterborough, Paus Urbanus III maningga dunia karano kasadihan yang mandalam pado tanggal 19 Oktober 1187 satalah mandanga barita takaik kakalahan tasabuik.[81] Pado tanggal 29 Oktober Paus Gregorius VIII mangaluakan sabuah bulla kepausan, Audita tremendi, yang mamaklumkan dilangsuangkannyo Parang Salib Ketigo. Friedrich I, Kaisar Romawi Suci, Philippe II dari Prancis, jo Richard I dari Inggris barancano untuak marabuik Yerusalem baliak dan mereka mengorganisir pasukan masiang-masiang. Friedrich maningga dalam pajalanan ka Yerusalem; babarapo pasukannyo dapek mancapai Tanah Suci. Duo pasukan lainnyo barasil sampai tetapi dilando patngkaran politiak. Philippe baliak ka Prancis, maninggakan sabagian gadang pasukannyo. Richard menakluakkan Pulau Siprus dari kaum Bizantium pado tahun 1191 karano para korban kapal karam tamasuak saudarinyo ditawan oleh panguaso pulau itu, Isaakius Komnenos.[82] Inyo kamudian merebut kembali kota Akko setelah suatu pengepungan yang lama. Laskar Salib melakukan perjalanan ke selatan di sepanjang pantai Mediterania, mengalahkan kaum Muslim di dekat Arsuf, dan merebuik baliak kota palabuhan Yafo. Mereka alah barado di dakek Yerusalem, tetapi kakurangan pabakalan mamaso mereka untuak mengakhiri parang salib ini tanpa marabuik Yerusalem.[83] Richard maningga pado tahun barikuiknyo satalah manegosiasikan suatu pajanjian jo Saladin. Katantuan-katantuan itu mangizinkan kaum Katolik yang indak basanjato untuak baziarah ka Yerusalem dan maizinkan para padagang untuak badagang.[84] Heinrich VI, Kaisar Romawi Suci, mamprakarsai Perang Salib Jerman pado tahun 1197 untuak mamanuhi janji-janji yang dibuaek dek ayahnyo, Friedrich. Dengan dipimpin dek Konrad dari Wittelsbach, Uskup Agung Mainz, pasukan tasabuik tibo di Akko dan maeabuik kota Sidon dan Beirut. Namun sabagian gadang anggota pasukan akhianyo baliak ka Jerman satelah Heinrich maningga dunia.[85]

Abad ke-13[suntiang | suntiang sumber]

Dua orang Kesatria Livonia; penggambaran dari abad ke-19.

Katiko Paus Selestinus III manyerukan suatu parang salib tahadok kaum pagan di Eropa Utara pado tahun 1193, Uskup Berthold dari Hanover mamimpin sajumlah gadang pasukan untuak mangalahkannyo dan inyo maningga dunia tahun 1198. Mananggapi kakalahan tasabuik, Paus Innosensius III mangaluakan sabuah bulla kepausan yang manyatokan suatu parang salib tahadok etnis Livonia yang mano kabanyakan manganuik paganisme.[86] Albrecht von Buxthoeven, satalah dikonsekrasi sabagai uskup pado tahun 1199, tibo pado tahun barikuiknyo dengan suatu kakuatan yang gadang dan manjadikan Riga sabagai takhta kauskupannyo pado tahun 1201. Pado tahun 1202 inyo mambantuak Kesatria Livonian untuak mambantunyo mangkonversi kaum pagan ka dalam Katolikisme jo yang lebiah pantiang, untuak mealindungi padagangan Jerman. Etnis Livonia tasabuik ditaklukkan dan dikonversi antaro tahun 1202 jo 1209.[87] Pado tahun 1217 Paus Honorius III manyatokan suatu parang salib tahadok urang Prusia,[88] dan pado tahun 1226 Konrad I dari Masovia maagiah Chełmno kapado para Kesatria Teutonik sabagai sebuah basis bagi parang salib iko.[89] Pado tahun 1236 para Kesatria Livonia dikalahkan dek urang Lithuania di Saule, dan pado tahun 1237 Paus Gregorius IX manggabuangkan siso-siso dari ordo militer tasabuik ka dalam Kesatria Teutonik sabagai Ordo Livonian.[90]

Pado tahun 1249 para Kesatria Teutonik manyalasaikan panaklukan mereka ateh urang Prusia Lamo, dan mamarintahnyo sabagai para lord dari kaisar Jerman. Mereka kamudian menaklukkan dan mengkonversi urang Lithuania, sabuah proses yang balangsuang sampai tahun 1380-an.[91] Ordo tasabuik gagal manaklukkan bangso Rusia Ortodoks, khususnyo Republik Pskov jo Novgorod (dengan dukungan dari Paus Gregorius IX), sabagai bagian dari Parang Salib Utaro. Pado tahun 1240 pasukan Novgorod mangalahkan bangso Swedia dalam Pertempuran Neva,[92] dan duo tahun kamudian mereka mangalahkan Ordo Livonian dalam Pertempuran di Es.[93]

Peranan padusi, anak-anak, jokelas[suntiang | suntiang sumber]

Ilustrasi Parang Salib Anak-anak karya Gustave Doré (1892).

Kaum padusi terkait arek jo parang-parang salib; mereka mambantu dalam parekrutan, maambik aliah tangguang jawek Laskar Salib dalam ketidakhadiran mereka, sarato manyadioan dukungan moral jokeuangan.[94][95] Para sejarawan bapaandapaik bahasonyo peranan paling signifikan nan dipacik dek kaum padusi di Barat adolah mampartahankan status quo.[96] Para pemilik lahan nan pai ka Tanah Suci maninggaan kendali atas properti mereka kapado para pengawas nan acok bana marupoan para istri atau ibu mereka. Dek Gereja manyadari adonyo risiko terhadap keluarga jo properti nan mungkin mambuek lamah sumangaik Laskar Salib, perlindungan khusus dari kepausan marupoan suatu hak istimewa dalam praktik parang salib.[97] Sajumlah padusi aristokrat berpartisipasi dalam parang-parang salib, misalnyo Aliénor dari Aquitaine (nan bagabuang jo suaminyo, Louis VII).[98] Padusi non-aristokrat juo malayani dalam posisi-posisi takah tukang cuci.[96] Nan labiah kontroversial adolah kaum padusi nan maambik peranan aktif (balawanan jo feminitas mereka); laporan-laporan tantang kaum padusi nan ikuik baparang tautamo dicaritoan dek para sajarawan Muslim, nan manggambaran kaum padusi Kristen nan mambunuah sacaro kejam jo amoral.[99]

Parang Salib Anak-anak disabuik sabagai suatu gerakan Katolik di Parancih jo Jerman pado tahun 1212 nan baupayo untuak mancapai Tanah Suci. Narasi tradisionalnyo mungkin barupo paduan dari babarapo pangertian faktual jo mitos dari periode tersebut nan mancakup visiun dari saurang urang mudo Jerman atau Parancih, suatu niaik untuak sacaro damai mangkonversi kaum Muslim di Tanah Suci manjadi panganut Kristen, sakalompok nan tadiri dari babarapo ribu urang mudo nan malakuan parjalanan ka Italia, dan anak-anak nan dijua sabagai budak.[100] Sabuah panalitian nan dipublikasian pado tahun 1977 maraguan kabaradoan peristiwa-peristiwa iko, dan banyak sejarawan mayakini bahasonyo mereka (atau utamonyo) bukan anak-anak tapi sakalompok "kaum miskin nan mangambara" di Jerman jo Parancih, nan sabagian dari mereka baupayo untuak mancapai Tanah Suci dan sabagian lainnyo nan indak pernah baniaik untuak malakuannyo.[101][102][103][104]

Tigo upayo untuak bagabunag dalam parang salib dilakuan dek kaum patani salamo patangahan tahun 1250-an jo awal abaik ka-14. Nan patamo, parang Salib Para Gembala (1251), diserukan di Parancih utara. Sasudah suatu perundiangan jo Blanca dari Kastilia, gerakan tersebut manjadi indak terorganisir dan dibubaran dek pamaarentah.[105] Nan kaduo, pado tahun 1309, tajadi di Inggirih, Parancih timur laut, jo Jerman; sabanyak 30.000 patani tibo di Avignon sabalun kudian dibubaran.[106] Nan katiho, pada tahun 1320, manjadi sarangkaian sarangan terhadap kaum klerus jo Yahudi sahinggo akhianyo dibubaran sacaro paso.[107] Baa ka baa "parang salib" iko tautamo dipandang sabagai suatu pambarontakan terhadap monarki Parancih. Kaum Yahudi alah diizinan untuak baliak ka Parancih, sasudah sabalunnyo diusia pado tahun 1306; sado utang kapado kaum Yahudi sabalun pangusiran mereka ditagiah dek monarki tersebut, sahinggo mamicu tajadinyo Pastoureaux (istilah nan digunoan untuak manyabuik gerakan iko).[108]

Nagara-nagara nan dibantuak dek Laskar Salib[suntiang | suntiang sumber]

Kekaisaran Bizantium jo Latin pado tahun 1205.

Parang Salib pertamo mandirikan ampek nagara bantukan Laskar Salib nan partamo di kawasan timur Mediterania: County Edessa (1098–1149), Kapangeranan Antiokhia (1098–1268), Karajaan Yerusalem (1099–1291), jo County Tripoli (1104—walaupun Tripoli alun ditaklukkan hinggo 1109—sampei 1289). Karajaan Armenia Kilikia alah ado sabalum Parang-parang Salib, tetapi status kerajaan di dapeknyo dari Paus Innosensius III jo kamudian mandapek pangaruah barat sapanuahnyo dek Wangsa Lusignan. Manuruik sajarawan Jonathan Riley-Smith, nagara-nagara iko marupoan contoh partamo dari "Eropa di luar nagari". Inyo pado umumnyo diingek urang jo imbauan outremer, dari bahaso Parancih outre-mer ("lua nagari", bahaso Inggirih: overseas).[109]

Parang Salib Kaampek managakan sabuah Kekaisaran Latin di timur jo mamungkinkan pambagian wilayah Bizantium dek para pesertanyo. Kaisar Latin mangandalikan saparampek wilayah Bizantium, Venesia tigo perdelapannyo (tarmasuak tigo perdelapan kota Konstantinopel), jo sisonyo dibagi-bagi di antaro para pemimpin parang salib lainnyo. Paristiwa iko mangawali periode sejarah Yunani nan dikenal sabagai Frankokratia atau Latinokratia, sadangkan para urang tapandang Eropa Barat Katolik tarutamo dari Parancih jo Italio mandirikan negara-negara di bakeh wilayah Bizantium jo mamarintah bangsa Yunani Bizantium Ortodoks di wilayah-wilayah tasabuik. Partitio terrarum imperii Romaniae marupokan suatu catatan pantiang tantang properti keluarga jo pembagian administratif Bizantium (episkepsis) pado awal abad ka-13.[19]

Pitih-pitih[suntiang | suntiang sumber]

Dirham kaum Kristen jo tulisan Arab (1216–1241).

Parang-parang salib mahabihkan banyak pitih sairiang jo batambah banyaknyo parang, biayanyo samakin maningkek. Paus Urbanus II mamintak urang kayo untuak mambantu para lord Parang Salib Pertamo, sarupo Adipati Robert dari Normandia jo Comte Raymond dari St. Gilles, nan mansubsidi para kasatria dalam pasukannyo. Total biaya nan dikaluakan dek Rajo Louis IX dari Parancih salamo parang-parang salib tahun 1284–1285 dipakiroan 1.537.570 livre, yoitu anam kali panghasilan tahunan sang rajo. iko mungkin alah biaso, sabab catatan-catatan manunjuakkan bahwasanyo Louis mahabihkan 1.000.000 livre di Palestina sasudah kampanye Mesir. Para pamimpin parang maminta subsidi,[110] jo bantuan sarato hibah nan dimintakan katiko panaklukan Palestina marupokan sumber-sumber panghasilan tambahan. Para paus mamarintahkan supayo kotak-kotak kolekte dilatakan di gereja-gereja jo sajak partangahan abad ka-12, maagiah indulgensi sabagai ganti sumbangan jo hibah.[111]

Paninggalan[suntiang | suntiang sumber]

Penggambaran dari abad ke-20 terkait suatu kemenangan Shalahuddin al-ayyubi

Urang Eropa Barat yang barado di Timua kabanyakan mangadopsi adaik istiadaik satampek. Inyo mamandang dirinyo sabagai warga dari rumah barunyo dan banyak tajadi pakawinan campua. Hal sarupo iko mabuek adonyo urang-urang jo budaya yang diturunkan dari siso-siso panduduak Eropa di negara-negara bantukan laskar salib, tarutamo bana kaum Levantin (umat Kristen Latin) Parancih di Lebanon, Palestina jo Turki. Para padagang dari republik maritim di sakitar Laut Tengah atau Maditerania (Republik Venesia), Republik Genova, Republik Ragusa, malanjuikan kahidupannyo di Konstantinopel, Smirna, jo bagian-bagian lain Anatolia sarato daerah pasisia kawasan timua Mediterania salamo patangahan era Bizantium jo Ottoman. Urang-urang iko yang dikenal dengan sabutan Franco-Levantin, (Levantin Parancih; Frankolevantini; Italia; Templat:Lang-gr; jo bahaso Turki: Levantenler, Tatlısu Frenkleri), marupokan umaik Katolik Roma.[112]

Parang-parang salib pado saat itu mampangaruhi sikap Gereja Barat tahadok paparangan; panggilan sacaro rutin untuak malangsuangkan parang salib dikatokan mambiasokan para klerus tahadok tinda kakarasan. Mereka juo mamicu suatu padebatan saputar legitimasi marabuik tanah jo kapamilikan dari kaum Pagan dengan alasan murni kaagamaan. Dimano katiko itu baliak muncua ka pamukaan salamo zaman panjalajahan pado abaik ka-15 jo 16.[113] Kabutuhan akan praktiak parang salib mandorong pakambangan pamarintahan sakuler. Dimano indak sadonyo badampak positif; sumber daya yang digunoan dalam paparangan saharusnyo dapek digunoan dek negara-negara bakambang untuk kabutuhan lokal atau regional.[114]

Karano prestise jo kakuasaan diangkek dek parang-parang salib, kuria kapuasan pado saat itu manjadi mamiliki kandali yang labiah gadang ateh gereja barat. Efek itu juo mampalueh sistem papajakan di Eropa pado abaik patangahan akhia dan mamicu Reformasi Protestan pado awal abaik ka-16.[115]

Maskipun parang salib Albigensian dimakasuikkan untuk mangilangkan Katarisme di Languedoc, namun Parancih mangakuisisi daratan jo ikatan bahaso budaya yang labiah dakek jo Kepangeranan Catalunya. Parang salib iko juo baperan dalam pambantukan jo palembagaan ordo Dominikan jo Inkuisisi Abad Pertengahan. [116] Panganiayaan tahadok urang Yahudi dalam Parang Salib I manjadi bagian dari sijarah panjang antisemitisme di Eropa.[117] Kabutuhan untuak maningkaikan, mangangkuik, jo mansuplai pasukan dalam jumlah gadang manyababkan kanaikan aktivitas padagangan antaro Eropa dan outremer tasabuik. Genoa jo Venesia mangalami pakambangan dek adonyo koloni-koloni pardagangan yang manguntuangkan di negara-negara bantukan laskar salib di tanah suci jo kamudian di wilayah Bizantium yang dirabuikan.[118]

Rujuakan[suntiang | suntiang sumber]

  1. "crusades". Oxford English Dictionary (edisi ke-3rd). Oxford University Press. September 2005.  (Subscription or UK public library membership required.) "crusades". Oxford English Dictionary (edisi ke-3rd). Oxford University Press. September 2005.  (Subscription or UK public library membership required.)
  2. Tyerman 2019, hlm. 1.
  3. Asbridge 2012, hlm. 40.
  4. Tyerman 2011, hlm. 225–226.
  5. Asbridge 2012, p. 40
  6. "Crusade". Oxford English Dictionary (edisi ke-3rd). Oxford University Press. September 2005.  (Subscription or UK public library membership required.) "Crusade". Oxford English Dictionary (edisi ke-3rd). Oxford University Press. September 2005.  (Subscription or UK public library membership required.)
  7. Davies 1997, p. 358
  8. a b Constable 2001, pp. 12–15
  9. Constable 2001, p. 12
  10. Riley-Smith 2009, p. 27
  11. Lock 2006, pp. 255–56
  12. Lock 2006, pp. 172–80
  13. Lock 2006, p. 167
  14. Davies 1997, pp. 362–64
  15. Lock 2006, p. 257
  16. Lock 2006, p. 259
  17. Lock 2006, p. 261
  18. Lock 2006, p. 266
  19. a b Runciman 1951, p. 480
  20. Lock 2006, p. 269
  21. Rose 2009, p. 72
  22. Kolbaba 2000, p. 49
  23. Vasilev 1952, p. 408
  24. AlthoffFriedGeary 2002, pp. 305–308
  25. Nicolle 2011, p. 5
  26. Wickham 2009, p. 280
  27. Lock 2006, p. 4
  28. Hindley 2004, p. 14
  29. Hindley 2004, p. 15
  30. Pringle 1999, p. 157
  31. Findley 2005, p. 73
  32. Hindley 2004, pp. 15–16
  33. TolanVeinsteinHenry 2013, p. 37
  34. Asbridge 2011, p. 97
  35. Bull 1999, pp. 18–19
  36. Barber 1992, pp. 341–345
  37. Lock 2006, pp. 205–209
  38. Lock 2006, p. 211
  39. Mayer 1988, pp. 2–3
  40. Riley-Smith 2009, pp. 10–11
  41. Riley-Smith 2005, pp. 8–10
  42. Housley 2006, p. 31
  43. Mayer 1988, pp. 17–18
  44. Paul Everett Pierson (2009). The Dynamics of Christian Mission. WCIU Press. p. 103. https://books.google.com/books?id=_OSJIyW7q2MC&pg=PA103. 
  45. Hindley 2004, pp. 20–21
  46. Chazan 1996, p. 60
  47. Slack 2013, pp. 108–109
  48. Hindley 2004, p. 23
  49. Hindley 2004, pp. 27–30
  50. Lock 2006, pp. 20–21
  51. Hindley 2004, pp. 30–31
  52. Tyerman 2006, pp. 106–110
  53. Asbridge 2011, pp. 50–52
  54. Asbridge 2011, p. 46
  55. Riley-Smith 2005, pp. 32–36
  56. Hindley 2004, pp. 25–26
  57. Tyerman 2006, pp. 143–146
  58. Mayer 1988, pp. 60–61
  59. Tyerman 2006, pp. 146–153
  60. Tyerman 2006, pp. 156–158
  61. Sinclair 1995, pp. 55–56
  62. Riley-Smith 2005, pp. 50–51
  63. Riley-Smith 2005, pp. 23–24
  64. Tyerman 2006, pp. 192–194
  65. Housley 2006, p. 42
  66. Lock 2006, pp. 144–145
  67. Lock 2006, pp. 146–147
  68. Riley-Smith 2005, pp. 104–105
  69. Lock 2006, p. 144
  70. Hindley 2004, pp. 71–74
  71. Hindley 2004, pp. 77–85
  72. Hindley 2004, pp. 75–77
  73. Villegas-Aristizabal 2009, pp. 63–129
  74. Hindley 2004, p. 77
  75. Lock 2006, p. 151
  76. Lock 2006, p. 148
  77. Lock 2006, p. 213
  78. Lock 2006, pp. 55–56
  79. Holt 1983, pp. 235–239
  80. Asbridge 2011, pp. 343–357
  81. Asbridge 2011, p. 367
  82. Flori 1999, p. 132
  83. Lock 2006, pp. 151–154
  84. Asbridge 2011, pp. 512–513
  85. Lock 2006, p. 155
  86. Lock 2006, p. 82
  87. Lock 2006, p. 84
  88. Lock 2006, p. 92
  89. Lock 2006, p. 96
  90. Lock 2006, p. 103
  91. Lock 2006, pp. 221–222
  92. Lock 2006, p. 104
  93. Lock 2006, p. 221
  94. Hodgson 2007, pp. 39–44
  95. Maier 2004, pp. 61–82
  96. a b EdingtonLambert 2002, p. 98
  97. Hodgson 2007, pp. 110–112
  98. Owen 1993, p. 22
  99. Nicholson 1997, p. 337
  100. Zacour 1969, pp. 325–342
  101. Raedts 1977, p. 279–323
  102. Russell, Oswald, "Children's Crusade", Dictionary of the Middle Ages, 1989
  103. Bridge 1980
  104. Miccoli 1961, p. 407–443
  105. Lock 2006, p. 179
  106. Lock 2006, pp. 187–188
  107. Lock 2006, p. 190
  108. Tuchman 2011, p. 41
  109. "Outremer". Oxford English Dictionary (edisi ke-3rd). Oxford University Press. September 2005.  (Subscription or UK public library membership required.) "Outremer". Oxford English Dictionary (edisi ke-3rd). Oxford University Press. September 2005.  (Subscription or UK public library membership required.)
  110. Riley-Smith 2009, pp. 43–44
  111. Riley-Smith 2009, p. 44
  112. Krey 2012, pp. 280–281
  113. Housley 2006, pp. 146–147
  114. Housley 2006, pp. 149
  115. Housley 2006, pp. 147–149
  116. Strayer 1992, p. 143
  117. Housley 2006, pp. 161–163
  118. Housley 2006, pp. 152–154

Daftar pustaka[suntiang | suntiang sumber]