Batu basurek Padang Roco

Batu basurek Padang Roco

Batu basurek Padang Roco tatulih pado aleh pasagi (lapik) dari Patuang Amoghapasa
Material	Batu andesit
Dibuek	1208 Saka atau 1286 Masehi
Ditamuan	Padangroco, nagari Siguntur, kecamatan Sitiung, kabupaten Dharmasraya, Sumatera Barat (1911)
Lokasi saaik iko	Museum Nasional Indonesia, Jakarta
Registrasi	D.198-6468

Batu basurek Padang Roco adolah ciek batu basurek nan ditamuan pado taun 1911 di ulu Batanghari, kompleks pacandian Padangroco, nagari Siguntur, kecamatan Sitiung, kabupaten Dharmasraya, Sumatera Barat. Batu basurek ko tapahek pado aleh (lapik) patuang Amoghapāśa, nan kaampek sisinyo tadapek naskah (NBG 1911: 129, 20e). Batu basurek ko barupo 4 barih tulisan mamakai uruf Jawa Kuno, dan dalam duo bahaso (Malayu Kuno jo Sanskerta) (Krom 1912, 1916; Moens 1924; dan Pitono 1966). Batu basurek ko kini tasimpan di Museum Nasional Indonesia di Jakarta, nomor inventaris D.198-6468 (bagian aleh atau batu basurek) dan D.198-6469 (bagian patuang).

Asa usua

Batu basurek ko baangka taun 1208 Saka atau 1286 Masehi, ditulih pado patuang Amoghapāśa adiah dari Śrī Mahārājādhirāja Keṛtanagara Wikrama Dharmmottunggadewa, rajo dari Karajaan Singhasari di Jawa untuak rakyaik dan Rajo Karajaan Malayu Dharmasraya di Sumatera. Batu basurek ko mancaritoan baso pado taun 1208 Saka, ateh parentah Rajo Kertanegara dari Singhasari, ciek Patuang Amoghapasalokeswara dibao dari Bhumijawa ka Swarnabhumi untuak ditagakan di Dharmasraya. Dangan adiah ko diarokan supayo rakyaik Swarnabhumi bagirang ati jo basuko cita, tarutamo rajanya Śrī Mahārāja Śrīmat Tribhuwanarāja Mauliwarmmadewa.

Isi batu basurek

Isi dari batu basurek ko manuruik tajamahan dek Prof. Slamet Muljana:

1. Bahagia ! Pado taun Śaka 1208, bulan Bādrawāda, hari patamo bulan naik, hari Māwulu wāge, hari Kamis, Wuku Madaṇkungan, latak raja bintang di baratdaya ...
2. .... tatkalai itulah arca Paduka Amoghapāśa Lokeśwara jo ampek baleh pengikut sarato tujuah ratna permata dibaok dari Bhūmi Jāwa ka Swarnnabhūmi, supaya ditegakkan di Dharmmāśraya,
3. sabagai hadiah Śrī Wiśwarūpa Kumāra. Untuk tujuan tasabuik Pāduka Śrī Mahārājādhirāja Kṛtanagara Wikrama Dharmmottunggadewa memerintahkan Rakryān Mahā-mantri Dyah Adwayabrahma, Rakryān Śirīkan Dyah Sugatabrahma dan
4. Samagat Payānan Hań Dīpankaradāsa, Rakryān Damun Pu Wīra untuak menghantarkan Pāduka Amoghapāśa. Semoga hadiah itu mambuek gembira segenap rakyaik di Bhūmi Mālayu, tamasuak brāhmaṇa, ksatrya, waiśa, sūdra dan tarutamo pusek segenap para āryya, Śrī Mahārāja Śrīmat Tribhuwanarāja Mauliwarmmadewa.

Caliak pulo

• Daftar batu basurek di Sumatera Barat
• Batu basurek Bukik Gombak (o.j.o. CXXI)
• Batu basurek Amoghapasa, tulisan nan ditambahan dek Adityawarman pado bagian balakang Patuang Amoghapasa, pado taun 1347