Suku Bodi

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Suku Bodi marupokan salah satu suku di Minangkabau nan juo marupokan sekutu dari Suku Caniago nan kamudian mambantuak Adaaik Perpatih atau dikana juo jo namo Lareh Bodi Caniago. Manuruik tambo Minangkabau, pasekutuan iko didirikan dek Datuk Perpatih Nan Sebatang.[1]

Etimologi[suntiang | suntiang sumber]

Bodi barasa dari bodhi kato dalam bahaso Sanskerta nan maknanyo bararti nan alah mandapek patunjuak. Bodi dapek dirujuak kapado pohon Bodhi, yaitu sabuah pohon nan sangek penting bagi patapa Buddhisme, dan kononnyo dahulu masyarakaaik suku iko adolah panganut Buddha nan taaik, serta suku iko alah manampeki wilayah kawasan Minang jauah sabalum datangnyo agama Islam. Manuruik tambo suku iko tamasuak salah satu suku awal dalam tatanan masyarakaik Minangkabau.

Panghulu adaik[suntiang | suntiang sumber]

Saparti dalam tradisi Minang lainnyo, pengulu suku salalu diagiah galaran datuak, babarapo galaran datuak pado suku Bodi antaro lain Datuk Sinaro Nan Pandak, Datuk Marajo Nan Rambayan di nagari Aie Tabik.

Pasebaran[suntiang | suntiang sumber]

Masyarakaik suku iko tagadang di wilayah darek (padalaman Minangkabau) diantaronyo pado kawasan kabupaten Tanah Datar, kabupaten Lima Puluh Kota dan kota Payakumbuh.

Pemekaran[suntiang | suntiang sumber]

Jo mampahatikan keterkaitan antar suku dalam masyarakaik adaik Minangkabau, suku Bodi indak malakukan pemekaran, tatapi pado nagari tatantu suku iko bagabuang jo suku Caniago sahinggo kamudian manjadi Suku Budi-Caniago atau Suku Bodi-Caniago, misalnyo di kanagarian Lubuk Jambi, Kuantan Mudik, Riau.

Rujuakan[suntiang | suntiang sumber]

  1. Batuah, A. Dt. (1959). Tambo Minangkabau dan Adatnya. Jakarta: Balai Pustaka.