Suku Caniago

Wikipedia Minangkabau - Lubuak aka tapian ilimu

Suku Caniago Suku Chaniago adolah klan (marga) asal nan dibuek dek Datuk Parpatih Nan SabaTang nan marupokan salah satu suku/marga induk etnis Minangkabau selain Koto, Piliang dan Bodi. Suku ko dibuek dek Datuak Parpatiah Nan Sabatang nan marupokan salah satu suku induak di Minangkabau salain suku Koto, suku Piliang, jo suku Bodi. Suku Chaniago iyolah suku asli atau pribumi di Minang mamiliki falsafah iduik demokratis, iyolah jo manjunjaung tinggi falsafah "bulek aia dek pambuluah, bulek kato dek mufakat. Nan bulek samo digolongkan, nan picak samo dilayangkan". Dek hal itulah mangko pado masyarakaik suku Chaniago sadoalah kaputusan nan ka diambiak untuak suatu urusan musti malalui suatu proses musyawarah untuak mufakaik.

Falsafah tasabuik tacamin pulo pado bantuak arsitektur rumah adaik Bodi Chaniago nan ditandoi jo indak adonyo anjuang pado kadua sisi bangunan Rumah Gadang. Hal tasabuik manandokan baso tingkek kasta urang indak mambuek pabedaan palakuan antaro nan tinggi jo nan randah. Hal nan mambedakan tinggi randahnyo sasaurang pado masyarakaik suku Chaniago hanyolah dinilai dari gadangnyo tangguang jawek nan dipikua dek urang tasabuik.

Salah satu falsafah lain untuak mancari kato sapakaik dalam maambiak kaputusan pado suku Chaniago adolah "aia mambasuik dari bumi" aratinyo suaro nan musti didangakan adolah suaro nan datang dari bawah atau suaro itu adolah suaro rakyaik ketek, baru kudian dirapekkan dalam sidang musyawarah untuak mandapek sabuah kato mufakaik barulah pimpinan tatinggi baiak rajo maupun pangulu nan manatapkan kaputusan tasabuik.

Pacahan Suku[suntiang | suntiang sumber]

  1. Sumagek
  2. Mandaliko
  3. Panyalai
  4. Payobadar

Gala Datuak Suku Chaniago[suntiang | suntiang sumber]

Di antaro gala datuak suku ko adolah :

  • Datuak Rajo Pangulu
  • Datuak Kando Marajo
  • Datuak Manjinjiang Alam
  • Datuak Bandaro Sati
  • Datuak Rajo Alam
  • Datuak Kayo
  • Datuak Rajo Nan Sati
  • Datuak Paduko Jalelo
  • Datuak Rajo Perak
  • Datuak Paduko Amat
  • Datuak Saripado Marajo
  • Datuak Pangulu Basa
  • Datuak Tan Basa
  • Datuak Rangkayo Kaciak
  • Datuak Patih
  • Datuak Rajo Di Aceh

Tokoh[suntiang | suntiang sumber]

Caliak pulo[suntiang | suntiang sumber]

Gala Datuak Minangkabau

Pautan lua[suntiang | suntiang sumber]