Karajaan Pagaruyuang

Dari Wikipedia baso Minang, ensiklopedia bebas
Lompek ka: navigasi, cari
Untuak nagari nan banamo samo, caliak Pagaruyung, Tanjung Emas, Tanah Datar.
Pagaruyuang
Malayapura
Pagaruyung Dārul Qadār
Dharmasraya
 
Malayapura
1347–1825 Flag of the Netherlands.svg
Bandera Karajaan Pagaruyuang Lambang Karajaan Pagaruyuang
Bandera Cap Mohor
Lokasi Pagaruyuang
Ibu kota Pagaruyung
Bahaso Minang, Melayu, Sanskerta
Agamo Dari Buddha barubah manjadi Islam
Pamarentahan Monarki
Sejarah
 - Didirikan 1347
 - Parang Padri 1825

Karajaan Pagaruyung atau Pagaruyuang adolah Karajaan Malayu nan pernah badiri, maliputi propinsi Sumatra Barat nan ado kini jo daerah-daerah di sakitarnyo. Namo karajaan iko dirujuak dari Tambo masyarakaik Minangkabau, yaitu namo sabuah nagari nan banamo Pagaruyung. Karajaan iko akhianyo runtuah pado maso Parang Padri. Ditandotanganinyo pajanjian antaro kaum Adaik jo pihak-pihak Balando menjadiaan karajaan Pagaruyung barado dalam pangawasan Balando. Sabalunnyo karajaan iko tagabuang dalam Malayapura basamo jo karajaan Dharmasraya, sarato karajaan-karajaan atau daerah-daerah lain nan di taklukan Adityawarman.

Asa usua[suntiang | suntiang sumber]

Dari Tambo nan ditarimo dek masyarakat Minangkabau indak ado nan mambarikan penanggalan dari satiok kajadian nan balaku, jiko maanggap Adityawarman adolah pandiri dari kerajaan iko, tambo sandiri indak jaleh manyabuiknyo. Namun dari babarapo batubasurek zaman Adityawarman, manunjukan Adityawarman tu memang pernah manjadi rajo di nagari tu, tapeknyo manjadi Tuan Saruaso, sarupo panafsiran dari batubasurek Batusangka.