Soekarno

Dari Wikipedia baso Minang, ensiklopedia bebas
Lompek ka: navigasi, cari
Ir. Soekarno
Sukarno in Havana.jpg
Presiden Indonesia ka-1
Maso jabatan
17 Agustus 1945 – 12 Maret 1967 (21 tahun)
Wakia Presiden Mohammad Hatta (1945)
Didaului jo Indak ado, jabatan baru
Digantian dek Soeharto
Data paribadi
Lahia 6 Juni 1901
Flag of the Netherlands.svg Surabaya, Jawa Timur, Hindia Belanda
Wafaik 21 Juni 1970 (umua 69)
Bendera Indonesia Jakarta, Indonesia
Kabangsaan Indonesia
Partai politik PNI
Pasangan hiduik Oetari (1921–1923)
Inggit Garnasih (1923–1943)
Fatmawati (1943–1956)
Hartini (1952–1970)
Kartini Manoppo (1959–1968)
Ratna Sari Dewi (1962–1970)
Haryati (1963–1966)
Yurike Sanger (1964–1968)
Heldy Djafar (1966–1969)
Anak Guntur Soekarnoputra
Megawati Soekarnoputri
Rachmawati Soekarnoputri
Sukmawati Soekarnoputri
Guruh Soekarnoputra (dari Fatmawati)
Taufan Soekarnoputra
Bayu Soekarnoputra (dari Hartini)
Totok Suryawan (dari Kartini Manoppo)
Kartika Sari Dewi Soekarno (dari Ratna Sari Dewi)
Profesi Insinyur
Politikus
Agamo Islam
Tando tangan

DR. Ir. H. Soekarno (ER, EYD : Sukarno) (lahia di Surabaya, 6 Juni 1901 – maningga di Jakarta, 21 Juni 1970 pado umua 69 taun) adolah Presiden Indonesia patamo nan manjabat pado pariode 1945–1966. Inyo mamainkan paranan pantiang untuak mamardekakan bangsa Indonesia dari panjajahan Balando. Soekarno adolah panggali Pancasila karano inyo nan patamo kali mancantuihan konsep manganai dasar nagara Indonesia tu jo inyo sandiri nan manamoinyo Pancasila. Inyo adolah roklamator Kamardekaan Indonesia (basamo dangan Mohammad Hatta) nan tajadi pado tariah 17 Agustus 1945.

Soekarno manandotangani Surek Parentah 11 Maret 1966 (Supersemar) nan kontroversial, nan isinyo - badasarkan versi nan dikaluakan Markas Besar Angkatan darek - manugaskan Letnan Jenderal Soeharto untuak mangamankan jo manjago kaamanan nagara jo institusi kapresidenan. Supersemar manjadi dasar Letnan Jenderal Soeharto untuak mausaikan Partai Komunis Indonesia (PKI) jo mangganti anggota-anggotanyo nan duduak di parlemen. Setelah patangguang jawekannyo ditolak Majelis Pamusyawaratan Rakyaik Samantaro (MPRS) pado sidang umum ka ampek taun 1967, Presiden Soekarno dibarantikan dari jabatannyo sebagai presiden pado Sidang Istimewa MPRS di taun nan samo jo mangangkek Soeharto sabagai pajabaik Presiden Republik Indonesia.

Asa usua namo[suntiang | sunting sumber]

Katiko dilahiakan, Soekarno dibarikan namo Kusno Sosrodihardjo oleh urangtuonyo. Namun karano inyo sering sakik maka katiko baumua limo taun namonyo diubah manjadi Soekarno oleh ayahnyo. Namo tasebuik diambiak dari saurang panglimo parang dalam kisah Bharata Yudha yaitu Karna. Namo "Karna" diubah manjadi "Karno" karano dalam baso Jawa huruf "a" barubah manjadi "o" sadangkan awalan "su" mamiliki arti "baiak".

Di kamudian hari katiko manjadi Presiden R.I., ejaan namo Soekarno diganti olehnyo sandiri manjadi Sukarno karena menurutnya nama tasabuik manggunakan ejaan panjajah (Balando). Inyo tetap manggunokan nama Soekarno dalam tando tangannyo karano tanda tangan tasabuik adolah tanda tangan nan tacantum dalam Teks Proklamasi Kemerdekaan Indonesia nan indak buliah diubah. Sabutan akrab untuak Soekarno adolah Bung Karno.

Paragiah namo Achmed[suntiang | sunting sumber]

Di babarapo nagara Barat, namo Soekarno kadang-kadang dituliih Achmed Soekarno. Hal iko tajadi karano katiko Soekarno patamo kali bakunjuang ka Amerika Sarikaik, sajumlah wartawan batanyo-tanyo, "Sia namo ketek Soekarno?" karano mareka indak mangarati kabiasoan sabagian masyarakaik di Indonesia nan hanyo manggunokan ciek namo sajo atau indak mamiliki namo kaluarga. Antah baa, sasaurang lalu manambahkan namonyo dangan kato Achmed di muko namo Soekarno.

Sukarno manyabuikkan bahaso namo Achmed di dapeknyo katiko manunaikan ibadah haji. Dalam babarapo versi lain, disebuikkan pambarian namo Achmed di muko namo Sukarno, dilakukan oleh para diplomaik muslim asa Indonesia nan sadang malakukan misi lua nagari dalam upayo untuak mandapaikkan pangakuan kadaulatan nagara Indonesia oleh nagara-nagara Arab.

Kaiduikan[suntiang | sunting sumber]

Maso ketek jo remaja[suntiang | sunting sumber]

Rumah maso ketek Bung Karno

Soekarno dilahiakan dangan saurang ayah nan banamo Raden Soekemi Sosrodihardjo jo ibunya yaitu Ida Ayu Nyoman Rai. Kaduonyo batamu katiko Raden Soekemi nan marupoan saurang guru ditampekkan di Sakolah Dasar Pribumi di Singaraja, Bali. Nyoman Rai marupoan katurunan bangsawan dari Bali jo baagamo Hindu sadangkan Raden Soekemi sandiri baagamo Islam. Mareka alah mamiliki saurang putri nan barnamo Sukarmini sabalum Soekarno lahir. Katiko ketek Soekarno tingga basamo kakeknyo, Raden Hardjokromo di Tulung Agung, Jawa Timur.

Ia basikola patamo kali di Tulung Agung hinggo akhirnyo inyo pindah ka Mojokerto, mangikuik urangtuonyo nan ditugehkan di kota tasebuik. Di Mojokerto, ayahnyo mamasukan Soekarno ka Eerste Inlandse School, sekolah tempat ia bekerja. Kemudian pada Juni 1911 Soekarno dipindahkan ke Europeesche Lagere School (ELS) untuak mamudahkannya ditarimo di Hoogere Burger School (HBS). Pado taun 1915, Soekarno alah manyelesaikan pandidikannyo di ELS jo bahasil malanjuikkan ka HBS di Surabaya, Jawa Timur. Inyo dapek ditarimo di HBS ateh bantuan saurang kawan bapaknyo nan banamo H.O.S. Tjokroaminoto. Tjokroaminoto bahkan mambari tampek tingga bagi Soekarno di pondokan kadiamannyo. Di Surabaya, Soekarno banyak batamu dangan para pamimpin Sarekat Islam, organisasi nan dipimpin Tjokroaminoto wakatu tu, sarupojo Alimin, Musso, Dharsono, Haji Agus Salim, jo Abdul Muis. Soekarno kamudian aktif dalam kagiatan organisasi pamuda Tri Koro Darmo nan dibantuak sabagai organisasi dari Budi Utomo. Namp organisasi tasebuik kamudian inyo ganti manjadi Jong Java (Pamuda Jawa) pado 1918. Salain tu, Soekarno jua aktif manulis di harian "Oetoesan Hindia" nan dipimpin oleh Tjokroaminoto.

Tamat H.B.S. taun 1920, Soekarno malanjuikkan ka Technische Hoge School (kini ITB) di Bandung dangan mangambiak jurusan teknik sipil jo tamaik pado taun 1925. Wakatu di Bandung, Soekarno tingga di kadiaman Haji Sanusi nan marupoan anggota Sarekat Islam jo sahabaik karib Tjokroaminoto. Di sinan inyo barinteraksi dangan Ki Hajar Dewantara, Tjipto Mangunkusumo jo Dr. Douwes Dekker, nan wakatu tu marupakan pamimpin organisasi National Indische Partij.

Kiprah politik[suntiang | sunting sumber]

Maso Pagarakan nasional[suntiang | sunting sumber]

Pado taun 1926, Soekarno mandirikan Algemene Studie Club di Bandung nan marupakan hasil inspirasi dari Indonesische Studie Club oleh Dr. Soetomo. Organisasi iko manjadi cikal bakal Partai Nasional Indonesia nan didirikan pado taun 1927. Aktivitas Soekarno di PNI manyababkannyo ditangkok Balando pado bulan Disember 1929, jo mamunculkan pledoinyo nan fenomenal: Indonesia Manggugat, hinggo dibebaskan baliak pado tariah 31 Disember 1931.

Pado bulan Juli 1932, Soekarno bagabung dangan Partai Indonesia (Partindo), nan marupoan pacahan dari PNI. Soekarno ditangkok baliak pado bulan Aguih 1933, jo diasiangkan ka Flores. Di siko, Soekarno hampiang dilupokan oleh tokoh-tokoh nasional. Namun samangaiknyo tatap mambaro sarupojo tasirek dalam satiap sureknyo kapada saurang Guru Persatuan Islam banama Ahmad Hasan.

Pado taun 1938 hinggo taun 1942 Soekarno diasiangkan ke Bengkulu.

Soekarno baru kambali bebas pado maso panjajahan Jaang pado taun 1942.

Maso panjajahan Japang[suntiang | sunting sumber]

Pado awal maso panjajahan Japang (1942-1945), pamerintah Japang talakik indak mamparatikan tokoh-tokoh pagarakan Indonesia tarutamo untuak "mangamankan" kabaradoannyo di Indonesia. Ini taliek pado Gerakan 3A dangan tokohnyo Shimizu jo Mr. Syamsuddin nan kurang baitu populer.

Namun akhirnyo, pamarintahan pandudukan Jepang mamparatikan jo sakaligus mamanfaatkan tokoh tokoh Indonesia sarupojo Soekarno, Mohammad Hatta jo lain-lain dalam satiok organisasi-organisasi jo limbago limbago untuak manariak hati panduduk Indonesia. Disabuikkan dalam babagai organisasi sarupojo Jawa Hokokai, Pusat Tenaga Rakyat (Putera), BPUPKI jo PPKI, tokoh tokoh sarupojo Soekarno, Hatta, Ki Hajar Dewantara, K.H Mas Mansyur jo lain lainnyo disabuik-sabuik jo taliek bagitu aktif. Dan akhirnyo tokoh-tokoh nasional bekerjasama jo pemerintah pendudukan Jepang untuk mencapai kemerdekaan Indonesia, meski ada pula nan malakukan gerakan bawah tanah sarupojo Sutan Syahrir jo Amir Sjarifuddin karano manganggap Jepang adolah fasis nan babahayo.

Presiden Soekarno sandiri, wakatu pidato pambukaan manjalang pambacoan teks proklamasi kamardekaan, mangatokan bahaso musiki sabananyo kito bakarajosamo dangan Japang sabananyo kito picayo jo yakin sarao mangandalkan kakuatan sandiri.

Inyo aktif dalam usaho parsiapan kamardekaan Indonesia, diantaronyo adolah msrumuihkan Pancasila, UUD 1945 jo dasar dasar pamarintahan Indonesia tamasuak marumuskan naskah proklamasi Kamardekaan. Inyo talakik dibujuak untuak manyingkia ka Rengasdengklok, Jawa Barat.

Pado taun 1943, Pardana Mantari Japang Hideki Tojo mangundang tokoh Indonesia yakni Soekarno, Mohammad Hatta jo Ki Bagoes Hadikoesoemo ka Japang jo ditarima langsuang oleh Kaisar Hirohito. Malah kaisar mambarikan Bintang kakaisaran (Ratna Suci) kapado tigo tokoh Indonesia tasabuik. Panganugerahan Bintang tu mambuek pamarintahan pandudukan Japang takajuik, karano hal itu bararti bahaso katigo tokoh Indonesia tu dianggap kaluarga Kaisar Japang sandiri. Pado bulan Aguih 1945, inyo diundang oleh Marsekal Terauchi, pimpinan Angkatan Darek wilayah Asia Tenggara di Dalat Vietnam nan kamudian manyatokan bahaso proklamasi kamardekaan Indonesia adolah urusan rakyaik Indonesia sandiri.

Namun katarlibatannyo dalam badan-badan organisasi bantukan Jepang mamburk Soekarno dituduah oleh Belanda bakarajo samo dangan Japang, antaro lain dalam kasus romusha.

Rujuakan[suntiang | sunting sumber]

  • (Indonesia) Dr. Syafiq A. Mughnie,M.A.,PhD. Hassan Bandung, Pemikir Islam Radikal. PT. Bina Ilmu, 1994, pp 110–111.
  • (Indonesia) Goenarso (1995). Riwayat perguruan tinggi teknik di Indonesia, periode 1920-1942. Bandung: Penerbit ITB.
  • (Indonesia) Sakri, A. (1979a). Dari TH ke ITB: Kenang-kenangan lustrum keempat 2 Maret 1979. Jilid I: Selintas Perkembangan. Bandung: Penerbit ITB.
  • (Indonesia) Sakri, A. (1979b). Dari TH ke ITB: Kenang-kenangan lustrum keempat 2 Maret 1979. Jilid II: Daftar lulusan ITB. Bandung: Penerbit ITB.
  • (Inggirih) Leslie H. Palmier. Sukarno, the Nationalist. Pacific Affairs, vol. 30, No, 2 (Jun. 1957), pp 101–119.
  • (Inggirih) Bob Hering, 2001, Soekarno, architect of a nation, 1901-1970, KIT Publishers Amsterdam, ISBN 90-6832-510-8, KITLV Leiden, ISBN 90-6718-178-1
  • (Balando) Lambert J. Giebels, 1999, Soekarno. Nederlandsch onderdaan. Biografie 1901-1950. Deel I, uitgeverij Bert Bakker Amsterdam, ISBN 90-351-2114-7
  • (Balando) Lambert J. Giebels, 2001, Soekarno. President, 1950-1970, Deel II, uitgeverij Bert Bakker Amsterdam, ISBN 90-351-2294-1 geb., ISBN 90-351-2325-5 pbk.
  • (Balando) Lambert J. Giebels, 2005, De stille genocide: de fatale gebeurtenissen rond de val van de Indonesische president Soekarno, ISBN 90-351-2871-0

Pautan lua[suntiang | sunting sumber]

Jabatan politik
Didaului jo:
tidak ada (Presiden pertama)
lihat: Daftar Penguasa Hindia-Belanda
Presiden Republik Indonesia
1945–1967
Digantian dek:
Soeharto