Diabetes melitus

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Diabetes melitus
A hollow circle with a thick blue border and a clear centre
Lingkaran biru adolah simbol diabetes sadunia.[1]
Palafalan
Spesialisasi Endokrinologi
Gejala Acok buang aia ketek, acok auih, acok lapa[2]
Komplikasi Diabetik ketoasidosis, status hiperosmolar hiperglikemia, panyakik jantuang, stroke, gagal ginjal kronik, tukak kaki, gastroparesis[2][3][4]
Faktor risiko Tipe 1: riwayaik kaluarga[5]
Type 2: Obesitas, jarang baolahraga, katurunan[2][6]
Diagnosis Gulo darah tinggi[2]
Parawatan Diet sihaik, aktivitas fisik[2]
Pangubekan Insulin, ubek antidiabetik co metformin[2][7][8]
Frekuensi 425 juta (8.8%)[9]
Kamatian 3,2–5,0 juta per taun[9]

Diabetes melitus, DM (Yunani, diabaínein, tabuak atau pincuran aia) (bahaso Latin: mellitus, raso manih) nan juo tanamo di Indonesia jo istilah panyakik kanciang manih atau panyakik gulo adolah kalainan metabolik nan dicirikan jo gejala tinggi gulo darah jangko lamo (hiperglikemia kronis) sarato gangguan metabolisme karbohidrat, lamak, jo protein, sabagai akibaik dari kurangnyo insulin nan dihasiakan tubuah (sekresi insulin), kaindakmampuan tubuah untuak mamanfaatkan insulin (insulin resistance), atau kaduonyo.[10][11] Glukosa (gulo darah) dalam tubuah dikandalikan dek babarapo hormon. Hormon insulin nan dihasiakan organ pankreas bakarajo untuak maubah glukosa manjadi glikogen (bantuak dari cadangan energi) katiko kadar gulo darah tinggi. Sadangkan hormon glukagon nan dihasiakan otot bakarajo untuak memacah glikogen manjadi sumber energi tubuah katiko gulu darah randah.[12]

Kondisi gulo darah tinggi cando pado pandarito diabetes bisa indak taraso gejalanyo. Gejala nan biaso dialami pandarito diabetes antaro lain acok kajamban (poliuria), maraso auih taruih (polidipsi), sarato acok taraso lapa sainggo acok makan (polifagi).[11] Kok kondisi diabetes indak taratasi atau gulo darah tinggi indak takandalian, mangko dapek mamicu baragam panyakik atau komplikasi. Di antaro komplikasi nan dapek muncua antaronyo tukak pado kaki atau kaki mambusuak (ulkus diabetikum), alzheimer, stroke, panyakik jantuang, karusakan pado mato (retinopati diabetikum), bahkan inggo kamatian.[13][14][15][3]

Panagahan sarato panangan panyakik diabetes utamonyo dilakukan jo parubahan gaya iduik manjadi gaya iduik sihaik. Gaya iduik sihaik nan paralu dijago antaro lain dari pola makan sihaik, olahraga rutin, manjago barek badan, sarato manjauahi kabiasaan marokok. [11] Pado kondisi gulo darah tinggi nan indak taratasi dapek ditambah jo ubek, baiak ubek nan diminum atau ubek suntik.[2][16]

Pado taun 2017, dipakirokan alah 425 juta urang mandarito diabetes melitus nan sapangkek jo 8,8% populasi urang gadang (dewasa) di dunia, marato pado aki-laki jo padusi.[9] Tiok taun angko kajadian diabetes melitus maningkek taruih. Diabetes juo maningkekan risiko kamatian duo kali lipek. Pado taun 2017, dipakirokan ado 3,2 inggo 5 juta kamatian. Sacaro global anggaran kasihatan nan tapakai untuak diabetes mancapai 727 miliar USD pado 2017.[17] DI Indonesia pado taun 2013 tacataik ado sakitar 8,5 juta pandarito (paringkek kaampek di Asia jo katujuah di dunia) sarato dipakirokan pado taun 2020 dapek maningkek inggo 12 juta pandarito.[18][19]

Sijarah[suntiang | suntiang sumber]

Diabetes marupokan salah satu panyakik nan mulo-mulo dideskripsikan.[20] Pado manuskrip Mesir dari 1500 sabalun masehi manyabuikan "talampau banyak mangosongan urin".[21] Papirus Eber manyaratokan saran untuak minum pado kasus cando ko.[22] Kasus nan partamo kali dideskripsikan dipicayoi adolah diabetes tipe 1.[21] Tabib-tabib India pado maso nan kurang labiah samo maidentifikasi panyakik tu jo mangalompokkannyo sabagai madhumeha atau "kanciang madu", dek dapek mambuek samuik katuju.[21][22]

Istilah "diabetes" atau "tabuak" partamo kali dipakai pado 230 taun sabalun masehi dek urang Yunani nan banamo Apollonius dari Memphis.[21] Panyakik ko dianggap sarik tasuo salamo maso Kakaisaran Romawi, sarato Galen manyabuik baso inyo hanyo mancaliak duo kasus salamo karirnyo.[21] Hal iko dimungkinkan dek pola makan jo gaya iduik urang-urang saisuak, atau dek gejala klinis nan baru tampak pado stadium lanjuik panyakik. Galen manamokan panyakik ko sabagai "diare urin" (diarrhea urinosa).[23]

Tulisan mulo-mulo jo panjalehan langkok tantang diabetes adolah tulisan Aretaeus dari Cappadocia (pado abaik kaduo atau mulo abaik katigo masehi). Inyo manjalehan gejala jo pajalanan panyakik, nan inyo kaikkan jo kondisi lambok jo dingin. Inyo manjalehan pulo kamungkinan hubuangan jo panyakik lain, sarato inyo marundiangkan diagnosis bandiang dari gigitan ula, nan juo mamicu raso auih bakalabiahan. Tulisannyo ko indak dikataui di Barat sampai 1552, katiko edisi bahaso Latin partamo kali dipublikasikan di Venezia.[23]

Duo tipe diabetes taidentifikasi sabagai kondisi nan babeda partamo kali dek tabib India Sushruta jo Charaka pado taun 400--500. Wakatu itu kaduonyo maidentifikasi tipe nan takaik umua mudo jo tipe nan takaik kalabiahan barek badan. Istilah melitus atau "dari madu" atau "manih" ditambahan dek Briton John Rolle pado akhia taun 1700-an untuak mambedakan dari diabetes insipidus, nan samo-samo ditandoi jo acok kajamban. Pananganan panyakik nan efektif alun lai bakambang inggo mulo abaik ka-20, katiko urang Kanada, Frederick Banting jo Charles Herbert Best, maisolasi jo mamurnikan insulin pado 1921 jo 1922. Hal iko diikuti jo pakambangan insulin jangko panjang pado 1940.[21]

Klasifikasi[suntiang | suntiang sumber]

Pabandiangan DM tipe 1 jo 2[24]
DM Tipe 1 DM Tipe 2
Awitan (onset) Mandadak Batahap
Umua Umumnyo anak Umumnyo urang gadang
Ukuran badan Kuruih atau normal[25] Often obese
Ketoasidosis Acok Jarang
Autoantibodi Biasonyo ado Indak ado
Insulin dalam tubuah Randah atau indak ado Normal, manurun atau

maningkek

Genetik

pado kamba identik

50% 90%
Prevalensi ~10% ~90%

Diabetes marupokan panyakik nan disababkan produksi insulin dari pankreas nan indak kurang,[26] atau sel tubuh indak marespon sasuai jo insulin nan ado. Ado tigo tipe utamo dari diabetes melitus:[27]

  • Diabetes tipe 1 marupokan diabetes dek pankreas nan gagal mahasiakan insulin nan cukuik dek ilangnyo sel beta pankreas.[27] Tipe ko sabalunnyo disabuik sabagai "diabetes melitus nan bagantuang ka insulin" (insulin-dependent diabetes mellitus; IDDM) atau "diabetes anak". Ilangnyo sel beta pankreas dek adonyo respon autoimun.[28] Panyabab respon autoimun ko masih alun dikataui.[27]
  • Diabetes tipe 2 diawali jo resistensi insulin (indak talok jo insulin), kondisi katiko sel-sel tubuah gagal marespon insulin sacaro sasuai. Sabagai bagian dari pajalanan panyakik, insulin nan gagal diproduksi dapek bakambang.[29] Tipe ko sabalunnyo disabuik jo "diabetes melitus nan indak bagantuang ka insulin" (non insulin-dependent diabetes mellitus; NIDDM) atau "diabetes urang gadang". Panyabab paliang uum adolah kombinasi dari barek badan balabiah jo olahraga nan kurang.[27]
  • Diabetes gestasional marupokan diabetes tipe katigo nan tajadi samaso padusi manganduang tanpa ado riwayaik diabetes sabalunnyo nan dapek maalami paningkekan glukosa.[27]

Ado pulo tipe kaampek nan disabuik "tipe lainnyo", kumpulan dari babarapo kasus parsaurangan.[30] Diabetes marupokan panyakik nan punyo tampilan nan baragam nan dapek tadiri dari kombinasi-kombinasi tipe.[31] Istilah "diabetes", tanpa kualifikasinyo, marujuak pado diabetes melitus.[32]

Tando jo gejala[suntiang | suntiang sumber]

Tando-tando Diabetes
  • Acok kajamban (frequent urination)
  • Auih taruih (excessive thirst)
  • Lapa bana (increased hunger)
  • Kailangan barek badan (weight loss)
  • Angok babaun buah (fruity breath odor)
  • Latiah (tiredness)
  • Kailangan paratian jo konsentrasi (lack of interest and concentration)
  • Muntah jo nyeri lambuang, acok disangko flu (vomiting and stomach pain, often mistaken as the flu)
  • Raso kapocong di tangan jo kaki (a tingling sensation)
  • Kabuanyo pandangan (blurred vision)
  • Acok infeksi (frequent infections)
  • Luko nan indak amuah cegak (slow-healing wounds)
  • Maompol wakatu tidur, pado anak-anak ataupun urang gadang (bedwetting, in children and adults)

Tando-tando klasik dari diabetes nan indak diubek adolah panurunan barek badan (nan indak tarencana), acok kajamban (poliuria), marasu auih taruih (podipsia), jo acok taraso lapa (polifagia).[33] Gejala-gejala dapek bakambang sangaik capek (babarapo pakan atau bulan sajo) pado diabetes tipe 1, samantaro pado diabetes tipe 2 biasonyo bakambang jauah labiah lambek dan mungkin tanpa ado gejala samo sakali atau indak jaleh. Gejala lain nan dapek sato pulo yaitu badan acok taraso panek.[34]

Ado tando-tando jo gejala-gejala lain nan dapek manunjuakan adonyo diabetes, walau hal iko indak baitu jaleh untuak diabetes. Di antaronyo adolah pandangan kabua, sakik kapalo, latiah, luko nan indak kunjuang cegak, inggo gata-gata. Tingginyo glukosa darah dalam wakatu lamo dapek mambuek panyerapan glukosa pado lensa mato, sainggo manyababkan parubahan bantuak, sarato tajamnyo pancaliakan. Dalam jangko lamo manjadi panyakik retinopati diabetikum (kalainan pado retina mato).[35]

Kadaruratan diabetes[suntiang | suntiang sumber]

Pandarito (biasonyo diabetes tipe 1) dapek juo maalami kondisi daruraik nan disabuik ketoasidosis diabetikum. Kondisi ko marupokan masalah metabolisme barupo paningkekan gulo darah (> 300 mg/dL) nan dicirikan jo raso mual, muntah, nyeri paruik, angok baun aseton (sarupo baun buah), angok nan dalam (Kussmaul breathing), inggo panurunan kasadaran.[36]

Kondisi lain nan samo daruraik jo bareknyo, tapi agak jarang yaitu Koma hiperosmolar nonketotik (hyperosmolar hyperglycemic state; HHS). Hal ko labiah umum pado diabetes tipe 2 nan utamonyo disababkan adonyo dehidrasi.[36]

Gulo darah randah dek ubek (treatment-related low blood sugar) bisa manjadi kondisi daruraik pado pandarito diabetes baiak tipe 1 atau 2. Kabanyakan kasus masih dalam kondisi nan cukuik ringan. Efek nan timbua di antaronyo badan taraso indak lamak (feeling of unease), bapaluah, gamataran, paningkekan nafsu makan, inggo kondisi labiah barek sarupo paniang, parubahan parilaku (manjadi parabo), kajang, panurunan kasadaran, sarato (nan jarang) karusakan utak permanan atau kamatian.[37][38] Angok capek jo bapaluah, dingin, kulik pucek marupokan ciri dari gulo darah randah juo tapi indak baitu spesifik.[39]

Komplikasi[suntiang | suntiang sumber]

Retinopati diabetikum, adolah panyakik mato nan utamonyo dek diabetes, marusak retina di kaduo balah mato, mambuek masalah pancaliakan inggo buto.
Tukak pado kaki adolah komplikasi umum pado diabetes dan dapek maakibaikkan amputasi. .

Sadoalah bantuak diabetes maningkekan risiko komplikasi dalam jangko lamo. Hal iko bakambang sasudah 10-20 taun, tapi bisa sajo gejala partamo muncua pado urang nan alun tadiagnosis salamo wakatu tasabuik.

Komplikasi utamo jangko panjang adolah rusaknyo pambuluah darah. Pandarito diabetes duo kali labiah barisiko untuak mandapek panyakik jantuang pambuluah darah (kardiovaskular)[40] jo sakitar 75% kamatian akibaik diabetes dek panyakik jantuang koroner.[41] Panyakik pambuluah darah gadang lainnyo adolah stroke, jo panyakik pambuluah darah tapi (peripheral vascular disease).

Komplikasi pambuluah darah mikro dek diabetes tamasuak karusakan pado mato, ginjal, jo saraf. Karusakan pado mato tanamo jo retinopati diabetikum, nan disababkan dek karusakan pambuluah darah pado retina, jo dapek barakibaik pado kailangan pancaliakan sacaro baransua-ansua inggo akhianyo buto. Karusakan pado ginjal tanamo sabagai nefropati diabetikum, dapek mambuek paruik, ilang protein, jo kadang-kadang maalami ginjal kronis, nan bisa paralu hemodialisa (cuci darah) atau transplantasi ginjal (donor ginjal). Karusakan pado saraf tanamo sabagai neuropati diabetikum, nan biasonyo marupokan komplikasi utamo dari diabetes. Gejala-gejala dapek maliputi raso taba, kapocong, nyeri, jo sensasi nyeri lainnyo, nan bisa mambuek karusakan pado kulik. Ulkus diabetikum (tukak pado kaki contohnyo) buliahjadi muncua, jo sulik ditangani, kadang paralu amputasi. Sabagai tambahan, neuropati diabetikum proksimal (pado daerah pangka) dapek membuek nyeri pado otot inggo malamah.[42]

Ado ubuangan antaro bakurangnyo kognitif jo diabetes. Dibandiangkan urang nan indak diabetes, pandarito diabetes maalami panurunan fungsi kognitif 1,2 inggo 1,6 kali labiah gadang.[43]

Diagnosis [suntiang | suntiang sumber]

Kriteria diagnosis diabetes manuruik WHO[44][45]
Kondisi glukosa 2 jam gulo darah puaso (GDP) HbA1c
Unit mmol/l(mg/dl) mmol/l(mg/dl) mmol/mol DCCT %
Normal <7.8 (<140) <6.1 (<110) <42 <6.0
Gulo darah puaso taganggu <7.8 (<140) ≥6.1(≥110) & <7.0(<126) 42-46 6.0–6.4
Toleransi glukosa taganggu ≥7.8 (≥140) <7.0 (<126) 42-46 6.0–6.4
Diabetes melitus ≥11.1 (≥200) ≥7.0 (≥126) ≥48 ≥6.5

Diabetes melitus ditandoi jo paningkekan kadar gulo darah nan barulang atau jangko lamo, sarato bisa ditagakan diagonosisnyo jo pamaresoan barikuik:[46]

  • Gulo darah puaso (GDP) ≥ 7,0 mmol/l (126 mg/dl)
  • Gulo darah plasma ≥ 11,1 mmol/l (200 mg/dl) duo jam sasudah konsumsi 75 gram glukosa oral malalui tes toleransi glukosa oral (TTGO)
  • Gejala gulo darah tinggi jo kadar gulo darah sawakatu (GDS) ≥ 11,1 mmol/l (200 mg/dl)
  • Hemoglobin glikat (HbA1C) ≥ 48 mmol/mol (≥ 6,5%).[47]
Pamaresoan gulo darah malalui pambuluah darah kapiler di jari tangan

Pado urang nan dicurigai diabetes, tapi hasia pamaresoan gulo darahnyo maragukan, paralu dipastikan baliak jo maulang salah satu dari pamaresoan di ateh pado ari lain. Labiah disukoi untuak mamareso kadar gulo darah puaso dek kamudahan pangukurannyo. Manuruik definisi paliang baru, duo kali pamaresoan gulo darah puaso di ateg 7,0 mmol/l (126 mg/dl) alah bisa untuak managakan diagnosis diabetes.[48]

Manuruik WHO, urang jo kadar gulo darah puaso antaro 6,1 inggo 6,9 mmol/l (110 inggo 125 mg/dl) dianggap alah ado kondisi gulo darah puaso taganggu.[49] Urang jo glukosa plasma pado atau di ateh 7,8 mmol/l (140 mg/dl), tapi indak labiah dari 11,1 mmol/l (200 mg/dl), duo jam sasudah konsumsi glukosa oral 75 gram, mangko alah dapek dianggap dalam kondisi toleransi glukosa taganggu. Pado duo kondisi prediabetes ko, nan disabuik tarakhia labiah bakamungkinan untuak bakambang manjadi sapanuahnyo diabetes melitus, sarato gangguan kardiovaskular.[50] Asosiasi Diabetes Amerika (The American Diabetes Association; ADA) sajak 2003 mampagunokan rantang angko nan saketek babeda pado kondisi gulo darah puaso taganggu yaitu antaro 5,6 inggo 6,9 mmol/l (100 inggo 125 mg/dl).[51]

Hemoglobin glikat labiah rancak daripado gulo darah puaso untuak manantukan risiko panyakik kardiocaskular sarato kamatian dek panyabab apopun.[52]

Panagahan[suntiang | suntiang sumber]

Alun dikataui caro untuak managah diabetes tipe 1.[53] Diabetes tipe 2, 85–90% dari sadoalah kasus diaebtes, acok dapek ditagah atau ditunda jo mangandalian barek badan, marutinkan aktivitas fisik, sarato makan makanan sihaik.[53] Aktivitas fisik jo intensitas tinggi (labiah dari 90 minik per ari) dapek manurunkan risiko diabetes 28%.[54] Maubah pola makan manjadi labiah sihaik dapek pulo managah diabetes tamasuak maatua pola makan nan tinggi serat, mamiliah nan lamak baiak, sarupo lamak indak januah nan dapek tasuo pado kacang, minyak sayua, jo ikan.[55] Pambatasan gulo jo makan makanan randah dagiang sirah atau sumber lamak januah dapek pulo mambantu untuak managah diabetes.[55] Marokok juo dapek diubuangkan jo paningkekan risiko diabetes sarato komplikasinyo; sainggo baranti marokok manjadi langkah utamo dalam panagahan diabetes.[56]

Hubuangan antaro diabetes tipe 2 jo faktor risiko nan dapek diubah (barek badan balabiah, makanan indak sihaik, kurang aktivitas fisik, sarato marokok) samo di sadoalah tampek di dunia. Ado juo panilitian nan bakambang untuak mambuktian baso diabetes dapek disababkan dek tuntutan sosial, ekonomi, jo perubahan budayo: globalisasi, urbanisasi, populasi manuo, jo kabijakan lingkuangan sihaik umum.[57]

Pangalolaan[suntiang | suntiang sumber]

Rangkuman pangalolaan diabetes (bahaso Inggirih)

Diabetes marupokan panyakik kronis, panyakik nan balansuang lamo sainggo alun dapek ditantuan ubek pastiyo salain panaganan sasuai kondisi.[58] Pangalolaan kadar gulo darah sanormal mungkin, tanpa mambuek gulo darah randah manjadi target utamo dalam maubeknyo. Samakin barhasil katiko dipadukan jo pola iduik sihaik sarupo manjado makanan, olahraga rutin, mangandalian barek badan, sarato mamakai ubek nan sasuai (insulin pado diabetes tipe 1; ubek minum sarato mamungkinkan pulo ditambah insulin pado diabetes tipe 2).

Mandalami tantang panyakik sarato turuik aktif dalam satiok pangobatan dapek mambuek komplikasi jarang muncua pado urang-urang nan bisa mangalola gulo darah sacaro baiak.[59][60] Tujuan pangubatan adolah kadar HbA1C 6,5%.[61] Paratian juo dilabiahan pado masalah-masalah kasihatan lain nan dapek mampacapek efek buruak diabetes tamasuak marokok, kadar kolesterol dalam darah tinggi, obesitas, takanan darah tinggi, jo kurangnyo baolahraga.[61] Aleh kaki khusus sacaro laweh dipakai untuak mangurangi risiko tukak kaki.[62]

Ubek[suntiang | suntiang sumber]

Kandali glukosa[suntiang | suntiang sumber]

Ubek-ubek nan dipakai untuak maubek diabetes ditargetkan untuak manurunkan kadar gulo darah. Dalam konsensus alah dirumuskan baso katiko pandarito diabetes malakukan kandali arek pado gulo darahnyo supayo dalam rantang normal mangko risiko komplikasi akan manurun.[63][64]

Ado banyak kelas atau jinih ubek antidiabetik. Babarapo hanyo tasadio untuak diminum, sarupo metformin, samantaro nan lain ado nan hanyo tasadio dalam bantuak suntik sarupo GLP-1 agonis. Diabetes tipe 1 hanyo dapek diubek jo insulin, umumnyo jo kombinasi insulin regular jo NPH, atau insulin analog sintetik.

Metformin biasonyo direkomendasikan pado lini partamo ubek untuak diabetes tipe 2, alah ado pulo bukti baso dapek manurunkan risiko kamatian.[65] Ubek ko bakarajo jo manurunkan produksi glukosa hepar (hati).[66] Babarapo kalompok ubek lain, umumnyo lewaik muluik, dapek menurunkan kadar gulo darah pado DM tipe 2. Hal iko tamasuak agen nan dapek maningkekan pangaluaran insulin, manurunkan panyerapan gulo dari usus, agen nan mambuek tubuah labiah sensitif jo insulin, jo agen na maningkekan pangaluaran glukosa balabiah pado urin.[66] Katiko insulin dipakai pado diabetes tipe 2, racikan ubek nan bakarajo jangko lamo nan biasonyo ditambahkan mulo-mulo, samantaro malanjuikan ubek minum.[7]

Takanan darah[suntiang | suntiang sumber]

Sajak panyakik kardiovaskular manjadi komplikasi serius dari diabetes, babarapo panaliti alah marekomendasikan untuak manurunkan takanan darah dibawah 130/80 mmHg.[67] Di antaro ubek nan manurunkan takanan darah, paambek enzim konversi angiotensin (angiotensin converting enzyme inhibitors; ACEI) tabukti mamparancak kondisi urang jo diabetes samantaro ubek nan sarupo (paambek reseptor angiotensin atau angiotensin receptor blockers; ARB) indak tabukti.[68] Aspririn direkomendasikan pulo pado urang jo masalah kardiovaskular, namun pamakaian rutin indak tasuo mamparancak kaluaran diabetes nan indak bakomplikasi.[69]

Caliak pulo[suntiang | suntiang sumber]

Rujuakan[suntiang | suntiang sumber]

  1. "Diabetes Blue Circle Symbol". International Diabetes Federation. 17 Maret 2006. http://www.diabetesbluecircle.org. 
  2. a b c d e f g "Diabetes Fact sheet N°312". 1 Oktober 2013. http://www.who.int/mediacentre/factsheets/fs312/en/. Diakses pado 25 Maret 2014.  Kutipan rusak: Tanda <ref> tidak sah; nama "WHO2013" didefinisikan berulang dengan isi berbeda
  3. a b "Hyperglycemic crises in adult patients with diabetes". Diabetes Care 32 (7): 1335–43. 1 Juli 2009. doi:10.2337/dc09-9032. PMID 19564476.  Kutipan rusak: Tanda <ref> tidak sah; nama "Kit2009" didefinisikan berulang dengan isi berbeda
  4. Krishnasamy, S; Abell, TL (July 2018). "Diabetic Gastroparesis: Principles and Current Trends in Management.". Diabetes Therapy : Research, Treatment and Education of Diabetes and Related Disorders 9 (Suppl 1): 1–42. doi:10.1007/s13300-018-0454-9. PMID 29934758. 
  5. "Type 1 diabetes through the life span: a position statement of the American Diabetes Association". Diabetes Care 37 (7): 2034–54. 1 Juli 2014. doi:10.2337/dc14-1140. PMID 24935775. 
  6. "Causes of Diabetes". 1 Juni 2014. http://www.niddk.nih.gov/health-information/health-topics/Diabetes/causes-diabetes/Pages/index.aspx. Diakses pado 10 Pebruari 2016. 
  7. a b "Management of blood glucose in type 2 diabetes mellitus". American Family Physician 79 (1): 29–36. 1 Januari 2009. PMID 19145963. http://www.aafp.org/afp/2009/0101/p29.pdf.  Kutipan rusak: Tanda <ref> tidak sah; nama "AFP09" didefinisikan berulang dengan isi berbeda
  8. Brutsaert, Erika F. (February 2017). "Drug Treatment of Diabetes Mellitus". https://www.msdmanuals.com/professional/endocrine-and-metabolic-disorders/diabetes-mellitus-and-disorders-of-carbohydrate-metabolism/drug-treatment-of-diabetes-mellitus. Diakses pado 12 Oktober 2018. 
  9. a b c International Diabetes Federation (2017). IDF Diabetes Atlas, 8th edn.. Brussels, Belgium: International Diabetes Federation. http://www.diabetesatlas.org.  Kutipan rusak: Tanda <ref> tidak sah; nama "IDF2017" didefinisikan berulang dengan isi berbeda
  10. World Health Organization Department of Noncommunicable Disease Surveillance (1999). "Definition, Diagnosis and Classification of Diabetes Mellitus and its Complications" (PDF). http://whqlibdoc.who.int/hq/1999/WHO_NCD_NCS_99.2.pdf. 
  11. a b c Perkeni, P. B. (2015). Konsensus pengelolaan dan pencegahan diabetes melitus tipe 2 di Indonesia. Jakarta: PB Perkeni.
  12. "Chapter 17". Greenspan's basic & clinical endocrinology (edisi ke-9th). New York: McGraw-Hill Medical. 13 Nopember 2011. ISBN 978-0-07-162243-1. 
  13. "Neurodegenerative disorders associated with diabetes mellitus". Department of Clinical Nutrition, German Institute for Human Nutrition; Ristow M.. http://www.ncbi.nlm.nih.gov/pubmed/15175861. Diakses pado 29 Juni 2010. 
  14. "(Pre)diabetes, brain aging, and cognition". Division of Geriatrics, Department of Internal Medicine, Faculty of Medicine, University of São Paulo-RP; S Roriz-Filho J, Sá-Roriz TM, Rosset I, Camozzato AL, Santos AC, Chaves ML, Moriguti JC, Roriz-Cruz M.. http://www.ncbi.nlm.nih.gov/pubmed/19135149. Diakses pado 29 Juni 2010. 
  15. "[Endocrine abnormalities and vessels in patients with diabetes"]. II. interní klinika Lékarské fakulty UK a FN Hradec Králové; Cáp J.. http://www.ncbi.nlm.nih.gov/pubmed/20465095. Diakses pado 30 Juni 2010. 
  16. "The top 10 causes of death Fact sheet N°310". World Health Organization. 1 Oktober 2013. http://www.who.int/mediacentre/factsheets/fs310/en/. 
  17. "Deaths and Cost | Data & Statistics | Diabetes | CDC" (dalam bahaso en-us). 20 Pebruari 2019. https://www.cdc.gov/diabetes/data/statistics-report/deaths-cost.html. Diakses pado 2 Juli 2019. 
  18. "Simple treatment to curb diabetes". 20 Januari 2014. http://www.thejakartapost.com/bali-daily/2014-01-20/simple-treatment-curb-diabetes.html. 
  19. "Demographic and geographic outline" (dalam bahaso EN). https://diabetesatlas.org/en/sections/demographic-and-geographic-outline.html. Diakses pado 13 Nopember 2019. 
  20. Ripoll, Brian C. Leutholtz, Ignacio (2011-04-25). Exercise and disease management (edisi ke-2nd). Boca Raton: CRC Press. p. 25. ISBN 978-1-4398-2759-8. https://books.google.com/books?id=eAn9-bm_pi8C&pg=PA25. 
  21. a b c d e f Poretsky, Leonid, ed (2009). Principles of diabetes mellitus (edisi ke-2nd). New York: Springer. p. 3. ISBN 978-0-387-09840-1. https://books.google.com/books?id=i0qojvF1SpUC&pg=PA3. 
  22. a b Roberts, Jacob. Distillations 1 (4): 12–15. https://www.sciencehistory.org/distillations/magazine/sickening-sweet. 
  23. a b "Aretaeus of Cappadocia and the first description of diabetes". Hormones 11 (1): 109–13. 13 Nopember 2012. doi:10.1007/BF03401545. PMID 22450352. http://www.hormones.gr/pdf/HORMONES%202012,%20109-113.pdf. 
  24. Kutipan rusak: Tag <ref> indak sah; indak ado teks untuak ref banamo Will2011
  25. "What is Type 1 Diabetes?". Medicine 30: 1–5. 13 Nopember 2002. doi:10.1383/medc.30.1.1.28264. 
  26. "Chapter 17". Greenspan's basic & clinical endocrinology (edisi ke-9th). New York: McGraw-Hill Medical. 13 Nopember 2011. ISBN 978-0-07-162243-1. 
  27. a b c d e Kutipan rusak: Tag <ref> indak sah; indak ado teks untuak ref banamo WHO20132
  28. Norman, Anthony; Henry, Helen (2015). Hormones. Elsevier. pp. 136-137. ISBN 9780123694447. 
  29. RSSDI textbook of diabetes mellitus (edisi ke-Rev. 2nd). Jaypee Brothers Medical Publishers. 13 Nopember 2012. p. 235. ISBN 978-93-5025-489-9. https://books.google.com/books?id=7H6mYolrtUMC&pg=PA235. 
  30. Kutipan rusak: Tag <ref> indak sah; indak ado teks untuak ref banamo Green20113
  31. "The many faces of diabetes: a disease with increasing heterogeneity". Lancet 383 (9922): 1084–94. 1 Maret 2014. doi:10.1016/S0140-6736(13)62219-9. PMID 24315621. 
  32. "Definition of Diabetes mellitus" (dalam bahaso en). https://www.medicinenet.com/script/main/art.asp?articlekey=2974. Diakses pado 4 Nopember 2019. 
  33. Cooke DW, Plotnick L (November 2008). "Type 1 diabetes mellitus in pediatrics". Pediatr Rev 29 (11): 374–84; quiz 385. doi:10.1542/pir.29-11-374. PMID 18977856. 
  34. "WHO | Diabetes mellitus". https://www.who.int/mediacentre/factsheets/fs138/en/. Diakses pado 23 Maret 2019. 
  35. Rockefeller, J.D. (2015) (dalam bahaso en). Diabetes: Symptoms, Causes, Treatment and Prevention. ISBN 978-1-5146-0305-5. https://books.google.com/books?id=WpbVCwAAQBAJ&lpg=PP6. 
  36. a b Kitabchi AE, Umpierrez GE, Miles JM, Fisher JN (July 2009). "Hyperglycemic crises in adult patients with diabetes". Diabetes Care 32 (7): 1335–43. doi:10.2337/dc09-9032. PMID 19564476. PMC 2699725. http://care.diabetesjournals.org/content/32/7/1335.full. 
  37. "When hypoglycemia is not obvious: diagnosing and treating under-recognized and undisclosed hypoglycemia". Primary Care Diabetes 8 (1): 3–11. 1 April 2014. doi:10.1016/j.pcd.2013.09.002. PMID 24100231. http://www.primary-care-diabetes.com/article/S1751-9918(13)00113-7/fulltext. 
  38. "Seizures and type 1 diabetes mellitus: current state of knowledge". European Journal of Endocrinology 167 (6): 749–58. 1 Desember 2012. doi:10.1530/EJE-12-0699. PMID 22956556. 
  39. "Symptoms of Low Blood Sugar". http://www.webmd.com/a-to-z-guides/symptoms-of-low-blood-sugar-topic-overview. Diakses pado 29 Juni 2016. 
  40. Sarwar N, Gao P, Seshasai SR, Gobin R, Kaptoge S, Di Angelantonio E, Ingelsson E, Lawlor DA, Selvin E, Stampfer M, Stehouwer CD, Lewington S, Pennells L, Thompson A, Sattar N, White IR, Ray KK, Danesh J (2010). "Diabetes mellitus, fasting blood glucose concentration, and risk of vascular disease: A collaborative meta-analysis of 102 prospective studies". The Lancet 375 (9733): 2215–22. doi:10.1016/S0140-6736(10)60484-9. PMID 20609967. 
  41. O'Gara PT, Kushner FG, Ascheim DD, Casey DE, Chung MK, de Lemos JA, Ettinger SM, Fang JC, Fesmire FM, Franklin BA, Granger CB, Krumholz HM, Linderbaum JA, Morrow DA, Newby LK, Ornato JP, Ou N, Radford MJ, Tamis-Holland JE, Tommaso CL, Tracy CM, Woo YJ, Zhao DX, Anderson JL, Jacobs AK, Halperin JL, Albert NM, Brindis RG, Creager MA, DeMets D, Guyton RA, Hochman JS, Kovacs RJ, Kushner FG, Ohman EM, Stevenson WG, Yancy CW (29 January 2013). "2013 ACCF/AHA guideline for the management of ST-elevation myocardial infarction: a report of the American College of Cardiology Foundation/American Heart Association Task Force on Practice Guidelines.". Circulation 127 (4): e362–425. doi:10.1161/CIR.0b013e3182742cf6. PMID 23247304. 
  42. "Diabetes Programme". World Health Organization. http://www.who.int/diabetes/action_online/basics/en/index3.html. Diakses pado 22 April 2014. 
  43. Cukierman, T (8 Nov 2005). "Cognitive decline and dementia in diabetes—systematic overview of prospective observational studies". Springer-Verlag. http://link.springer.com/article/10.1007/s00125-005-0023-4/fulltext.html. Diakses pado 28 April 2013. 
  44. Definition and diagnosis of diabetes mellitus and intermediate hyperglycemia: report of a WHO/IDF consultation. Geneva: World Health Organization. 13 Nopember 2006. p. 21. ISBN 978-92-4-159493-6. http://www.who.int/diabetes/publications/Definition%20and%20diagnosis%20of%20diabetes_new.pdf. 
  45. Vijan, S (March 2010). "Type 2 diabetes". Annals of Internal Medicine 152 (5): ITC31-15. doi:10.7326/0003-4819-152-5-201003020-01003. PMID 20194231. 
  46. Kutipan rusak: Tag <ref> indak sah; indak ado teks untuak ref banamo WHO1999-DefDiagClass2
  47. ""Diabetes Care" January 2010". Diabetes Care 33: S3. 13 Nopember 2009. doi:10.2337/dc10-S003. PMID 20042773. PMC 2797388. http://care.diabetesjournals.org/content/33/Supplement_1/S3.full. Diakses pado 29 Januari 2010. 
  48. "Postchallenge hyperglycemia and mortality in a national sample of U.S. adults". Diabetes Care 24 (8): 1397–402. 1 Agustus 2001. doi:10.2337/diacare.24.8.1397. PMID 11473076. 
  49. Definition and diagnosis of diabetes mellitus and intermediate hyperglycemia : report of a WHO/IDF consultation. World Health Organization. 13 Nopember 2006. p. 21. ISBN 978-92-4-159493-6. http://www.who.int/diabetes/publications/Definition%20and%20diagnosis%20of%20diabetes_new.pdf. 
  50. "Diagnosis, Prognosis, and Treatment of Impaired Glucose Tolerance and Impaired Fasting Glucose". Agency for Healthcare Research and Quality. http://www.ahrq.gov/clinic/epcsums/impglusum.htm. Diakses pado 20 Juli 2008. 
  51. "The oral glucose tolerance test (OGTT) revisited". European Journal of Internal Medicine 22 (1): 8–12. 1 Pebruari 2011. doi:10.1016/j.ejim.2010.07.008. PMID 21238885. 
  52. "Glycated hemoglobin, diabetes, and cardiovascular risk in nondiabetic adults". The New England Journal of Medicine 362 (9): 800–11. 1 Maret 2010. doi:10.1056/NEJMoa0908359. PMID 20200384. 
  53. a b Kutipan rusak: Tag <ref> indak sah; indak ado teks untuak ref banamo WHO20133
  54. "Physical activity and risk of breast cancer, colon cancer, diabetes, ischemic heart disease, and ischemic stroke events: systematic review and dose-response meta-analysis for the Global Burden of Disease Study 2013". BMJ 354: i3857. 1 Agustus 2016. doi:10.1136/bmj.i3857. PMID 27510511. 
  55. a b "The Nutrition Source". Harvard School of Public Health. 18 September 2012. http://www.hsph.harvard.edu/nutritionsource/preventing-diabetes-full-story/#references. Diakses pado 24 April 2014. 
  56. "Active smoking and the risk of type 2 diabetes: a systematic review and meta-analysis". JAMA 298 (22): 2654–64. 1 Desember 2007. doi:10.1001/jama.298.22.2654. PMID 18073361. 
  57. "Chronic diseases and their common risk factors". World Health Organization. 13 Nopember 2005. http://www.who.int/chp/chronic_disease_report/media/Factsheet1.pdf. Diakses pado 30 Agustus 2016. 
  58. "No cure for diabetes". http://www.webmd.com/diabetes/is-there-a-diabetes-cure. Diakses pado 21 Mai 2015. 
  59. "The effect of intensive diabetes therapy on the development and progression of neuropathy. The Diabetes Control and Complications Trial Research Group". Annals of Internal Medicine 122 (8): 561–68. 1 April 1995. doi:10.7326/0003-4819-122-8-199504150-00001. PMID 7887548. 
  60. "Intensive diabetes treatment and cardiovascular disease in patients with type 1 diabetes". The New England Journal of Medicine 353 (25): 2643–53. 1 Desember 2005. doi:10.1056/NEJMoa052187. PMID 16371630. 
  61. a b Templat:NICE
  62. "Therapeutic footwear for people with diabetes". Diabetes/Metabolism Research and Reviews 20 Suppl 1 (Suppl 1): S51–55. 13 Nopember 2004. doi:10.1002/dmrr.435. PMID 15150815. 
  63. "Glycemic Control as Primary Prevention for Diabetic Kidney Disease". Advances in Chronic Kidney Disease 25 (2): 141–148. 1 Maret 2018. doi:10.1053/j.ackd.2017.11.003. PMID 29580578. 
  64. "Diabetic retinopathy: current concepts and emerging therapy". Endocrinology and Metabolism Clinics of North America 42 (4): 721–45. 1 Desember 2013. doi:10.1016/j.ecl.2013.08.001. PMID 24286948. 
  65. "Oral antidiabetic agents: current role in type 2 diabetes mellitus". Drugs 65 (3): 385–411. 13 Nopember 2005. doi:10.2165/00003495-200565030-00005. PMID 15669880. 
  66. a b "Oral antidiabetic agents: current role in type 2 diabetes mellitus". Drugs 65 (3): 385–411. 13 Nopember 2005. doi:10.2165/00003495-200565030-00005. PMID 15669880. 
  67. Nelson, Mark. "Drug treatment of elevated blood pressure". Australian Prescriber (33): 108–12. http://www.australianprescriber.com/magazine/33/4/108/12. Diakses pado 11 Agustus 2010. 
  68. "Effect of angiotensin-converting enzyme inhibitors and angiotensin II receptor blockers on all-cause mortality, cardiovascular deaths, and cardiovascular events in patients with diabetes mellitus: a meta-analysis". JAMA Internal Medicine 174 (5): 773–85. 1 Mai 2014. doi:10.1001/jamainternmed.2014.348. PMID 24687000. 
  69. "Aspirin for primary prevention of cardiovascular events in people with diabetes: a position statement of the American Diabetes Association, a scientific statement of the American Heart Association, and an expert consensus document of the American College of Cardiology Foundation". Diabetes Care 33 (6): 1395–402. 1 Juni 2010. doi:10.2337/dc10-0555. PMID 20508233. 

Pautan lua[suntiang | suntiang sumber]

Klasifikasi
Sumber lua