Wikipedia:Artikel nan Tapiliah/2017

Wikipedia Minangkabau - Lubuak aka tapian ilimu
Bahrain
Bahrain

Karajoan Bahrain (Bahaso Arab: مملكة البحرين, Mamlakah al-Bahrain) adolah sabuah nagara kapulauan di Taluak Persia nan indak mampunyoi pabatehan darek. Taluak Bahrain ko marupoan pamisah antaro nagara ko jo Qatar dan Arab Saudi. Nagara Arab Saudi talatak di barat Bahrain, dan disambuang ka Bahrain liwaik Tambak Raja Fahd nan dibukak sacaro rasmi pado 25 November 1986. Nagara Qatar talatak di selatan Bahrain, di subarang Taluak Persia. Laweh wilayah Bahrain ampia samo jo laweh wilayah DKI Jakarta, iyolah 780 km2. Bahrain ko alah diunyi dek manusia dari jaman pra-sajarah. Bahrain dalam Bahaso Arab nan aratinyo "Duo Lauik". (salangkoknyo...)

Artikel nan Tapiliah sabalunnyo: Kubah NabiBatu basurek Saruaso IIRumpun bahaso Malayu-PolinesiaKurambiakKambiang utan sumatera


Makam Achmad Mochtar
Makam Achmad Mochtar

Prof. Dr. Achmad Mochtar (lahia 10 November 1890 di Sumatera Barat; wafaik 3 Juli 1945 di Jakarta) adolah surang ahli biologi molekuler Indonesia. Baliau luluih pado taun 1916 dari STOVIA, dan mulai praktik sabagai dotor di klinik ketek di Panyabungan, Sumatera Utara. Di sinan baliau batamu jo Wilhelm Schüffner, dotor Jerman ahli panyakik tropis nan sadang manaliti patogen malaria, nan kudian manjadi mentor Achmad Mochtar. Pamarentah kolonial Balando kudian mangiriman baliau untuak malanjuikan pandidiakan kadotorannyo di Universitas Amsterdam. Disertasi baliau baso leptospirosis bukan sabauk dari damam kuniang, batantangan jo pandapek Hideyo Noguchi, surang ahli mikrobiologi Japang. (salangkoknyo...)

Artikel nan Tapiliah sabalunnyo: BahrainKubah NabiBatu basurek Saruaso IIRumpun bahaso Malayu-PolinesiaKurambiak


Kambiang utan sumatera
Kambiang utan sumatera

Kambiang utan sumatera (Capricornis sumatraensis sumatraensis), dalam bahaso Gayo: Noang, bahaso Malayu: Kambing gurun, adolah ciek spesies anggota upafamili kambiang-antelop (Caprinae); nan marupoan hewan asli paunyi utan-utan pagunuangan pulau Sumatera jo samananjuang Thai-Malaya. Kambiang utan sumatera tarancam dek karusakan habitat jo paburuan, inggo dimasuakan dek IUCN ka dalam daftar spesies rentan. Hewan ko dilinduangi di Indonesia, badasar kapado Lampiran Peraturan Pamarentah RI No. 7 Taun 1999, nan ditabikan tangga 27 Januari 1999. Kini ko populasi nan masih tasisa di Indonesia dapek ditamui di Taman Nasional Kerinci Seblat, Taman Nasional Batang Gadis, jo Taman Nasional Gunuang Leuser. (salangkoknyo...)

Artikel nan Tapiliah sabalunnyo: Achmad MochtarBahrainKubah NabiBatu basurek Saruaso IIRumpun bahaso Malayu-Polinesia


Bijayendrawarman adolah namo salah surang yuwaraja (rajo mudo/pangeran) dari Karajaan Malayupura, nan bakuaso pado abaik ka-14 di daerah Pasaman, Sumatera Barat. Namo Bijayendrawarman disabuik dalam Batu basurek Lubuak Layang, nan ditamuan di Pancahan, Rao, Pasaman. Dikatoan baso inyo mandirian sabuah stupa, di suatu tampek nan dinamoan Parwatapuri. Kok diliek sacaro paleografi, bantuak tulisan pado batu basurek tu sarupo jo tulisan lainnyo nan dikaluaan salamo pamarentahan Rajo Adityawarman. Iko aratinyo ado duo yuwaraja di maso nan samo; iyolah Ananggawarman nan disabuik dalam Batu basurek Saruaso II, sarato Bijayendrawarman nan kamungkinan adolah anak pulo dari Rajo Adityawarman. Tampek kakuasoan Bijayendrawarman nan talatak di wilayah perbatasan karajaan (Pasaman), buliah jadi manunjuakan baso inyo adolah anak nan mudo, nan diangkek jadi panguaso untuak daerah tu. Kamungkinan nan lain adolah Bijayendrawarman baubuangan jo Akarendrawarman, iyolah panguaso karajaan sabalun Adityawarman. (salangkoknyo...)

Artikel nan Tapiliah sabalunnyo: Kambiang utan sumateraAchmad MochtarBahrainKubah NabiBatu basurek Saruaso II


Patamuan Batang Hari jo Batang Tembesi (poto k.1877-79)
Patamuan Batang Hari jo Batang Tembesi (poto k.1877-79)

Batang Hari (kadang ditulih juo Batanghari) adolah sabuah batang aia nan maalia malalui duo provinsi, iyolah Sumatera Barat dan Jambi, di bagian tangah pulau Sumatera, Indonesia. Batang aia ko adolah nan tapanjang di pulau Sumatera, iyolah mancapai 800 km sajak dari ulu inggo ka muaronyo, sarato lebanyo mancapai 500 km. Mato aianyo baasa dari Gunuang Rasan (2585 m), dan ulunyo adolah dari Danau Diateh, Solok. Dari Solok, Batang Hari baturuik-turuik malewati kabupaten-kabupaten Solok Selatan, Dharmasraya, Bungo, Tebo, Batang Hari, Kota Jambi, Muaro Jambi, dan Tanjung Jabung Timur, inggo tibo di lauik lapek dakek Muara Sabak. (salangkoknyo...)

Artikel nan Tapiliah sabalunnyo: BijayendrawarmanKambiang utan sumateraAchmad MochtarBahrainKubah Nabi


Danau Toba
Danau Toba

Danau Toba adolah sabuah danau nan maisi kaldera gunuang barapi super (supervolcano), nan talatak di tangah-tangah bagian utara pulau Sumatra, Indonesia. Danau ko baukuran panjang labiah kurang 100 kilometer, lebanyo 30 kilometer, jo kadalamannyo inggo 505 meter (1,666 kaki). Danau ko mampunyoi elevasi muko labiah kurang 900 meters (2,953 ft), jo tabantang dari 2°53′N 98°31′E / 2.88°N 98.52°E / 2.88; 98.52 inggo 2°21′N 99°06′E / 2.35°N 99.1°E / 2.35; 99.1. Iko adolah danau tagadang di Indonesia, juo danau vulkanik tagadang di dunia. (salangkoknyo...)

Artikel nan Tapiliah sabalunnyo: Batang HariBijayendrawarmanKambiang utan sumateraAchmad MochtarBahrain


Logo rasmi Tour de Singkarak
Logo rasmi Tour de Singkarak

Tour de Singkarak adolah kajuaroan balap sapeda rasmi dari Pasatuan Balap Sapeda Internasional (Union Cycliste International) nan diadoan satiok taun di Sumatera Barat. Kajuaroan nan patamo kali dimulai pado taun 2009 ko marupoan balapan jalan raya jarak jauah nan umumnyo diadoan sakita bulan April inggo Juni, dan balansuang salamo saminggu. Kajuaroan iko alah manjalin karajosamo jo Amaury Sport Organisation, nan adolah panyalanggara Tour de France di Parancih. Sasuai jo namonyo, Danau Singkarak manjadi salah satu bagian dari jalua linteh Tour de Singkarak iko. (salangkoknyo...)

Artikel nan Tapiliah sabalunnyo: Danau TobaBatang HariBijayendrawarmanKambiang utan sumateraAchmad Mochtar


Batu basurek Padang Roco
Batu basurek Padang Roco

Batu basurek Padang Roco adolah ciek batu basurek nan ditamuan pado taun 1911 di ulu Batanghari, kompleks pacandian Padangroco, nagari Siguntur, kacamatan Sitiung, kabupaten Dharmasraya, Sumatera Barat. Batu basurek ko tapahek pado aleh (lapik) patuang Amoghapāśa, nan kaampek sisinyo tadapek naskah. Batu basurek ko barupo 4 barih tulisan mamakai uruf Jawa Kuno, dan dalam duo bahaso (Malayu Kuno jo Sanskerta). Batu basurek ko kini tasimpan di Museum Nasional Indonesia di Jakarta. (salangkoknyo...)


Artikel nan Tapiliah sabalunnyo: Tour de SingkarakDanau TobaBatang HariBijayendrawarmanKambiang utan sumatera


Saridjah Niung, atau Ibu Soed
Saridjah Niung, atau Ibu Soed

Saridjah Niung Bintang Soedibjo, labiah dikana jo namo lbu Soed, adolah surang pamusik jo pangarang lagu anak-anak Indonesia nan tanamo. Baliau dikataui alah mambuek indak kurang dari 200 lagu anak-anak populer salamo iduiknyo, bahkan Museum Rekor Indonesia lah mancatat karya baliau inggo 480 buah lagu. Salain manyanyi jo mancipta lagu batema patriotik jo untuak kanak-kanak, Ibu Soed dapek pulo mamainan biola; bahkan pado patamo kali lagu Indonesia Raya dinyanyian di Gedung Pemuda pado 28 Oktober 1928, baliau ikuik mairiangi jo biolanyo. Di sampiang bamusik, Ibu Soed pandai juo mambatik. (salangkoknyo...)

Artikel nan Tapiliah sabalunnyo: Batu basurek Padang RocoTour de SingkarakDanau TobaBatang HariBijayendrawarman


Pustaha mitologi Batak
Pustaha mitologi Batak

Mitologi Batak adolah kapicayoan asali nan daulu dianuik dek urang Batak di Sumatera Utara, iyolah sabalun datangnyo agamo-agamo Kristen Protestan, Kristen Katolik, ataupun Islam. Dalam kapicayoan ko, dewa tatinggi nan mambuek alam rayo jo sagalo isinyo adolah Debata (Ompung) Mulajadi na Bolon, nan batahta di ateh langik. Debata Mulajadi na Bolon juo panguaso dunia tangah tapi disabuik jo namo Silaon na Bolon, dan sabagai panguaso dunia mukaluik aluih disabuik Pane na Bolon. Tasabuik lah juo saikua ayam ajaib banamo Manukmanuk Hulambujati, nan batalua tigo nan manatehan dewa-dewa Debata Batara Guru, Debata Sorisohaliapan, jo Debata Balabulan, nan sacaro basamo-samo disabuik Debata na Tolu. (salangkoknyo...)

Artikel nan Tapiliah sabalunnyo: Saridjah NiungBatu basurek Padang RocoTour de SingkarakDanau TobaBatang Hari


Nan Triveni Achnas pado 43rd Karlovy Vary International Film Festival
Nan Triveni Achnas pado 43rd Karlovy Vary International Film Festival

Nan Achnas adolah sutradara jo produser padusi asal Indonesia. Karya filmnyo banyak mandapekkan panghargoan di babagai festival film international. Nan Achnas, dilahiakan di Singapura, kamudian tumbuah gadang di Kuala Lumpur. Ayahnyo banamo Nas Achnas, urang Minangkabau asa Padangpanjang nan bakarajo sabagai sutradara film di Singapura jo Malaysia. Ibunyo Ida Lochfiah, urang Mandailing. Basamo dangan Riri Riza, Mira Lesmana, jo Rizal Mantovani mambuek sabuah film nan bajudua Kuldesak pado taun 1998. Taun 2001, mambuek film Pasir Berbisik nan mandapekkan salapan panghargoan dari babagai Festival Film International. (salangkoknyo...)

Artikel nan Tapiliah sabalunnyo: Mitologi BatakSaridjah NiungBatu basurek Padang RocoTour de SingkarakDanau Toba


Makam Fatimah binti Maimun, di Leran, Manyar, Gresik.
Makam Fatimah binti Maimun, di Leran, Manyar, Gresik.

Fatimah binti Maimun bin Hibatullah adolah surang padusi baagamo Islam nan wafaik pado ari Juma'at, 7 Rajab 475 Hijriyah (2 Desember 1082 M). Batu nisannyo ditulih dalam bahaso Arab jo uruf kaligrafi caro Kufi, sarato marupoan nisan kubua Islam tatuo nan ditamuan di Nusantara. Makam tasabuik barado di desa Leran, Kacamatan Manyar, sakita 5 km arah utara kota Gresik, Jawa Timur. Makam tasabuik barado di desa Leran, Kacamatan Manyar, sakita 5 km arah utara kota Gresik, Jawa Timur. Kaligrafi caro Kufi tasabuik manunjukan baso di antaro pandatang di kawasan pantai tu tadapek urang-urang asa Timua Tangah, dan mareka mungkin adolah pedagang, sabauk nisan kubua jo kaligrafi caro Kufi nan sarupo tu ditamuan juo di Phanrang, Champa selatan. (salangkoknyo...)


Artikel nan Tapiliah sabalunnyo: Nan AchnasMitologi BatakSaridjah NiungBatu basurek Padang RocoTour de Singkarak