Lareh Bodi Caniago

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Lareh Bodi Caniago adolah salah satu sistem adaik Minangkabau nan batumpu pado musyawarah jo mufakaik. Sistem adaik ko dikambangkan dek Datuak Parpatih Nan Sabatang, dan balaku di hampie saluruah wilayah budayo Minangkabau, utamonyo di Luhak Limo Puluah Kota, Kabupaten Kerinci, Nagari Sambilan, dan sabagian Malaka. Bodi Caniago barasal dari Bahaso Sanskerta: bodhi, catni, jo arga, nan bararti puncak parmikiran nan gamilang. Wilayah partamo panyabaran sistem adaik iko adolah wilayah Limo Kaum, Kabupaten Tanah Datar. Pucuak Bulek (Junjungan Adaik) kalarasan iko adolah Datuak Bandaro Kuniang nan di dalam Ranji Limbago Adaik Alam Minangkabau bagala Gajah Gadang Patah Gadiang,bakadudukan di Kubu Rajo, Limo Kaum.

.... putuih rundiang di sakato, rancak rundiang dipakati, dilahia alah samo nyato, dibatin samo dilihati, talatak suatu di tampeknyo, di dalam cupak jo gantang, di lingkuang barih jo balabeh, nan dimakan mungkin jo patuik, dalam kandungan adat jo pusako, adat Datuak Parpatiah Nan Sabatang... — Adagium Adat Bodi Caniago.

Malaysia[suntiang | suntiang sumber]

Di Malaysia, sistem adaiki ko dikana jo Adaik Parpatiah. Adaik Parpatiah marupoan salah satu bantuak sistem demokrasi Malayu. Sarupo dalam panantuan Yang Dipertuan Besar Negeri Sembilan. Dimano indak balaku sistem warih turun-tamurun dari apak ka anak, tatapi malalui pamiliahan badasaan Undang Luak nan ampek, yaitunyo "Undang Rembau", "Undang Sungai Ujung", "Undang Johol", jo "Undang Jelebu". Ampek undang iko kan bamusyawarah untuak malantiak salah surang katurunan dari rajo Pagaruyung untuak manjadi Yang Dipertuan Gadang. Undang Luak juo dilantik dek datuak-datuak lambago di luak (daerah) masiang-masiang. Dato Lambago iko pulo adolah pamimpin-pamimpin nan dilantiak sacaro muafakaik dek pamimpin-pamimpin kaluarga nan digala "Bapak". Darisiko taliek, bahwasannyo sacaro kasaluruahan pamimpin dipiliah dek rakyaik biaso.

Ciri-ciri Utamo Lareh Bodi Caniago[suntiang | suntiang sumber]

  • Dalam pangambilan kaputusan badasakan musyawarah mufakaik. Kato surang dibuleti, kato basamo kato mufakat. Lah dapek rundiang nan saiyo, lah dapek kato nan sabuah. Pipiah nan indak basuduik, bulek nan indak basandiang. Takuruang makanan kunci, tapauik makanan lantak. Saukua mako manjadi, sasuai mangko takana. Putuih gayuang dek balabeh, putuih kato dek mufakat. (kata seorang dibulati, kata bersama kata mufakat. Sudah dapat berunding yang seiya, sudah dapat kata yang sebuah. Pipih tidak bersudut, bulat tidak bersanding. Terkurung makanan kunci, terpaut makanan lantak. Seukur maka terjadi, sesuai maka dipasangkan. Putus gayung karena belebas, putus kata karena mufakat).
  • Kadudukan sado pangulu mampunyoi darajaik nan samo. Duduak sahamparan, tagak sapamatang (duduk sehamparan, tegak sepematang)
  • Corak Rumah Gadang nan balantai data.
  • Gala pusako (pangulu) dapek digantian, maskipun panyandang gala masih iduik.

Suku-suku dalam Lareh Bodi Caniago[suntiang | suntiang sumber]

Liek pulo[suntiang | suntiang sumber]

Rujuakan[suntiang | suntiang sumber]

  • Sangguno Diradjo, Dahler Abdul Madjid, Radjo Mangkuto (Datuk); Mustika Adat Alam Minangkabau‎; Proyek Penerbitan Buku Bacaan dan Sastra Indonesia dan Daerah, 1979
  • Nellie S. L. Tan-Wong, Vipin Patel, Adat perpatih: a Matrilineal System in Nagari Sembilan, Malaysia and Other Matrilineal Kinship Systems Throughout the World, Wintrac (WWB/Malaysia) Sdn. Bhd, 1992

Pranala lua[suntiang | suntiang sumber]