Suku Piliang

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Suku Piliang adolah salah satu suku (klan) nan ado dalam kalompok suku Minangkabau. Suku iko marupoan salah satu suku induak nan bakarabaik jo suku Koto mambantuak Adaik Katumanggungan nan juo tanamo jo Lareh Koto Piliang.

Etimologi[suntiang | suntiang sumber]

Manuruik A.A. Navis, kato Piliang tabantuak dari duo kato iyolah Pele aratinyo banyak jo Hyang aratinyo Dewa atau Tuhan.[1] jadi Pelehyang aratinyo adolah banyak dewa. Iko manunjuakan baso di maso lampau, suku Piliang adolah suku pamuja banyak dewa, nan barangkali sarupo jo kapicayoan Hindu.

Sijarah[suntiang | suntiang sumber]

Ado juo versi nan mangatokan suku Piliang nan marupoan sudaro dari suku Koto, nan cenderung disabuik jo Koto Piliang barasa dari "Kato Pilihan". Koto barasa dari kato (Ucapan) jo Piliang barasa dari Pilihan, (Unggulan). Jadi Koto Piliang adolah barasa dari Kato Pilihan. Dalam Tambo Minangkabau Koto Piliang adolah pamaciak tampuak kakuasoan (pamarintahan) karano DT. Katumanggungan badarah bangsawan (rajo). Jadi dirunuik dari sinan adokalonyo kato pilihan asa kato Koto Piliang ado bananyo, karano kato rajo (panguaso) adolah kato-kato pilihan nan ka kalua dari muluiknyo.

Pamekaran[suntiang | suntiang sumber]

Suku iko maalami pamekaran manjadi babarapo pacahan suku yaitu:

  • Piliang Guci (Guci Piliang di nagari Koto Gadang, Agam)
  • Pili di nagari Talang, Sungai Puar (Agam)
  • Koto Piliang di nagari Kacang, Solok jo Lubuk Jambi, Kuantan Mudik, Riau
  • Piliang Laweh di Tanjung Alam, Tanah Datar jo Piliang Lowe di ([[Kuantan Singingi))
  • Piliang Sani (Piliang Soni) di Kuantan Singingi, Riau jo nagari Singkarak, Solok
  • Piliang Baruah
  • Piliang Bongsu
  • Piliang Cocoh,
  • Piliang Dalam
  • Piliang Koto
  • Piliang Koto Kaciak
  • Piliang Patar
  • Piliang Sati
  • Piliang Batu Karang di nagari Singkarak, Solok
  • Piliang Guguak di nagari Singkarak, Solok
  • Piliang Ateh (Kuantan Singingi)
  • Piliang Bawah (Kuantan Singingi)
  • Piliang Godang (Piliang Besar)
  • Piliang Kaciak (Piliang Kecil)

Pasebaran[suntiang | suntiang sumber]

Suku iko banyak manyeba ka babagai wilayah Minangkabau iyolah Tanah Datar, Agam, Limo Puluah Koto, Solok, Riau, Padang, jo babarapo daerah lainnyo. Dari babarapo sumber, dikatahui indak ado suku iko di Pasisia Selatan jo Solok Selatan.

Wilayah Rantau dari Suku iko alah mancapai ampia saluruah wilayah nan ado di Indonesia, nan mancakuik wilayah Sumatera. Wilayah barat Riau, wilayah selatan Sumatera Utara, wilayah tenggara, selatan jo barat Aceh, wilayah utara Bengkulu, jo wilayah selatan Jambi.

Karabaik[suntiang | suntiang sumber]

Di bawah payuang suku Koto-Piliang, ado banyak suku lain nan banauang, diantaronyo adolah :

  1. suku Tanjung
  2. suku Guci
  3. Suku Sikumbang
  4. Suku Malayu
  5. Suku Kampai
  6. Suku Panai
  7. Suku Bendang

Suku Piliang badatuak bakeh Datuak Katumanggungan di zaman Adityawarman. Gala-gala basa Adaik dalam Pasukuan Piliang antaro lain :

Rujuakan[suntiang | suntiang sumber]

  1. Navis, Ali Akbar (1984). Alam Takambang Jadi Guru. Jakarta, PT. Pustaka Grafitipers. 

Pautan lua[suntiang | suntiang sumber]