Pulau

Dari Wikipedia baso Minang, ensiklopedia bebas
Jump to navigation Jump to search
Pulau ketek di Lauik Adriatik

Pulau adolah sabidang tanah nan labiah ketek daripado benua dan labiah gadang dari karang, nan dikaliliangi aia. Kumpulan babarapo pulau dinamokan pulau-pulau atau kapulauan (bahaso Inggris: archipelago).

Konvensi PBB tentang Hukum Lauik Internasional tahun 1982 (UNCLOS ’82) pasal 121 mandefinisikan pulau (Ingg.: island) sabagai "daratan nan tabantuak sacaro alami sarato dikaliliangi dek aia, dan selalu nampak di ateh aia pado wakatu pasang naiak tatinggi". Di lain kato, sabuah pulau indak buliah tabanam pado wakatu aia pasang naiak. Dampaknyo, ado ampek syarat nan musti dipanuahi supayo dapek disabuik sabagai 'pulau', yakni[1]:

  • ado lahan daratan
  • tabantuak sacaro alami, bukan lahan reklamasi
  • dikaliliangi dek aia, antah itu aia asin (lauik) ataupun tawa
  • selalu ado di ateh garis pasang tinggi.

Dengan demikian, gosong pasia, lumpur ataupun karang, nan tarandam aia pasang tinggi, manuruik definisi tasabuik indak dapek disabuik sabagai pulau. Baitupun gosong lumpur atau paparan lumpur nan ditanami mangrove, nan tarandam dek aia pasang tinggi, meskipun pohon-pohon bakaunyo selalu muncul di ateh muko air[1].

Pulau punyo baragam panyabuikan di Indonesia. Bantuk indak bakunyo adolah pulo. Kato pinjaman dari bahaso Sanskerta juo acok dipakaikan, nusa. Di lapeh pantai timur Jawa urang manyabuik pulau ketek sabagai gili.

Caliak pulo[suntiang | suntiang sumber]

Rujuakan[suntiang | suntiang sumber]

  1. ^ a b Retraubun, A. Mengidentifikasi Pulau, artikel Harian Kompas 06/07/2009:14